ໃນປີ 2022, ບໍລິສັດ ລ້ານຊ້າງ ມິເນໂຣນສ໌ ລິມິເຕັດ (ລຊມລ) ບໍ່ຄຳ-ທອງ ເຊໂປນ ສາມາດຜະລິດຄຳໄດ້ຫຼາຍກວ່າ 6,7 ໂຕນ ແລະ ທອງ 6.600 ໂຕນ ອັນໄດ້ສະໜັບສະໜູນລາຍຮັບຈາກການສົ່ງອອກ ແລະ ການພັດທະນາເສດຖະກິດ-ສັງຄົມ ຢູ່ໃນ ສປປ ລາວ.

ຄາດໝາຍການຜະລິດທີ່ຕັ້ງໄວ້ສຳລັບປີ 2023 ແມ່ນ ຄຳຫຼາຍກວ່າ 6 ໂຕນ ແລະ ທອງ 7.000 ໂຕນ.

ຕັ້ງແຕ່ເລີ່ມດຳເນີນງານໃນປີ 2003, ບໍລິສັດ ລຊມລ ໄດ້ປະກອບສ່ວນຫຼາຍກວ່າ US$1.6 ຕື້ເປັນລາຍຮັບໂດຍກົງໃຫ້ແກ່ລັດຖະບານລາວ ຜ່ານການຈ່າຍພາສີອາກອນ, ຄ່າຊັບພະຍາກອນແຮ່ທາດ ແລະ ເງິນປັນຜົນ. ນອກຈາກນີ້, ກໍໄດ້ປະກອບ່ສວນຫຼາຍຮ້ອຍລ້ານໂດລາໃສ່ການສ້າງວຽກເຮັດງານທຳ, ການຝຶກອົບຮົມ, ການພັດທະນາຊຸມຊົນ ແລະ ທຸລະກິດທ້ອງຖິ່ນ.

ໃນປີ 2022, ພວກເຮົາໄດ້ເປີດບໍ່ແຮ່ໃຕ້ດິນທີ່ທັນສະໄໝແຫ່ງທຳອິດ ຂອງ ສປປ ລາວ ຢູ່ ບໍ່ຄຳ-ທອງ ເຊໂປນ ອັນໄດ້ເປັນແບບຢ່າງ ແລະ ບັນທັດຖານໃຫ້ແກ່ໂຄງການບໍ່ແຮ່ອື່ນໆ ກໍຄື ການຂະຫຍາຍອາຍຸການບໍ່ແຮ່ຄຳ-ທອງ ເຊໂປນ ໄປເຖິງປີ 2033 ເປັນຢ່າງຕ່ຳ.

ນັບຕັ້ງແຕ່ປີ 2016, ລຊມລ ສາມາດຮັກສາ ໃບກຽດຕິສັກ-ຜົນງານປະເພດສູງສຸດ ຂັ້ນ A+ ຈາກ ກະຊວງພະລັງງານ ແລະ ບໍ່ແຮ່ ສຳລັບການຮັກສາມາດຕະຖານດ້ານສິ່ງແວດລ້ອມ ແລະ ການພັດທະນາຊຸມຊົນ.

ລຊມລ ໄດ້ບັນລຸໝາກຜົນທີ່ດີ ໃນວຽກງານພັດທະນາຊຸມຊົນ ໂດຍການຮ່ວມມືກັບລັດຖະບານລາວ ແລະ ຊຸມຊົນທ້ອງຖິ່ນ ຢ່າງສະເໝີມາ. ຜົນງານເຫຼົ່ານີ້ ໄດ້ເປັນສິ່ງຂັບເຄື່ອນໃຫ້ເມືອງວິລະບູລີ ໄດ້ຫລຸດພົ້ນຈາກສະຖານະເມືອງທີ່ທຸກຍາກທີ່ສຸດໄດ້ ໃນປີ 2015

ລຊມລ ໄດ້ຊື້ສິນຄ້າທ້ອງຖິ່ນຢ່າງຕ່ຳ US$3 ລ້ານ (75% ຂອງໝາກໄມ້, ຜັກ ແລະ ຜົນຜະລິດທ້ອງຖິ່ນ) ຜ່ານຫົວໜ່ວຍທຸລະກິດທ້ອງຖິ່ນ - ເຊິ່ງໄດ້ສ້າງລາຍໄດ້ໃຫ້ແກ່ທຸລະກິດທ້ອງຖິ່ນລວມທັງໝົດຫຼາຍກວ່າ US$50 ລ້ານ – ກໍຄື ສ້າງລາຍໄດ້ໃຫ້ແກ່ປະຊາຊົນທ້ອງຖິ່ນ.

ແຜນງານການພັດທະນາຊຸມຊົນຂອງພວກເຮົາ ສຸມໃສ່ ສາທາລະນະສຸກຂອງຊຸມຊົນ, ການສຶກສາຂອງອະນຸຊົນ-ຄົນຮຸ່ນຫຼັງ, ການປະຕິບັດກະສິກຳແບບຍືນຍົງ ແລະ ການປັບປຸງຊີວິດການເປັນຢູ່ໃຫ້ແກ່ຊຸມຊົນຜູ້ດ້ອຍໂອກາດ. ພວກເຮົາຈະສືບຕໍ່ຮ່ວມມື ແລະ ປຶກສາຫາລືກັບຊຸມຊົນທ້ອງຖິ່ນ ແລະ ຄູ່ຮ່ວມງານອື່ນໆ ກ່ຽວກັບ ບູລິມະສິດຂອງວຽກງານການພັດທະນາຊຸມຊົນ.

ໃນເດືອນ ເມສາ 2022, ລຊມລ ໄດ້ບໍລິຈາກ US$5 ລ້ານ ໃຫ້ແກ່ ແຂວງສະຫວັນນະເຂດ ເພື່ອຍົກລະດັບເສັ້ນທາງຫຼວງ 28A ຍາວ 41,56ກມ ຈາກນາບໍ່ ເຖິງ ເມືອງວິລະບູລີ ເຊິ່ງຈະສະໜອງ ການເຂົ້າເຖິງຕະຫຼາດທີ່ດີກວ່າເກົ່າສຳລັບປະຊາຊົນກວ່າ 40.000 ຄົນ. ເສັ້ນທາງ 28A ເປັນເສັ້ນທາງສຳຄັນທີ່ເຊື່ອມຕໍ່ ແລວທາງເສດຖະກິດ ຕາເວັນອອກ-ຕາເວັນຕົກ ທີ່ເຊື່ອມຈອດ ສປປ ລາວ ກັບ ຫວຽດນາມ ແລະ ໄທ.

ລຊມລ ໄດ້ລົງທຶນປະມານ US$34 ລ້ານໃສ່ໂຄງລ່າງພື້ນຖານ ເພື່ອຂະຫຍາຍຕາຂ່າຍໄຟຟ້າຈາກ ເມືອງທ່າແຂກ ເຖິງ ມະຫາໄຊ ໂດຍການຮ່ວມມືກັບ ລັດວິສາຫະກິດໄຟຟ້າລາວ ອັນໄດ້ຂະຫຍາຍໂອກາດດ້ານເສດຖະກິດໃຫ້ແກ່ຊຸມຊົນຢູ່ເຂດຊົນນະບົດ.

Gold dore from LXML Sepon mine

LXML Sepon employees uphold safety firs

​ນະ​ຄອນຫຼວງວຽງ​ຈັນ, ສ​ປ​ປ ລາວ – ເພື່ອ​ເປັນ​ການ​ຂ່ຳ​ນັບ​ຮັບ​ຕ້ອນ ວັນ​ຊາດ​ທີ 2 ທັນ​ວາ ປີ 2022, ບໍລິສັດ ລ້ານຊ້າງ ມິເນໂຣນສ໌ ລິມິເຕັດ (LXML) ບໍ່ຄຳ-ທອງເຊໂປນ ໄດ້ຈັດ​ພິ​ທີຍ້ອງ​ຍໍພະນັກງານ 434 ຄົນທີ່ໄດ້ເຮັດວຽກກັບບໍລິສັດມາໄດ້ຍາວນານແຕ່ 5 ເຖິງ 20 ປີ. ​ໃນ​ນັ້ນ ມີພະ​ນັກ​ງານ 132 ຄົນ​ທີ່​ເຮັດ​ວຽກ​ກັບ LXML ມາ​ໄດ້ 5ປີ, 55 ຄົນມາ​ໄດ້ 15 ປີ, 8 ຄົນ​ມາ​ໄດ້ 20 ປີ ແລະ 1 ຄົນ​ມາ​ໄດ້ 25ປີ.

ໃນ​ປີ 2023, LXML ຈະ​ສະ​ເຫຼີມ​ສະຫຼອງ 20 ປີ​ແຫ່ງ​ການ​ດຳ​ເນີນ​ການ​ຂຸດ​ຄົ້ນ-ຜະ​ລິດ​ແຮ່. ຕະຫຼອດ​ອາ​ຍຸ​ການ​ຂອງ​ບໍ່​ຄຳ-ທອງ ເຊ​ໂປນ, ມີ​ພະ​ນັກ​ງານກວ່າ 10.000 ຄົນ​ທີ່​ໄດ້​ປະ​ກອບ​ສ່ວນ​ຕໍ່​ການ​ເຕີບ​ໂຕ​ຂອງ LXML, ໄດ້​ຮຽນ​ຮູ້​ຝຶກ​ຝົນ​ທັກ​ສະ​ວິ​ຊາ​ຊີບ ແລະ ສ້າງ​ຊີ​ວິດ​ການ​ເປັນ​ຢູ່​ທີ່​ດີ​ຂຶ້ນ.

ໃນ​ຈຳ​ນວນພະ​ນັກ​ງານ ແລະ ຜູ້​ຮັບ​ເໝົາທັງ​ໝົດປະ​ມານ 5.000 ຄົນ, 95% ແມ່ນ​ຄົນ​ລາວ, 75% ແມ່ນ​ຄົນ​ທ້ອງ​ຖິ່ນ ແລະ 20% ແມ່ນ​ແມ່​ຍິງ. ໃນ​ສອງ-ສາມ​ທົດ​ສະ​ຫວັດ​ຜ່ານ​ມາ, LXML ໄດ້​ລົງ​ທຶນຫຼາຍລ້ານ​ໂດ​ລາ​ສະ​ຫະ​ລັດ​ເຂົ້າ​ໃສ່​ການ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ ລວມ​ທັງ ທຶນ​ການ​ສຶກ​ສາ, ການ​ລົງ​ຝຶກ​ງານ​ກັບ​ບໍ​ລິ​ສັດ, ແລະ ການ​ຝຶກ​ອົບ​ຮົມ​ຕົວ​ຈິງ​. LXML ສືບ​ຕໍ່​ສະ​ໜັບ​ສະ​ໜູນ​ຄວາມ​ກ້າວ​ໜ້າ​ໃນ​ອາ​ຊີບ​ການ​ງານ ແລະ ຄວາມ​ມຸ່ງ​ໝັ້ນ​ຂອງ​ພະ​ນັກ​ງານ​ເພື່ອ​ສ້າງ​ວິ​ຊາ​ການ​ມື​ອາ​ຊີບຄົນ​ລາວ ເພື່ອ​ຜົນ​ປະ​ໂຫຍດ​ຂອງ ສ​ປ​ປ ລາວ.

ທ່ານ ພໍ ແຮ​ຣິ​ສ໌, ປະ​ທານ LXML ໄດ້​ກ່າວ​ຕໍ່​ຜູ້​ໄດ້​ຮັບ​ໃບ​ຍ້ອງ​ຍໍ-ລາງວັນ​ໃນ​ປີ​ນີ້​ວ່າ: “ທັກ​ສະ ແລະ ປະ​ສົບ​ການ​ທີ່​ພະ​ນັກ​ງານ​ເກັບ​ກ່ຽວ​ໄດ້​ໃນ​ຊຸມ​ປີ​ຜ່ານ​ມາ​ແມ່ນ​ມີ​ຄຸນ​ຄ່າ​ຍິ່ງ. ທັກ​ສະ​ເຫຼົ່າ​ນີ້​ຈະ​ເປັນ ຊັບ​ສິນ-ມໍ​ລະ​ດົກ​ຕິດ​ໂຕ ພະ​ນັກ​ງານ​ທຸກ​ຄົນ​ບໍ່​ວ່າ​ພວກ​ເຂົາເຈົ້າ​ຈະ​ໄປ​ເຮັດ​ວຽກ​ຢູ່​ແຫ່ງ​ໃດ​ໃນ ສ​ປ​ປ ລາວ ກໍ​ຕາມ. LXML ຈະ​ສືບ​ຕໍ່​ລົງ​ທຶນ​ໃສ່​ທຶນ​ມະ​ນຸດ​ຂອງ  ສ​ປ​ປ ລາວ ຜ່ານ ການ​ຝຶກ​ອົບ​ຮົມ, ການ​ຝຶກ​ສອນ​ໃນ​ວຽກ ແລະ ຄວາມ​ກ້າວ​ໃນ​ໃນ​ອາ​ຊີບ​ການ​ງານ.”

ໃນ​ເດືອນ​ສິງ​ຫາ​, LXML ໄດ້​ເຊັນ​ບົດ​ບັນ​ທຶກ​ຄວາມ​ເຂົ້າ​ໃຈ​ກັບ ວິ​ທະ​ຍາ​ໄລ​ເຕັກ​ນິກ​ລາວ-ເຢຍ​ລະ​ມັນ ເພື່ອ​ສະ​ໜອງ​ທຶນ​ການ​ຝຶກ​ອົບ​ຮົມ​ນັກ​ສຶກ​ສາ​ຊ່າງ​ສີ​ມື​ໃຫ້​ແກ່​ຊຸມ​ຊົນ​ອ້ອມ​ຂ້າງ​ບໍ່​ຄຳ-ທອງ ເຊ​ໂປນ ໃນ​ເມືອງວິ​ລະ​ບູ​ລີ. ນັກ​ສຶກ​ສາ​ຈາກ​ແຜນ​ງານ​ຝຶກ​ອົບ​ຮົມຊ່າງ​ສີ​ມື​ທີ່​ຖືກ​ຄັດ​ເລືອກ ຈະ​ໄດ້​ຮັບ​ການ​ຝຶກ​ອົບ​ຮົມ​ວິ​ຊາ​ຊີບ​ໃນ​ຂະ​ແໜງການ ເຕັກ​ໂນ​ໂລ​ຊີ​ລົດ​ຍົນ, ໄຟ​ຟ້າ​ເອ​ເລັກ​ໂຕ​ຣ​ນິກ, ຈັກ​ກົນ​ໂຮງ​ງານ, ກົນ​ຈັກ​ໜັກ ແລະ ໂລ​ຫະ​ກຳ​ວິ​ທະ​ຍາ. ພາຍຫຼັງ​ສຳ​ເລັດຫຼັກ​ສູດ​ການ​ຝຶກ​ອົບ​ຮົມ, ນັກ​ສຶກ​ສາ​ດັ່ງ​ກ່າວ​ກໍ​ຈະ​ມີ​ໂອ​ກາດ​ໄດ້​ເຂົ້າ​ມາ​ເຮັດ​ວຽກ​ກັບ LXML. ແຜນ​ງານ​ນີ້​ແມ່ນ​ຈະ​ຈັດ​ຕັ້ງ​ປະ​ຕິ​ບັດ​ໄປ​ເຖິງ​ປີ 2027.

ນັບຕັ້ງແຕ່ເລີ່ມດໍາເນີນງານໃນປີ 2003, LXML ໄດ້ລົງທຶນຫຼາຍລ້ານໂດລາສະຫະລັດ ໃສ່ການຝຶກອົບຮົມ, ໃຫ້ທຶນການສຶກສາ, ແຜນ​ງານ​ຝຶກ​ອົບ​ຮົມຊ່າງສີມື​ແຮງ​ງານ, ນັກຮຽນ ແລະ ນັກສຶກສາຝຶກງານ. ​ມີນັກສຶກສາຫຼາຍກວ່າ 105 ຄົນ ທີ່​ໄດ້ສໍາເລັດຫຼັກ​ສູດ​ການຝຶກ​ອົບ​ຮົມນັກສຶກສາຊ່າງສີມື ແລະ 36 ຄົນ ສໍາເລັດການສຶກຊັ້ນ​ສູງ​ຈາກ​ຕ່າງ​ປະ​ເທດ ເຊິ່ງ​ເປັນ​ທຶນ​ທີ່ບໍ​ລິ​ສັດ​ສະ​ໜັບ​ສະ​ໜູນ.

ມາຮອດປັດ​ຈຸ​ບັນ, LXML ໄດ້ສະໜອງການຝຶກອົບຮົມໃຫ້ແກ່ພະນັກງານລາວກວ່າ 959.744 ຊົ່ວໂມງ ດ້ວຍການຝຶກອົບຮົມພາຍໃນ, ພາຍນອກ, ໃນໜ້າວຽກ ແລະ ຢູ່ຕ່າງປະເທດ. ໃນ​ເດືອນ ມິ​ຖຸ​ນາ, LXML ໄດ້ຟື້ນຄືນຫຼັກສູດທີ່ເປັນທີ່ນິຍົມ ຄື ແຜນ​ງານ​ພັດທະນາຫົວໜ້າຄຸມງານ ແລະ ແຜນ​ງານ​ພັດ​ທະ​ນາການເປັນຜູ້ນໍາ ເພື່ອສ້າງນັກວິຊາການຂຸດຄົ້ນແຮ່ມືອາຊີບຮຸ່ນໃໝ່ຂອງ ສປປ ລາວ.

ຕັ້ງ​ແຕ່​ເລີ່ມ​ການ​ດຳ​ເນີນ​ງານ​ເປັນ​ຕົ້ນ​ມາ, ບໍ່​ຄຳ-ທອງ​ເຊ​ໂປນ​ໄດ້ ປະ​ກອບ​ສ່ວນ​ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວກວ່າ US$1.6 ຕື້ ຈາກ​ການ​ຈ່າຍ​​ພາ​ສີ-ອາ​ກອນ, ​ຄ່າ​ຊັບ​ພະ​ຍາ​ກອນ​ທຳ​ມະ​ຊາດ ແລະ ເງິນ​ປັນ​ຜົນ. ນອກ​ຈາກນັ້ນ​ຍັງ​ໄດ້ປະ​ກອບ​ສ່ວນຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ​ເປັນ​ຜົນ​ປະ​ໂຫຍດ​ທາງ​ອ້ອມ ຈາກ​ການ​ສ້າງວຽກ​ເຮັດ​ງານ​ທຳ, ການ​ຝຶກ​ອົບ​ຮົມ, ການ​ພັດ​ທະ​ນາ​ຊຸມ​ຊົນ ແລະ ທຸ​ລະ​ກິດ​ທ້ອງ​ຖິ່ນ.

22 ກັນຍາ 2022 – ບໍລິສັດ ລ້ານຊ້າງ ມີເນໂຣນສ໌ ລິມິເຕັດ (LXML) ໄດ້ຮ່ວມກັບຫ້ອງການສຶກສາ ເມືອງວິລະບູລີ ຈັດພິທີ ມອບ-ຮັບ 3 ຫ້ອງຮຽນ ແລະ  2 ຫ້ອງນ້ຳ ມູນ​ຄ່າ US$36.950 ໃຫ້​ແກ່ ໂຮງຮຽນ ມ.ສ ພູຄຳ, ບ້ານ ບຸ່ງຄຳ, ເມືອງ ວິລະບູລີ, ແຂວງສະຫວັນນະເຂດ ເຊິ່ງ​ເປັນ​ທີ່​ຕັ້ງ​ຂອງ ໂຄງ​ການ​ຂຸດ​ຄົ້ນ​-ຜະ​ລິດ​ຄຳ-ທອງ ເຊ​ໂປນ. ໃຫ້ກຽດເປັນປະທານພິທີ ໂດຍ ທ່ານ ຮອງເຈົ້າເມືອງວິລະບູລີ, ທ່ານ ບຸນເນືອງ ຈັນຫອມ, ຜູ້​ຕາງ​ໜ້າ LXML, ບັນດາແຂກຖືກເຊີນ, ຄູອາຈານ ແລະ ນ້ອງນັກຮຽນເຂົ້າຮ່ວມ.

ໃນ​ວັນ​ດຽວ​ກັນ​ນີ້, ຫ້ອງການຖະແຫຼ່ງຂ່າວ ແລະ ວັດທະນະທຳເມືອງວິລະບູລີ ແລະ LXML ກໍ​ໄດ້ຈັດພິທີປິດ ໂຄງການສົ່ງເສີມນັກຮຽນຝຶກອົບຮົມສິນລະປະດົນຕີພື້ນເມືອງ ໂດຍ​ການ​ໃຫ້​ກຽດ​ເຂົ້າ​ຮ່ວມ​ຂອງ ຂອງ ທ່ານ ເຈົ້າເມືອງວິລະບູລີ ທ່ານ ວາລີຍະ ສີຈັນທອງທິບ. LXML ໄດ້​ສະ​ໜັບ​ສະ​ໜູນ​ທຶນ ແລະ ເຄື່ອງ​ດົນ​ຕີ​ໃຫ້​ແກ່​ນັກ​ຮຽນ​ຢູ່​ເມືອງວິ​ລະ​ຍູ​ລີ ໄດ້ຮຽນສິນ​ລະ​ປະ​ດົນ​ຕີ​ພື້ນ​ເມືອງ​ ເພື່ອ​ອະ​ນຸ​ລັກ​ມໍ​ລະ​ດົກ​ວັດ​ທະ​ນະ​ທຳ​ອັນ​ລ້ຳ​ຄ່າ​ນີ້​ໄວ້.​ ມາ​ຮອດ​ປັດ​ຈຸ​ບັນ, LXML ໄດ້​ສະ​ໜັບ​ສະ​ໜູນ​ທຶນ US$10.000 ເຂົ້າ​ໃສ່​ ໂຄງ​ການ​ນີ້, ເຊິ່ງ​ໄດ້​ສ້າງ​ໂອ​ກາດ​ໃຫ້​ແກ່ນັກ​ດົນ​ຕີ​ໜຸ່ມ​ນ້ອຍ​ຄົນ​ລາວ 30 ນ້ອງ​ນັກ​ຮຽນ.

ກອງ​ທຶນ​ພັດ​ທະ​ນາ​ຊຸມ​ຊົນ​ຂອງ LXML ໄດ້​ສະ​ໜອງ​ທຶນ US$750,000 ຕໍ່ປີ ເພື່ອ​ສະ​ໜັບ​ສະ​ໜູນຊຸມຊົນ ອ້ອມຂ້າງ ບໍ່ຄຳ-ທອງ ເຊໂປນ ໂດຍສຸມໃສ່ 3 ເສົ່າຫຼັກທີ່ສຳຄັນຄື: ການຮັບປະກັນດ້ານ​ສະ​ບຽງ​ອາ​ຫານ ແລະ ການ​ຜະ​ລິດ​ກະ​ສິ​ກຳ​ເປັນ​ສິນ​ຄ້າ (30% ຂອງກ​ອງ​ທຶນ); ການ​ສຶກ​ສາ, ທຶນ​ການ​ສືກ​ສາ​ໃຫ້​ແກ່​ນັກ​ຮຽນ​ເກັ່ງ ແລະ ນະ​ໂຍ​ບາຍ​ຕໍ່​ນັກ​ຮຽນ​ດ້ອຍ​ໂອ​ກາດ (25%); ແລະ ການສົ່ງ​ເສີມ​​ສຸກ​ຂະ​ພາບພື້ນ​ຖານ​ໃຫ້​ແກ່​ຊຸມ​ຊົນ (20%).  ສ່ວນ​ທຶນ​ທີ່​ເຫຼືອແມ່ນຈະຖືກຈັດ​ສັນເຂົ້າ​ໃສ່​ໂຄງ​ການ​ພັດ​ທະ​ນາ​ອື່ນໆ ໂດຍ​ອີງ​ຕາມ​ການ​ປຶກ​ສາ​ຫາ​ລື​ກັບ ຊຸ​ມ​ຊົນ​ທ້ອງ​ຖິ່ນ ລວມໄປ​ເຖິງກອງ​ທຶນ​​ບັນ​ເທົາ​ໄພ​ພິ​ບັດ ຈຳ​ນວນ US$25.000 ຕໍ່​ປີ ເຊິ່ງ ຜ່ານ​ມາ​ແມ່ນ​ໄດ້​ນຳ​ໃຊ້​ໃນ​ໄລ​ຍະ​ເກີດ ການ​ແຜ່​ລະ​ບາດ​ພະ​ຍາດ​ໂຄວິດ-19 ແລະ ໄພ​ນ້ຳ​ຖ້ວມ​ຕ່າງໆ.

ມາ​ຮອດ​ປັດ​ຈຸ​ບັນ, LXML ໄດ້​ລົງ​ທຶນ US$11 ລ້ານ ໃນ​ເມືອງວິ​ລະ​ບູ​ລີ​ຜ່ານ​ກອງ​ທຶນ​ພັດ​ທະ​ນາ​ຊຸມ​ຊົນ ແລະ ໂຄງ​ການ​ພັດ​ທະ​ນາ​ຊຸມ​ຊົນ​ອື່ນໆ ອັນ​ໄດ້ສ້າງ​ຜົນ​ປະ​ໂຫຍດ​ໃຫ້​ແກ່​ຊຸມ​ຊົນ​ ແລະ ຄອບ​ຄົວ​ຂອງ​ເຂົາ​ເຈົ້າ ກວ່າ 40 000 ຄົນ ຜ່ານ​ການ​ກໍ່​ສ້າງ​ໂຄງ​ລ່າງ​ພື້ນ​ຖານ​ສຳ​ຄັນ ກໍ​ຄື​ການ​ສະ​ໜັບ​ສະ​ໜູນ ແລະ ການ​ບໍ​ລິ​ການ​ຕ່າງໆ. ຫຼາຍ​ທົດ​ສະ​ວັດ​ກ່ອນ​ນ້າ​ນີ້, ເມືອງວິ​ລະ​ບູ​ລີ ຖືກ​ຈັດ​ເປັນ​ເມືອງ​ທີ່ “ທຸກ​ຍາກ​ທີ່​ສຸດ”, ແຕ່​ຍ້ອນ​ການ​ມີ​ວຽກ​ເຮັດ​ງານ​ທຳ, ການ​ຄ້າ, ແລະ ການ​ພັດ​ທະ​ນາ​ຊຸມ​ຊົນ, ເມືອງ​ດັ່ງ​ກ່າວ​ກໍ​ໄດ້​ກາຍ​ເປັນ​ເມືອງ​ທີ່​ຟົດ​ຟຶ້ນ ແລະ ມີ​ການ​ຂະ​ຫຍາຍ​ໂຕ

15 ສິງຫາ 2022 – ບໍລິສັດ ລ້ານຊ້າງ ມີເນໂຣນສ໌ ລິມິເຕັດ (ລຊມລ) ໄດ້ມອບຝາຍນາກະຊິນ ແລະ ລະບົບຊົນລະປະທານທີ່ໄດ້ຮັບການຍົກລະດັບ ແລະ ສ້ອມແປງ ເພື່ອສົ່ງເສີມການຜະລິດກະສິກຳ ແລະ ການຮັບປະກັນສະບຽງອາຫານໃຫ້ແກ່ປະຊາຊົນບ້ານນາກະຊິນ ແລະ ບ້ານເມືອງຫຼວງ ມູນຄ່າກວ່າ USD$73,230.

ທ່ານ ສະໝານ ອະເນກາ, ຜູ້ອຳນວຍການໃຫຍ່ ບໍລິສັດ ລຊມລ ໄດ້ມອບໂຄງການດັ່ງກ່າວໃຫ້ແກ່ອຳນາດການປົກຄອງບ້ານນາກະຊິນ ແລະ ບ້ານເມືອງຫຼວງ ໂດຍການເປັນສັກຂີພິຍານຂອງທ່ານ ວາລິຍະ ສີຈັນທອງທິບ, ເຈົ້າເມືອງວິລະບູລີຜູ້ໃໝ່.

ໃນເບື້ອງຕົ້ນ, ຝາຍນາກະຊິນໄດ້ຮັບການກໍ່ສ້າງ ແລະ ມອບໃຫ້ຊຸມຊົນນຳໃຊ້ ໃນວັນທີ 12 ສິງຫາ 2020 ໂດຍໄດ້ຮັບການສະໜອງທຶນຈາກກອງທຶນພັດທະນາທ້ອງຖິ່ນຂອງບໍລິສັດ ລຊມລ ມູນຄ່າ $US95,249. ເນື່ອງຈາກສະພາບຝົນຕົກໜັກ ເຮັດໃຫ້ຄັນຄູເກີດເຊາະເຈື່ອນ ແລະ ເສຍຫາຍ ຈຶ່ງເຫັນໄດ້ເຖິງຄວາມຈຳເປັນໃນການປັບປຸງ ເພື່ອສະໜັບສະໜູນການຜະລິດກະສິກຳໃນເຂດດັ່ງກ່າວ. ສະນັ້ນໃນວັນທີ 7 ມີນາ 2022 ຈຶ່ງໄດ້ເລີ່ມລົງມືສ້ອມແປງ ແລະ ຍົກລະດັບຝາຍດັ່ງກ່າວ.

ກອງທຶນພັດທະນາທ້ອງຖິ່ນມີຈຸດປະສົງໃນການປັບປຸງຊີວິດການເປັນຢູ່ຂອງຊຸມຊົນ ໂດຍການເຂົ້າເຖິງ ການບໍລິການພື້ນຖານ ແລະ ໃຫ້ສິດອຳນາດແກ່ປະຊາຊົນ ແລະ ເມືອງໃນການຈັດຕັ້ງ ແລະ ບັນລຸບູລິມະສິດການພັດທະນາຂອງຕົນເອງ ດ້ວຍການມີສ່ວນຮ່ວມ ແລະ ນຳພາຈາກຊຸມຊົນ. ໂຄງການສ້ອມແປງຝາຍນາກະຊິນ ແມ່ນໂຄງການຕົວແບບໃນການມີສ່ວນຮ່ວມຈາກຊຸມຊົນທ້ອງຖິ່ນ, ອຳນາດການປົກຄອງທ້ອງຖິ່ນ ດ້ວຍການປະກອບສ່ວນຢ່າງຫ້າວຫັນດ້ານແຮງງານ ແລະ ການປະກອບສ່ວນຫີນຈຳນວນ 1000 ແມັດກ້ອນ ຈາກບໍລິສັດທ້ອງຖິ່ນກໍ່ຄື ຫອມມະລາ.

ໃນງານຍັງໄດ້ມີການປ່ອຍປາກວ່າ 10,000 ໂຕ ລົງໃນເຂດວັງສະຫງວນ.

ທ່ານ ສະໝານ ອະເນກາ ກ່າວວ່າ: “ຂ້າພະເຈົ້າຫວັງວ່າ ອຳນາດການປົກຄອງເມືອງ, ອົງການຈັດຕັ້ງບ້ານ, ປະຊາຊົນ ແລະ ຜູ້ມີສ່ວນຮ່ວມທັງໝົດຈະຊ່ວຍກັນປົກປັກຮັກສາໂຄງການ, ອ່າງນ້ຳ, ຝາຍ, ແລະ ວັງສະຫງວນ. ການເປັນເຈົ້າຂອງໂຄງການເຫຼົ່ານີ້ຂອງຊຸມຊົນ ຈະຍືດອາຍຸການນຳໃຊ້ ແລະ ໃຫ້ປະໂຫຍດສູງສຸດ ແລະ ຍືນຍົງ ດ້ວຍການເພີ່ມຜົນຜະລິດດ້ານກະສິກຳ ແລະ ການຮັບປະກັນສະບຽງອາຫານ”.

ການສະໜັບສະໜູນຂອງກອງທຶນພັດທະນາທ້ອງຖິ່ນ ແມ່ນບົນພື້ນຖານຂອງ 3 ເສົາຄ້ຳຫຼັກ – ການປັບປຸງການຮັບປະກັນສະບຽງອາຫານ, ສຸຂະພາບ ແລະ ການສຶກສາ ສຳລັບຄົນຮຸ່ນໃໝ່. ມາຮອດປະຈຸບັນ ກອງທຶນໄດ້ປະກອບສ່ວນກວ່າ $US11 ລ້ານ ເຂົ້າໃນການສ້າງໂຮງຮຽນ, ຖະໜົນຫົນທາງ, ຫ້ອງນ້ຳ, ໜອງປາ, ນ້ຳສະອາດ, ຕາໜ່າງໄຟຟ້າ ແລະ ໂຄງລ່າງພື້ນຖານການພັດທະນາອື່ນໆ ຊຶ່ງສ້າງຜົນປະໂຫຍດໃຫ້ແກ່ປະຊາຊົນໃນເມືອງວິລະບູລີ ຫຼາຍກວ່າ 40,000 ຄົນ.

ໃນວັນທີ 18 ສິງຫາ 2022, ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລຊມລ) ແລະ ວິທະຍາໄລເຕັກນິກລາວ-ເຢຍລະມັນ ໄດ້ເຊັນບົດບັນທຶກຄວາມເຂົ້າໃຈ ໂຄງການຝຶກອົບຮົມນັກສຶກສາຊ່າງສີມື ເພື່ອສະໜອງທຶນການສຶກສາດ້ານເຕັກນິກໃຫ້ແກ່ຊຸມຊົນທ້ອງຖິ່ນອ້ອມຂ້າງບໍ່ຄໍາ-ທອງເຊໂປນ ໃນເມືອງວິລະບູລີ.

ນັກສຶກສາຊ່າງສີມື ທີ່ໄດ້ຮັບການຄັດເລືອກສໍາລັບໂຄງການ ຈະໄດ້ຮັບການຝຶກອົບຮົມວິຊາຊີບ ໃນຂະແໜງ ການ ເຕັກໂນໂລຊີລົດຍົນ, ໄຟຟ້າເອເລັກໂຕຣນິກ, ຈັກກົນໂຮງງານ, ກົນຈັກໜັກ ແລະ ໂລຫະກຳວິທະຍາ.

ໂຄງການນີ້ຈະຈັດຕັ້ງປະຕິບັດນັບຕັ້ງແຕ່ປີ 2022 ແລະ ສິ້ນສຸດໃນປີ 2026. ລະຫວ່າງປີ 2015 ແລະ 2018, ນັກສຶກສາຊ່າງສີມີ ຈໍານວນ 18 ຄົນ ໄດ້ສໍາເລັດຫຼັກສູດ 5 ປີ ໃບປະກາສະນີຍະບັດຂັ້ນ III ຂອງປະເທດອົດສະຕຣາລີ ແລະ ເຕັກນິກວິຊາຊີບຊັ້ນສູງຂອງລາວ, ຜູ້ສໍາເລັດຫຼັກສູດໄດ້ຮັບທັກສະທີ່ມີຄຸນຄ່າ ເພື່ອປະກອບສ່ວນໃນການພັດທະນາ ສປປ ລາວ,

ທ່ານ ສະໝານ ອະເນກາ, ຜູ້ອໍານວຍການໃຫຍ່ ບໍລິສັດ ລຊມລ ລົງນາມໃນບົດບັນທຶກຄວາມເຂົ້າໃຈຮ່ວມກັບ ທ່ານ ຄໍາສະໄຫວ ຍ່ອມມີລາວົງ ຜູ້ອໍານວຍການວິທະຍາໄລເຕັກນິກລາວ-ເຢຍລະມັນ ໂດຍການໃຫ້ກຽດເປັນສັກຂີພິຍານໂດຍທ່ານ ໜູພັນ ອຸດສາ ຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາ.

ທ່ານ ສະໝານ ອະເນກາ ກ່າວວ່າ: “ຂ້າພະເຈົ້າມີຄວາມພາກພູມໃຈໃນການປະກອບສ່ວນຂອງ ລຊມລ ເພື່ອຝຶກອົບຮົມ ແລະ ພັດທະນາ ເພື່ອສ້າງຊີວິດການເປັນຢູ່ທີ່ດີຂຶ້ນຂອງຄົນຮຸ່ນໃໝ່”. ທ່ານ ກ່າວຕື່ມອີກວ່າ “ທັກສະ ແລະ ປະສົບການທີ່ນັກສຶກສາໄດ້ຮັບ ຈະປະກອບສ່ວນໃນການດໍາເນີນງານຂອງບໍ່ຄໍາ-ທອງເຊໂປນ ແລະ ປະກອບສ່ວນໃສ່ພັດທະນາ ສປປ ລາວ”.

ນັບຕັ້ງແຕ່ເລີ່ມດໍາເນີນງານໃນປີ 2003, ລຊມລ ໄດ້ລົງທຶນຫຼາຍລ້ານໂດລາສະຫະລັດ ໃສ່ການຝຶກອົບຮົມ, ໃຫ້ທຶນການສຶກສາ, ຊ່າງສີມື, ນັກຮຽນ ແລະ ນັກສຶກສາຝຶກງານ. ນັກສຶກສາຫຼາຍກວ່າ 105 ຄົນ ສໍາເລັດການສຶກສາຈາກໂຄງການນັກສຶກສາຊ່າງສີມື ແລະ 36 ຄົນ ສໍາເລັດການສຶກສາລະດັບອາຊີບຈາກຕ່າງປະເທດດ້ວຍທຶນການສຶກສາຂັ້ນສູງ.

ມາຮອດເດືອນມິຖຸນາ 2022, ລຊມລ ໄດ້ສະໜອງການຝຶກອົບຮົມໃຫ້ແກ່ພະນັກງານລາວກວ່າ 23,000 ຊົ່ວໂມງ ດ້ວຍການຝຶກອົບຮົມພາຍໃນ, ພາຍນອກ, ໃນໜ້າວຽກ ແລະ ຕ່າງປະເທດ, ໃນທ້າຍເຄິ່ງປີ 2022, ລຊມລ ຈະຟື້ນຟູຫຼັກສູດທີ່ເປັນທີ່ນິຍົມ ກໍ່ຄືໂຄງການພັດທະນາຫົວໜ້າຄຸມງານ ແລະ ການເປັນຜູ້ນໍາ ເພື່ອສະໜັບສະໜູນນັກວິຊາການຂຸດຄົ້ນແຮ່ມືອາຊີບຮຸ່ນໃໝ່ຂອງ ສປປ ລາວ.

ບໍລິສັດ ລຊມລ ເປັນບໍລິສັດດໍາເນີນການຂຸດຄົ້ນແຮ່ ໜຶ່ງດຽວໃນ ສປປ ລາວ ທີ່ໄດ້ຮັບ​ການ​ຈັດ​ອັນ​ດັບ ປະ​ເພດ A+ ຢ່າງ​ຕໍ່​ເນື່ອງ ​ຊຶ່ງ​ອອກ​ໃຫ້ໂດຍກະ​ຊວງ​ພະ​ລັງ​ງານ ແລະ ບໍ່​ແຮ່​ ສຳ​ລັບຄວາມ​ມຸ່ງ​ໝັ້ນ​ໃນ​ການ​ປະ​ກອບ​ສ່ວນຕໍ່​ການ​ພັດ​ທະ​ນາ​ເສດ​ຖ​ະ​ກິດ ແລະ ສັງ​ຄົມ, ສຸ​ຂະ​ພາບ ແລະ ຄວາມ​ປອດ​ໄພ, ປົກ​ປັກ​ຮັກ​ສາ​ສິ່ງ​ແວດ​ລ້ອມ ແລະ ຮັກ​ສາ​ມາດ​ຕະ​ຖານ​ການ​ດຳ​ເນີນ​ງານ​ໃນ​ລະ​ດັບ​ສາ​ກົນ.

ນັບ​ຕັ້ງ​ແຕ່​ເລີ່ມ​ການ​ຜະ​ລິດ​ໃນ​ປີ 2003, ບໍ່​ຄຳ-ທອງ​ເຊ​ໂປນ ປະ​ກອບ​ສ່ວນ​ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວກວ່າ US$1.6 ຕື້ ຈາກ​ການ​ຈ່າຍ​ອາ​ກອນ​ຕ່າງໆ, ພາ​ສີ​ຊັບ​ພະ​ຍາ​ກອນ​ທຳ​ມະ​ຊາດ ແລະ ເງິນ​ປັນ​ຜົນ, ນອກ​ຈາກນັ້ນ​ຍັງ​ປະ​ກອບ​ສ່ວນຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ຈາກ​ການ​ສ້າງວຽກ​ເຮັດ​ງານ​ທຳ, ການ​ຝຶກ​ອົບ​ຮົມ, ການ​ພັດ​ທະ​ນາ​ຊຸມ​ຊົນ ແລະ ທຸ​ລະ​ກິດ​ທ້ອງ​ຖິ່ນ. ບໍ່​ຄຳ-ທອງ​ເຊ​ໂປນ ສ້າງວຽກ​ເຮັດ​ງານ​ທຳ​ໃຫ້​ແກ່​ຄົນ​ທ້ອງ​ຖິ່ນຫຼາຍກວ່າ 5000 ຄົນ.

10 ກຸມ​ພາ 2022

ມື້ນີ້, ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ ໄດ້​ມອບ​ວັດ​ຖຸ​ບູ​ຮານ 1320 ລາຍ​ການ​ ທີ່ຄົ້ນ​ພົບ​ໃນ​ເຂດ​ບໍ່​ຄຳ-ທອງ​ເຊ​ໂປນ ໂດຍ​ທີມ​ງານ​ນັກ​ບູ​ຮານ​ວິ​ທະ​ຍາ​ທີ່​ທຸ້ມ​ເທ ໃຫ້​ແກ່​ລັດ​ຖະ​ບານ​ລາວ. ວັດ​ຖຸ​ບູ​ຮານ​ເຫຼົ່າ​ນີ້ປະ​ກອ​ບ​ ດ້ວຍເຄື່ອ​ງ​ທີ່​ເຮັດ​ຈາກ ຫີນ, ທອງ, ເຫຼັກ, ເຄື່ອງ​ປັ້ນ​ດິນ​ເຜົາ, ເບົ້າຫຼອມ ແລະ ແກ້ວ. ​

ນັບ​ຕັ້ງ​ແຕ່​ປີ 2008, ​ລ​ຊມ​ລ ໄດ້​ລົງ​ທຶນກວ່າ US$1,6 ລ້ານ​ ເຂົ້າ​ໃສ່​ໃນ​ການ​ສະ​ໜັບ​ສະ​ໜູນ​ໃຫ້​ແກ່​ການ​ອະ​ນຸ​ລັກ​ມໍ​ລະ​ດົກ​ທາງ​ປະ​ຫວັດ​ສາດ ແລະ ວັດ​ທະ​ນະ​ທຳ​ລາວ ທີ່​ມີ​ດົນ​ກວ່າ 3.000 ປີ ໂດຍ​ຜ່ານ​ການ​ຮ່ວມ​ມື​ກັບ ກົມ​ມໍ​ລະ​ດົກ, ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ, ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ລາວ ແລະ ມະ​ຫາ​ວິທະ​ຍາ​ໄລ​ ເຈມ​ສ໌​ຄຸກ ຂອງ​ປະ​ເທດ​ອົດ​ສະ​ຕ​ຣາ​ລີ. ການຮ່ວມມືດັ່ງກ່າວ ໄດ້ສະໜັບສະໜູນວຽກງານພາກສະໜາມ ທີ່ມີລັກສະນະພິເສດໃນລະດັບຊຸມຊົນທ້ອງຖິ່ນ, ລະດັບປະເທດ ແລະ ສາກົນ ເຊິ່ງໄດ້ມີອາສາສະໝັກທີ່ເປັນນັກສຶກສາຈາກນະຄອນຫຼວງວຽງຈັນ, ຊຸມຊົນທ້ອງຖິ່ນ, ປະເທດອົດສະຕຣາລີ, ນັກບູຮານວິ​ທະ​ຍາ, ແລະ ເຈົ້າໜ້າທີ່ຈາກກົມມໍລະດົກປະຈຳຢູ່ບໍ່ຄຳ-ທອງ ເຊໂປນ ໄດ້ຮ່ວມມືກັນຢ່າງໃກ້ຊິດ ໃນວຽກງານສຶກສາ-ຄົ້ນຄວ້າ​ບູ​ຮານ​ວິ​ທະ​ຍາ ແລະ ເຜີຍ​ແຜ່​ຜົນ​ການ​ຄົ້ນ​ຄວ້າ​ສູ່​ເວ​ທີ​ສາ​ກົນ.

ທ່ານ ວັນ​ສີ ກົ​ວມົວ ຮອງລັດ​ຖະ​ມົນ​ຕີ​ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແລະ ເຈົ້າ​ໜ້າ​ທີ່ ຈາກ​ແຂວງ​ສະ​ຫວັນ​ນະ​ເຂດ ແລະ ເມືອງວິ​ລະ​ບູ​ລີ ກໍ່​ໄດ້​ເຂົ້າ​ຮ່ວມ​ພິ​ທີ​ມອບ​ຮັບ​ໃນ​ຄັ້ງ​ນີ້ ທີ່​ນະ​ຄອນຫຼວງວຽງ​ຈັນ ໂດຍ​ໄດ້​ຮັບ​ຮູ້ ແລະ ຍ້ອງ​ຍໍ​ຊົມ​ເຊີຍ​ບໍ​ລິ​ສັດ ໃນການ​ສະ​ໜັບ​ສະ​ໜູນ​ ​ທີ່​ມີ​ມາ​ຢ່າງຍາວ​​ນານ​ໃນ​ການ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ ແລະ ເຫັນ​ໄດ້​ຄວາມ​ສຳ​ຄັນ​ໃນ​ການ​ສືບ​ຕໍ່​ປົກ​ປັກ​ຮັກ​ສາ​ສະ​ຖານ​ທີ່​ວັດ​ທະ​ນະ​ທຳ​ເພື່ອ​ສົ່ງ​ເສີມ​ການ​ທ່ອງ​ທ່ຽວ​ຢູ່​ໃນ ສ​ປ​ປ ລາວ.

ທ່ານ ສະໝານ ອະເນກາ – ຜູ້ອຳນວຍການໃຫຍ່ ​ບໍ​ລິ​ສັດ ລ​ຊມ​ລ ໄດ້ມອບວັດຖຸບູຮານດັ່ງກ່າວ ຈຳ​ນວນ 1320 ລາຍ​ການໃຫ້ແກ່ ທ່ານພະ​ຂັນ​ໄຊ ສີ​ຄັນ​ໄຊ ຫົວ​ໜ້າ​ກົມ​ມໍ​ລະ​ດົ​ກ​ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ.

ວັດ​ຖຸ​ບູ​ຮານ​ເຫຼົ່າ​ນີ້​ຈະ​ໄດ້​ນຳ​ໄປ​ຈັດ​ວາງ​ສະ​ແດງເພື່ອ​ການ​ຮ​ຽນ​ຮູ້​ຢູ່​ທີ່ ຫໍພິພິດທະພັນແຫ່ງຊາດ, ຫໍພິພິດທະພັນແຂວງສະຫວັນນະເຂດ, ຫໍ​ວັດ​ທະ​ນະ​ທຳ​ເມືອງວິ​ລະ​ບູ​ລີ ແລະ ​ກົມ​ມໍ​ລະ​ດົກ​. ບໍ​ລິ​ສັດ ລ​ຊມ​ລ ໄດ້​ມອບ​ວັດ​ຖຸ​ບູ​ຮານຫຼາຍກວ່າ 7881 ລາຍ​ການ​ໃນ​ປີ 2019, ແລະ 208 ລາຍ​ການ​ໃນ​ເດືອນ​ກຸມ​ພາ 2022 ໃຫ້​ແກ່​ລັດ​ຖະ​ບານ​ລາວ ແລະ ສະ​ໜອງ​ຕູ້​ວາງ​ສະ​ແດງວັດ​ຖຸ​ບູ​ຮານ​ມູນ​ຄ່າກວ່າ 144 ລ້ານ​ກີບ ໃຫ້​ແກ່​ຫໍ​ພິ​ພິ​ດຕະ​ພັນ​ແຫ່ງ​ຊາດລາວ.

ທັງ​ສອງ​ຝ່າຍ​ໄດ້​ລົງ​ນາ​ມ​ໃນ​ບົດ​ບັນ​ທຶກ​ຄວາມ​ເຂົ້າ​ໃຈ ເພື່ອເສີມ​ຂະ​ຫຍາຍ​ບັນ​ດາຫຼັກ​ການ​ຮ່ວມ​ມືໃນ​ການ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ​ໃນ​ອະ​ນາ​ຄົດ.

ທ່ານ ສະ​ໝານ​ ອະ​ເນ​ກາ ຜູ້​ອຳ​ນວຍ​ການ​ໃຫຍ່ ບໍ​ລິ​ສັດ ລ​ຊມ​ລ ໄດ້​ກ່າວ​ວ່າ: “ມື້ນີ້ ເປັນ​ນິ​ມິດ​ໝາຍ​ອັນ​ດີ​ຂອງ​ການ​ຮ່ວມ​ຫຼາຍກວ່າ​ໜຶ່ງ​ທົດ​ສະ​ວັດ ກັບ​ກະ​ຊວງ​ຖະ​ແຫຼງ​ຂ່າວ, ວັດ​ຖະ​ນະ​ທຳ ແລະ ທ່ອງ​ທ່ຽວ. ນີ້​ເປັນ​ຂີດ​ໝາຍ​ທີ່​ສຳ​ຄັນ​ໃນ​ການ​ເປັນ​ຄູ່​ຮ່ວມ​ງານ​ຂອງ ລ​ຊມ​ລ. ບໍ​ລິ​ສດ ລ​ຊມ​ລ ມຸ່ງ​ໝັ້ນ​ໃນ​ການ​ເຮັດ​ວຽກ​ຢ່າງ​ໃກ້​ຊິດ​ ກັບ​ຄູ່​ຮ່ວມ​ງານຂອງ​ກະ​ຊວງ ອີກ​ຢ່າງ​ໜ້ອຍ​ສິບ​ປີ ຈົນ​ກວ່າ​ຈະ​ສິ້ນ​ສຸດ​ອາ​ຍຸ​ການບໍ່​ແຮ່ ເພື່ອ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ​ລາວ.

​ກາ​ນ​ຄົ້ນ​ພົບ​ວັດ​ຖຸ​ບູ​ຮານ ແລະ ແຫຼ່ງ​ບູ​ຮານ​ວິ​ທະ​ຍາ​ທີ່​ສຳ​ຄັນ​ເຫຼົ່າ​ນີ້ ໃນ​ຂົງເຂດອ້ອມ​ຂ້າງບໍ່​ຄຳ-ທອງ​ເຊ​ໂປນ ໄດ້​ເປີດ​ປະ​ຕູ​ສູ່ຄວາມ​ສີ​ວິ​ໄລ​ຂອງອາ​ລິ​ຍະ​ທຳ​ບູ​ຮານ​ທີ່​ໜ້າ​ຕື່ນ​ເຕັ້ນ ທີ່​ສະ​ແດງ​ໃຫ້​ພວກ​ເຮົາ​ເຫັນ​ວ່າ ບັນ​ພະ​ບູ​ລຸດ​ຂອງ​ພວກ​ເຮົາ​ໄດ້​​ມີ​ຊີ​ວິດ​ຢູ່ແນວ​ໃດ​ໃນຫຼາຍ​ພັນ​ປີ​ກ່ອນ​ໜ້າ​ນີ້. ໃນ​ເດືອນ ມີ​ນາ 2018, ຄະ​ນະ​ບູ​ຮານ​ວິ​ທະ​ຍາ ໄດ້​ຄົ້ນ​ພົບ​ໄມ້​ຄຳ-ກັນ​ພັງ​ຢູ່​ໃນ​ຂຸມ​ສ້າງ​ບໍ່​ແຮ່​ທອງ​ໃນ​ສະ​​ໄໝ​ບູ​ຮານຫຼາຍກວ່າ 200 ຂຸມ​ບໍ່ ທີ່​ມີ​ອາ​ຍຸຫຼາຍກວ່າ 3000 ປີ​ກ່ອນໜ້​າ​ນີ້ ແລະ ບາງ​ລາຍ​ການກໍ່​ມີ​ອາ​ຍຸຫຼາຍກວ່າ​ສິບ​ພັນ​ປີ.

ການ​ຂຸດ​ຄົ້ນ​ບໍ່​ແຮ່ມີ​ຄວາມ​ສຳ​ຄັນ​ຕະຫຼອດໄລ​ຍະປະ​ຫວັດ​ສາດ​ການ​ພັດ​ທະ​ນາ​ຂອງ​ມະ​ນຸດ. ເມືອງວິ​ລະ​ບູ​ລີ ຖືກ​ຮັບ​ຮູ້​ໃນ​ລະ​ດັບ​ສາ​ກົນວ່າ ​ເປັນໜຶ່ງ​ໃນ​ເຂດທຳ​ອິດທີ່​ມີ​ການ​ຂຸດ​ຄົ້ນ​ບໍ່​ແ​ຮ່ ແລະ ສະ​ຖານ​ທີ່​ໂລ​ຫະ​ກິດ ​ຢູ່ ໃນ​ພາກ​ພື້ນ​ອາ​ຊີ​ຕາ​ເວັນ​ອອກ​ສ່ຽງ​ໃຕ້. ການ​ຂຸດ​ຄົ້ນ-ປຸງ​ແຕ່ງ​ແຮ່​ທາດ​ໃນ​ສະ​ໄໝ​ບູ​ຮານ​ຢູ່​ໃນ​ຂົງ​ເຂດ​ນີ້ ແມ່ນ​ໄດ້​ສືບ​ຕໍ່​ປະ​ຕິ​ບັດ​ກັນ​ມາ​ຈົນ​ເຖິງ​ປະ​ມານ 1300 ປີ​ກ່ອນ (ຄ​ສ 700) ເຊິ່ງ ເປັນ​ໄລ​ຍະ​ທີ່ ຜູ້​ຄົນ​ໄດ້​ຂຸດ​ຄົ້ນ-ຫຼໍ່ຫຼອມ​ແຮ່​ທອງ​ທີ່​ອຸ​ດົມ​ສົມ​ບູນ​ຢູ່​ໃນ​ຈຸດ ‘ເປີ້ນເບົ້າຫຼໍ່’ ແລະ ຢູ່ທີ່ ‘ທົ່ງນາເງືອກ’.

ວັດຖຸບູຮານອື່ນໆທີ່ຄົ້ນຄົບໃນ​ບໍ​ລິເວນນີ້ ແມ່ນລວມມີອຸປະກອນນຳໃຊ້ໃນການຂຸດຄົ້ນແຮ່ ເຊັ່ນ: ຂັ້ນໄດໄມ້ກົມ ແລະ ລູກໝາກລໍ້-ລ໋ອກ, ໄມ້ຄ້ຳ, ກະຕ່າໄມ້ໄຜ່ ແລະ ເຊືອກຫວາຍ; ຄ້ອງບ້າງທອງສຳລິດ (ທອງເຫຼືອງ) ຈາກຍຸກທອງເຫຼືອງ ເຊິ່ງວາງສະແດງໄວ້ຢູ່ທີ່ຫໍພິພິດທະພັນແຫ່ງຊາດໃນປັດຈຸບັນ; ກ້ອນທອງ, ເຄື່ອງປັ້ນດິນເຜົາ, ກະດິງທອງສຳລິດ, ເຄື່ອງປະດັບ, ເຄື່ອງໃຊ້ໃນພິທີກຳເສັ່ນໄຫວ້ ແລະ ວັດຖຸບູຮານອື່ນໆ ເຊິ່ງຊີ້ໃຫ້ເຫັນວ່າ ປະເທດລາວໃນອະດີດ ເປັນສະຖານ​ທີ່ປະຫວັດສາດທີ່ສຳຄັນຍິ່ງໃນ ພາກພື້ນແຫ່ງນີ້.

​ໃນ​ເຄິ່ງ​ຕົ້ນ​ປີ 2022 ມາ​ຮອດ​ທີ 30 ມິ​ຖຸ​ນາ, ບໍ່​ຄຳ-ທອງ​ເຊ​ໂປນ ສາ​ມາດ​ຜະ​ລິດ​ ຄຳ​ໄດ້ 102,468 ອອນ​ສ໌ (2.9 ໂຕນ) ແລະ ແຜ່ນທອງ​ສຳ​ເລັດ​ຮູບໄດ້ 3,933 ໂຕນ, ເພີ່ມ​ຂຶ້ນ 15 ສ່ວນ​ຮ້ອຍ ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ.

ໃນ​ປີ 2021, ບໍ່​ຄຳ​-ທອງເຊ​ໂປນ ສາ​ມາດ​ຜະ​ລິດ​ຄຳ 192,988 ອອນ​ສ໌ (6 ໂຕນ), ແລະ ທອງ​ໄດ້ 5,341 ໂຕນ.

ໃນ​ປີ 2021, ບໍ​ລິ​ສັດ ລ​ຊມ​ລ ປະ​ກອບ​ສ່ວນເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ ສ​ປ​ປ ລາວ ຈຳ​ນວນ US$40,843,028.09 ຈາກ​ການ​ຈ່າຍ​ພາ​ສີ​ຊັບ​ພະ​ຍາ​ກອນ​ແຮ່​ທາດ, ອາ​ກອນ​ຕ່າງໆ ແລະ ເງິ​ນ​ປັນ​ຜົນ​.

ນັບ​ຕັ້ງ​ແຕ່​ເລີ່ມ​ການ​ຜະ​ລິດ​ໃນ​ປີ 2003, ບໍ່​ຄຳ-ທອງ​ເຊ​ໂປນ ປະ​ກອບ​ສ່ວນ​ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວກວ່າ US$1.6 ຕື້ ຈາກ​ການ​ຈ່າຍ​ອາ​ກອນ​ຕ່າງໆ, ພາ​ສີ​ຊັບ​ພະ​ຍາ​ກອນ​ທຳ​ມະ​ຊາດ ແລະ ເງິນ​ປັນ​ຜົນ, ນອກ​ຈາກນັ້ນ​ຍັງ​ປະ​ກອບ​ສ່ວນຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ຈາກ​ການ​ສ້າງວຽກ​ເຮັດ​ງານ​ທຳ, ການ​ຝຶກ​ອົບ​ຮົມ, ການ​ພັດ​ທະ​ນາ​ຊຸມ​ຊົນ ແລະ ທຸ​ລະ​ກິດ​ທ້ອງ​ຖິ່ນ. ບໍ່​ຄຳ-ທອງ​ເຊ​ໂປນ ສ້າງວຽກ​ເຮັດ​ງານ​ທຳ​ໃຫ້​ແກ່​ຄົນ​ທ້ອງ​ຖິ່ນຫຼາຍກວ່າ 5000 ຄົນ.

ທ່ານ ຫວາງ ຈ້ຽນ​ຫົວ ປະ​ທານ​ບໍ​ລິ​ສັດ ຊື​ເຟິງ ຂຸດ​ຄົ້ນ​ຄຳ ກ່າວໃນ​ເວ​ລາ​ຢ້ຽມ​ຢາມ​ ສ​ປ​ປ ລາວ ໃນ​ກາງ​ເດືອນ​ກໍ​ລະ​ກົດ ເພື່ອ​ນຳ​ສະ​ເໜີ​ແຜນ​ຂະ​ຫຍາຍ​ຕົວ​ຂອງ​ບໍ​ລິ​ສັດ ​​ວ່າ: “ຂ້າ​ພະ​ເຈົ້າ ມີ​ຄວາມ​ພາກ​ພູມ​ໃຈ​ຕໍ່​ການ​ປະ​ກອບ​ສ່ວນ​ອັນ​ດີ​ເລີດນີ້ ຂອງ ພະ​ນັກ​ງານ ລ​ຊມ​ລ ທັງ​ໝົດ​ ໃນ​ການ​ບັນ​ລຸ​ເປົ້າ​ໝາຍ​ການ​ຜະ​ລິດ. ບໍ​ລິ​ສັດ​ຊື​ເຟິງ ລ​ຊມ​ລ ມີ​ຄວາມ​ພາກ​ພູມ​ໃຈ​ໃນ​ການ​ເປັນ​ຄູ່​ຮ່ວມ​ພັດ​ທະ​ນາ​ໃນ ສ​ປ​ປ​ ລາວ.”

ໃນ​ເວ​ລາ​ທີ່​ພົບ​ປະ​ຢ່າ​ງ​ອົບ​ອຸ່ນ​ກັບ​ ພະ​ນະ​ທ່ານ ປອ ໄຊ​ສົມ​ພອນ ພົມ​ວິ​ຫານ ປະ​ທານ​ສະ​ພາ​ແຫ່ງ​ຊາດ, ພະ​ນະ​ທ່ານ ປອ ສອນ​ໄຊ ສີ​ພັນ​ດອນ ຮອງ​ນາ​ຍົກ​ລັດ​ຖະ​ມົນ​ຕີ, ທ່ານນາງ ​ບຸນ​ຄຳ ວໍ​ລະ​ຈິດ ລັດ​ຖະ​ມົນ​ຕີ​ກະ​ຊວງ​ຊັບ​ພະ​ຍາ​ກອນ​ທຳ​ມະ​ຊາດ ແລ​ະ ສິ່ງ​ແວດ​ລ້ອມ, ທ່ານ ບຸນ​ໂຈມ ອຸ​ບົນ​ປະ​ເສີດ ລັດ​ຖະ​ມົນ​ຕີ ກະ​ຊວງ​ການ​ເງິນ, ທ່ານ ປອ ດາວ​ວົງ ພອນ​ແກ້ວ ລັດ​ຖະ​ມົນ​ຕີ​ກະ​ຊວງ​ພະ​ລັງ​ງານ ແລະ ບໍ່​ແຮ່, ແລະ ທ່ານ ສັນ​ຕິ​ພາບ ພົມ​ວິ​ຫານ ເຈົ້າ​ແຂວງ​ໆ ສະ​ຫວັນ​ນະ​ເຂດ, ທ່ານ ຫວາງ​ ຈ້ຽນ​ຫົວ​ ໄດ້ຢັ້ງ​ຢືນ​ຄວາມ​ມຸ່ງ​ໝັ້ນ​ຂອງ​ບໍ​ລິ ສັດ ຊື​ເຟິງ ໃນການ​ເພີ່ມ​ທະ​ວີການ​ພົວ​ພັນ ແລະ ລົງ​ທຶນ​ ໃນ​ສ​ປ​ປ ລາວ ເພື່ອ​ພັດ​ທະ​ນາ​ໂຄງ​ການ​ຄຳ, ທອງ ແລະ ແຮ່​ຫາ​ຍາກ,

ທ່ານ​ກ່າວ​ຕື່ມ​ອີກວ່າ: “ທຸກ​ອົງ​ກອນສະ​ແຫວງ​ຫາ​ການ​ພັດ​ທະ​ນາ​ໄລ​ຍະ​ຍາວ ແລະ ສິ່ງນີ້​ ຈະເປັນ​ຜົນ​ສຳ​ເລັດ​ທີ່​ດີ​ທີ່​ສຸດ ຈາກ​ການ​ຮ່ວມ​ມື​ກັບ​ອຳ​ນາດ​ການ​ປົກ​ຄອງ​ທ້ອງ​ຖິ່ນ ແລະ ທີມ​ງານ​ທີ່​ເຂັ້ມ​ແຂງ ​ທີ່​ມີ​ເປົ້າ​ໝາຍ​ອັນ​ດຽວ​ກັນ. ການ​ລົງ​ທຶນ​ໃນ​ໂຄງ​ການ​ໃໝ່​ຈະ​ສ້າງ​ຜົນ​ປະ​ໂຫຍດ​ໃຫ້​ແກ່​ປະ​ຊາ​ຊົນ​ ລັດ​ຖະ​ບານ​ລາວ. ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ​ຕໍ່​ຜົນ​ສຳ​ເລັດ​ຂອງ​ ລ​ຊມ​ລ ໃນ​ການ​ສ້າງວຽກ​ເຮັດ​ງານ​ທຳ, ຝຶກ​ອົບ​ຮົມ, ພັດ​ທະ​ນາ​ຊຸມ​ຊົນ ແລະ ປະ​ກອບ​ສ່ວນ​ສ້າງ​ລາຍ​ຮັບໃຫ້​ແກ່​ລັດ​ຖະ​ບານ​ລາວ.”

ປະ​ຈຸ​ບັນ​ນີ້, ບໍ​ລິ​ສັດ​ ຊື​ເຟິງ ຈີຫຼົງ​ຂຸດ​ຄົ້ນ​​ຄຳ ໄດ້ຖື​ຫຸ້ນ 90 ສ່ວນ​ຮ້ອຍ​ໃນ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ເຊິ່ງ​ເປັນ​ເຈົ້າ​ຂອງ ແລະ ດຳ​ເນີນ​ໂຄງ​ການ​ຄຳ-ທອງ​ ເຊ​ໂປນ ຢູ່ ແຂວງ​ສະ​ຫວັນ​ນະ​ເຂດ.

ໃນ​ເດືອນ​ກໍ​ລະ​ກົດ 2022, ບໍ​ລິ​ສັດ ຊື​ເຟິງ ຂຸດ​ຄົ້ນ​ຄຳ ໄດ້​ເຊັນ​ສັນ​ຍາ​ຮ່ວມ​ມື​ຄັ້ງ​ປະ​ຫວັດ​ສາດ ກັບ ລັດ​ວິ​ສະ​ຫະ​ກິດພັດ​ທະ​ນາ​ແຮ່​ທາດ​ລາວ ໃນ​ການ​ສຳຫຼວດ ແລະ ພັ​ດ​ທະ​ນາ​ຊັບ​ພະ​ຍາ​ກອນແຮ່​ທາດ​ເພີ່ມ​ຕື່ມ ເພື່ອ​ພັດ​ທະ​ນາ​ການ​ຜະ​ລິດ​ຂະ​ໜາດ​ໃຫຍ່​ໃນ​ອະ​ນາ​ຄົດ ​ຢູ່ໃນ​ສ​ປ​ປ ລາວ.

ທ່ານ ພໍ ແຮ​ຣິ​ສ, ຜູ້​ຈັດ​ການ​ໃຫຍ່​ ບໍ່​ຄຳ-ທອ​ງ​ເຊ​ໂປນ​ກ່າວ​ວ່າ: ສັນ​ຍາ​ສະ​ບັບ​ນີ້ ຍົກ​ໃຫ້​ເຫັນ​ຄວາມ​ໝາຍ​ໝັ້ນ​ທີ່​ມີ​ມາ​ຍາວ​ນານ​ຂອງບໍ​ລິ​ສັດ ການ​ພັດ​ທະ​ນາ​ຂະ​ແໜງ​ການ​ບໍ່​ແຮ່ ຢູ່​ໃນ ສ​ປ​ປ ລາວ.”

ໃນ​ເດືອນ​ເມ​ສາ 2022, ລ​ຊມ​ລ ປະ​ກອບ​ສ່ວນ US$5 ໃຫ້​ແກ່​ແຂວງ​ສະ​ຫວັນ​ນະ​ເຂດ ​ໃນ​ການ​ຍົກ​ລະ​ດັບ​ເສັ້ນ​ທາງ​ຂອງ​ລັດ ເລກ 28A, ຊຶ່ງ​ເປັນ​ເສັ້ນ​ທາງຂົນ​ສົ່ງ​ທີ່​ສຳ​ຄັນ​ໃນ​ການຂະ​ຫຍາຍ​ການ​ເຊື່ອມ​ໂຍງຕາ​ເວັນ​ອ​ອກ-ຕາ​ເວັນ​ຕົ​ກ ຂອງ ສ​ປ​ປ ລາວ, ໄທ ແລະ ຫວຽດ​ນາມ. ການ​ລົງ​ທຶນ​ຄັ້ງ​ນີ້​ຈະ​ຊ່ວຍ​ເພີ່ມ​ໂອ​ກາດ​ສຳ​ລັບ​ການ​ຄ້າ ແລະ ການ​ທ່ອງ​ທ່ຽວ​ໃນຂົງ​ເຂດ​ດັ່ງ​ກ່າວ.

ໃນ​ເດືອນ​ພຶດ​ສະ​ພາ 2022, ບໍ​ລິ​ສັດ ລ​ຊມ​ລ ເລີ່ມ​ການກໍ່​ສ້າງ​ອຸງ​ມົງ​ບໍ່​ແຮ່​ໃຕ້​ດິນ​ທີ່​ທັນ​ສະ​ໄໝ​ແຫ່ງ​ທຳ​ອິດ​ຂອງ ສ​ປ​ປ​ລາວ. ຄາດ​ຄະ​ເນ​ປະ​ລິ​ມານ​ສະ​ສົມ​ແຮ່​ປະ​ມານ 9.5 ລ້ານ​ໂຕນ ຊຶ່ງ​ຄາດ​ວ່າ​ຈະ​ສາ​ມາດ​ຜະ​ລິດ​ແຮ່​ເພີ່ມ​ຂຶ້ນ​ຈາກ 400.000 ໂຕນ​ໃນ​ປີ 2023 ຂຶ້ນ​ເປັນ 1,2 ລ້ານ​ໂຕນ​ ຕໍ່​ປີຫຼັງ​ຈາກນັ້ນ. ບໍ່​ໃຕ້​ດິນ​ດີ​ສ​ໂຄ​ເວີ​ຣີ​ດີບ ຈະ​ຍືດ​ອາ​ຍຸ​ການ​ຂອງ​ໂຄງ​ການ​ເຊ​ໂປນ​ ອອກ​ໄປ​ຕື່ມ​ອີກ 7 ປີ ຈົນ​ເຖິງ 2030 ປະ​ກອບ​ສ່ວນໃສ່ການ​ພັດ​ທະ​ນາ​ແບບ​ຍືນ​ຍົງ​ໃຫ້​ແກ່​ຊຸມ​ຊົນ​ທ້ອງ​ຖິ່ນ.

ທ່ານ ພໍ ແຮ​ຣິ​ສ, ຜູ້​ຈັດ​ການ​ໃຫຍ່​ ບໍ່​ຄຳ-ທອ​ງ​ເຊ​ໂປນ​ກ່າວ​ວ່າ: “ຢູ່​ເຂດເຊ​ໂປນ ມີ​ປະ​ຫວັດ​ສາດ​ການ​ຂຸດ​ຄົ້ນ​ບໍ່​ແຮ່​ມາຫຼາຍ​ພັນ​ປີ. ການ​ພັດ​ທະ​ນາ​ໃໝ່​ນີ້​ຈະ​ນຳ​ໃຊ້​ອຸ​ປະ​ກອນ​ທີ່​ທັນ​ສະ​ໄ​ໝ ແລະ ເຕັກ​ນິກ​ການ​ຂຸດ​ຄົ້ນ​ບໍ່​ແຮ່​ທີ່​ກ້າວ​ໜ້າ ເພື່ອ ຖ່າຍ​ທອດ​ຄວາມ​ຮູ້ ແລະ ທັກ​ສະ​ໃຫ້​ແກ່ ພະ​ນັກ​ງານ ແລະ ຜູ້​ຮັບ​ເໝົາ​ຄົນ​ລາວ ກໍ​ຄື ວິ​ຊາ​ການ​ມື​ອາ​ຊີບ​ດ້ານ​ບໍ່​ແຮ່​ທີ່​ເປັນ​ຄົນ​ລາວ ເພື່ອ​ວາງ​ມາດ​ຕະ​ຖານ​ໃໝ່ໆ​ສຳ​ລັບ ການ​ຂຸດ​ຄົ້ນ​ບໍ່​ແຮ່​ໃຕ້​ດິນ.”

ບໍ່​ຄຳ​-ທອງ ​ເຊ​ໂປນ ທີ່ໄດ້ຮັບ​ການ​ຈັດ​ອັນ​ດັບ ປະ​ເພດ A+ ຢ່າງ​ຕໍ່​ເນື່ອງ ໜຶ່ງ​ດຽວ​ໃນ​ ສ​ປ​ປ ລາວ ​ຊຶ່ງ​ອອກ​ໃຫ້ໂດຍກະ​ຊວງ​ພະ​ລັງ​ງານ ແລະ ບໍ່​ແຮ່​ ສຳ​ລັບຄວາມ​ມຸ່ງ​ໝັ້ນ​ໃນ​ການ​ປະ​ກອບ​ສ່ວນຕໍ່​ການ​ພັດ​ທະ​ນາ​ເສດ​ຖ​ະ​ກິດ ແລະ ສັງ​ຄົມ, ສຸ​ຂະ​ພາບ ແລະ ຄວາມ​ປອດ​ໄພ, ປົກ​ປັກ​ຮັກ​ສາ​ສິ່ງ​ແວດ​ລ້ອມ ແລະ ຮັກ​ສາ​ມາດ​ຕະ​ຖານ​ການ​ດຳ​ເນີນ​ງານ​ໃນ​ລະ​ດັບ​ສາ​ກົນ.

ບໍ​ລິ​ສັດ ລ​ຊມລ ສືບ​ຕໍ່​ລົງ​ທຶນ​ໃນ​ການ​ຝຶກ​ອົບ​ຮົມ ແລະ ພັດ​ທະ​ນາ. ມາ​ຮ​ອດ​ເດືອນ ມິ​ຖຸ​ນາ 2022, ບໍ​ລິ​ສັດ ລ​ຊມ​ລ ສະ​ໜອງ​ການ​ຝຶກ​ອົບ​ຮົມ​ກວ່​າ 23,000 ຊົ່ວ​ໂມງ​ໃຫ້​ແກ່​ພະ​ນັກ​ງານ​ຄົນ​ລາວ ທັງ​ການ​ຝຶກ​ອົບ​ຮົມ​ພາຍ​ໃນ, ພາຍນອກ ແລະ ໃນ​ໜ້າ​ວຽກ ແລະ ການ​ສຶກ​ສາ​ຢູ່​ຕ່າງ​ປະ​ເທດ. ໃນ​ເຄິ່ງ​ປີ​ຫຼັງ 2022, ບໍ​ລິ​ສັດ ລ​ຊມ​ລ ຈະ​ຈັດ​ຕັ້ງຫຼັກ​ສູດ ໂຄງກາ​ນ​ນັກ​ຮຽນ​ຊ່າງ​ເຕັກ​ນິກ ຊຶ່ງ​ມີ​ເປົ້າ​ໝາຍ​ສຳ​ລັບ​ຄົນ​ທ້ອງ​ຖິ່ນ ແລະ ໂຄງ​ການ​ພັດ​ທະ​ນາ​ຫົວ​ໜ້​າ​ຄຸມ​ງານ ແລະ ຜູ້​ນຳ ເພື່ອ​ຍົກ​ລະ​ດັບ​ທັກ​ສະ​ໃຫ້​ບຸກ​ຄະ​ລາ​ກອນ​ຄົນ​ລາວ.

ຄວາມຫຼາກ​ຫຼາຍ ແລະ ການ​ມີ​ສ່ວນ​ຮ່ວມ ຂອງ​ພະ​ນັກ​ງານ ລ​ຊມ​ລ ຍັງ​ສືບ​ຕໍ່​ເຂັ້ມ​ແຂງ ຊຶ່ງ​ພະ​ນັກ​ງານ​ຍິງ​ກວມ​ເອົາ 24 ສ່ວນ​ຮ້ອຍ ແລະ 95 ສ່ວນ​ຮ້ອຍ​ຂອງ​ພະ​ນັກ​ງານ​ທັງ​ໝົດ ແມ່ນ​ຄົນ​ລາວ (80 ສ່ວນ​ຮ້ອຍ ຈາກ​ທ້ອງ​ຖິ່ນ​ເມືອງວິ​ລະ​ບູ​ລີ ແລະ ແຂວງ​ສະ​ຫວັນ​ນະ​ເຂດ).

ໂອ​ກາດ​ໃນ​ການ​ເຮັດ​ວຽກ​ທີ່​ໂຄງ​ການ​ເຊ​ໂປນ ແມ່ນເຊື່ອມ​ໂຍງ​ກັບ​ບົດ​ບາດ​ດ້ານ​ເຕັກ​ນິກ ທີ່​ກ່ຽວ​ຂ້ອງ​ກັບ​ການ​ສຳຫຼ​ວດ ແລະ ພັດ​ທະ​ນາ ໂຄງ​ການບໍ່​ແຮ່​ໃຕ້​ດິນ ຊຶ່ງ​ມີ​ພະ​ນັກ​ງານ​ຄົນ​ລາວກວ່າ 300 ຄົນ​ໃນ​ປີ 2022.

ການ​ແຜ່​ລະ​ບາດ​ຂອງ​ພະ​ຍາດ COVID19 ໄດ້​ກໍ່​ໃຫ້​ເກີດ​ຄວາມ​ທ້​າ​ທາຍ​ສຳ​ຄັນ​ຕໍ່​ສຸ​ຂະ​ພາບ ແລະ ຄວາມ​ປອດ​ໄພ, ກ​ານ​ຂົນ​ສົ່ງ ແລະ ການ​ດຳ​ເນີນ​ງານ. ບໍ​ລິ​ສັດ ລ​ຊມ​ລ ເຮັດ​ວຽກ​ປະ​ສານ​ງານ​ຢ່າງ​ໃກ້​ຊິດ​ກັບ​ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ ແລະ ລັດ​ຖະ​ບານ ຂັ້ນ​ທ້ອງ​ຖິ່ນ, ແຂວງ ແລະ ສູນ​ກາ​ງ ເພື່ອ​ຮັບ​ປະ​ກັນ​ການ​ປົກ​ປ້ອງ​ພະ​ນັກ​ງານ ​ແລະ ຊຸມ​ຊົນ. ພາຍ​ໃຕ້​ການ​ຮ່ວມ​ມື​ກັບ​ພະ​ແນກ​ສາ​ທາ​ລະ​ນະ​ສຸກ​ແຂວງ​ສະ​ຫວັນ​ນະ​ເຂດ, ພະ​ນັກ​ງານ ລ​ຊມ​ລ ແລະ ຜູ້​ຮັບ​ເໝົາ ໄດ້​ຮັບ​ການ​ສັກ​ວັກ​ຊີນ​ປ້ອງ​ກັນ COVID-19 ຢ່າງ​ຄົບ​ຖ້ວນ ພ້ອມ​ທັງ​ເຂັມ​ກະ​ຕຸ້ນ. ບໍ​ລິ​ສັດ ລ​ຊມ​ລ ປະ​ກອບ​ສ່ວນ​ປະ​ມານ US$500,000 ໃຫ້​ແກ່​ລັດ​ຖະ​ບານ​ລາວ ໃນ​ການ​ປ້ອງ​ກັນ ແລະ ຮັບ​ມື​ກັບ COVID19 ຊຶ່ງ​ລວມ​ມີ ກ​ານ​ສະ​ໜອງ​ສະ​ຖານ​ທີ່​ຈຳ​ກັດ​ບໍ​ລິ​ເວນ, ເຄື່ອງກວດ​ແບບ PCR ແລະ ອຸ​ປ​ະ​ກອນ​ການ​ແພດ​ອື່ນໆ.

ແຜນ​ງານກອງ​ທຶນ​ພັດ​ທະ​ນາ​ທ້ອງ​ຖິ່ນ ຂອງ ບໍ່​ຄຳ-ທອງ​ເຊ​ໂປນ ແມ່ນ​ສຸມ​ໃສ່​ການ​ຮັບ​ປະ​ກັນ​ສະ​ບຽງ​ອາ​ຫານ, ການ​ສຶກ​ສາ ແລະ ສາ​ທາ​ລະ​ນະ​ສຸກ. ດ້ວຍ​ເປົ້າ​ໝາຍ​ສະ​ໜັບ​ສະ​ໜູນ​ຊຸມ​ຊົນ​ທີ່​ດ້ອຍ​ໂອ​ກາດ ໃນ​ການ​ປັບ​ປຸງ​ຊີ​ວິດ​ການ​ເປັນ​ຢູ່, ການ​ເຂົ້າ​ເຖິງ​ນ້ຳ​ສະ​ອາດ, ສຸ​ຂະ​ອະ​ນາ​ໄມ, ຊົນ​ລະ​ປະ​ທານ ແລະ ໂຄງ​ລ່າງ​ພື້ນ​ຖານ​ອື່ນໆ, ລ​ຊມ​ລ ຍົກ​ລະ​ດັບ​ເມືອງວິ​ລະ​ບູ​ລີ ອອກ​ຈາກ​ເມືອງ​ທີ່​ທຸກ​ຍາກ ແລະ ບັນ​ລຸ​ເປົ້າ​ໝາຍ​ຕົວ​ຊີ້​ວັດ​ໃນ​ການ​ຫຼຸດ​ຜ່ອນ​ຄວາມ​ທຸກ​ຍາກຂອງລັດ​ຖະ​ບານ. ບໍ​ລິ​ສັດໜັບ​ສະ​ໜູນການ​ສ້າງ​ຕັ້ງລະ​ບົບ ການ​ສະ​ໜອງ​​ນ້ຳ​ປະ​ປາໃນ​ເມືອງວິ​ລະ​ບູ​ລີ, ໂຮງ​ໝໍ​ເມືອງ, ສຸກ​ສາ​ລາ, ໂຮງ​ຮຽນ ແລະ ທຶນ​ການ​ສຶກ​ສາ.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ບໍ​ລິ​ສັດ ລ​ຊມ​ລ ກ່າວ​ວ່າ: “ບໍ​ລິ​ສັດ ລ​ຊ​ມ​ລ ສ້າງ​ຊີ​ວິດ​ການ​ເປັນ​ ​ທີ່​ດີ​ຂຶ້ນໃຫ້​ແກ່​ຄົນ​ຮຸ່ນ​ໃໝ່. ມາ​ຮອດ​ປະ​ຈຸ​ບັນ​ນີ້, ບໍ​ລິ​ສັດ ລົງ​ທຶນກວ່າ US$11 ລ້ານ ໃນ​ເມືອງວິ​ລະ​ບູ​ລີ ໂດຍ​ຜ່ານກອງ​ທຶນ​ພັດ​ທະ​ນາ​ທ້ອງ​ຖິ່ນ ແລະ ສ້າງ​ລາຍ​ຮັບ​ໃຫ້​ແກ່​ຊຸມ​ຊົນ ກວ່າ US$49 ລ້ານ​ ໂດຍ​ຜ່ານ​ກຸ່ມ​ທຸ​ລະ​ກິ​ດ​ທ້ອງ​ຖິ່ນ. ລ​ຊມ​ລ ລົງ​ທຶນ​ໃສ່​ຊັບ​ພະ​ຍາ​ກອນ​ຄົນ​ລາວ ເພື່ອ​ພັດ​ທະ​ນາ​ຊີ​ວິດ​ການ​ເປັນ​ຢູ່​ແບບ​ຍືນ​ຍົງ ແລະ ປັບ​ປຸງ​ໂອ​ກາດ​ສຳ​ລັບ​ອະ​ນາ​ຄົນ.”

ທ່ານ Wang Jianhua ປະທານບໍລິສັດ Chifeng Jilong Gold ໄດ້ຮຽກຮ້ອງໃຫ້ເຈົ້າໜ້າທີ່ລະດັບສູງຢູ່ນະຄອນຫຼວງວຽງຈັນ ໃນອາທິດທີ່ຜ່ານມາ ເພື່ອຍົກໃຫ້ເຫັນເຖິງການລົງທຶນອັນສຳຄັນຂອງບໍລິສັດ ແລະ ການປະກອບສ່ວນເຂົ້າໃນການພັດທະນາເສດຖະກິດ ແລະ ສັງຄົມຂອງ ສປປ ລາວ ແລະ ຢືນຢັນຄືນແຜນການພັດທະນາໃນອານາຄົດຂອງການຮ່ວມມືກັບລັດຖະບານລາວ. ບໍລິສັດ ຈີ່ເຟີງ ຈິລອງ ຈຳກັດ ເປັນເຈົ້າຂອງຫຸ້ນ 90 ເປີເຊັນ ໃນບໍລິສັດ ລ້ານຊ້າງ ມິນເນເຣລ ຈຳກັດ (LXML) ເຊິ່ງເປັນເຈົ້າຂອງ ແລະ ດຳເນີນງານບໍ່ຄຳເຊໂປນ ແຂວງສະຫວັນນະເຂດ.

​ໃນ​ການ​ພົບ​ປະ​ຢ່າງ​ອົບ​ອຸ່ນ​ກັບ​ທ່ານ ດຣ ​ໄຊ​ສົມ​ພອນ ພົມວິຫານ ປະທານ​ສະພາ​ແຫ່ງ​ຊາດ, ທ່ານ ດຣ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ, ທ່ານ​ນາງ ບຸນ​ຄຳ ວໍລະ​ຈິດ ລັດຖະມົນຕີ​ກະຊວງ​ຊັບພະຍາກອນ ​ແລະ ສິ່ງ​ແວດ​ລ້ອມ, ທ່ານ ບຸນ​ຊຸມ ອຸບົນ​ປະ​ເສີດ, ລັດຖະມົນຕີ​ກະຊວງ​ການ​ເງິນ, ທ່ານ ດຣ ດາວ​ວົງ ພອນ​ແກ້ວ ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່. ແລະ ທ່ານ ສັນຕິພອນ ພົມວິຫານ ເຈົ້າແຂວງສະຫວັນນະເຂດ, ທ່ານ ວາງ ຈ້ຽນຮວາ ໄດ້ຢືນຢັນຄຳໝັ້ນສັນຍາຂອງທ່ານ ຊິເຟິງ ທີ່ຈະເພີ່ມທະວີການຮ່ວມມື ແລະ ການລົງທຶນຢູ່ ສປປ ລາວ ເພື່ອພັດທະນາໂຄງການບໍ່ຄຳ, ທອງແດງ ແລະ ແຮ່ຫາຍາກ.

ທ່ານ Wang Jianhua ກ່າວ​ວ່າ “ການ​ລົງ​ທຶນ​ໃນ​ໂຄງ​ການ​ບໍ່​ແຮ່​ໃໝ່​ຂອງ​ພວກ​ເຮົາ​ຈະ​ໄດ້​ຮັບ​ຜົນ​ປະ​ໂຫຍດ​ທາງ​ບວກ​ແກ່​ປະ​ຊາ​ຊົນ​ລາວ ແລະ​ລັດ​ຖະ​ບານ.

“ຂ້າພະເຈົ້າມີຄວາມພາກພູມໃຈເປັນຢ່າງຍິ່ງຕໍ່ຜົນສຳເລັດຂອງບໍລິສັດຂອງພວກເຮົາໃນ ສປປ ລາວ, ໂດຍສະເພາະແມ່ນການຈ້າງງານ, ການຝຶກອົບຮົມ, ການພັດທະນາຊຸມຊົນ ແລະ ການປະກອບສ່ວນລາຍຮັບໃຫ້ແກ່ລັດຖະບານລາວ.”

ຫວ່າງ​ມໍ່ໆ​ມາ​ນີ້, ທ່ານ​ສີ​ຈິ້ນ​ຜິງ​ໄດ້​ລົງ​ນາມ​ໃນ​ຂໍ້​ຕົກ​ລົງ​ຮ່ວມ​ມື​ຄັ້ງ​ປະ​ຫວັດ​ສາດ​ກັບ​ລັດ​ວິ​ສາ​ຫະ​ກິດ​ພັດ​ທະ​ນາ​ບໍ່​ແຮ່​ແຫ່ງ​ລັດ (LMD) ເພື່ອ​ຊອກ​ຫາ​ແລະ​ພັດ​ທະ​ນາ​ແຫຼ່ງ​ແຮ່​ທາດ​ເພີ່ມ​ເຕີມ​ຢູ່ ສ​ປ​ປ ລາວ.

ທ່ານ Wang Jianhua ກ່າວ​ວ່າ “ການ​ຮ່ວມ​ມື​ນີ້ ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ໝັ້ນ​ຄົງ​ອັນ​ໝັ້ນຄົງ​ຂອງ Chifeng ​ໃນ​ການ​ເຕີບ​ໂຕ ​ແລະ ພັດທະນາ​ຂະ​ແໜງ​ການ​ບໍ່​ແຮ່​ຢູ່ ສປປ ລາວ.

"ຂ້າພະເຈົ້າຂໍສະແດງຄວາມຂອບໃຈມາຍັງລັດຖະບານລາວ ທີ່ໄດ້ໃຫ້ການສະໜັບສະໜູນໂຄງການເຊໂປນ ແລະ ແຜນການຂະຫຍາຍຕົວຂອງບໍລິສັດ."

​ໃນ​ການ​ປຶກສາ​ຫາລື​ກັບ​ເຈົ້າ​ໜ້າ​ທີ່​ລັດຖະບານ, ທ່ານ​ວາງ​ຈ້ຽນຮວາ​ຢືນຢັນ​ວ່າ, ​ເມືອງ​ຊຽງ​ໄຮ້​ຈະ​ສືບ​ຕໍ່​ຮັກສາ​ມາດຕະຖານ​ສາກົນ​ດ້ານ​ຄວາມ​ປອດ​ໄພ, ສິ່ງ​ແວດ​ລ້ອມ, ການ​ພັດທະນາ​ຊຸມ​ຊົນ​ແລະ​ການ​ພັດທະນາ​ພະນັກງານ​ລາວ.

LXML ແລະ ລັດຖະບານລາວ ໄດ້ສ້າງຄວາມສຳພັນອັນແໜ້ນແຟ້ນ ໃນໄລຍະເກືອບ 30 ປີແຫ່ງການຮ່ວມມື.

ບໍ່ແຮ່ເຊໂປນ ມີຄວາມພູມໃຈໃນການຮັກສາມາດຕະຖານສາກົນທີ່ສູງທີ່ສຸດ, ໄດ້ຖືກຈັດອັນດັບ A+ ໂດຍກະຊວງພະລັງງານ ແລະ ບໍ່ແຮ່ຢ່າງສະເໝີຕົ້ນສະເໝີປາຍ ແລະ ຖືວ່າເປັນແບບຢ່າງຢ່າງກ້ວາງຂວາງໃຫ້ແກ່ບໍລິສັດຂຸດຄົ້ນບໍ່ແຮ່ອື່ນໆໃນ ສປປ ລາວ.

ປີນີ້, ບໍລິສັດ Chifeng LXML ໄດ້ເລີ່ມກໍ່ສ້າງບໍ່ແຮ່ໃຕ້ດິນທີ່ທັນສະໄໝແຫ່ງທຳອິດໃນ ສປປ ລາວ, ເຊິ່ງເປັນຕົວຢ່າງໃຫ້ແກ່ຜູ້ອື່ນໃນຂະແໜງບໍ່ແຮ່.

ນັບແຕ່ເລີ່ມດໍາເນີນງານໃນປີ 2003 ເປັນຕົ້ນມາ, ບໍລິສັດ LXML ເຊໂປນ ໄດ້ຜະລິດທອງແດງ 1,1 ລ້ານໂຕນ, ທອງແດງ 1,5 ລ້ານອອນສ໌ ແລະ ໄດ້ປະກອບສ່ວນລາຍຮັບໂດຍກົງໃຫ້ແກ່ລັດຖະບານລາວ ຫຼາຍກວ່າ 1,6 ຕື້ໂດລາສະຫະລັດ ໂດຍຜ່ານພາສີ, ຄ່າພາກຫຼວງ ແລະ ເງິນປັນຜົນ, ນອກຈາກນັ້ນ. ເພື່ອຜົນປະໂຫຍດທາງອ້ອມຫຼາຍຮ້ອຍລ້ານໂດລາໂດຍການຈ້າງງານ, ການຝຶກອົບຮົມ, ຊຸມຊົນ, ແລະການພັດທະນາທຸລະກິດທ້ອງຖິ່ນ.

ໃນປີ 2021 ເຊໂປນໄດ້ຜະລິດທອງແດງ 5,341 ໂຕນ ແລະ ທອງແດງ 192,988 ອອນສ໌. ທິດທາງການຜະລິດໃນປີ 2022 ແມ່ນປະມານ 224,000 ອອນສ໌ (7 ໂຕນ) ຂອງ doré ຄໍາ ແລະ 8,000 ໂຕນຂອງ cathode ທອງແດງ.

12 ​ກໍ​ລະ​ກົດ 2022

​​ນະ​ຄອນຫຼວງວຽງ​ຈັນ, ສ​ປ​ປ ລາວ – ໃນ​ວັນ​ທີ 11 ກໍ​ລະ​ກົດ 2022, ບໍ​ລິ​ສັດ​ ຊື​ເຟິງ ຈີຫຼົງ ຂຸດ​ຄົ້ນ​ຄຳ ໄດ້​ລົງ​ນາມ​​ໃນສັນ​ຍາ​ການ​ຮ່ວມ​ມື​ກັບ ລັດ​ວິ​ສາ​ຫະ​ກິດ ພັດ​ທະ​ນາ​ແຮ່​ທາດລາວ (ພ​ຮ​ລ) ເປັນ​ຄັ້ງ​ປະ​ຫວັດ​ສາດ. ສັນ​ຍາ​ດັ່ງ​ກ່າວ​ຈະ​ຊ່ວຍ​ໃຫ້​​ທຸກໆ​ຝ່າຍ​ສຸມ​ໃສ່​ການ​ສຳຫຼວດ ແລະ ພັດ​ທະ​ນາ​ແຫຼ່ງ​ແຮ່​ຕ່າງໆ ​ເພື່ອ​​ກາຍ​ເປັນ​ໂຄງ​ການ​ຂະ​ໜາດ​ໃຫຍ່​ໃນ​ອະ​ນາ​ຄົດ ຢູ່​ໃນ ສ​ປ​ປ ລາວ.

ທ່ານ ພໍ ແຮ​ຣິ​ສ, ປະ​ທານ​ກິ​ຕິ​ມະ​ສັກ​ຂອງ ບໍ​ລິ​ສັດ​ຊື​ເຟິງ ຂຸດ​ຄົ້ນ​ຄຳ ແລະ ຜູ້​ຈັດ​ການ​ໃຫຍ່​ຂອງ ບໍ​ລິ​ສັດ​ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊ​ມ​ລ) ໄດ້​ກ່າວ​ວ່າ: “ສັນ​ຍາ​ສະ​ບັບ​ນີ້ ຍົກ​ໃຫ້​ເຫັນ​ຄວາມ​ໝາຍ​ໝັ້ນ​ທີ່​ມີ​ມາ​ຍາວ​ນານ​ຂອງບໍ​ລິ​ສັດ ຊື​ເຟິງ ໃນ​ການ​ເຕີບ​ໂຕ ແລະ ການ​ພັດ​ທະ​ນາ​ຂະ​ແໜງ​ການ​ບໍ່​ແຮ່ ຢູ່​ໃນ ສ​ປ​ປ ລາວ.”

“ຄະ​ນະ​ຂອງພວກ​ເຮົາ​ພວມ​ເຮັດ​ວຽກ​ຮ່ວມ​ມື​ກັບ​ລັດ​ຖະ​ບານ​ລາວ​ເພື່ອ​ພັດ​ທະ​ນາ​ອີກຫຼາຍໆ​ໂຄງ​ການ​ທີ່​ຈະ​ປະ​ສົບ​ຜົນ​ສຳ​ເລັດ ໃຫ້​ຄື​ກັນ​ກັບໂຄງ​ການ​ຄຳ-ທອງ ​ເຊ​ໂປນ. ບໍ​ລິ​ສັດ ຊື​ເຟິງ ແລະ ​ລັດ​ວິ​ສາ​ຫະ​ກິດ​ພັດ​ທະ​ນາ​ແຮ່​ທາດ​ລາວ ຈະ​ດຳ​ເນີນ​ການ​ສຳຫຼວດ​ ເພື່ອ​ລິ​ເລີ່ມ​ໂຄງ​ການ​ບໍ່​ແຮ່​ລະ​ດັບ​ໂລກ ເພື່ອ​ສ້າງ​ຜົນ​ປະ​ໂຫຍດ​ຮ່ວມ​ກັນຂອງຜູ້​ມີ​ສ່ວນ​ຮ່ວມ ໂດຍ​ສະ​ເພາ​ະແມ່ນປະ​ຊາ​ຊົນ​ລາວ.”

“​ໂດຍຮ່ວມ​ກັບ​ລັດ​ວິ​ສາ​ຫະ​ກິດ​ພັດ​ທະ​ນາ​ແຮ່​ທາດ​ລາວ ແລະ ລັດ​ຖະ​ບານ​ລາວ, ຄະ​ນະ​ພວກ​ເຮົາ​ພວມ​ສ້າງ​ພື້ນ​ຖານ​ອັນ​ເຂັ້ມ​ແຂງ ​ເພື່ອ​ຂະ​ຫຍາຍ​ການ​ລົງ​ທຶນ​ຢ່າງ​ມະ​ຫາ​ສານ​ໃນ ສ​ປ​ປ ລາວ ຂອງບໍ​ລິ​ສັດ ຊື​ເຟິງ. ບໍ​ລິ​ສັດ ຈະ​ຮັກ​ສາ​ມາດ​ຕະ​ຖານ​ສາ​ກົນທີ່​ເປັນ​ທີ່​ຮູ້​ຈັກ​ຢ່າງກວ້າງ​ຂວາງ ໂດຍ​ສ​ະ​ເພາະ ໃນ​ດ້ານ​ຄວາມ​ປອດ​ໄພ, ສິ່ງ​ແວດ​ລ້ອມ, ການ​ພັດ​ທະ​ນາ​ຊຸມ​ຊົນ ແລະ ການ​​ກໍ່​ສ້າງ​ພະ​ນັກ​ງານ​​ລາວ.”

ທ່ານ ບຸນ​ຍົງ ສີ​ດາ​ວົງ, ຜູ້​ອຳ​ນວຍ​ການ​ໃຫຍ່ ລັດ​ວິ​ສາ​ຫະ​ກິດ​ພັດ​ທະ​ນາ​ແຮ່​ທາດ​ລາວ ໄດ້​ກ່າວ​ວ່າ: “ສັນ​ຍາສະ​ບັບ​ນີ້ ຊຸກ​ຍູ້​ໃຫ້​ມີ​ການ​ສຳຫຼວດ​ເຂດ​ທີ່​ມີ​ທ່າ​ແຮງດ້ານ​ແຮ່​ທາດ ກ່ອນ​ທີ່​ຈະ​ເຂົ້າ​ສູ່​ສັນ​​ຍາ​ສຳ​ປະ​ທານ.”

​​ລັດ​ວິ​ສາ​ຫະ​ກິດ​ພັດ​ທະ​ນາ​ແຮ່​ທາດ​ລາວ ມີ​ຄວາມ​ເຊື່ອ​ໝັ້ນ​ ໃນດ້ານ​ຄວາມ​ຊຳ​ນິ​ຊຳ​ນານ ແລະ ຄວາມ​ພ້ອ​ມຂອງ ບໍ​ລິ​ສັດ ຊື​ເຟິງ ​ທີ່ຈະ​ນຳ​ສູ່​ຜົນ​ສຳ​ເລັດ ເຊິ່ງເຫັນ​ໄດ້​ຈາກຜົນ​ງານ​ດ້ານ​ການ​ດຳ​ເນີນ​ໂຄງ​ການ​ຂຸດ​ຄົ້ນ ແລະ ປຸງ​ແຕ່ງ​ຄຳ-ທອງ​ ເຊ​ໂປນ. ສະ​ນັ້ນ​, ການ​ຊອກ​ຫາ​ເຂດ​ທີ່​ມີ​ທ່າ​ແຮງ​ດ້ານ​ແຮ່​ທາດ ເປັນ​ສິ່ງ​ສຳ​ຄັນ​ຕັດ​ສິນ ໃນ​ນັ້ນ: ການ​ສະ​ໜັບ​ສະ​ໜູນຈາກ​ລັດ​ຖະ​ບານ, ​ຂະ​ແໜງ​ການ​ກ່ຽວ​ຂ້ອງ ແລະ ຊຸມ​ຊົນ​ທ້ອງ​ຖິ່ນ ແມ່ນ​ມີ​ຄວາມ​ຈຳ​ເປັນ ໃຫ້​ແກ່ການ​ພັດ​ທະ​ນາ​ຂະ​ແໜງ​ບໍ່​ແຮ່​ ໃນ ສ​ປ​ປ ລາວ.”

​ລ​ຊມ​ລ ແລະ ລັດ​ຖະ​ບານ​ລາວ​ໄດ້​ມີ​ສາຍ​ພົວ​ພັນ​ທີ່​ດີ ແລະ ປະ​ສົບ​ຜົນ​ສຳ​ເລັດ​ມາຫຼາຍກວ່າ 30 ປີ. ບໍ່​ຄຳ​-ທອງ ​ເຊ​ໂປນ ມີ​ຄວາມ​ພາກ​ພູມ​ໃຈ​ທີ່​ໄດ້​ຮັກ​ສາ​ມາດ​ຕະ​ຖານ​ສາ​ກົນ​ສູງ​ທີ່​ສຸດ ແລະ ສາ​ມາດ​ຮັກ​ສາ​ມາດ​ຕະ​ຖານ A+ ​ຊຶ່ງ​ອອກ​ໃຫ້ໂດຍກະ​ຊວງ​ພະ​ລັງ​ງານ ແລະ ບໍ່​ແຮ່​ ຢ່າງ​ສະ​ເໝີ​ມາ ແລະ ເປັນ​ທີ່​ຍອມ​ຮັບ​ວ່າ ໄດ້​ເປັນ​ແບບ​ຢ່າງ​ສຳ​ລັບ​ບໍ​ລິ​ສັດ​ບໍ່​ແຮ່​ອື່ນໆ ຢູ່​ໃນ ສ​ປ​ປ ລາວ.

​ປະ​ຈຸ​ບັນ​ນີ້, ບໍ​ລິ​ສັດ​ ຊື​ເຟິງ ຈີຫຼົງ​ຂຸດ​ຄົ້ນ​​ຄຳ ໄດ້ຖື​ຫຸ້ນ 90 ສ່ວນ​ຮ້ອຍ​ໃນ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ເຊິ່ງ​ເປັນ​ເຈົ້າ​ຂອງ ແລະ ດຳ​ເນີນ​ໂຄງ​ການ​ຄຳ-ທອງ​ ເຊ​ໂປນ ຢູ່ ແຂວງ​ສະ​ຫວັນ​ນະ​ເຂດ.

ນັບ​ແຕ່​ເລີ່ມ​ດຳ​ເນີນ​ງານ​ໃນ​ປາຍ​ປີ 2003 ເປັນ​ຕົ້ນ​ມາ, ບໍ​ລິ​ສັດ ລ​ຊມ​ລ ໄດ້​ຜະ​ລິດ​ແຜ່ນ​ທອງຫຼາຍກວ່າ​ 1,1 ລ້ານ ​ໂຕນ ແລະ ແທ່ງ​ຄຳ​ກວ່າ 1,5 ລ້ານ ​ອອນ​ສ໌ ພ້ອມ​ທັງ​ໄດ້​ປະ​ກອບ​ສ່ວນ​ຫຼາຍກວ່າ US$1,6 ຕື້ ໃຫ້ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວ​ ໂດຍຜ່ານ​ການ​ຊຳ​ລະ​ພາ​ສີ-​ອາ​ກອນ, ຄ່າ​ຊັບ​ພະ​ຍາ​ກອນ​ແຮ່​ທາດ ແລະ ເງິນ​ປັນ​ຜົນ. ນອກ​ຈາກ​ນັ້ນ ບໍ​ລິ​ສັດ ກໍ​ໄດ້​ສ້າງ​ຜົນ​ປະ​ໂຫຍດ​ທາງ​ອ້ອມຫຼາຍ​ຮ້ອຍ​ລ້ານ​ໂດ​ລາ​ ສະ​ຫະ​ລັດ ເຂົ້າ​ໃນ​ການ​ສ້າງວຽກ​ເຮັດ​ງານ​ທຳ, ການ​ຝຶກ​ອົບ​ຮົມ, ການ​ພັດ​ທະ​ນາ​ຊຸມ​ຊົນ ແລະ ການ​ສົ່ງ​ເສີມທຸ​ລະ​ກິດ​ທ້ອງ​ຖິ່ນ.

‘ບໍ່​ແຮ່​ໃຕ້​ດິນ​ດິ​ສ​ໂຄ​ເວີ​ຣີ-​ດິບ​ສ໌’ ເຊິ່ງ​ຈະ​ເປັນ​ບໍ່​ແຮ່​ໃຕ້​ດິນ​ທີ່​ທັນ​ສະ​ໄໝ​ແຫ່ງ​ທຳ​ອິດ​ໃນ ສ​ປ​ປ ລາວ ແມ່ນ​ພວມ​ດຳ​ເນີນ​ການ​ກໍ່​ສ້າງ ຊຶ່ງ​ຄາດ​ວ່າ ຈະ​ສາ​ມາດ​ຍືດອາ​ຍຸ​ການ​ຂອງ​ບໍ່​ຄຳ-ທອງ​ ເຊ​ໂປນ ​ອອກ​ໄປ​ອີກຢ່າງ​ຕ່ຳ 10 ປີ ໄປ​ເຖິງ​ປີ 2033. ໂຄງ​ການ​ຂຸດ​ຄົ້ນ​ບໍ່​ແຮ່ ຈະປະ​ກອບ​ສ່ວນ​ໃນການ​ສ້າງວຽກ​ເຮັດ​ງານ​ທຳ, ການ​ເຕີບ​ໂຕ​ຂອງ​ເສດ​ຖະ​ກິດ ແລະ ການ​ພັດ​ທະ​ນາ​ແບບ​ຍືນ​ຍົງ​ໃນ​ຊຸ​ມ​ຊົນ​ເຈົ້າ​ພາບ.

ໃນ​ປີ 2021, ໂຄງ​ການ​ຄຳ-ທອງ​ ເຊ​ໂປນ ໄດ້​ຜະ​ລິດ​ທອງຫຼາຍກວ່າ 5.341 ໂຕນ ແລະ ແທ່ງ​ຄຳ​ກວ່າ 192.988 ອອນ​ສ໌. ໃນ​ປີ 2022, ຄາດ​ວ່າ​ຈະ​ສາ​ມາດ​ຜະ​ລິດ​ແທ່ງ​ຄຳ​ໄດ້ 224.000 ອອນ​ສ໌ (7 ໂຕນ) ແລະ ແຜ່ນ​ທອງ 8.000 ໂຕນ.

15 ມິ​ຖຸ​ນາ 2021

ໂດຍ: ພໍ​ ແຮ​ຣິ​ສ໌, ອຳ​ນວຍ​ການ & ປະ​ທານ​ກິ​ຕິ​ມະ​ສັກ​ຂອງ ບ​ສ. ຊື​ເຟິງ​ຂຸດ​ຄົ້ນ​ຄຳ, ຜູ້​ຈັດ​ການ​ໃຫຍ່ ລ້ານ​ຊ້າ​ງ ມິ​ເນ​ໂຣນ​ສ໌ ລິ​ມິ​ເຕັດ

​ໃນ​ຂະ​ນະ​ທີ່​ປະ​ຊາ​ຄົມ​ສາ​ກົນ​ສະ​ເຫຼີມ​ສະຫຼອງວັນ​ສິ່ງ​ແວດ​ລ້ອມ​ໂລກ, ວາ​ລະ​ນີ​ກໍ​ເປັນ​ນິ​ມິດ​ໝາຍ​ສຳ​ຄັນເພື່ອ​ຍົກ​ໃຫ້​ເຫັນ ຄວາມ​ໝາຍ​ໝັ້ນ ແລະ ຜົນ​ງານ​ໃນ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​ຂອງ ບໍ​ລິ​ສັດ ຊື​ເຟິງ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ. ທີ່ ລ​ຊມ​ລ, ຍາມ​ໃດ ພວກ​ເຮົາ​ກໍສູ້ຊົນຫລຸດຜ່ອນຮ່ອງຮອຍຂອງຜົນກະທົບຕໍ່ສິ່ງແວດລ້ອມ ​ແລະ ປະຕິບັດຕາມລະ​ບຽບ​ການ ກໍ​ຄື ມາດ​ຕະ​ຖານ​ພາຍ​ໃນ ແລະ ສາກົນ. ບໍ​ລິ​ສັດ​ຂອງ​ພວກ​ເຮົາ ກໍ​ໄດ້​ຮັບ​ຄຳ​ກ່າວ​ຂານ​ຍ້ອງ​ຍໍວ່າ ເປັນ​ບໍ​ລິ​ສັດ​ແບບ​ຢ່າງພາກ​ປະ​ຕິ​ບັດ​ທີ່​ດີ​ທີ່​ສຸດ ໃນ​ການ​ພັດ​ທະ​ນາ​ຊຸມ​ຊົນ ແລະ ຄວາມ​ຍືນ​ຍົງ ໃນ ສ​ປ​ປ ລາວ.

ລ​ຊມ​ລ ໄດ້ເປັນໜຶ່ງ ໃນບໍລິສັດທຳອິດໃນ ສປປ ລາວ ແລະ ພາກພື້ນອາຊີຕາເວັນອອກສ່ຽງໃຕ້ ທີ່ໄດ້ຮັບໃບຢັ້ງຢືນ ISO 14001 ສຳ​ລັບ​ລະ​ບົບ​ການ​ຄຸ້ມ​ຄອງ​ສິ່ງ​ແວດ​ລ້ອມ. ນັບຕັ້ງແຕ່ເລີ່ມດຳເນີນງານໃນປີ 2002, ລ​ຊມ​ລ ໄດ້ດຳເນີນການປະເມີນຜົນກະທົບ ແລະ ການ​ສຶກ​ສາ​ຂໍ້​ມູນ​ພື້ນ​ຖານຫຼາຍ​ຄັ້ງ ເພື່ອຮັບປະກັນໃຫ້ ວຽກງານການຂຸດຄົ້ນບໍ່ແຮ່ສອດຄ່ອງກັບລະບຽບກົດໝາຍ​ຕ່າງໆ. ພວກ​ເຮົາ​ຕິດ​ຕາມ​ຜົນ​ກະ​ທົບ​ຕໍ່​ຊຸມ​ຊົນ​ທ້ອງ​ຖິ່ນ ແລະ ສິ່ງ​ແວດ​ລ້ອມ​ຢ່າງ​ເປັນ​ປະ​ຈຳ.

ຈາກ​ຄວາມ​ໝາ​ຍ​ໝັ້ນ ສູ່​ການ​ປະ​ຕິ​ບັດ​ຕົວ​ຈິງ

ບໍລິສັດ ລ​ຊມ​ລ ໝາຍ​ໝັ້ນ​ຫລຸດ​ຜ່ອນຜົນກະທົບຕໍ່ສິ່ງແວດລ້ອມ ແລະ ສັງຄົມຈາກ​ ການ​ດຳ​ເນີນ​ງານ​ດ້ວຍ​ການ​ຕິດ​ຕາມ​ນ້ຳ ແລະ ການ​ຄຸ້ມ​ຄອງ​ສິ່ງ​ເສດ​ເຫຼືອ, ດຳ​ເນີນ​ກິດ​ຈະ​ກຳ​ຟື້ນ​ຟູ​ຢ່າງ​ຕໍ່​ເນື່ອງ​ເປັນ​ກ້າວໆ ແລະ ການ​ກະ​ກຽມ​ເພື່ອ​ການ​ປິດ​ບໍ່ ໂດຍ​ປຶກ​ສາ​ຫາ​ລື​ກັບ​ພາກ​ສ່ວນ​ທີ່​ກ່ຽວ​ຂ້ອງ​ໃນ​ທຸກ​ຂັ້ນ.

ນັບຕັ້ງແຕ່ເລີ່ມມີການດຳເນີນງານ, ລ​ຊມ​ລ ໄດ້ລົງທຶນປະມານ US$20 ລ້ານ ເຂົ້າໃນການຄຸ້ມຄອງ ແລະ ຟື້ນຟູສິ່ງແວດລ້ອມ. ບໍລິສັດ ໄດ້ຮ່ວມມື ແລະ ສະ​ໜັບ​ສະ​ໜູນຊຸມຊົນທ້ອງ​ຖິ່ນໃນ​ການປຸກລະດົມ-ປູກຈິດສຳນຶກໃຫ້ແກ່ຊຸມຊົນອ້ອມຂ້າງບໍ່ຄຳ-ທອງ ເຊໂປນ ແລະ ແກ້​ໄຂ​ຂໍ້​ກັງ​ວົນ​ຂອງ​ຊຸມ​ຊົນ​ຢ່າງ​ທັນ​ການ. ລ​ຊມ​ລ ໄດ້ສະ​ໜອງ​ປະ​ມານ US$1 ລ້ານເຂົ້າໃນການສ້າງສະໜາມເກັບມ້ຽນສິ່ງເສດເຫຼືອແຫ່ງທຳອິດຂອງເມືອງວິລະບູລີ. ພວກ​ເຮົາເກັບຕົວຢ່າງນ້ຳ ຈຳນວນ 750 ຕົວຢ່າງຕໍ່ເດືອນ (ຕັ້ງ​ແຕ່ 2003 ເປັນ​ຕົ້ນ​ມາ, ເກັບ​ໄດ້ 173.000 ຕົວ​ຢ່າງ) ເພື່ອຮັບປະກັນຄຸນນະພາບນ້ຳໃຫ້ແກ່ຊຸມຊົນ.

ຕັ້ງ​ແຕ່​ປີ 2008 ເປັນ​ຕົ້ນ​ມາ, ລ​ຊມ​ລ ໄດ້ດຳເນີນກິດຈະກຳຟື້ນ​ຟູໃນເນື້ອທີ່ 452 ເຮັກຕາ. ບໍ​ລິ​ສັດ​ ລ​ຊມ​ລ ມີ​ຄວາມ​ໝາຍ​ໝັ້ນ ສົ່ງ​ຄືນ​ເນື້ອ​ທີ່​ດິນ​ໃຫ້​ຢູ່​ໃນ​ສະ​ພາບ​ທີ່​ສາ​ມາດ​ສະ​ໜັບ​ສະ​ໜູນ​ຄວາມ​ປອດ​ໄພ​ຂອງ​ປະ​ຊາ​ຊົນ ແລະ ປົກ​ປັກ​ຮັກ​ສາ​ຊັບ​ພະ​ຍາ​ກອນ​ຜ່ານ​ການປູກ​ພືດ​ທົດ​ແທນ​ຢ່າງ​ຍືນ​ຍົງ. ລ​ຊມ​ລ ນຳ​ໃຊ້​ວັດ​ຖຸ ທ້ອງຖິ່ນ​ຈາກ ທຸ​ລະ​ກິດ​ທ້ອງ​ຖິ່ນ ເຂົ້າ​ໃນ​ການ​ຟື້ນ​ຟູ​ເນື້ອ​ທີ່​ດິນ (ປະ​ມານ US$100.000 ຕໍ່​ປີ) ໂດຍ​ສະ​ໜອງ​ໂອ​ກາດໃຫ້​ແກ່​ທຸ​ລະ​ກິດ​ທ້ອງ​ຖິ່ນ ແລະ ວຽກ​ເຮັດ​ງານ​ທຳ​ໃຫ້​ແກ່ ຊຸ​ມ​ຊົນ. ທີມງານບູລະນະຟື້ນຟູ ຂອງ ບໍລິສັດ LXML ໄດ້ປູກຕົ້ນໄມ້ຫຼາຍກວ່າ 450.000 ຕົ້ນ ໂດຍການນຳໃຊ້ພັນຕົ້ນໄມ້ທ້ອງຖິ່ນ

ການ​ອະ​ນຸ​ລັກ ຊີ​ວະ​ນາໆ​ພັນ

ສ​ປ​ປ ລາວ ມີ​ຊັບ​ພະ​ຍາ​ກອນ​ທຳ​ມະ​ຊາດ, ປ່າ​ໄມ້ ແລະ ຊີ​ວະ​ນາໆ​ພັນ​ທີ່​ອຸ​ດົມ​ສົມ​ບູນ. ແຜນ​ງານ​ປົກ​ປັກ​ຮັກ​ສາ​ສິ່ງ​ແວດ​ລ້ອມ ແລະ ຊີ​ວະ​ນາໆ​ພັນ​ຂອງ ລ​ຊມ​ລ ສະ​ໜັບ​ສະ​ໜູນ​ຊຸມ​ຊົນ​ທ້ອງ​ຖິ່ນ ແລະ ປົກ​ປັກ​ຮັກ​ສາ​ຊັບ​ພະ​ຍາ​ກອນ​ເຫຼົ່າ​ນີ້​ເພື່ອ​ຄົນ​ຮຸ່ນຫຼັງ.

ບໍລິສັດ LXML ໄດ້ອຸ​ປະ​ຖຳ​ໂຄງ​ການ​ຈຳ​ໜຶ່ງ​ໜຶ່ງ​ກັບອົງການ WCS, IUCN, ແລະ ຄູ່ຮ່ວມພັດທະນາອື່ນໆ. ບໍ​ລິ​ສັດ​ໄດ້ ພ້ອມທັງໄດ້ລົງທຶນປະມານ US$1 ລ້ານ ເຂົ້າໃນແຜນງານອະນຸລັກຊີວະນາໆພັນ ແນໃສ່ການອະນຸລັກສັດປ່າທີ່ໃກ້ຈະສູນພັນ ຢູ່ເຂດອ້ອມຂ້າງບໍ່ຄຳ-ທອງເຊໂປນ ເພື່ອອະນຸລັກສາຍ​ພັນສັດ-ພືດທີ່ມີຄຸນຄ່າດ້ານຊີວະນາໆພັນສູງ ຂອງ ສປປ ລາວ ແລະ ພາກພື້ນ ລວມທັງໂຄງການອະນຸລັກແຂ້ນ້ຳຈືດ, ເຊິ່ງ​ເປັນ​ການ​ຮ່ວມ​ມື​ກັບ​ເມືອງ​ຈຳ​ພອນ ແລະ ອົງ​ການ IUCN ແນ​ໃສ່​ປົກ​ປັກ​ຮັກ​ສາແຂ້ Siamese ທີ່​ຢູ່​ໃນ​ລາຍ​ຊື່​ສັດ​ທີ່​ໃກ້​ຈະ​ສູນ​ພັນ​ຂອງ IUCN. ນອກ​ຈາກ​ນັ້ນ, ບໍ​ລິ​ສັດ​ຍັງ​ໄດ້​ລົງ​ທຶນ​ໃສ່​ແຜນ​ງານ​ເພື່ອ​ຕິດ​ຕາມ​ການ​ເຄື່ອນ​ຍ້າຍ ແລະ ພຶດ​ທິ​ກຳ​ຂອງ​ຊ້າງ​ທີ່​ຢູ່​ອ້ອມ​ຂ້າງ​ບໍ່.

​ໃນ​ປີ 2009, ອີກໂຄງ​ການ​ໜຶ່ງ​ຂອງ ລ​ຊມ​ລ ​ໄດ້​ນຳ​ໄປ​ສູ່​ການ​ຄົ້ນ​ພົບນົກ​ນ້ອຍ ‘​ໜ້າ​ແປນ’ ໂຕ​ທຳ​ອິດ​ຂອງ​ຂົງ​ເຂດ​ອາ​ຊີ. ໂຄງ​ການ​​ນີ້ ໄດ້​ນຳ​ໄປ​ສູ່​ການ​ຄົ້ນ​ຄວ້າ​ທ່າ​ແຮງ​ບົ່ມ​ຊ້ອນ​ດ້ານ​ຊີ​ວະ​ນາໆ​ພັນ​ທີ່​ພົ້ນ​ເດັ່​ນ​ຢູ່ ແຂວງ​ສະ​ຫວັນ​ນະ​ເຂດ ໂດຍ​ການ​ຮ່ວມ​ມື​ຂອງ​ນັກ​ວິ​ທະ​ຍາ​ສາດ​ຈາກ ສ​ປ​ປ ລາວ, ມະ​ຫາ​ວິ​ທະ​ຍາ​ໄລ​ແຫ່ງ​ຊາດ ແລະ ອົງ​ການ WCS.

ໃນ​ປີ 2015, ລ​ຊມ​ລ ໄດ້​ສະ​ໜັບ​ສະ​ໜູນ​ການ​ສຳຫຼວດ​ຊີ​ວະ​ນາໆ​ພັນເຈຍ​ຢູ່​ໃກ້​ບໍ່​ຄຳ-ທອງ​ ເຊ​ໂປນ. ຜົນ​ການ​ສຳຫຼວດ​ໄດ້​ເປັນ​ຂໍ້​ມູນ​ພື້ນ​ຖານ​ໃນ​ການ​ປະ​ເມີນ​ຜົນ​ກະ​ທົບ​ກ່ຽວ​ຂ້ອງ​ກັງ​ໂຄງ​ການ​ທີ່​ອາດ​ເປັນ​ໄປ​ໄດ້​ຕໍ່ ລະ​ບົບ​ນິ​ເວດ, ໄດ້​ລະ​ບຸ​ບັນ​ຫາ​ທີ່​ກ່ຽວ​ຂ້ອງ​ກັບ​ການ​ອະ​ນຸ​ລັກ ແລະ ມາດ​ຕະ​ການ​ຫລຸດ​ຜ່ອນ​ຜົນ​ກະ​ທົບ​ຕ່າງໆ. ການ​ສຳຫຼວດ​ຄັ້ງ​ນີ້​ໄດ້​ສຳ​ໄປ​ສູ່​ການ ຈັບ ແລະ ປ່ອຍໂຕ​ເຈຍ 180 ໂຕ ກວມ​ເອົາ 30% ຂອງ ສາຍ​ພັນ​ເຈຍ​ທີ່​ບັນ​ທຶກ​ໄວ້​ໃນ ສ​ປ​ປ ລາວ.

ການ​ຮ່ວມ​ມື ເພື່ອ​ການ​ພັດ​ທະ​ນາ

ບໍລິສັດ LXML ໄດ້ເຮັດວຽກຢ່າງໃກ້ຊິດກັບພາກລັດຖະ​ບານ ນັບແຕ່ຂັ້ນທ້ອງຖິ່ນ ຈົນຮອດຂັ້ນສູນກາງ ເພື່ອຮັບປະກັນ​ຄວາມ​ສອດ​ຄ່ອງ​ລະ​ບຽບ​ກົດ​ໝາຍ ແລະ ການ​ສ້າງ​ຂີດ​ຄວາມ​ອາດ​ສາ​ມາດ​ໃນ​ການ​ຄຸ້​ມ​ຄອງ​ສິ່​ງ​ແວດ​ລ້ອມ.

ໃນປີ 2018 ນີ້, ບໍລິສັດ ລ​ຊມ​ລ ໄດ້ລົງນາມໃນບົດບັນທຶກຄວາມເຂົ້າໃຈ ຮ່ວມກັບກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກ່ຽວກັບ ການສະໜັບສະໜູນເພື່ອສ້າງຄວາມເຂັ້ມແຂງ ແລະ ສ້າງ ໜ່ວຍງານຄຸ້ມຄອງສິ່ງແວດລ້ອມ ຂອງກະຊວງປະຈຳໂຄງການຂຸດຄົ້ນຄຳ-ທອງ ຢູ່ເມືອງວິລະບູລີ. ການຮ່ວມມືໃນຄັ້ງນີ້ ແມ່ນແນໃສ່ການສ້າງຄວາມເຂັ້ມແຂງໃຫ້ແກ່ກະຊວງກ່ຽວຂ້ອງໃນການຄຸ້ມຄອງສິ່ງແວດລ້ອມ ໃນຂະແໜງການຊັບພະຍາກອນທຳມະຊາດ.

ຜົນ​ປະ​ໂຫຍດ​ຂອງ​ຊຸມ​ຊົນ

ຄ້າຍຄືແຫ່ງອື່ນໆໃນໂລກ, ທີ່ ສປປ ລາວ ກໍມີຄວາມສ່ຽງທີ່ຈະໄດ້ຮັບຜົນກະທົບຈາກ ສະພາບປ່ຽນແປງຂອງດິນຟ້າອາກາດ ເຊັ່ນ: ການເກີດມີໄພນ້ຳຖ້ວມ. ເມືອງວິລະບູລີ ກໍໄດ້ຮັບຜົນກະທົບຢ່າງໜັກໜ່ວງຈາກໄພນ້ຳຖ້ວມໃນປີ 2010 ແລະ 2011 ເຊິ່ງໃນນັ້ນ 30% ຂອງໝູ່ບ້ານທັງໝົດ ໄດ້ຖືກຜົນກະທົບ ແລະ ໄດ້ມີໄຮ່ນາ-ຮົ້ວສວນໄດ້ຮັບຜົນເສຍຫາຍ. ໃນຊຸມປີຜ່ານໆມາ, ບໍລິສັດ ລ​ຊມ​ລ ໄດ້ໃຫ້ການຊ່ວຍເຫຼືອ ບໍ່ວ່າຈະເປັນເງິນ, ເຄື່ອງຂອງ ແລະ ອາຫານ ໃຫ້ແກ່ຜູ້ປະສົບໄພນ້ຳຖ້ວນໃນເມືອງວິລະບູລີ, ແຂວງສະຫວັນນະເຂດ ແລະ ເຂດອື່ນໆ ໃນ ສປປ ລາວ ນັບເປັນມູນຄ່າປະມານ US$500.000.

ການປູກຈິດສຳນຶກ ກ່ຽວກັບ ສິ່ງແວດລ້ອມ

ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​ແມ່ນ​ພື້ນ​ຖານ​ສຳ​ຄັນ​ໃນ​ການ​ດຳ​ເນີນ​ທຸ​ລະ​ກິດ​ຂອ​ງ​ພວກ​ເຮົາ. ບໍລິສັດ ລ​ຊມ​ລ ຍາມໃດກໍຊຸກຍູ້ສົ່ງເສີມໃຫ້ພະນັກງານຂອງຕົນ ໄດ້ມີສ່ວນຮ່ວມໃນການປົກປັກຮັກສາສິ່ງແວດລ້ອມໃນແຕ່ລະວັນເປັນ​ຕົ້ນການເກັບສິ່ງເສດເຫຼືອ-ກັບມາໃຊ້ຄືນໄໝ່ ​ເຊັ່ນ ຂວດປຼາສຕິກ, ຖົງຢາງປຼາສຕິກ, ເຈ້ຍ ແລະ ເສດອາຫານ.

ທີ່​ບໍ່​ຄຳ-ທອງ​ ເຊ​ໂປນ ແມ່ນ​ມີ​ການ​ສະ​ເຫຼີມ​ສະຫຼອງວັນ​ສິ່ງ​ແວດ​ລ້ອມ​ໂລກ​ ໃນ​ທຸກໆ​ປີ. ພວກ​ເຮົາ​ສ້າງ​ແຮງ​ບັນ​ດາ​ໃຈ​ໃຫ້​ແກ່​ພະ​ນັກ​ງານ ແລະ ຊຸມ​ຊົນ ເພື່ອ​ປູກ​ຈິດ​ສຳ​ນຶກ​ກ່ຽວ​ກັບ ບັນ​ຫາ​ດ້ານ​ສິ່ງ​ແວດ​ລ້ອມ​ຜ່ານ ໂຄງ​ການ​ອະ​ນຸ​ລັກ​ມໍ​ຣະ​ກົດ​ທາງ​ດ້ານ​ວັດ​ທະ​ນະ​ທຳ, ສິ​ລະ​ປະ, ການ​ເດີນ​ແບບ, ແລະ ງານ​ວາງ​ສະ​ແດງ​ຕ່າງໆ. ໃນ​ປີ​ນີ້, ລ​ຊມ​ລ ໄດ້​ປູກ​ຕົ້ນ​ໄມ້​ກວ່າ 9.000 ຕົ້ນ​ຢູ່​ອ້ອມ​ຂ້າງ​ບໍ່​ຄຳ-ທອງ ເຊ​ໂປນ ເຊິ່ງ​ເປັນ​ສ່ວນ​ໜຶ່ງ​ຂອງ​ແຜນ​ງານ​ຟື້ນ​ຟູ​ສິ່ງ​ແວດ​ລ້ອມ​ຂອງ​ພວກ​ເຮົາ, ການ​ປູກ​ຕົ້ນ​ໄມ​ຕາມ​ເມືອງວິ​ລະ​ບູ​ລີ ແລະ ໂຮງ​ຮຽນ​ຢູ່ ແຂວງ​ສະ​ຫວັນ​ນະ​ເຂດ ເນື່ອ​ໃນ​ໂອ​ກາດ​ວັນ​ປູກ​ຕົ້ນ​ໄມ້​ແຫ່ງ​ຊາດກ

ໃນ​ໂອ​ກາດ ວັນ​ສິ່ງ​ແວດ​ລ້ອມ​ໂລກ​ນີ້ດ ພວກ​ເຮົາ​ຈົ່ງ​ມາ​ທົບ​ທວນ​ເບິ່ງວ່າ: ພວກ​ເຮົາ​ຈະ​ສາ​ມາດ​ຮັກ​ສາ #ໂລກ​ພຽງ​ໜຶ່ງ​ດຽວ ທີ່​ພວກ​ເຮົາ​ອາ​ໄສ​ຢູ່​ແນວ​ໃດ. ມັນ​ມີ​ຄວາມ​ສຳ​ຄັນ​ຍິ່ງ ທີ່ ທຸ​ລະ​ກິດ​ຕ້ອງ​ຮ່ວມ​ມື​ກັບ ຜູ້​ມີ​ສ່ວນ​ຮ່ວມ​ທຸກ​ພາກ​ສ່ວນ ໂດຍ​ສະ​ເພາະ ຊຸມ​ຊົນ​ທ້ອງ​ຖິ່ນ ກ່ຽວ​ກັບ ການ​ເປັນ​ຜູ້​ນຳ​ດ້ານ​ການ​ປົກ​ປັກ​ຮັກ​ສາ​ສິ່ງ​ແດວ​ລ້ອມ ເພື່ອ​ໃຫ້​ພວກ​ເຮົາ​ຫລຸດ​ຜ່ອນ​ຮ່ອຍ​ຮອຍ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ.

1 ມິ​ຖຸ​ນາ 2022 ທີ່​ຫ້ອງ​ປະ​ຊຸມ​ ຂອງ​ກົມ​ຄຸ້ມ​ຄອງ​ຊັບ​ສິນ​ແຫ່ງ​ລັດ, ກະ​ຊວງ​ການ​ເງິນ ໄດ້​ມີ​ການມອ​ບ​ພາ​ສີ​ຊັບ​ພະ​ຍາ​ກອນ​ແຮ່​ທາດ ໂດຍທ່ານ ສະ​ໝານ ອະ​ເນ​ກາ – ຜູ້​ອຳ​ນວຍ​ການ​ໃຫ​ຍ່ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ (ລ​ຊມ​ລ) ຈຳ​ນວນ​ US$5.846.693,20 ​ທີ່​ໄດ້ຈາກການ​ຜະ​ລິດ-ຈຳ  ​ໜ່າຍ​ໂລ​ຫະ​ຄຳ ແລະ ທອງ ຂອງ​ໂຄງ​ການ​ຂຸດ​​ຄົ້ນບໍ່​ຄໍາ-ທອງ ເຊ​ໂປນ ໃນໄຕມາດ​ທີ 1 ​ຂອງ​ປີ 2022 ຊຶ່ງ​ຮັບ​ໂດຍທ່ານ ພຸດ​ທະ​ສິນ ເຮືອງ​ທະ​ວົງ – ຫົວ​ໜ້າ​ກົມຄຸ້ມ​ຄອງ​ຊັບ​ສິນແຫ່ງລັດ, ກະ​ຊວງ​ການ​ເງິນ (ຂວາ) ໂດຍ​ການ​ເຂົ້າ​ຮ່ວມ​ຂອງທ່ານ ວົງ​ພະ​ສິດ ສີ​ລາ​ວົງ – ຫົວ​ໜ້າ​ພະ​ແນກ​ຄຸ້ມ​ຄອງ​ຊັບ​ພະ​ຍາ​ກອນ​ທຳ​ມະ​ຊາດ,  ທ່ານ​ນາງ ມີ​ນາ​ລັດ ພັດ​ມະ​ນີ​ຈັນ ຈາກ​ໜ່ວຍ​ງານ​ຄຸ້ມຄ​ອງ​ຊັບ​ພະ​ຍາ​ກອນ, ກະ​ຊວງ​ການ​ເງິນ. ຝ່າຍ​ບໍ​ລິ​ສັດ​ລວມ​ມີ: ທ່ານ​ ຈັນ​ທອນ​ ເນົາ​ວະ​ລາດ – ຮອງ​ອຳ​ນວຍ​ການ ແລະ ທ່ານ​ນາງ ວິ​ໄລ​ລັກ ວົງ​ພິດ – ຮອງ​ຫົວ​ໜ້າດ້ານການ​ເງິນ ບໍ​ລິ​ສັດ ລ​ຊມ​ລ.

​ຜ່ານ​ມາ, ໃນ​​ປີ 2021, ​ລ​ຊມ​ລ ໄດ້​ມອບລາຍ​ຮັບໂດຍ​ກົງ​ຈາກ​ການ​ເສຍ​ພາ​ສີ, ອາ​ກອນ, ແລ​ະ ຄ່າ​ຊັກ​ອື່ນໆ​ທີ່​ກ່ຽວ​ຂ້ອງ ໃຫ້​ແກ່​ລັດ​ຖະ​ບານ ສ​ປ​ປ ລາວ ເປັ​ນ​ຈຳ​ນວນທັງ​ໝົດ​ ກວ່າ US$40.84 ລ້ານ.

ນັບຕັ້ງແຕ່​ເລີ່ມ​ມີການ​ຂຸດ​ຄົ້ນ-ປຸງ​ແຕ່ງ-​ຜະ​ລິດ​ຄຳ-ທອງ ຕັ້ງ​ແຕ່​​ປີ 2003 ເປັນ​ຕົ້ນ​ມາ, ບໍ​ລິ​ສັດ ລ​ຊມ​ລ ໄດ້​ປະ​ກອບ​ສ່ວນພັນ​ທະ​ ທີ່​ເປັນ​ລາຍ​ຮັບ​ໂດຍ​ກົງໃຫ້ແກ່​ລັດ​ຖະ​ບານ​ ແຫ່ງ ສ​ປ​ປ ລາວ ​ເປັນ​ເງິນ​ທັງໝົດ ຫຼາຍກວ່າ US$1,6 ຕື້ ໃນ​ນັ້ນ ມີຄ່າ​​ຊັບ​ພະ​ຍາ​ກອນ​ແຮ່​ທາດ ຫຼາຍກ່​ວາ ​US$ 389 ລ້ານ. ນອກ​ຈາກນັ້ນ ບໍ​ລິ​ສັດ​ກໍ່​ຍັງ​ໄດ້​ລົງ​ທຶນ​ຕື່ມອີກ ຫຼາຍ​ຮ້ອຍ​ລ້ານ​ໂດ​ລາ​ ສະ​ຫະ​ລັດ ໃສ່​ໃນ​ການ​ປະ​ກອບ​ສ່ວນ​ທາງ​ອ້ອມ ເຊັ່ນ: ​ການ​ຝຶກ​ອົມ​ຮົມ​ສີ​ມື​ແຮງ​ງານ, ​ການສະ​ໜັບ​ສະ​ໜູນ​ກຸ່ມ​ທຸ​ລະ​ກິດ​ທ້ອງ​ຖິ່ນ ແລະ ການ​ພັດ​ທະ​ນາ​ຊຸມ​ຊົນ​ເຈົ້າ​ພາບ.

ໃນ​ໄຕ​ມາດ​ທີ 1 ປີ 2022 ນີ້, ບໍ່​ຄຳ​-ທອງ​ເຊ​ໂປນ ສາ​ມາດ​ຜະ​ລິດ​ຄຳ​ໄດ້ 1,783 ກິ​ໂລ ແລະ ທອງ 2,426 ໂຕນ.

ທ່ານ ສະ​ໝານ ອະ​ເນ​ກາ ​ໄດ້ກ່າວ​ວ່າ: “ບໍ​ລິ​ສັດ ລ​ຊມ​ລ ມີ​ຄວາມ​ພາກ​ພູມ​ໃຈ​ໃນ​ການ​ເປັນ​ຄູ່​ຮ່ວມ​ງານ​ທີ່​ດີກັບ​ກົມ​ຄຸ້ມ​ຄອງຊັບ​ສິນແຫ່ງ​ລັດ ແລະ ໄດ້​ປະ​ກອບ​ສ່ວນ​ທາງ​ດ້ານ​ການ​ເງິນ​ທີ່​ສຳ​ຄັນ ໃສ່ໃນການ​ພັດ​ທະ​ນາ​ເສດ​ຖະ​ກິດສັງ​ຄົມ ​​ໃນ ສ​ປ​ປ ລາວ ດ້ວຍ​ການ​ຈ່າຍພາ​ສີ​ຊັບ​ພະ​ຍາ​ກອນ​ແຮ່​ທາດ, ອາ​ກອນ​ກຳ​ໄລ, ເງິນ​ປັນ​ຜົນ, ອາ​ກອນ​ເງິນ​ເດືອນພະ​ນັກ​ງານ, ກອງ​ທຶນ​ພັດ​ທະ​ນາ​ຊຸມ​ຊົນ, ​ກອງ​ທຶນ​ຊຸກ​ຍູ້​ຄອບ​ຄົວ​ຜູ້​ດ້ອຍ​ໂອ​ກາດ, ເງິນ​ສະ​ສົມ​ເພື່ອ​ພື້ນ​ຟູ​ສິ່ງ​ແວດ​ລ້ອມ, ຄ່າ​​ສຳ​ປະ​ທານ, ການ​ປະ​ກອບ​ສ່ວນ​ຊ່ວຍ​ເຫຼືອ​ສັງ​ຄົມ ແລະ ພັນ​ທະອາ​ກອນ​ອື່ນໆ”. ທ່ານ​​ສະ​ໝານ ​ຍັງໄດ້ກ່າວ​ຕື່ມ​ອີກວ່າ “ບໍ​ລິ​ສັດ ຂໍ​ສະ​ແດງ​ຄວາມ​ຂອບ​ໃຈ​ຕໍ່​​ຂະ​ແໜງ​ການລັດ​ຖະ​ບານ ສ​ປ​ປ ລາວ ໃນ​ການ​ສະ​ໜັບ​ສະ​ໜູນ​ໂຄງ​ການຂຸດ​ຄົ້ນ​ບໍ່​ຄຳ-ທອງ ​ເຊ​ໂປນ ໂດຍ​ການຄົ້ນ​ຄວ້າ​ພິ​ຈາ​ລະ​ນາໃນ​ການ​ອະ​ນຸ​ມັດ, ແລະ ​ອອກ​ໃບ​ອະ​ນຸ​ຍາດ​ທີ່​ກ່ຽວ​ຂ້ອງ​ໃນ​ດ້ານຕ່າງໆ ໂດຍ​ສອດ​ຄ່ອງ​ຕາມ​ສັນ​ຍາ”

ໃນກາງ​ເດືອນ​​ຜ່ານ​ມາ, ບໍ​ລິ​ສັດ ລ​ຊມ​ລ ໄດ້​ເປີດອຸມົງ​ ເພື່ອ​ສຳຫຼວດບໍ່​ແຮ່​ໃຕ້​ດິນ​ທີ່​ທັນ​ສະ​ໄໝ​ແຫ່ງ​ທໍ​າ​ອິດ​​ໃນ ​ສ​ປ​ປ ລາວ. ໂຄງ​ການ​ສຳຫຼວດ-ຂຸດ​ຄົ້ນ​ບໍ່​ແຮ່​ໃຕ້​ດິນນີ້ ​ຈະ​ເປັນ​ໂຄງ​ການ​ທີ່ເປັນເສດ​ຖະ​ກິດ​ທີ່​ດີກວ່າ ສຳ​ລັບ​ການ​ຂຸດ​ຄົ້ນ​ເອົາ​ສິນ​ແຮ່​ທີ່​ຢູ່​ເລິກ​ລົງ​ໄປ ຊຶ່ງ​​ຈະມີ​ຜົນ​ກະ​ທົບ​ຕໍ່​ກັບ​​ສິ່ງ​ແວດ​ລ້ອມ ແລະ ສັງ​ຄົມ ​ທີ່​ໜ້ອຍກວ່າ ເມື່ອທຽບ​ໃສ່​ການ​ຂຸດ​ແຮ່ແບບບໍ່​ເປີດ​ໜ້າ​ດິນ. ກາ​ນ​ພັດ​ທະ​ນາ​ການ​ຂຸດ​ຄົ້ນບໍ່​ແຮ່​ໃຕ້​ດິນໃໝ່​ນີ້ ຈະສາ​ມາດ​ຕໍ່​ອາ​ຍຸ​ການ​ຂຸດ​ຄົ້ນ​ບໍ່​ຄຳ​ຕື່ມຈາກ​ນີ້​ໄປ​ອີກ 7 ປີ ແລະ ຈະ​ນຳ​ໃຊ້​ອຸ​ປະ​ກອນ-ກົນ​ຈັກ​ ພ້ອມ​ເຕັກ​ນິກທີ່​ທັນ​ສະ​ໄໝ, ໄດ້​ຕາມ​ມາດ​ຕະ​ຖານ​ສາ​ກົນ​ທາງດ້ານ​ຄວາມ​ປອດ​ໄພ​ໃນ​ການ​ເຮັດ​ວຽກ​ຂອງ​ພະ​ນັກ​ງານ. ບໍ​ລິ​ສັດ ຄາດ​ວ່າ: ​ການ​ຂຸດ​ຄົ້ນ​ບໍ່ແຮ່​ໃຕ້​ດິນໃໝ່​ນີ້ ​ຈະ​ເລີ່ມຂຸດ​ຄົ້ນ​ ແລະ ຜະ​ລິ​ດ ​ໃນ​​ກາງ​ປີ 2023 ທີ່​ຈະ​ມາ​ເຖິງ​ນີ້.

ພາຍຫຼັງ​ການມອບ​ຄ່າ​ພາ​ສີ​ຊັບ​ພະ​ຍາ​ກອນ​ແຮ່​ທາ​ດ ແລ້ວ, ຜູ້​ຕາງ​ໜ້າ​ຂອງ ລ​ຊມ​ລ ​ກໍ່ໄດ້​ເຂົ້າ​ຢ້ຽມ​ຄຳ​ນັບພະ​ນະ​ທ່ານ ບຸນ​ໂຈມ ອຸ​ບົນ​ປະ​ເສີດ – ລັດ​ຖະ​ມົນ​ຕີ​ກະ​ຊວງ​ການ​ເງິນ ເພື່ອຮັບ​ຟັງບັນ​ດາ​ນະ​ໂຍ​ບາຍ​ຕ່າງໆ ເພື່ອ​ໃຫ້​ລັດ ແລະ ການ​ດຳ​ເນີນ​ທຸ​ລະ​ກິດ​ຂອງ​ບໍ​ລິ​ສັດ​ໃຫ້​ເກີດ​ປະ​ໂຫຍດ​ສູງ​ສຸດ. ອີກ​ປະ​ເດັນໜຶ່ງ ທີ່ມີ​ຄວາມ​ສຳ​ຄັນ​ຍິ່ງ ກໍ່​ຄື: ​ການ​ຊື້-ຂາຍ​ຜົນ​ຜະ​ລິດ​ແຮ່​ທາດ ແລະ ການ​ຊຳ​ລະ​ຄ່າ​ບໍ​ລິ​ການ​ຂອງ​ບໍ​ລິ​ສັດ ໂດຍ​​ໃຫ້​​ມີ​ການປະ​ຕິ​ບັດ​ຜ່ານ​ທະ​ນາ​ຄານ​ທຸ​ລະ​ກິດ ​ຢູ່​ພາຍ​ໃນ ສ​ປ​ປ ລາວ ນຳ​ອີກ​ດ້ວຍ.

ໃນ​ມື້​ນີ້, ຜູ້​ມີ​ສ່ວນ​ຮ່ວມ​ຈາກ​ຊຸ​ມ​ຊົນ ແລະ ພາກ​ລັດ​ຖະ​ບານໄດ້​ຢ້ຽມ​ຢາມ ບໍ່​ຄຳ-ທອງ ເຊ​ໂປນ​ຂອງ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ເພື່ອ ເປີດ ບໍ່​ແຮ່​ໃຕ້​ດິນ​ທັນ​ສະ​ໄໝ​ແຫ່ງ​ທຳ​ອິດ​ ໃນ ສ​ປ​ປ ລາວ.

ດ້ວຍ​ປະ​ລິ​ມານ​ສະ​ສົມ​ແຮ່​ເພື່ອ​ສຳຫຼວດທີ່​ມີຫຼາຍກວ່າ 9,5 ລ້ານ​ໂຕນ ແລະ ການ​ຜະ​ລິດ​ແຮ່​ທີ່​ຄາດ​ວ່າ​ຈະ​ເພີ່ມ​ຂຶ້ນ​ຈາກ 400.000 ໂຕນ​ໃນ​ປີ 2023 ເປັນ 1,2 ລ້ານ​ໂຕນ​ຕໍ່​ປີ ​ໃນ​ປີ​ຕໍ່ໆ​ມາ, ຄາດ​ວ່າ “ອຸ​ມົງ​ສຳຫຼວດ​ບໍ່​ໃຕ້​ດິນ​ດິ​ສ​ໂຄ​ເວີ​ຣີ​ດິບ” ຈະ​ຂະ​ຫຍາຍ​ອາ​ຍຸ​ບໍ່​ຄຳ-ທອງ ເຊ​ໂປນ ໄປ​ອີກ 7 ປີ​ເປັນ​ຢ່າງ​ຕ່ຳ ໄປ​ເຖິງ​ປີ 2030 ແລະ ປະ​ກອບ​ສ່ວນ​ຕໍ່​ການ​ຫລຸດ​ຜ່ອນ ​ຄວາ​ມ​ທຸກ​ຍາກ ແລະ ການ​ພັດ​ທະ​ນາ​ທີ່​ຍືນ​ຍົງ​ໃນ​ຊຸມ​ຊົນ​ເຈົ້າ​ພາບ.

ທ່ານ ທອງ​ພັດ ອິນ​ທະ​ວົງ, ຮອງ​ລັດ​ຖະ​ມົນ​ຕີ​ກະ​ຊວງ​ພະ​ລັງ​ງານ ແລະ ບໍ່​ແຮ່ (ປະ​ທານ​ຄະ​ນະ​ກຳ​ມະ​ການ​ຄຸ້ມ​ຄອງ​ໂຄງ​ການ​ຄຳ-ທອງ ເຊ​ໂປນ), ທ່ານ​ນາງ ທິບ​ພະ​ກອນ ຈັນ​ທະ​ວົງ​ສາ, ຮອງ​ລັດ​ຖະ​ມົນ​ຕີ​ປະ​ຈຳ​ສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ ແລະ ທ່ານ ວຽງ​ທະ​ວີ​ສອນ ເທບ​ພະ​ຈັນ, ຮອງ​ເຈົ້າ​ແຂວງໆ​ສະ​ຫວັນ​ນະ​ເຂດ, ທ່ານ ຄຳ​ຜຸຍ ສີ​ບຸນ​ເຮືອງ, ເຈົ້າ​ເມືອງໆ​ວິ​ລະ​ບູ​ລີ ພ້ອມການ​ນຳ​ຊຸມ​ຊົນ​ຈາກ ເມືອງວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ ເຊິ່ງ​ເປັນ​ທີ່​ຕັ້ງ​ຂອງ​ບໍ່​ຄຳ-ທອງ​ ເຊ​ໂປນ ແລະ ເຈົ້າ​ໜ້າ​ທີ່​ພາກ​ລັດ ໄດ້​ໃຫ້​ກຽດ​ເຂົ້າ​ຮ່ວມ​ງານ​ຄັ້ງ​ນີ້.

ທ່ານ ພໍ ແຮ​ຮິ​ສ, ຜູ້​ຈັດ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ: “ໂຄງ​ການ​ຄຳ-ທອງ ເຊ​ໂປນ ມີ​ປະ​ຫວັດ​ສາດ​ການ​ຂຸດ​ຄົ້ນ​ບໍ່​ແຮ່​ມາຫຼາຍ​ພັນ​ປີ. ການ​ພັດ​ທະ​ນາ​ໃໝ່​ນີ້​ຈະ​ນຳ​ໃຊ້​ອຸ​ປະ​ກອນ​ທີ່​ທັນ​ສະ​ໄ​ໝ ແລະ ເຕັກ​ນິກ​ການ​ຂຸດ​ຄົ້ນ​ບໍ່​ແຮ່​ທີ່​ກ້າວ​ໜ້າ ເພື່ອ ຖ່າຍ​ທອດ​ຄວາມ​ຮູ້ ແລະ ທັກ​ສະ​ໃຫ້​ແກ່ ພະ​ນັກ​ງານ ແລະ ຜູ້​ຮັບ​ເໝົາ​ຄົນ​ລາວ ກໍ​ຄື ວິ​ຊາ​ການ​ມື​ອາ​ຊີບ​ດ້ານ​ບໍ່​ແຮ່​ທີ່​ເປັນ​ຄົນ​ລາວ ເພື່ອ​ວາງ​ມາດ​ຕະ​ຖານ​ໃໝ່ໆ​ໃນການ​ຂຸດ​ຄົ້ນ​ບໍ່​ແຮ່​ໃຕ້​ດິນ.”

ທ່ານ ສະໝານ ອະເນກາ, ຜູ້ອໍານວຍການໃຫຍ່ ລ​ຊມ​ລ ໄດ້ກ່າວຂອບໃຈຄະນະຜູ່ແທນຈາກພາກລັດຂັ້ນສູນ​ກາງ, ແຂວງ, ເມືອງ ແລະ ຕາງຫນ້າຈາກຊຸມຊົນທ້ອງຖິ່ນ ອ້ອມຂ້າງ ທີ່​ໄດ້ເຂົ້າມາຮ່ວມໃນພິທີ​ເປີດ​ບໍ່​ແຮ່​ໃຕ້​ດິນ​ຄັ້ງ​ນີ້. ພ້ອມກັນນີ້ ທ່ານສະ​ໝານ ກໍຍັງໄດ້ກ່າວ​ຕື່ມອີກວ່າ “ດ້ານການພັດທະນາຊຸຸມຊົນແມ່ນໄດ້ມີ ກອງ​ທຶນ​ພັດ​ທະ​ນາ​ຊຸມ​ຊົນ ທີ່ໄດ້ປະກອບສ່ວນໃນການພັດທະນາ​ຊີ​ວິດ​ການ​ເປັນ​ຢູ່​ຂອງ​ຊຸມ​ຊົນ​ທ້ອງ​ຖິ່ນ​ໃນ 3 ຂະແໜງການຫຼັກ ຄື: ດ້ານການຜະລິດສະບຽງອາຫານ, ສຸກຂະພາບຊຸມຊົນ ແລະ ການສຶກສາຂອງ ຄົນ​ຮຸ່ນ​ໃໝ່. ບໍ່ໄຕ້ດິນນີ້ ເປັນ​ບໍ່ທໍາອິດ ໃນ ສ​ປ​ປ ລາວ ທີ່ສອດຄ່ອງກັບ​ຂັ້ນ​ຕອນ​ການ​ປະ​ເມີນ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ ແລະ ສັງ​ຄົມ, ພ້ອມ​ທັງ​ໄດ້​ປະ​ກອບ​ສ່ວນ​ US$11 ລ້ານ ເຂົ້າ​ໃສ່​ກອງ​ທຶ​ນ​ພັດ​ທະ​ນາ​ຊຸມ​ຊົນ ແລະ ສ້າງ​ລາຍ​ໄດ້​ກວ່າ US$49 ລ້ານ ໃຫ້​ແກ່​ກຸ່ມ​ທຸ​ລະ​ກິດ​ທ້ອງ​ຖິ່ນ.”

ລ​ຊມ​ລ ໄດ້​ນຳ​ເອົາ ຊ່ຽວ​ຊານ​ສະ​ເພາະ​ດ້ານ​ຕ່າງ​ປະ​ເທດ ແລະ ອຸ​ປະ​ກອນ ເຂົ້າ​ມາ ສ​ປ​ປ ລາວ ສຳ​ລັບ ໂຄງ​ການ​ສຳ​ຄັນ​ຄັ້ງ​ນີ້. ​

ຍຸດ​ທະ​ສາດ​ການເຕີບ​ໂຕ​​ສີ​ຂຽວແຫ່ງ​ຊາດ​ຂອງ ລັດ​ຖະ​ບານ​ລາວ ຮັບ​ຮູ້​ວ່າ ອຸດ​ສາ​ຫະ​ກຳ​ບໍ່​ແຮ່​ເປັນ​ຂະ​ແໜງ​ການ​ບູ​ລິ​ມະ​ສິດ​ຍ້ອນ​ ການ​ປະ​ກອບ​ສ່ວນ​ມະ​ຫາ​ສານ​ຕໍ່​ການ​ພັ​ດ​ທະ​ນາ​ເສດ​ຖະ​ກິດ. ພ້ອມ​ກັນ​ນັ້ນ, ບໍ​ລິ​ສັດ ລ​ຊມ​ລ ກໍ​ຍັງ​ໄດ້​ຮັບ​ການ​ຢັ້ງ​ຢືນ​ລະ​ດັບ A+ ໂດຍ​ກະ​ຊວງ​ພະ​ລັງ​ງານ ແລະ ບໍ່​ແຮ່ ຢ່າງ​ສະ​ເໝີ​ມາ ຍ້ອນ​ສາ​ມາດ​ຮັກ​ສາ​ມາດ​ຕະ​ຖານ​ສາ​ກົນ​ໄດ້​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ.

ທ່ານ ພໍ ແຮ​ຣິ​ສ໌ ໄດ້​ກ່າວ​ຕື່ມ​ວ່າ​: “ການ​ຂຸ​ດ​ຄົ້ນ​ບໍ່​ແຮ່​ໃຕ້​ດິນ​ຈະ​ສ້າງ​ຜົນ​ປະ​ໂຫຍດ​ຕໍ່​ເສດ​ຖະ​ກິດ ແລະ ສັງ​ຄົມ​ຂັ້ນ ປະ​ເທດ, ພາກ​ພື້ນ ແລະ ທ້ອງ​ຖິ່ນ ກໍ​ຄື ຜູ້​ມີ​ສ່ວນ​ຮ່ວມ ແລະ ຊຸມ​ຊົນ​ເຈົ້າ​ພາບ​ຂອງ​ພວກ​ເຮົາ. ການ​ຂຸດ​ຄົ້ນ​ບໍ່​ແຮ່​ໃຕ້​ດິນ​ຈະ​ປະ​ຢັດຫຼາຍກວ່າ​ສຳ​ລັບແຫຼ່ງ​ແຮ່​ທີ່​ຢູ່​ຊັ້ນ​ເລິກກວ່າ ແລະ ມີ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ ແລະ ສັງ​ຄົມ​ທີ່​ຕ່ຳ​ກວ່າຫຼາຍ​ເມື່ອ​ສົມ​ທຽບ​ໃສ່ ການ​ຂຸດ​ຄົ້ນ​ບໍ່​ແຮ່​ເປີດ​ໜ້າ​ດິນ. ທີ່ ລ​ຊມ​ລ, ພວກ​ເຮົາ​ໝາຍ​ໝັ້ນ​ໃນ​ການ​ບັນ​ລຸ​ມາດ​ຕະ​ຖານ​ສູງ​ທີ່​ສຸດ​ດ້ານ​ຄວາມ​ປອດ​ໄພ ແລະ ສິ່ງ​ແວດ​ລ້ອມ ແລະ ເຮັດ​ວຽກ​ຢ່າງ​ໃກ້​ຊິດ​ກັບ​ຊຸມ​ຊົນ​ທ້ອງ​ຖິ່ນ​ເພື່ອ​ແບ່ງ​ປັບ​ຜົນ​ປະ​ໂຫຍດ​ຢ່າງ​ທົ່ວ​ເຖິງ.”

ການ​ສຳຫຼວດ​ໃຕິ​ດິນ​ຢູ່ ບໍ່​ຄຳ-ທອງ ເຊ​ໂປນ ຈະ​ດຳ​ເນີນ​ຕະ​ຫຼອດ​ຮອດ​ປີ 2023, ໂດຍ​ຄາດ​ວ່າ ການ​ຜະ​ລິດ​ຈາກ ​ການ​ຂຸດ​ຄົ້ນ​ບໍ່​ແຮ່​ໃຕ້​ດິນ​ນີ້​ແມ່ນ​ຈະ​ເລີ່ມ​ໃນ​ກາງ​ປີ 2023.  ​ບໍ່​ໃຕ້​ດິນ​ຈະ ຂະ​ຫຍາຍ​ເຖິງ 450 ແມັດ​ໃຕ້​ໜ້າ​ດິນ. ທາງ​ເຂົ້າ​ອຸ​ມົງ​ເພື່ອ​ເຈາະ​ສຳຫຼວດ​ໃຕ້​ດິນ ຈະ​ມີ​ຄວາມ​ຍາວຫຼາຍກວ່າ 1.800 ແມັດ, ສູງ 5 ແມັດ​, ກວ້າງ 5 ແມັດ ເພື່ອ​ອຳ​ນວຍ​ໃຫ້​ລົດ​ຈົກ ແລະ ເຄື່ອງ​ເຈາະ​ທີ່​ທັນ​ສະ​ໄໝ​.

ລ​ຊມ​ລ ໄດ້ ດຳ​ເນີນ​ການ​ຂຸດ​ຄົ້ນ​ບໍ່​ແຮ່​ຄຳ-ທອງ​ເຊ​ໂປນ ແບບເປີດ​ໜ້າ​ດິນ​ຢູ່ ແຂວງ​ສະ​ຫວັນ​ນະ​ເຂດ ຕັ້ງ​ແຕ່​ປີ 2003 ເປັນ​ຕົ້ນ​ມາ. ໃນ​ສອງ​ທົດ​ສະ​ຫວັດ​ຜ່ານ​ມາ, ລ​ຊມ​ລ ໄດ້​ປະ​ກອບ​ສ່ວນຫຼາຍກວ່າ US$1,6 ຕື້ ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວ ຜ່ານ​ການ​ຈ່າຍ​ພາ​ສີ​ອາ​ກອນ ແລະ ຄ່າ​ຊັບ​ພະ​ຍາ​ກອນ​ແຮ່​ທາດ, ຫຼາຍ​ຮ້ອຍ​ລ້ານ​ໂດ​ລາ​ເປັນ​ຜົນ​ປະ​ໂຫຍດ​ທາງ​ອ້ອມ ຜ່ານ​ການ​ພັດ​ທະ​ນາ​ຊຸມ​ຊົນ, ການ​ສ້າງວຽກ​ເຮັດ​ງານ​ທຳ ແລະ ການ​ຝຶກ​ອົບ​ຮົມ​ສ້າງ​ສີ​ມື​ແຮງ​ງານ.

ລ​ຊມ​ລ ໝາຍ​ໝັ້ນ ເປັນ​ບໍ​ລິ​ສັດ​ບໍ່​ແຮ່​ຕົວ​ແບບ​ທີ່​ດີ​ເລີດ​ ແລະ ເປັນ​ຄູ່​ຮ່ວມ​ພັດ​ທະ​ນາຂະ​ແໜງ​ບໍ່​ແຮ່ ຢູ່​ໃນ ສ​ປ​ປ ລາວ​.

20 ເມ​ສາ 2022 – LXML ມອບ​ເງິນ ຈຳ​ນວນ​ 5.582.907,81 ໂດລາ​ສະ​ຫະ​ລັດ ສຳ​ລັບ​ຄ່າຊັບ​ພະ​ຍ​າ​ກອນ​ແຮ່​ທາດ​ ໄຕຼ​ມາດ​ທີ 4 ​ປີ 2021 ຈາກ ການ​ຜະ​ລິດ-ຈຳ​ໜ່າຍ​ໂລ​ຫະ​ຄຳ ແລະ ທອງ (ລວມ​ທັງ​ໝົດກວ່າ 17,24 ລ້ານໂດ​ລາ​ສະ​ຫະ​ລັດ ໃນ​ປີ 2021), ຊຶ່ງ​ລວມຍອດ​ລາຍ​ຮັບ​ມອບ​ໃຫ້​ແກ່​ລັດ​ຖະ​ບານ ສ​ປ​ປ ລາວ ໃນ​ສົກ​ປີ 2021 (ລວມ​ທັງ​ອາ​ກອນ​ຕ່າງໆ ແລະ ຄ່າ​ຊັບ​ພະ​ຍາ​ກອນ​ແຮ່​ທາດ) ກວ່າ 40,84 ລ້ານ​ໂດ​ລາ​ສະ​ຫະ​ລັດ.

ທ່ານ ພຸດ​ທະ​ສິນ ເຮືອງ​ທະ​ວົງ, ຫົວ​ໜ້າ​ກົມຄຸ້ມ​ຄອງ​ຊັບ​ສິນແຫ່ງລັດ, ກະ​ຊວງ​ການ​ເງິນ (ຂວາ) ໄດ້ຮັບ ​ຄ່າຊັບ​ພະ​ຍ​າ​ກອນ​ແຮ່​ທາດ​ ຈາກ ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫ​ຍ່ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ (ລ​ຊມ​ລ) ໂດຍ​ການ​ເປັນ​ສັກ​ຂີ​ພິ​ຍານ​ຂອງ ​ຫົວ​ໜ້າ​ພະ​ແນກ​ຂອງ​ກະ​ຊວງ​ການ​ເງິນ ທ່ານ ວົງ​ພະ​ສິດ ສີ​ລາ​ວົງ, ​ໜ່ວຍ​ງານ​ຄຸ້​ມຄ​ອງ​ຊັບ​ພະ​ຍາ​ກອນ ທ່ານ​ນາງ ມີ​ນາ​ລັດ ພັດ​ມະ​ນີ​ຈັນ ແລະ ວິ​ຊາ​ການ​ພະ​ແນກ ທ່ານ ສຸກ​ສັນ ວັນ​ນະ​ລາດ, ຫົວ​ໜ້າ​ພົວ​ພັນ​ພາຍນອກ ຂອງ ລ​ຊມ​ລ ທ່ານ​ນາງ ດາວ​ມະ​ນີ ຈັນ​ພະ​ແກ້ວ ແລະ ຮອງ​ຫົວ​ໜ້າ​ພົວ​ພັນ​ພາຍນອກ ທ່ານ​ນາງ ປາ​ນີ ສີ​ວົງ​ຄຳ​ຈັນ ກໍ່​ໄດ້​ເຂົ້າ​​ຮ່ວມ.

ນັບ​ເປັນ​ນິ​ມິດ​ໝາຍ​ທີ່​ດີ ທີ່​ທ​າງຂັ້ນ​ສູນ​ກາງ​ໄດ້​ເລີ່ມ​ຕົ້ນມີ​ການ​ກະ​ຈາຍ​ລາຍຮັບ​ລົງ​ສູ່​ທ້ອງ​ຖິ່ນ ຊຶ່ງ​ທາງ​ກົມ​ຄຸ້ມ​ຄອງຊັບ​ສິນ​ແຫ່​ງ​ລັດ ກໍ່​ໄດ້​ໃຫ້​ຊາບ​ວ່າ ລາຍ​ຮັບ​ຈາກ​ຄ່າ​ຊັບ​ພະ​ຍາ​ກອນ​ແຮ່​ທາດ​ໃນ​ສົກ​ປີ 2021 ແມ່ນ​ໄດ້​ຖືກ​ແບ່ງ​ປັນ​ລົງ​ສູ່​ແຂວງ​ສະ​ຫວັນ​ນະ​ເຂດ​ປະ​ມານ 7,5 ລ້ານ​ໂດ​ລາ​ສະ​ຫະ​ລັດ ຊຶ່ງ​ໄດ້​ກາຍເປັນ​ຄວາມ​ພາກ​ພູມ​ໃຈ​ຂອງ​ຜູ້​ພັດ​ທະ​ນາກໍ່​ຄື​ບໍ​ລິ​ສັດ ລ​ຊມ​ລ ແລະ ແຂວງ​ສະ​ຫວັນ​ນະ​ເຂດກໍ່​ຄື​ແຂວງ​ເຈົ້າ​ພາບ.

ນັບຕັ້ງແຕ່​ເລີ່ມ​ມີການ​ຂຸດ​ຄົ້ນ-ປຸງ​ແຕ່ງ-​ຜະ​ລິດ​ຄຳ-ທອງ ມາ​ແຕ່​​ປີ 2003 ເປັນ​ຕົ້ນ​ມາ, ​ທາງບໍ​ລິ​ສັດ ລ້ານ​ຊ້າງ​ ມີ​ເນ​ໂຣນ​ສ໌​ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ໄດ້​ປະ​ກອບ​ສ່ວນພັນ​ທະ​ຂອງ​ຕົນ​ທີ່​ເປັນ​ ລາຍ​ຮັບ​ໂດຍ​ກົງໃຫ້ແກ່​ລັດ​ຖະ​ບານ​ ແຫ່ງ ສ​ປ​ປ ລາວ ​ເປັນ​ເງິນ​ທັງໝົດ ຫຼາຍກວ່າ 1,6 ຕື້ໂດ​ລາ​ສະ​ຫະ​ລັດ ລວມ​ທັງ ຄ່າ​​ຊັບ​ພະ​ຍາ​ກອນ​ແຮ່​ທາດ​ທັງ​ໝົດຫຼາຍກ່​ວາ ​383 ລ້ານໂດ​ລາ​ສະ​ຫະ​ລັດ.

​ທີ່​ຫ້ອງ​ອາ​ຫານ ລາວ​ເດີມ, ໃນ​ວັນ​ທີ 5 ເມ​ສາ 2022 ນີ້  ​ອຳ​ນາດ​ການ​ປົກ​ຄອງແຂວງ​ສະ​ຫວັນ​ນະ​ເຂດ ແລະ ບໍ​ລິ​ສັດ ລ້າ​ນ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ບໍ່​ຄຳ-ທອງ ເຊ​ໂປນ ໄດ້​ມີ​ການ​ລົງ​ນາມໃນ​ບົດ​ບັນ​ທຶກ​ຄວາມ​ເຂົ້າ​ໃຈ (MoU) ເພື່ອ​ຍົກ​ລະ​ດັບ​ເສັ້ນ​ທາງ​ຂອງລັດ ເລກ​ທີ 28A ​ ໂດຍ​ການປູ​​ຢາງ​ສອງ​ຊັ້ນ ມີ​ຄວາມ​ຍາວ  41,56 ກິ​ໂລ​ແມັດ ແຕ່​ບ້ານ​ນາ​ບໍ່ ຫາ ເມືອງວິ​ລະ​ບູ​ລີ ເຊິ່ງ​ເປັນທີ່​ຕັ້ງ​ຂອງ ບໍ່​ຄຳ-ທອງ ເຊ​ໂປນ.

ໂຄງ​ການ​ຍົກ​ລະ​ດັບ​ເສັ້ນ​ທາງ​ດັ່ງ​ກ່າວ​ນີ້ ຈະ​ສະ​ໜອງ​ການ​ເຂົ້າ​ເຖິງ​ເສັ້ນ​ທາງ​ໃຫ້​ແກ່ ຄົນ​ທ້ອງ​ຖິ່ນ​ຈາກ​ເມືອງວິ​ລະ​ບູ​ລີ ຫຼາຍກວ່າ 40 000 ຄົນ.

ໃນຜ່ານ​ມາ ເສັ້ນ​ທາງ 28A ດັ່ງ​ກ່າວ ​ເປັນ​ເສັ້ນ​ທາງປູ​ຢາງ ​ທີ່​ບໍ​ລິ​ສັດ ລ້າ​ນ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML)   ໄດ້​ສ້າງ​ຂຶ້ນ ມາແຕ່ປີ 2005 ເພື່ອເຊື່ອມ​ຕໍ່​ກັບ​ເສັ້ນ​ທາງ ເລກ​ທີ 9 ຈາກບ້ານ​ນາ​ບໍ່, ເມືອງ​ເຊ​ໂປນ ຫາ ເມືອງວິ​ລະ​ບູ​ລີ ແລະ ​ເປັນ​ແລວ​ທາງ​ເສດ​ຖະ​ກິດ​ຕາ​ເວັນ​ອອກ-ຕາ​ເວັນ​ຕົກ ​ທີ່​ສຳ​ຄັນໃຫ້​ແກ່ການ​ຂົນ​ສົ່ງ​ສິນ​ຄ້າ ແລະ ການ​ພັດ​ທະ​ນາ ໂດຍ​ເຊື່ອມ​ຕໍ່ ສ​ປ​ປ ລາວ ກັບ​ປະ​ເທດ​ຫວຽດ​ນາມ ແລະ ໄທ ກໍ​ຄື ເປີດ​ທາງ​ສູ່​​ເຂດ​ຊົນ​ນະ​ບົດ ​ໃຫ້​ມີການ​ຜະ​ລິດ​ກະ​ສິ​ກຳ ແລະ ​ເສດ​ຖະ​ກິດ​ອື່ນໆ ໃຫ້​ໄດ້​ດີ.

​​ປະ​ຈຸ​ບັນ  ເສັ້ນນ​ທາງ​ດັ່ງ​ກ່າວ ແມ່ນໄດ້​ເປ່​ເພ​ເສຍ​ຫາຍ​ຫຼາຍ​ບ່ອນ ຍ້ອນ​ມີ​ການ​ໃຊ້​ງານ​ມາ​ຍາວນານກວ່າ 10 ​ປີ ເຮັດໃຫ້ການ ສັນຈອນ, ຂົນສົ່ງສິນຄ້າ ເພື່ອຮັບໃຊ້ໃນການຜະລິດ ແລະ ການດຳລົງຊີວິດຂອງປະຊາຊົນ ໃນເຂດດັ່ງກ່າວ ໄດ້ພົບຄວາມ ຫຍຸ້ງຍາກ ໂດຍສະເພາະ​ແມ່ນໃນຊ່ວງລະດູຝົນ

​ໂຄງ​ການຍົກ​ລະ​ດັບ​ເສັ້ນ​ທາງ​ຂອງລັດ ເລກ​ທີ 28 ນີ້ ຈະ​ໄດ້ນຳໃຊ້ເງິນຈາກກອງທຶນຟື້ນຟູໂຄງການບໍ່ຄຳ-ທອງເຊໂປນ ​ຈຳ​ນວນ US$ 5 ລ້ານ ເຊິ່ງ​ເປັນ​ເງິນ​ສະ​ສົມ ທີ່ບໍລິສັດ ລ້ານຊ້າງ ມີເນໂຣນ ລິມິເຕັດ ເປັນຜູ້ຮັກສາໄວ້ ເພື່ອນຳ​ໃຊັ​​ໃນ​ການຟື້ນ​ຟຸ​ສະ​ພາບ​ແວດ​ລ້ອມ ແລະ ສັງ​ຄົມພາຍຫຼັງການປິດບໍ່ ໃນ​ອະ​ນາ​​ຄົດ.

ກ່ອນປີ 2000 ເມືອງວິ​ລະ​ບູ​ລີ​ ຍັງ​ຖື​ວ່າ​ເປັນ​ເຂດ​ຊົນ​ນະ​ບົດ​ຫ່າງ​ໄກ​ສອກຫຼີກ ເສັ້ນ​ທາງ​​ດິນ​ດັ້ງ​ເດີມ ​ແມ່ນ​ຄັບ​ແຄບ ແລະ ມີ​ນ້ຳ​ຖ້ວມ​ໃນ​ລະ​ດູ​ຝົນ ເຮັດ​ໃຫ້​ທາງ​ເລືອກ​ໃນ​ການ​ຂົນ​ສົ່ງ​ມີ​ຄວາມ​ຈຳ​ກັດ. ເສັ້ນ​ທາງ​ກໍເປັນ​ບວກ​ເປັນ​ຕົມ ​ ​ທີ່​ຫຍຸ້ງ​ຍາກ​ລຳ​ບາກທີ່​ສຸດ ​ການ​ເດີນ​ທາງ​ດ້ວຍ​ລົດ ຈາກ​ບ້ານ ນາ​ບໍ່ ຫາ ເມືອງວິ​ລະ​ບູ​ລີ ແມ່ນໃຊ້​ເວ​ລາ​ຢ່າງ​ຕ່ຳ ເປັນ 2 ມື້​ ຈຶ່ງ​ຮອດ. ນອກ​ຈາກ​ນັ້ນ, ເມືອງວິ​ລະ​ບູ​ລີ ກໍເປັນ​ເຂດທີ່​ໄດ້​ມີການ​ຖິ້ມ​ລະ​ບີດຢ່າງຫຼວງຫຼາຍ ແລະ ຜົນ​ກະ​ທົບ​ທີ່​ຕາມ​ມາ​ຈາກ​ລະ​ເບີດ​ຝັງ​ດິນ​ທີ່​ບໍ່​ທັນ​ແຕກ ກໍ​​ເປັນ​ອັນ​ຕະ​ລາຍຢ່າງມະ​ຫາ​ສານ.

ທ່ານ ວຽງທະວີສອນ ເທບພະຈັນ, ຮອງເຈົ້າແຂວງສະຫວັນນະເຂດ ໄດ້​ກ່າວ​ວ່າ: “​ໂດຍຕາງ​ໜ້າ​ໃຫ້​ປະ​ຊາ​ຊົນ​ເມືອງວິ​ລະ​ບູ​ລີ ແລະ ແຂວງ​ສະ​ຫວັນ​ນະ​ເຂດ, ຂ້າ​ພະ​ເຈົ້າ​ຂໍ​ສະ​ແດງ​ຄວາມ​ຂອບ​ໃຈ​ ມ​າ​ຍັງ LXML ທີ່​ໄດ້​ປະ​ກອບ​ສ່ວນ​ຕໍ່​ການ​ພັດ​ທະ​ນາ​ໃນ ສ​ປ​ປ ລາວ ແລະ ໃຫ້ການຮ່ວມໄມ້ ຮ່ວມມືອັນດີ ໃນການຮ່ວມກັນ​ຍົກ​ລະ​ດັບ​ເສັ້ນ​ທາງ 28A ໃນ​ຄັ້ງ​ນີ້.”

ເປັນ​ກຽດ​ລົງ​ນາມ​ໃນ MoU ຄັ້ງ​ນີ້​ມີ ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ບໍ​ລິ​ສັດ ລ້າ​ນ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ແລະ ທ່ານ ວາລີຍະ ສີຈັນທອງທິບ, ຫົວໜ້າພະແນກແຜນການ ແລະ ການລົງທຶນ ແຂວງ​ສະ​ຫວັນ​ນະ​ເຂດ ​ໂດຍ​ການ​ເປັນ​ສັກ​ຂີ​ພະ​ຍານ​ຂອງ​ ທ່ານ ວຽງທະວີສອນ ເທບພະຈັນ, ຮອງເຈົ້າແຂວງສະຫວັນະເຂດ, ພະ​ແນກ​ການອ້ອມຂ້າງ ແຂວງ, ພ້ອມ​ດ້ວຍອະດີດການນຳຂອງແຂວງ, ຫົວ​ໜ້າ​ຜະ​ແນກ​ໂຍ​ທາ​ທິ​ການ​ແຂວງ, ຜູ້​ຕາງ​ໜ້າ​ອົງ​ການ​ຈັດ​ຕັ້ງ​ມະ​ຫາ​ຊົນ, ອຳ​ນາດ​ການ​ປົກ​ຄອງ​ເມືອງວິ​ລະ​ບູ​ລີ, ທີ່​ປຶກ​ສາ ແລະ ພະ​ນັກ​ງານ​ບໍ​ລິ​ສັດ ລ້າ​ນ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML)

ທ່ານ ສະ​ໝານ ອະ​ເນ​ກາ ໄດ້​ກ່າວ​ວ່າ: “ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ​ເປັນ​ຢ່າງ​ຍິ່ງ ທີ່ ໂຄງ​ການ​ນີ້ ແລະ ການ​ຮ່ວມ​ມື​​ທີ່​ດີ​ສະ​ເໝີ​ມາ ກັບ​ແຂວງ​ສະ​ຫວັນ​ນະ​ເຂດ ຈະ​ຮັບ​ປະ​ກັນ​ໃຫ້​ປະ​ຊາ​ຊົນ​ໄດ້​ສາ​ມາດ​ເດີນ​ທາງຢ່າງ​ປອດ​ໄພ ແລະ ສາ​ມາດ​ນຳ​ເອົາ​ສິນ​ຄ້າ​ຕົນ​ເຂົ້າ​ເຖິງ​ຕະຫຼາດ. ການ​ລົງ​ທຶນ​ໃໝ່​ນີ້​ຈະ​ຮັບ​ປະ​ກັນ​ຊີ​ວິດ​ການ​ເປັນ​ຢູ່​ທີ່​ດີ​ຂຶ້ນ​ສຳ​ລັບ​ຄົນ​ທ້ອງ​ຖິ່ນ ຈາກ ກິດ​ຈະ​ກຳ​ດ້ານ​ກະ​ສິ​ກຳ, ການ​ທ່ອງ​ທ່ຽວ ແລະ ເສດ​ຖະ​ກິດທີ່​ຍືນ​ຍົງ​ພາຍຫຼັງ​ທີ່​ບໍ່​ຄຳ–ທອງ ເຊ​ໂປນ ປິດ​ລົງ​ໃນ​ອະ​ນາ​ຄົດ.”

ມາ​ຮອດ​ປັດ​ຈຸ​ບັນ, ທຸກໆ​ບ້ານ​ຢູ່​ໃນ​ເມືອງວິ​ລະ​ບູ​ລີ ແມ່ນ​ມີ​ເສັ້ນ​ທາງ​ເຂົ້າ​ເຖິງ. ນັບ​ຕັ້ງ​ແຕ່​ເລີ່ມ​ການ​ດຳ​ເນີນການ​ຂຸດ​ຄົ້ນ–ຜະ​ລິດ​ຄຳ–ທອງ ໃນ​ປີ 2003 ເປັນ​ຕົ້ນ​ມາ, LXML ໄດ້​ລົງ​ທຶນ​ປະ​ມານ US$20 ລ້ານ​ ເພື່ອ​ກໍ່​ສ້າງ ແລະ ບຳ​ລຸງ​ຮັກ​ສາ​ເສັ້ນ​ທາງ​ທ້ອງ​ຖິ່ນ ພາຍ​ໃນ​ເມືອງ ລວມ​ທັງ​ເສັ້ນ​ທາງ 28A. ນອກ​ຈາກ​ນັ້ນ, LXML ຍັງ​ສະ​ໜອງ​ທຶນ​ຈາກ ກອງ​ທຶນ​ພັດ​ທະ​ນາ​ຊຸມ​ຊົນ​ນັບ​ເປັນ​ມູນ​ຄ່າ US$750 000  ຕໍ່​ປີ ໃຫ້​ແກ່ເມືອງວິ​ລະ​ບູ​ລີ ເຊິ່ງ​ສ່ວນ​  ໜຶ່ງ​ຂອງ​ທຶນ​ກໍ​ຖືກ​ແບ່ງ​ເຂົ້າ​ໃນ​ການ​ກໍ່​ສ້າງ ແລະ ສ້ອມ​ແປງ​ເສັ້ນ​ທາງ​ທ້ອງ​ຖິ່ນ ບວກ​ກັບ ໂຄງ​ການ​ບໍ​ລິ​ການ​ດ້ານ​ສາ​ທາ​ລະ​ນະ​ສຸກ​ພື້ນ​ຖານ, ການ​ສຶກ​ສາ ແລະ ຄວາມ​ໝັ້ນ​ຄົງ​ດ້ານ​ສະ​ບຽງ​ອາ​ຫານ.

ນອກຈາກນີ້, ບໍລິສັດຍັງໄດ້ ລົງທຶນປະມານ US$34 ລ້ານ ໃນການກໍ່ສ້າງ ແລະ ບຳລຸງຮັກສາຕາໜ່າງໄຟຟ້າແຫ່ງຊາດ ຈາກ ເມືອງ​ທ່າ​ແຂກ ເຖິງ ມະ​ຫາ​ໄຊ ດ້ວຍການຮ່ວມມືກັບລັດວິສາຫະກິດໄຟຟ້າ ລາວ.

ນັບຕັ້ງແຕ່ເລີ່ມການດຳເນີນການຂຸດຄົ້ນບໍ່ແຮ່ເປັນຕົ້ນມາ ບໍລິສັດ ລຊມລ ໄດ້ສະໜອງລາຍຮັບໂດຍກົງ ຫຼາຍກວ່າ US$1.6 ຕື້ ໃຫ້ແກ່ລັດຖະບານລາວ ຜ່ານ​ການ​ຈ່າຍ​ຄ່າ​ພາ​ສີ​ຊັບ​ພະ​ຍາ​ກອນ​ແຮ່​ທາດ, ເງິນ​ປັນ​ຜົນ ແລະ ພາ​ສີ–ອາ​ກອນ​ຕ່າງໆ. ສ່ວນຜົນປະໂຫຍດທາງອ້ອມ ​ເປັນ​ຕົ້ນ ການສ້າງວຽກເຮັດງານທຳ, ການຝຶກອົບຮົມ ແລະ ການສະ​ໜັບ​ສະ​ໜູນ​ທຸ​ລະ​ກິດ​ທ້ອງ​ຖິ່ນ ນັ້ນ​ ໄດ້​ຫັນປ່ຽນ ເມືອງວິ​ລະ​ບູ​ລີ ຈາກ ສະ​ຖາ​ນະ ​ໜຶ່ງ​ໃນ​ເມືອງ​ທີ່​ທຸກ​ຍາກ​ທີ່​ສຸດ​ຂອງ ສ​ປ​ປ ລາວ ສູ່ ເມືອງ​ທີ່​ມີ​ເສດ​ຖະ​ກິດ​ຊົນ​ນະ​ບົດ​ທີ່​ຂະ​ຫຍາຍ​ໂຕ​ຢ່າງວ່ອງ​ໄວ​.

ໃນ​ອາ​ທິດ​ຜ່ານ​ມາ, LXML ໄດ້​ລາຍ​ການ​ກໍ​ລະ​ນີ​ຕິດ​ເຊື້ອ COVID-19 ເພີ່ມ​ຂຶ້ນ ຍ້ອນ​ການ​ລະ​ບາດ​ພາຍ​ໃນ​ຊຸມ​ຊົນ​ຢ່າງກວ້າງ​ຂວາງ​ຢູ່ ເມືອງວິ​ລະ​ບູ​ລີ, ເຊິ່ງ​ເປັນ​ທີ່​ຕັ້ງ​ຂອງ​ບໍ່​ຄຳ-ທອງ ເຊ​ໂປນ. ບໍ​ລິ​ສັດ​ຈະ​ສືບ​ຕໍ່​ຕັ້ງ​ໜ້າ ກວດ​ຄົ້ນຫາ​ຜູ້​ສຳ​ຜັດ​ໃກ້​ຊິດ ແລະ ກວດ​ເຊື້ອ​ຫາ​ຜູ້​ຕິດ​ເຊື້ອ ໂດຍ ສ່ວນ​ໃຫຍ່​ແມ່ນ​ສະ​ແດງ​ອາ​ການ​ເບົາ​ບາງ ຫຼື ບໍ່​ມີ​ອາ​ການ​ໃດໆ​. ພະ​ນັກ​ງານ​ຂອງ LXML ແມ່ນ​ໄດ້​ຮັບ​ວັກ​ຊີນ​ປ້ອງ​ກັນ COVID-19 ສາມ​ໂດ​ສ.

ບໍ​ລິ​ສັດ​ໄດ້ ຢຸດ​ຕິ​ ກິ​ລາ​ທຸກໆ​ປະ​ເພດ ແລະ ປິດ​ພື້ນ​ທີ່​ຊຸມ​ນຸມ​ຢູ່​ພາຍ​ໃນ​ພາກ​ສະ​ໜາມ ພ້ອມ​ທັງ​ໄດ້​ຈຳ​ກັດ​ການ​ເຂົ້າ​ພາກ​ສະ​ໜາມ​ສະ​ເພາະ​ບຸກ​ຄົນ​ທີ່​ໄດ້​ຮັບ​ວັກ​ຊີນສາມ​ໂດ​ສ​ເທົ່າ​ນັ້ນ.

ບໍ​ລິ​ສັດ​ສືບ​ຕໍ່​ເຮັດ​ວຽກ​ຢ່າງ​ໃກ້​ຊິດ​ກັບ ລັດ​ຖະ​ບານ​ຂັ້ນ​ທ້ອງ​ຖິ່ນ, ແຂວງ ແລະ ສູນ​ກາງ​ເພື່ອ​ຮັກ​ສາ​ຄວາມ​ປອດ​ໄພ​ຂອງ​ພະ​ນັກ​ງານ ແລະ ຊຸມ​ຊົນ.

ນັບຕັ້ງແຕ່ເດືອນມັງກອນ 2022 ເປັນຕົ້ນມາ, ທີມງານພົວພັນຊຸມຊົນຂອງພວກເຮົາ ໄດ້ລົງຂົນຂວາຍສະມາຊິກຊຸມຊົນກ່ຽວກັບ ຄວາມສ່ຽງຂອງການເຂົ້າໄປໃນພື້ນທີ່ບໍ່ແຮ່ແບບບໍ່ໄດ້ຮັບອະນຸຍາດ ແລະ ບັນຫາດ້ານຄວາມປອດໄພທີ່ກ່ຽວຂ້ອງ. ການສືບຕໍ່ເຮັດວຽກຢ່າງໃກ້ຊິດ ກັບຫົວໜ້າແນວໂຮມທ້ອງຖິ່ນແມ່ນມີຄວາມສຳຄັນ ໃນການ ເຜີຍແຜ່ ແລະ ກະຈາຍຂໍ້ຄວາມກ່ຽວກັບ ຄວາມອັນຕະລາຍຕໍ່ຄວາມປອດໄພ ແລະ ການເຂົ້າເຖິງ ພື້ນທີ່ຂຸດຄົ້ນບໍ່ແຮ່.

ມາຮອດປັດຈຸບັນ, ທີມງານຂອງພວກເຮົາໄດ້ເຂົ້າເຖິງ 61 ຄົນ ໃນ 5 ບ້ານ, ໂດຍໄດ້ປູກຈິດສຳນຶກກ່ຽວກັບ ຄວາມອັນຕະລາຍຂອງການເຂົ້າພື້ນທີ່ຂຸດຄົ້ນບໍ່ແຮ່ແບບບໍ່ໄດ້ຮັບອະນຸຍາດ ລວມທັງ ຄວາມປອດໄພຕາມເສັ້ນທາງລົດແກ່ແຮ່ ແລະ ຄວາມອັນຕະລາຍອື່ນໆ.

ອີງຕາມມາດຕະການປ້ອງກັນ COVID-19 ຈຶ່ງໄດ້ຈຳກັດຈຳນວນຜູ້ເຂົ້າຮ່ວມ ສະເພາະຄະນະຫ້ອງການບ້ານ ແລະ ເຈົ້າໜ້າທີ່ທ້ອງຖິ່ນ ຜູ້ທີ່ຈະປະກາດເນື້ອໃນຂໍ້ຄວາມຕໍ່ ທາງ ໂທລະໂຄ່ງ ແລະ ປາກຕໍ່ປາກ.

ນອກຈາກຊ່ອງທາງນີ້ແລ້ວ, ທີມງານພົວພັນຊຸມຊົນກໍຍັງຂົນຂວາຍສະມາຊິກຊຸມຊົນກ່ຽວກັບ ປະເດັນສຳຄັນທີ່ຕິດພັນກັບ ການພັດທະນາຊຸມຊົນ ແລະ ໂຄງການຄຳ-ທອງເຊໂປນ.

ທີມງານຂົນຂວາຍຊຸມຊົນຍັງຈະລົງຢ້ຽມຢາມອີກ 5 ບ້ານ ອ້ອມຂ້າງ ບໍ່ຄຳ-ທອງ ເຊໂປນ ໃນອາທິດຕໍ່ໜ້າ ເພື່ອສືບຕໍ່ ເຜີຍແຜ່ຂໍ້ຄວາມກ່ຽວກັບ ຄວາມປອດໄພໃກ້ພື້ນທີ່ຂຸດຄົ້ນບໍ່ແຮ່.

ບົດຄວາມໂດຍ: ທ່ານ ຈອສ ກາບາໂຊ, ນັກທໍລະນີສາດອາວຸໂສ –  ທີປຶກສາເຕັກນິກດ້ານການຜະລິດ

ທີ່ໂຄງການເຊໂປນ, ສ່ວນໜຶ່ງໃນຂະບວນການຄວບຄຸມຄຸນນະພາບແຮ່ ລວມມີການຕິດຕາມ ແລະ ເໜັງຕີງຂອງບ໋ອກແຮ່ ພາຍຫຼັງການລະເບີດຫີນ ເພື່ອຫຼຸດຜ່ອນການສູນເສຍແຮ່ (ເສຍແຮ່ໄປກັບຫີນເສດ), ການລະບຸແຮ່ທີ່ຜິດພາດ (ສົ່ງປະເພດແຮ່ໄປຜິດລານກອງແຮ່) ແລະ ການເຈືອຈາງ (ສົ່ງຫີນເສດໄປທີ່ໂຮງໂມ້).

ນັບຕັ້ງແຕ່ເດືອນພະຈິກ 2020, ໂຄງການເຊໂປນໄດ້ນຳໃຊ້ເຄື່ອງວັດແທກຕິດຕາມການເໜັງຕີງຫຼັງຈາກການລະເບີດຫີນ (BMMs) ເພື່ອຕິດຕາມການເໜັງຕີງຂອງການລະເບີດຫີນ – ຂະບວນການເພື່ອວັດແທກການເຄື່ອນທີ່ຂອງແຮ່ພາຍຫຼັງຈາກການລະເບີດ.

ມາຮອດປະຈຸບັນນີ້, ຂະບວນການດັ່ງກ່າວສາມາດປະຢັດງົບປະມານໄດ້ຢ່າງໜ້ອຍ $165,077 ຈາກການໃຊ້ຈ່າຍທີ່ກ່ຽວຂ້ອງກັບການສູນເສຍແຮ່ ນອກຈາກນັ້ນຍັງສາມາດປະຢັດໄດ້ $188,168 ທີ່ກ່ຽວຂ້ອງກັບການເຈືອຈາງຂອງແຮ່ ດ້ວຍການນຳໃຊ້ລະບົບຕິດຕາມການເໜັງຕີງຫຼັງຈາກລະເບີດຫີນ.

ວິທີການເຮັດວຽກມີຄືແນວໃດ?: BMMs ແມ່ນໄດ້ຕິດຕັ້ງໃນຮູເຈາະທີ່ໄດ້ຮັບການອອກແບບມາເປັນພິເສດ ເພື່ອໃຫ້ຜູ້ຄວບຄຸມສາມາດເຂົ້າໃຈລັກສະນະການເໜັງຕີງຫຼັງຈາກການລະເບີດຫີນໃນຮູບແບບສາມມິຕິ. ໄດ້ມີການນຳໃຊ້ຊອບແວເຕັກໂນໂລຊີການເໜັງຕີງຫຼັງຈາກການລະເບີດ (BMT) ເພື່ອຕິດຕາມການເໜັງຕີງຫຼັງຈາກການລະເບີດ ແລະ ປະເມີນຜົນຂອງການລະເບີດກ່ອນຈະຕັ້ງຄ່າຂອບເຂດຂອງບ໋ອກແຮ່ໃນບໍ່ສຳລັບການຂຸດຄົ້ນ.

ນີ້ກໍ່ເພື່ອເປັນການຮັບປະກັນຄຸນນະພາບຂອງແຮ່ເຄົ້າ ທີ່ຂົນໄປລານກອງແຮ່ ແລະ ປ້ອນເຂົ້າສູ່ໂຮງງານຜະລິດ ເພື່ອເຮັດໃຫ້ໄດ້ຮັບແຮ່ທີ່ມີຄຸນນະພາບຕາມແຜນທີ່ວາງໄວ້ ແລະ ເຮັດໃຫ້ພວກເຮົາສາມາດບັນລຸເປົ້າໝາຍການຜະລິດທີ່ວາງໄວ້.

ສິ່ງທີ່ທ້າທາຍມີຄືແນວໃດ?: ເນື່ອງຈາກການແຜ່ລະບາດຂອງພະຍາດ COVID-19 ໄດ້ເຮັດໃຫ້ວິຊາການຂອງບໍລິສັດເຮຊາກອນ (Hexagon) ພົບຂໍ້ຫຍຸ້ງຍາກໃນການເດີນທາງ ໃນເວລາທີ່ກຳລັງຈະດຳເນີນການຈັດຕັ້ງປະຕິບັດໜ້າວຽກດັ່ງກ່າວທີ່ພາກສະໜາມເຊໂປນ ຊຶ່ງເປັນບໍ່ແຮ່ທຳອິດໃນອາຊີຕາເວັນອອກສ່ຽງໄຕ້ທີ່ນຳໃຊ້ເຕັກໂນໂລຊີດັງກ່າວ ແລະ ເປັນໜຶ່ງໃນຜູ້ທຳອິດໃນໂລກທີ່ຈັດຕັ້ງປະຕິບັດລະບົບດັ່ງກ່າວ ຜ່ານລະບົບທາງໄກຈາກນອກສະຖານທີ່. ທີມງານຄວບຄຸມຄຸນນະພາບແຮ່, ພະແນກບໍລິການເຕັກນິກບໍ່ແຮ່ (MTS) ສາມາດຈັດຕັ້ງປະຕິບັດລະບົບດັ່ງກ່າວທີ່ພາກສະໜາມເຊໂປນໄດ້ຢ່າງເຕັມປະສິດທິພາບ ໂດຍຜ່ານການສະໜັບສະໜູນທາງອອນລາຍ ຈາກທີມງານເຮຊາກອນ ປະເທດອົດສະຕຣາລີ, ແລະ ການສະໜັບສະໜູນຈາກ ຄະນະຜູ້ບໍລິຫານໂຄງການເຊໂປນ, ພະແນກບໍລິການເຕັກນິກບໍ່ແຮ່, ແລະ ພະແນກຂຸດຄົ້ນແຮ່. ຂໍຊົມເຊີຍ!

ຂັ້ນຕອນຕໍ່ໄປ: ຄາດຄະເນວ່າ ຈະເພີ່ມກຳລັງການຜະລິດແຮ່ເຄົ້າໃນປີ 2022, ພວກເຮົາຈະເຫັນການເພີ່ມຂື້ນຂອງການຕິດຕາມການເໜັງຕີງຫຼັງຈາກການລະເບີດຫີນໃນຫຼາຍໆບໍ່. ພະນັກງານໂຄງການເຊໂປນກໍ່ໄດ້ສໍາເລັດຫຼັກສູດການຝຶກອົບຮົມໄລຍະ 2 ຂອງ BMT ແລະ ໄລຍະສຸດທ້າຍແມ່ນວາງແຜນໄວ້ໃນເດືອນເມສານີ້ ຊຶ່ງເປັນໄລຍະເວລາ 2 ສອງອາທິດຝຶກອົບຮົມໃນການປະຕິບັດຕົວຈິງ ແລະ ການນຳໃຊ້ຊອບແວ. ພາຍຫຼັງສຳເລັດການຝຶກອົບຮົມ, ພະນັກງານ 13 ຄົນທີ່ໂຄງການເຊໂປນ ຍິງ 1 ຄົນທີ່ຫາກໍ່ຮຽນຈົບດ້ານທໍລະນີສາດ ຈະເປັນບຸກຄົນທີ່ມີຄຸນສົມບັດຄົບຖ້ວນໃນການນຳໃຊ້ຊອບແວ BMT ນີ້.

ເຮຊາກອນ ເປັນບໍລິສັດນຳໜ້າລະດັບໂລກໃນການແກ້ໄຂບັນຫາດ້ານດິຈິຕອນ ແລະ ເຮັດວຽກຮ່ວມກັບ LXML ໄດ້ເກືອບສອງປີແລ້ວ. ບໍລິສັດຊ່ຽວຊານດ້ານການປະສົມປະສານເຄື່ອງເຊັນເຊີ້ກວດຈັບ, ຊອບແວ, ເຕັກໂນໂລຊີອິດສະລະ ດ້ວຍການປະສົມປະສານຂະບວນການເຮັດວຽກທີ່ສຳຄັນ.

ເອົາປາໃຫ້ຄົນ, ລາວຈະກິນກຸ້ມມື້ໜຶ່ງ. ສອນຄົນໃຫ້ຮູ້ຕຶກເບັດ, ລາວຈະລ້ຽງກຸ້ມຕົນເອງ ຕະຫຼອດຊີວິດ.” ຄຳສຸພາສິດນີ້ມີອາຍຸໄດ້ຢ່າງໜ້ອຍ 120 ປີ ໃນຫຼາຍພາສາ ແລະ ວັດທະນະທຳ. ຄຳສຸພາສິດ ບອກໃຫ້ເຮົາຮູ້ວ່າ ຈະເປັນການດີກວ່າ ຖ້າຈະສອນຄົນໃຫ້ຮູ້ເຮັດ ດີກວ່າສໍາເລັດແລ້ວ ຫຼື ມອບຜົນໃຫ້ເຂົາເຈົ້າ.

ຄຳສຸພາສິດນີ້ ສະທ້ອນອອກໃນ ວຽກງານພັດທະນາຊຸມຊົນຂອງພວກເຮົາແນວໃດ?

ໃນປີ 2020, LXML ໄດ້ຊື້ເຄື່ອງເອັກສ໌ເຣ ໃຫ້ແກ່ ໂຮງໝໍເມືອງວິລະບູລີ ຜ່ານ ກອງທຶນພັດທະນາຊຸມຊົນມູນຄ່າປະມານ US$85.000.

ໂດຍສືບສານຕໍ່ຈາກ ການສະໜັບສະໜູນດັ່ງກ່າວ, ພວກເຮົາໄດ້ສະໜອງທຶນ US$5.000 ເຂົ້າໃສ່ການຝຶກອົບຮົມໝໍ ແລະ ເຈົ້າໜ້າທີ່ຂອງໂຮງໝໍເມືອງວິລະບູລີ ກ່ຽວກັບ ການນຳໃຊ້ເຄື່ອງດັ່ງກ່າວ ລວມທັງວິທີການອ່ານ-ວິເຄາະຜົນ ກໍຄື ການບຳລຸງຮັກສາເຄື່ອງ.

ເຄື່ອງເອກສ໌ເຣ ຈະຍົກລະດັບຄວາມອາດສາມາດ ແລະ ຄຸນນະພາບການບໍລິການດ້ານສຸຂະພາບ ຢູ່ ໂຮງໝໍ ແລະ ເມືອງ ຜ່ານການກວດ ແລະ ວິເຄາະທີ່ທັນການ, ຖືກຕ້ອງ ແລະ ຊັດເຈນ ເຊິ່ງ ຖ້າສົມທຽບໃນເມື່ອກ່ອນແມ່ນຕ້ອງໄດ້ສົ່ງຄົນເຈັບໜັກ ໄປຮອດ ນະຄອນໄກສອນ ພົມວິຫານ ເພື່ອ ເອັກສ໌ເຣ. ໃນປັດຈຸບັນນີ້ ແມ່ນສາມາດກວດໄດ້ຢ່າງວ່ອງໄວ ຢູ່ ກັບເມືອງວິລະບູລີ.

ມາຮອດປັດຈຸບັນ, ໂຮງໝໍເມືອງວິລະບູລີ ໄດ້ເອກສ໌ເຣ ໃຫ້ແກ່ຄົນເຈັບເກືອບ 2.000 ຄົນ ແລະ ຈຳນວນຄົນເຈັບທີ່ໄດ້ຖືກນຳສົ່ງໄປໂຮງໝໍຢູ່ເມືອງ ແລະ ແຂວງອື່ນກໍເຫັນວ່າຫລຸດລົງ.

ຈາກ ການສະໜັບສະໜູນຂອງ LXML ຜ່ານກອງທຶນພັດທະນາຊຸມຊົນໃນຄັ້ງນີ້, ໂຮງໝໍເມືອງວິລະບູລີ ຈະສືບຕໍ່ບຳລຸງຮັກສາເຄື່ອງເອັກສ໌ເຣ, ຖ່າຍທອດຄວາມຮູ້ ໃຫ້ແກ່ແພດໝໍອື່ນໆ ແລະ ຮຸ່ນຫຼັງ ເພື່ອໃຫ້ສາມາດສະໜອງການບໍລິການດ້ານການແພດສຳຄັນໃຫ້ແກ່ ສະມາຊິກຊຸມຊົນໃນ ເມືອງວິລະບູລີ 45.000 ກວ່າຄົນ.

ຕັ້ງແຕ່ປີ 2003, ກອງທຶນພັດທະນາຊຸມຊົນໄດ້ລົງທຶນເກືອບ US$910.000 ເຂົ້າໃສ່ ໂຄງການສາທາລະນະສຸກ ເຊິ່ງໃນນັ້ນ 35% ແມ່ນໄດ້ຈັດສັນເຂົ້າໃສ່ ໂຮງໝໍເມືອງວິລະບູລີ (US$317,000). ການສະໜັບສະໜູນດັ່ງກ່າວລວມມີ ພື້ນຖານໂຄງລ່າງສາທາລະນະສຸກ, ລົດໂຮງໝໍ, ອຸປະກອນການແພດ ແລະ ການສ້າງຂີດຄວາມອາດສາມາດໃຫ້ແກ່ແພດໝໍ.

ການ​ຖື​ອາ​ຊີບ​ເປັນ​ວິ​ສາ​ວະ​ກອນ ບໍ່​ແມ່ນ​ວ່າ​ທຸກ​ຄົນ​ຈະ​ເປັນ​ໄດ້. ວິ​ສະ​ວະ​ກຳ​ ຮຽກ​ຮ້ອງ​ໃຫ້​ມີ​ການ​ອຸ​ທິດ​ເຫື່ອ​ແຮງ​ໃນ​ການ​ວິ​ເຄາະ​ທີ່​ນຳ​ໄປ​ສູ່​ການ​ແກ້​ໄຂ​ບັນ​ຫາ, ເຊິ່ງ ເວົ້າ​ລວມ​ເປັນ​ຂະ​ແໜງ​ໜ້າ​ວຽກ​ທີ່​ມີ​ຄວາມ​ທ້າ​ທາຍ​ຢູ່​ແລ້ວ. ແຕ່​ວ່າ, ແມ່​ຍິງ​ທີ່​ເຮັດ​ວຽກ​ໃນ​ຂະ​ແໜງວິ​ສະ​ວະ​ກຳ ແລະ ເວົ້າ​ສະ​ເພາະ​ອຸ​ດ​ສາ​ຫະ​ກຳ​ບໍ່​ແຮ່​ນີ້ ຍິ່ງ ພົບ​ກັບ​ຄວາມ​ທ້າ​ທາຍ​ໄປ​ຕື່ມ​ອີກ​ຄື: ການ​ຈຳ​ແນກ-ແນວ​ຄິດ​ຕາຍ​ຕົວ ທີ່​ຖ່ວງ​ດຶງ ພວກ​ເຮົາ​ທຸກ​ຄົນ.

ຄວາມຫຼາກຫຼາຍ ມີ​ຄວາມ​ສຳ​ຄັນ​ສຳ​ລັບ​ທຸກໆ​ສັງ​ຄົມ ແລະ ການໄດ້​ເປັນ​ສ່ວນ​ໜຶ່ງ​ຂອງ ທີມ​ງານ “ທີມ​ງານ​​ການ​ດຳ​ເນີນ​ງານທີ່​ດີ​ເລີດ​ດ້ານການ​ຂຸດ​ຄົ້ນ​ບໍ່​ແຮ່” ກໍ​ເປັນ​ແຮງ​ບັນ​ດານ​ໃຈ​ໜຶ່ງໃນ​ການ​ເຮັດ​ວຽກ ຍ້ອນ​ວ່າ ທີມ​ງານ​ນີ້ ບໍ່​ມີການ​ຈຳ​ແນກ​ລະ​ຫວ່າງ ແມ່​ຍິງ ແລະ ຜູ້​ຊາຍ.  ພວກ​ເຮົາ​ມີ​ໂອ​ກາດ​ໄດ້​ພິ​ສູດ ທ່າ​ແຮງ​ບົ່ມ​ຊ້ອນ ແລະ ຄວາມ​ສາ​ມາດ ໃນ​ບົດ​ບາດ​ໜ້າ​ທີ່ ທີ່​ໂດຍ​ປົກ​ກະ​ຕິ​ທົ່ວ​ໄປ ຈະ​ແມ່ນ​ຜູ້​ຊາຍ​ເປັນ​ຜູ້​ຖື. ບົດ​ບາດ​ໜ້າ​ທີ່​ຂອງ​ພວກ​ເຮົາ ໃນ​ໜ່ວຍ​ງານ ​ການ​ດຳ​ເນີນ​ງານຄວາມ​ດີ​ເລີດດ້ານ​ການ​ຂຸດ​ຄົ້ນ​ບໍ່​ແຮ່ ໄດ້​ໃຫ້​ໂອ​ກາດ​ພວກ​ເຮົາ​ນຳ​ໃຊ້​ຄວາມ​ຮູ້​ດ້ານ​ເຕັກ​ນິກເຂົ້າ​ໃນໜ້າ​ວຽກຈາກ​ຜຽນ​ໜຶ່ງ​ສູ່​ອີກ​ຜຽນ​ໜຶ່ງ​ສືບ​ເນື່ອງ​ໄປ​ທັງ​ເວັນ ແລະ ຄືນ ຄຽງ​ຄູ່​ກັບ ໂອ​ກາດ​ໃຫ້​ພວກ​ເຮົາ​ໄດ້​ພັດ​ທະ​ນະ​ຕົນ​ເອງ ແລະ ທີມ​ງານ.

ຂະ​ແໜງການ​ບໍ່​ແຮ່ ເປັນ​ວຽກ​ທີ່​ຍາກ​ທ້າ​ທາຍ ແຕ່​ເຮັດ​ແລ້ວ ກໍ​ມ່ວນ ແລະ ມີ​ຄວາມ​ພາກ​ພູມ​ໃຈ. ມັນ​ເປັນ​ໜ້າ​ວຽກ​ທີ່​ມີ​ຄວາມຫຼາກຫຼາຍ ແລະ ມີ​ຄວາມທ້າ​ທາຍ​ຢູ່​ສະ​ເໝີ. ພວກ​ເຮົາ​ເປັນ​ສ່ວນ​ໜຶ່ງ​ຂອງ​ທີມ​ງານ​ທີ່​ເຮັດ​ວຽກ​ໃຫ້​ປະ​ກົດ​ຜົນ​ເປັນ​ຈິງ ແລະ ມີ​ໂອ​ກາດ​ຂັບ​ເຄື່ອນຫຼາຍກວ່າ​ການ​ຜະ​ລິດ​ຄຳ-ທອງຄື: ພວກ​ເຮົາ​ສາ​ມາດ​ປະ​ກອບ​ສ່ວນ​ຕໍ່​ຜົນ​ຮັບ​ທີ່​ສຳ​ຄັນ​ ຜ່ານ​ການ​ເຮັດ​ວຽດ​ດ້ວຍ​ຄວາມ​ຂະ​ຫຍັນ​ພາກ​ພຽນ, ການ​ອຸ​ທິດ​ເຫື່ອ​ແຮງ ແລະ ຄວາມ​ມັກ​ຮັກ​ໃນ​ໜ້າ​ວຽກ. ສິ່ງ​ເຫຼົ່າ​ນີ້​ລ້ວນ​ແຕ່​ເປັນ​ແຮງ​ຈູງ​ໃຈ ແລະ ພ​ະ​ລະກຳ​ລັງ​ໃຫ້​ພວກ​ເຮົາ​ມີ​ຄວາມ​ອົດ​ທົນ​ໃນ​ແຕ່​ລະ​ວັນ.

ພວກ​ເຮົາ​ຊຸກ​ຍູ້​ໃຫ້​ແມ່​ຍິງ​ລາວ​ທຸກ​ຄົນ ຈົ່ງ​ເຂັ້ມ​ແຂງ ແລະ ສາ​ນ​ຕໍ່​ຕາມ​ຄວາມ​ຝັນ​ຂອງ​ຕົນ ບໍ່​ວ່າ​ຈະ​ມີ​ສິ່ງ​ທ້າ​ທາຍ ຫຼື ການ​ຈຳ​ແນກ-ແນວ​ຄິດ​ຕາຍ​ຕົວໃດໆ. ພວກ​ເຮົາ, ແມ່​ຍິງ, ຈະ​ຜ່ານ​ຜ່າ​​ທຸກໆ​ບັນ​ຫາ ແລະ ຄວາມ​ຫຍຸ້ງ​ຍາກ​ທີ່​ຜ່ານ​ມາ​ໃນ​ຊີ​ວິດ​ພວກ​ເຮົາ.

ໃນ​ວັນ​ແມ່​ຍິງ​ສາ​ກົນ​ປີ​ນີ້, ພວກ​ເຮົາ​ຮ້ອງ​ຂໍ​ໃຫ້​ເພື່ອນ​ຮ່ວມ​ງານ​ແມ່​ຍິງ​ທຸກ​ຄົນ ປ່ອຍ​ປະ ການ​ຈຳ​ແນກ-ແນວ​ຄິດ​ຕາຍ​ຕົວ​ໄວ້​ເບື້ອງຫຼັງ ແລະ ຊ່ວຍ​ອູ້​ມ​ຊູ​ສັນ​ລະ​ເສີນ​ກັນ​ ແລະ ​ກັນ ບໍ່​ວ່າ​ທ່ານ​ຈະ​ແມ່ນ​ເພດ​ໃດ. ພວກ​ເຮົາ​ຕ້ອງ​ປ່ຽນ​ແນວ​ຄິດ: ອັນ​ໃດ​ທີ່​ຜູ້​ຊາຍ​ເຮັດ​ໄດ້ ແມ່​ຍິງ​ກໍ​ເຮັດ​ໄດ້ ໂດຍ​ສະ​ເພາະ ໃນ​ຂະ​ແໜງວິ​ສະ​ວະ​ກຳ ແລະ ບໍ່​ແຮ່ ເພາະ  ພວກ​ເຮົາ​ບໍ່​ແມ່ນ​ວິ​ສະ​ວະ​ກອນ​ຍິງ, ແຕ່​ພວກ​ເຮົາ​ແມ່ນ “ວິ​ສະ​ວະ​ກອນ”.

ໃນ​ອາ​ທິດ​ຜ່ານ​ມາ, ຜູ້​ອຳ​ນວຍ​ການ​ໃຫຍ່​ຂອງ ບໍ​ລິ​ສັດ ລ້າ​ນ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ບໍ່​ຄຳ-ທອງ ເຊ​ໂປນ, ທ່ານ ສະ​ໝານ ອະ​ເນ​ກາ ໄດ້​ມອບ 80 ລ້ານ​ກີບ ໃຫ້​ແກ່ ທ່ານ ດາວວອນ ພະ​ຈັນ​ທະ​ວົງ, ຮອງ​ປະ​ທານ​ກິ​ຕິ​ມະ​ສັກ ຂອງ ສະ​ພາ​ການ​ຄ້າ ແລະ ອຸດ​ສາ​ຫະ​ກຳ​ແຫ່ງ​ຊາດ ລາວ (ສ​ຄອ​ຊ).

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ LXML ໄດ້​ກ່າວ​ວ່າ: “ການ​ປະ​ກອບ​ສ່ວນ​ນີ້​ຈະ​ສືບ​ຕໍ່​ສະ​ໜັບ​ສະ​ໜູນ​ການ​ສ້າງ​ຄວາມ​ອາດ​ສາ​ມາດ ແລະ ສົ່ງ​ເສີມ​ພາກ​ທຸ​ລະ​ກິດ ຢູ່​ໃນ ສ​ປ​ປ ລາວ ໂດຍ​ສະ​ເພາະ ໃນ​ໄລ​ຍະ​ການ​ຟື້​ຟູ​ຈາກ ຜົນ​ກະ​ທົບ​ຂອງ​ການ​ລະ​ບາດ​ພະ​ຍາດ COVID-19.”

ປີ​ນີ້​ເປັນ​ປີ​ທີ 9 ທີ່ LXML ໄດ້​ປະ​ກອບ​ສ່ວນ​ຕໍ່ LNCCI ໃນ​ຖາ​ນະ​ທີ່​ເປັນ​ສະ​ມາ​ຊິກ ເພື່ອ​ສະ​ໜັບ​ສະ​ໜູນ​ຄວາມ​ອາດ​ສາ​ມາດ​ຂອງ​ພາກ​ທຸ​ລະ​ກິດ​ໃນ ສ​ປ​ປ ລາວ.

LXML ບໍ່​ຄຳ-ທອງ​ເຊ​ໂປນ ເປັນ​ທຸ​ລະ​ກິດ​ຂະ​ໜາດ​ໃຫຍ່​ໃນ ສ​ປ​ປ ລາວ ທີ່ ດຳ​ເນີນ​ການ​ຂຸດ​ຄົ້ນ-ປຸງ​ແຕ່ງ-ຜະ​ລິດ​ແຮ່​ທອງ-ຄຳ ແບບ​ບໍ່​ເປີດໜ້າ​ດິນ ຢູ່​ໃນ​ແຂວງ​ສະ​ຫວັນ​ນະ​ເຂດ ຕັ້ງ​ແຕ່​ປີ 2003. ໃນສອງທົດສະວັດຜ່ານມາ, LXML ໄດ້ປະກອບສ່ວນຫຼາຍກວ່າ US$1,6 ຕື້ ເປັນລາຍຮັບໂດຍກົງໃຫ້ແກ່ລັດຖະບານລາວ ຜ່ານການຈ່າຍພາສີອາກອນ ແລະ ຄ່າຊັບພະຍາກອນແຮ່ທາດ, ຫຼາຍຮ້ອຍລ້ານໂດລາເປັນຜົນປະໂຫຍດທາງອ້ອມ ຜ່ານການພັດທະນາຊຸມຊົນ, ການສ້າງວຽກເຮັດງານທຳ ແລະ ການຝຶກອົບຮົມສ້າງສີມືແຮງງານ.

ໃນຊຸມຊົນເມືອງວິລະບູລີ ໄດ້ມີປະຊາຊົນກວ່າ 40.000 ຄົນ ທີ່ໄດ້ຮັບຜົນປະໂຫຍດຈາກ ໂຄງ​ການ​ພັດ​ທະ​ນາ​ຊຸມ​ຊົນ ຂອງໂຄງການຄຳ-ທອງເຊໂປນ ລວມມູນຄ່າ US$13 ລ້ານ ແລະ ລາຍໄດ້ຂອງກຸ່ມທຸລະກິດທ້ອງຖິ່ນກໍໄດ້ທະວີຄູນຂຶ້ນເປັນ US$47 ລ້ານ.

ໃນ​ຕົ້ນ​ເດືອນ​ນີ້, LXML ໄດ້​ສະ​ເຫຼີມ​ສະຫຼອງ​ການ​ເປີດ​ອຸ​ມົງ​ທາງ​ເຂົ້າ​ເພື່ອ​ເຈາະ​ສຳຫຼວດ​ບໍ່​ແຮ່​ໃຕ້​ດິນ​ຢູ່​ພາກ​ສະ​ໜາມ​ບໍ່​ຄຳ-ທອງ ເຊ​ໂປນ. ໂຄງ​ການ​ດັ່ງ​ກ່າວ​ແນ​ໃສ່​ສ້າງ​ບໍ່​ແຮ່​ໃຕ້​ດິນ​ທີ່​ທັນ​ສະ​ໄໝ​ແຫ່ງ​ທຳ​ອິດ​ຢູ່​ໃນ ສ​ປ​ປ ລາວ. ການ​ພັ​ດ​ທະ​ນາ​ໃໝ່​ນີ້ ຈະ​ຍືດ​ອາ​ຍຸ​ຂອງ​ບໍ່​ຄຳ-ທອງ ເຊ​ໂປນ ດ້ວຍ​ອຸ​ປະ​ກອນ​ທີ່​ທັນ​ສະ​ໄໝ ແລະ ເຕັກ​ນິກ​ການ​ຂຸດ​ຄົ້ນ​ບໍ່​ແຮ່​ທີ່​ນຳ​ໜ້າ​ໃນ​ໂລກ.

LXML ໄດ້​ຮັບ​ໃບ​ຍ້ອງ​ຍໍ​ປະ​ເພດ A+ ຈາກ​ລັດ​ຖະ​ບານ​ລາວ ຢ່າງ​ສະ​ເໝີ​ມາ​ເປັນ​ໄລ​ຍະ 10 ປີ ແລະ ທັງ​ໄດ້​ຮັບ​ລາງວັນຫຼາຍ​ປະ​ເພດ​ ທີ່​ຮັບ​ຮູ້ ການ​ປະ​ກອບ​ສ່ວນ​ຂອງ​ບໍ​ລິ​ສັດ​ເຂົ້າ​ໃນ​ການ​ພັດ​ທະ​ນາ ເສດ​ຖະ​ກິດ ແລະ ສັງ​ຄົມ ຂອງ ສ​ປ​ປ ລາວ ລວມ​ທັງ: ລາງວັນ​ຜູ້​ນຳ​ທຸ​ລະ​ກິດ​ດີ​ເດັ່ນ​ໃນ​ການ​ປ້ອງ​ກັນ COVID-19 ໃນ ສ​ປ​ປ ລາວ, ​ລາງວັນທຸ​ລະ​ກິດ​ອາ​ຊຽນ 2020 ສຳ​ລັບ​ການ​ສະ​ກັດ​ກັ້ນ COVID-19, ແລະ ​ລາງວັນ “ອາ​ຊຽນ” ດີ​ເດັ່ນ​ດ້ານ​ແຮ່​ທາດ ໃນ​ປີ 2019 ແລະ 2017.

LXML ໝາຍ​ໝັ້ນສ້າງເປັນ​ບໍ​ລິ​ສັດ​ບໍ່​ແຮ່​ຕົວ​ແບບ​ທີ່​ດີ​ເລີດ​ ແລະ ເປັນ​ຄູ່​ຮ່ວມ​ພັດ​ທະ​ນາ ຢູ່​ໃນ ສ​ປ​ປ ລາວ.

ທ່ານ ດາວວອນ ພະຈັນທະວົງ, ຮອງປະທານກິຕິມະສັກຂອງ ສຄອຊ ຮັບ ການປະກອບສ່ວນສະມາຊິກ ມອບໂດຍ ທ່ານ ສະໝານ ອະເນກາ, ຜູ້ອຳນວຍການໃຫຍ່ LXML ທີ່ຫ້ອງການ ສຄອຊ ໃນວັນທີ 25 ກຸມພາ 2022./Mr Daovone Phachanthavong, LNCCI Executive Vice President receives the Executive Honorary Membership contribution handed by Mr Saman Aneka, LXML Managing Director at the LNCCI office on 25 February 2022.

ໃນ​ວັນ​ທີ 4 ກຸມ​ພາ 2022, ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ ໄດ້​ມອບ​ວັດ​ຖຸ​ບູ​ຮານ 281 ລາຍ​ການ​ໃຫ້​ແກ່ ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ. ​ພິ​ທີ​ມອບ-ຮັບດັ່ງ​ກ່າວ ເປັນ​ການສະ​ເຫຼີມ​ສະຫຼອງ ​ຜົນ​ງານ​ອັນ​ພົ້ນ​ເດັ່ນ​ຂອງ​ ລ​ຊມ​ລ ​ໃນ​ການ​ສະ​ໜັບ​ສະ​ໜູນ​ ການ​ຄົ້ນ​ຄວ້າ​ບູ​ຮານ​ວິ​ທະ​ຍາ ແລະ ການ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ​ຂອງ ສ​ປ​ປ ລາວ. ວັດ​ຖຸ​ທີ່​ຄົ້ນ​ພົບ​ໃນ​ເຂດ​ບໍ່​ຄຳ-ທອງ​ເຊ​ໂປນ ແລະ ​ຖືກມອບ​ໃນ​ຄັ້ງ​ນີ້ປະ​ກອ​ບ​ ດ້ວຍ: ຫີນ, ທອງ, ເຫຼັກ, ເຄື່ອງ​ປັ້ນ​ດິນ​ເຜົາ, ເບົ້າຫຼອມ ແລະ ແກ້ວ.

ນັບ​ຕັ້ງ​ແຕ່​ປີ 2008, ​ລ​ຊມ​ລ ໄດ້​ລົງ​ທຶນກວ່າ US$1,6 ລ້ານ​ ເຂົ້າ​ໃສ່​ໃນ​ການ​ສະ​ໜັບ​ສະ​ໜູນ​ໃຫ້​ແກ່​ການ​ອະ​ນຸ​ລັກ​ມໍ​ລະ​ດົກ​ທາງ​ປະ​ຫວັດ​ສາດ ແລະ ວັດ​ທະ​ນະ​ທຳ​ລາວ ທີ່​ມີ​ດົນ​ກວ່າ 3.000 ປີ ໂດຍ​ຜ່ານ​ການ​ຮ່ວມ​ມື​ກັບ ກົມ​ມໍ​ລະ​ດົກ, ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ, ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ລາວ ແລະ ມະ​ຫາ​ວິທະ​ຍາ​ໄລ​ ເຈມ​ສ໌​ຄຸກ ຂອງ​ປະ​ເທດ​ອົດ​ສະ​ຕ​ຣາ​ລີ. ການຮ່ວມມືດັ່ງກ່າວ ໄດ້ສະໜັບສະໜູນວຽກງານພາກສະໜາມ ທີ່ມີລັກສະນະພິເສດໃນລະດັບຊຸມຊົນທ້ອງຖິ່ນ, ລະດັບປະເທດ ແລະ ສາກົນ ເຊິ່ງໄດ້ມີອາສາສະໝັກທີ່ເປັນນັກສຶກສາຈາກນະຄອນຫຼວງວຽງຈັນ, ຊຸມຊົນທ້ອງຖິ່ນ, ປະເທດອົດສະຕຣາລີ, ນັກບູຮານຄະດີ, ແລະ ເຈົ້າໜ້າທີ່ຈາກກົມມໍລະດົກປະຈຳຢູ່ບໍ່ຄຳ-ທອງ ເຊໂປນ ໄດ້ຮ່ວມມືກັນຢ່າງໃກ້ຊິດ ໃນວຽກງານສຶກສາ-ຄົ້ນຄວ້າ​ບູ​ຮານ​ວິ​ທະ​ຍາ ແລະ ເຜີຍ​ແຜ່​ຜົນ​ການ​ຄົ້ນ​ຄວ້າ​ສູ່​ເວ​ທີ​ສາ​ກົນ.

ທ່ານ​ນາງ ສວນ​ສະ​ຫວັນ ວິ​ຍະເກດ, ລັດ​ຖະ​ມົນ​ຕີ​ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແລະ ທ່ານ​ນາງ ຫຼິງ​ທອງ ແສງ​ຕາ​ວັນ, ຮອງ​ເຈົ້າ​ແຂວງ​ສະ​ຫວັນ​ນະ​ເຂດ ໄດ້​ໃຫ້​ກຽດ​ເຂົ້າຮ່ວມ​ພິ​ທີມອບ-ຮັບ​ວັດ​ຖຸ​ບູ​ຮານ​ອັນ​ສຳ​ຄັນ​ຄັ້ງ​ນີ້​ ທີ່​ເມືອງວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ ໂດຍ​ໄດ້​ຮັບ​ຮູ້ ແລະ ຍ້ອງ​ຍໍ​ຊົມ​ເຊີຍ​ບໍ​ລິ​ສັດ ໃນການ​ສະ​ໜັບ​ສະ​ໜູນ​ ​ທີ່​ມີ​ມາ​ຢ່າງຍາວ​​ນານ​ໃນ​ການ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ ແລະ ເຫັນ​ໄດ້​ຄວາມ​ສຳ​ຄັນ​ໃນ​ການ​ສືບ​ຕໍ່​ປົກ​ປັກ​ຮັກ​ສາ​ສະ​ຖານ​ທີ່​ວັດ​ທະ​ນະ​ທຳ​ເພື່ອ​ສົ່ງ​ເສີມ​ການ​ທ່ອງ​ທ່ຽວ​ຢູ່​ໃນ ສ​ປ​ປ ລາວ.

ທ່ານ ສະໝານ ອະເນກາ – ຜູ້ອຳນວຍການໃຫຍ່ ໄດ້ມອບວັດຖຸບູຮານດັ່ງກ່າວ ໃຫ້ແກ່ ທ່ານນາງ ວັນເພັງ ແກ້ວປັນຍາ – ຜູ້ອຳນວຍການຫໍພິພິດທະພັນແຫ່ງຊາດ; ທ່ານ ນາລາທິເວດ ອຳມະລາທິທາດາ – ຜູ້ອຳນວຍການຫໍພິພິດທະພັນແຂວງສະຫວັນນະເຂດ; ແລະ ທ່ານນາງ ກັນ​ຫາ ໄຊ​ຍະ​ສານ – ຫົວໜ້າຫໍ​ວັດ​ທະ​ນະ​ທຳ​ເມືອງວິ​ລະ​ບູ​ລີ ໂດຍ​ການ​ເຂົ້າ​ຮ່ວມ​ຂອງ ທ່ານ ຄຳ​ຜຸຍ ສີ​ບຸນ​ເຮືອງ, ເຈົ້າ​ເມືອງ​ວິ​ລະ​ບູ​ລີ ແລະ ທ່ານ ພໍ ແຮ​ຣິ​ສ໌, ຜູ້​ຈັດ​ການ​ໃຫຍ່ ລ​ຊມ​ລ.

ວັດ​ຖຸ​ບູ​ຮານ ທີ່​ໄດ້​ມອບ-ຮັບ​ໃນ​ຄັ້ງ​ນີ້ ຈະ​ໄດ້​ນຳ​ໄປ​ວາງ​ສະ​ແດງ​ຢູ່​ທີ່ ຫໍ​ພິ​ພິດ​ທະ​ພັນ​ແຫ່ງ​ຊາດ (ຈຳ​ນວນ 130 ລາຍ​ການ), ຫໍ​ພິ​ພິດ​ທະ​ພັນ​ແຂວງ​ສະ​ຫວັນ​ນະ​ເຂດ (ຈຳ​ນວນ 68 ລາຍ​ການ) ແລະ ຫໍ​ວັດ​ທະ​ນະ​ທຳ​ເມືອງວິ​ລະ​ບູ​ລີ (83 ລາຍ​ການ) ເພື່ອ​​ເປັນ​ຮ່ອງ​ຮອຍ​ສຳ​ຄັນ​ໃນ​ການ​ສຶກ​ສາ​ຄົ້ນ​ຄ້​ວາ ແລະ​ ຮັບ​ຊົມ​ສຳ​ລັບລູກຫຼານ, ປະ​ຊາ​ກອນ ແລະ ນັກ​ທ່ອງ​ທ່ຽວ​ຕ່າງ​ປະ​ເທດ. ລ​ຊມ​ລ ໄດ້​ມອບ ວັດ​ຖຸ​ບູ​ຮານ​ທັງ​ໝົດ 7.881 ລາຍ​ການ ໃຫ້​ແກ່​ລັດ​ຖະ​ບານ​ລາວ​ເກັບ​ຮັກ​ສາ ໃນ​ປີ 2019.

ທ່ານ​ນາງ ສວນ​ສະ​ຫວັນ ວິ​ຍະເກດ, ລັດ​ຖະ​ມົນ​ຕີ ກະ​ຊວງ ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ໄດ້​ກ່າວ​ວ່າ: “ຂ້າ​ພະ​ເຈົ້າ​ມີ​ຄວາມ​ປິ​ຕິ​ຍິນ​ດີ​ເປັນ​ຢ່າງ​ຍິ່ງ ທີ່ ລ​ຊມ​ລ ຍັງ​ສືບ​ຕໍ່​ສະ​ໜັບ​ສະ​ໜູນ ການ​ຄົ້ນ​ຄວ້າ​ບູ​ຮານ​ວິ​ທະ​ຍາ ແລະ ການ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ​ຂອງ ສ​ປ​ປ ລາວ. ວັດ​ຖຸ​ບູ​ຮານ​ທີ່ມອບ​ໃນ​ມື້​ນີ້ ຈະ​ຖືກ​ນຳ​ໄປວາງ​ສະ​ແດງ​ເພື່ອ​ໃຫ້​ທຸກ​ຄົນ​ຊື່ນ​ຊົມ ກໍ​ຄື ​ເພື່ອສົ່ງ​ເສີມ​ການສຶກ​ສາ​ຄົ້ນ​ຄວ້າ ແລະ ຄວາມ​ຮູ້​ດ້ານ​ປະ​ຫວັດ​ສາດ.”

ທ່ານ ພໍ ແຮ​ຣິ​ສ໌, ຜູ້​ຈັດ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ: “ລ​ຊມ​ລ ມີ​ຄວາມ​ພາກ​ພູມ​ໃຈ​ໃນ​ການ​ສະ​ໜັບ​ສະ​ໜູນ​ກົມ​ມໍ​ລະ​ດົກ. ວັດ​ຖຸ​ບູ​ຮານ ​​ໄດ້ເປີດ​ຮ່ອງ​ຮອຍ​ສູ່​ຄວາມ​ສີ​ວິ​ໄລ​ໃນ​ຍຸກ​ສະ​ໄໝ​ບູ​ຮານເພື່ອ​ສະ​ແດງ​ໃຫ້​ພວກ​ເຮົາ​ເຫັນ​ວ່າ ບັນ​ພະ​ບູ​ລຸດ​ຂອງ​ພວກ​ເຮົາ​ໄດ້​​ມີ​ຊີ​ວິດ​ຢູ່ແນວ​ໃດ​ໃນຫຼາຍ​ພັນ​ປີ​ກ່ອນ​ໜ້າ​ນີ້. ຫໍ​ວັດ​ທະ​ນະ​ທຳ​ເມືອງວິ​ລະ​ບູ​ລີ ເປັນ​ອີກ​ທາງ​ເລືອກ​ໜຶ່ງ​ສຳ​ລັບ​ນັກ​ທ່ອງ​ທ່ຽວ​ທີ່​ຈະ​ເດີນ​ທາງ​ມາ​ທ່ອງ​ທ່ຽວ​ພາຍ​ໃນ ສ​ປ​ປ ລາວ.”

​ຜ່ານ​ມາໄດ້​ມີ​ການ​ຄົ້ນ​ພົບ​ວັດ​ຖຸ​ບູ​ຮານ ແລະ ສະ​ຖານ​ທີ່​ມໍ​ລະ​ກົດ​ທີ່​ສຳ​ຄັນ ຢູ່​ໃນ​ຂົງ​ເຂດ​ອ້ອມ​ຂ້າງ​ບໍ່​ຄຳ-ທອງ​ເຊ​ໂປນ​ຄື ໃນ​ເດືອນ ມີ​ນາ 2018, ຄະ​ນະ​ບູ​ຮານ​ວິ​ທະ​ຍາ ໄດ້​ຄົ້ນ​ພົບ​ໄມ້​ຄຳ-ກັນ​ພັງ​ຢູ່​ໃນ​ຂຸມ​ສ້າງ​ບໍ່​ແຮ່​ທອງ​ໃນ​ສະ​​ໄໝ​ບູ​ຮານຫຼາຍກວ່າ 200 ຂຸມ​ບໍ່ ທີ່​ມີ​ອາ​ຍຸຫຼາຍກວ່າ 3 000 ປີ​ກ່ອນໜ້​າ​ນີ້.

ເມືອງວິ​ລະ​ບູ​ລີ ຖືກ​ຮັບ​ຮູ້​ໃນ​ລະ​ດັບ​ສາ​ກົນວ່າ ​ເປັນໜຶ່ງ​ໃນ​ເຂດທຳ​ອິດທີ່​ມີ​ການ​ຂຸດ​ຄົ້ນ​ບໍ່​ແ​ຮ່ ແລະ ສະ​ຖານ​ທີ່​ໂລ​ຫະ​ກິດ ​ຢູ່ ໃນ​ພາກ​ພື້ນ​ອາ​ຊີ​ຕາ​ເວັນ​ອອກ​ສ່ຽງ​ໃຕ້. ການ​ຂຸດ​ຄົ້ນ-ປຸງ​ແຕ່ງ​ແຮ່​ທາດ​ໃນ​ສະ​ໄໝ​ບູ​ຮານ​ຢູ່​ໃນ​ຂົງ​ເຂດ​ນີ້ ແມ່ນ​ໄດ້​ສືບ​ຕໍ່​ປະ​ຕິ​ບັດ​ກັນ​ມາ​ຈົນ​ເຖິງ​ປະ​ມານ 1 300 ປີ​ກ່ອນ (ຄ​ສ 700) ເຊິ່ງ ເປັນ​ໄລ​ຍະ​ທີ່ ຜູ້​ຄົນ​ໄດ້​ຂຸດ​ຄົ້ນ-ຫຼໍ່ຫຼອມ​ແຮ່​ທອງ​ທີ່​ອຸ​ດົມ​ສົມ​ບູນ​ຢູ່​ໃນ​ຈຸດ ‘ເປີ້ນເບົ້າຫຼໍ່’ ແລະ ຢູ່ທີ່ ‘ທົ່ງນາເງືອກ’ ແລ້ວບຸກ​ຄົນໄດ້ນຳໄປແລກປ່ຽນ-ຊື້ຂາຍກັນຕໍ່ໄປ ເຊິ່ງ ອັນ​ນີ້​ສະ​ແດງ​ໃຫ້​ເຫັນ ​ແລວທາງ​ການ​ຄ້າ​ຂາຍ​ພາກ​ພື້ນ​ທີ່​ມັ່ງ​ຄັ່ງ​ຮັ່ງ​ມີ ໃນຫຼາຍ​ສັດ​ຕະ​ວັດ​ກ່ອນ.

ວັດຖຸບູຮານອື່ນໆທີ່ຄົ້ນຄົບໃນ​ບໍ​ລິເວນນີ້ ແມ່ນລວມມີອຸປະກອນນຳໃຊ້ໃນການຂຸດຄົ້ນແຮ່ ເຊັ່ນ: ຂັ້ນໄດໄມ້ກົມ ແລະ ລູກໝາກລໍ້-ລ໋ອກ, ໄມ້ຄ້ຳ, ກະຕ່າໄມ້ໄຜ່ ແລະ ເຊືອກຫວາຍ; ຄ້ອງບ້າງທອງສຳລິດ (ທອງເຫຼືອງ) ຈາກຍຸກທອງເຫຼືອງ ເຊິ່ງວາງສະແດງໄວ້ຢູ່ທີ່ຫໍພິພິດທະພັນແຫ່ງຊາດໃນປັດຈຸບັນ; ກ້ອນທອງ, ເຄື່ອງປັ້ນດິນເຜົາ, ກະດິງທອງສຳລິດ, ເຄື່ອງປະດັບ, ເຄື່ອງໃຊ້ໃນພິທີກຳເສັ່ນໄຫວ້ ແລະ ວັດຖຸບູຮານອື່ນໆ ເຊິ່ງຊີ້ໃຫ້ເຫັນວ່າ ປະເທດລາວໃນອະດີດ ເປັນສະຖານ​ທີ່ປະຫວັດສາດທີ່ສຳຄັນຍິ່ງໃນ ພາກພື້ນແຫ່ງນີ້.

ບໍ່ແຮ່ໄດ້ເປັນປັດໃຈອັນສຳຄັນ ໃນການພັດທະນາຊຸມຊົນ ແລະ ສັງຄົມ ມາແຕ່ປະຫວັດສາດ. ການຂຸດຄົ້ນແມ່ນຍັງຈະດຳເນີນຕໍ່ໄປ ແລະ ພວກເຮົາຫວັງວ່າ ຈະໄດ້ເຜີຍແຜ່ການຄົ້ນພົບ ທີ່ໜ້າຕື່ນເຕັ້ນກວ່າເກົ່າ ທາງດ້ານມໍລະດົກວັດທະນະທຳ ແລະ ປະຫວັດສາດລາວ ​ໃນ​ອະ​ນາ​ຄົດຕໍ່ໆໄປ.

ທີມ​ງານ​ກູ້​ໄພ​ສຸກ​ເສີນ​ຈາກ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລມ​ຊມ) ໄດ້​ຮັບ​ມື​ກັບ​ອຸ​ປະ​ຕິ​ເຫດ​ຮ້າຍ​ແຮງ ທີ່​ມີ ປະ​ຊາ​ຊົນ​ລັກ​ລອບ​ຂຸດ​ແຮ່​ທອງ​ແບບ​ພື້ນ​ບ້ານ​ໂດຍ​ບໍ່​ໄດ້​ຮັບ​ອະ​ນຸ​ຍາດ ຢູ່ ໃນ​ເມືອງວິ​ລະ​ບູ​ລີ ໃກ້​ບໍ່​ຄຳ-ທອງ​ເຊ​ໂປນ​ ແຂວງ​ສະ​ຫວັນ​ນະ​ເຂດ ໃນ​ເວ​ລາ​ປະ​ມານ 8:00 ໂມງ​ແລງ ຂອງວັນ​ທີ 31 ມັງ​ກອນ 2022.

​ມີຜູ້​ຊາຍ​ສອງ​ຄົນ (ອາ​ຍຸ 23 ແລະ 27 ປີ) ທີ່​ຊອກ​ຫາ​ມາ​ລາ​ໄຄ​ດ໌ (ທອງ ຫຼື “ຫີນ​ຂຽວ”) ທີ່​ຕິດ​ຢູ່​ໃຕ້​ດິນຫຼາຍ​ແມັດ​ໂດຍ​ມີ​ຫີນ​ທັບ ໃນ​ປ່ອງ​ອຸ​ມົງ​ທີ່​ພວກ​ກ່ຽວ​ຂຸດ​ດ້ວຍ​ຕົນ​ເອງ ຢູ່ ທາງ​ຂ້າງ​ຂອງ​ພູ​ໜ່ວຍ​ໜຶ່ງ. ຜູ້​ຊາຍ​ອີກ​ຈຳ​ນວນ​ໜຶ່ງ​ແມ່ນ​ໄດ້​ປົບ​ໜີ​ເພື່ອ​ໄປ​ຮ້ອງ​ຫາ​ຄວາມ​ຊ່ວຍ​ເຫຼືອ.

ກຸ່ມ​​ຄົນ​ທີ່​ເຫີ່​ກັນ​ເຂົ້າ​ມາ​ຂຸດ​ຄົ້ນ​ເອົາ​ແຮ່​ໂດຍ​ລຳ​ພັງ ແລະ ບັນ​ດາຜູ້​ຄ້າຂາຍ​ແຮ່​ທີ່​​ເຫັນ​ແກ່​ຜົນ​ປະ​ໂຫຍດ​ສ່ວນ​ຕົວ ແລະ ເປັນ​ໜ້າ​ລະ​ອາຍ​ຕໍ່​ສັງ​ຄົ​ມ ສ່ວນ​ໃຫຍ່​ເປັນ​ຜູ້​ທີ່ຊຸກ​ຍູ້​ໃຫ້​ສະ​ມາ​ຊິກ​ຊຸມ​ຊົນ​ທີ່​ບອບ​ບາງ-ດ້ອຍ​ໂອ​ກາດ ລວມ​ທັງ​ເດັກ​ນ້ອຍຊາວ​ໜຸ່ມ ເພື່ອ​ໃຫ້​ພວກ​ເຂົ​າ​ເຈົ້າ ແບກ​ຫາບ​ຄວາມ​ສ່ຽງ​ຮ້າຍ​ແຮງ​ທີ່​ສຸດ​ເພື່ອ​ໃຫ້​ໄດ້​ຮັບ​ຜົນ​ປະ​ໂຫຍດ​ຈາກ​ສິ່ງ​ທີ່​ເປັນ​ອັນ​ຕະ​ລາຍ. ອຸ​ປະ​ຕິ​ເຫດ​ຄັ້ງ​ນີ້​ຊີ້​ໃຫ້​ພວກ​ເຮົາ​ເຫັນ​ເຖິງ ຄວາມ​ອັນ​ຕະລາຍ ທີ່ຫຼາກຫຼາຍ​ທີ່​ຕິດ​ພັນ​ກັບ​ການ​ຂຸດ​ຄົ້ນ​ແຮ່​​ແບບ​ຜິດ​ກົດ​ໝາຍ. ມີຫຼາຍ​ຄົນ​ທີ່​ໄດ້​ເສຍ​ຊີ​ວິດ​ຈາກ​ອຸ​ປະ​ຕິ​ເຫດ​ຄ້າຍ​ຄື​ກັນ​ນີ້ ຢູ່​ໃນ ສ​ປ​ປ ລາວ ແລະ ປະ​ເທດ​ອື່ນໆ​ອ້ອມ​ຂ້າງ.

ຫຼັງ​ຈາກ​ພະ​ຍາ​ຍາມ​ຂຸດ​ເອົາພວກ​ເຂົາ​​ອອກ​ມາແຕ່​ບໍ່​ໄດ້​ເປັນ​ຜົນ, ຄອບ​ຄົວ​ຂອງ​ຜູ້​ຊາຍ​ທັງ​ສອງ​ຄົນ ແລະ ນາຍ​ບ້ານ​ກໍ​ໄດ້​ຮ້ອງ​ຂໍ​ຄວາມ​ຊ່ວຍ​ເຫຼືອ​ຈາກ ລ​ຊມ​ລ ເພື່ອກອບ​ກູ້​ເອົາ​ຜູ້​ຊາຍ​ທັງ​ສອງ​ດັ່ງ​ກ່າວ. ລ​ຊມ​ລ ໄດ້​ແຈ້ງ​ເຈົ້າ​ໜ້າ​ທີ່​ຕຳຫຼວດ ແລະ ອຳ​ນາດ​ການ​ປົກ​ຄອງ​ທ້ອງ​ຖິ່ນ​ທັນ​ທີ. ສະ​ຖານ​ທີ່​ເກີດ​ເຫດ​ກໍ​ຖື​ວ່າ ຫ່າງ​ໄກ​ສອກຫຼີກ ແລະ ທຸລະກັນການ ຕໍ່​ການ​ເຂົ້າ​ເຖິງ, ພື້ນ​ດິນ​ກໍ​ປຽກ, ບວກ​ກັບ​ຄວາມ​ສ່ຽງ​ທີ່​ຈະ​ເກີດ​ຫີນ​ເຈື່ອນ ແລະ ຝົນ​ກໍ​ໃກ້​ເຂົ້າ​ມາທ່າມ​ກາງ​ຄວາມ​ມືດ​ມົນ​ນັ້ນ ​ແຕ່​ພະ​ນັກ​ງານ ລ​ຊມ​ລ ຫຼາຍ​ຮ້ອຍ​ຄົນດ້ວຍ​ອຸ​ປະ​ກອນ​ພິ​ເສດ ກໍ​ຍັງຕັ້ງ​ໜ້າ​ຕັ້ງ​ຕາບຸກ​ບືນ​ຢ່າງ​ບໍ່​ຢຸດ​ຢ່ອນຕະຫຼອດ​ທັງ​ຄືນ ​​ເພື່ອພະ​ຍາ​ຍາມ​ຊ່ວຍ​ເຫຼືອ​ຊີ​ວິດ​ຜູ້​ຊາຍ​ທັງ​ສອງ​ທີ່​ຄ້າງ​ຢູ່​ປ່ອງ​ອຸ​ມົງ. ປະ​ມານ 14 ຊົ່ວ​ໂມງ​ຜ່ານ​ໄປ, ທີມ​ງານ​ຂຸດ​ຄົ້ນ​ຂອງ ລ​ຊມ​ລ ກໍ​ສາ​ມາດ​ສ້າງຖ້ານ ​ເພື່ອ​ໃຫ້ລົດ​ຈົກ​ສາ​ມາດ​ເຂົ້າ​ເຖິງ​ພື້ນ​ທີ່​ໄດ້ ແລະ ສາ​ມາດກອບ​ກູ້​ເອົາ​ຜູ້​ຊາຍ​ທັງ​ສອງ​ຄົນ​ດັ່ງ​ກ່າວ​ອອກ​ມາ​ໄດ້​ຢ່າງ​ປອດ​ໄພ. ມາ​ຮອດ​ປັດ​ຈຸ​ບັນ, ພວກ​ກ່ຽວ​ພວມ​ຟື້ນ​ຟູ​ຕົວ​ຢູ່​ໂຮງ​ໝໍ ທ່າມ​ກາງ​ສະ​ມາ​ຊິກ​ຄອບ​ຄົວ​ທີ່​ໂລ່ງອົກ​ໂລ່ງ​ໃຈ, ​ທັງ​ສອງ​ຄົນມີ​ບາດ​ແຜ ແລະ ຈຸດ​ຊ້ຳ​ເລັກ​ໜ້ອຍ, ໂຊກ​ດີ​ທີ່​ຍັງ​ມີ​ຊີ​ວິດ​ຢູ່.

ທ່ານ ພໍ ແຮ​ຣິ​ສ໌, ຜູ້​ຈັດ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ: “ພວກ​ເຮົາ​ມີ​ຄວາ​ມ​ກັງ​ວົນ​ເປັນ​ຢ່າງຍິ່ງ​ຕໍ່​ຄວາມ​ປອດ​ໄພ​ຂອງ​ຊາວ​ບ້ານ​ຈຳ​ນວນ​ໜຶ່ງ ລວມ​ທັງ​ຄອບ​ຄົວ​ຂອງ​ຜູ້​ຊາຍ​ທັງ​ສອງ ເຊິ່​ງ​​ອັນ​ຕະ​ລາຍອາດ​ເຖິງ​ແກ່​ຊີ​ວິດ​ໄດ້ ຖ້າ​ຫາກ​ເກີດ​ດິນ​ເຈື່ອນ​ໄປ​ປິດ​ປ່ອງ​ອຸ​ມົງ. ການ​ກະ​ທຳ​ຂອງ​ຜູ້​ຄ້າ​ຂາຍ​ແຮ່​ຜິດ​ກົດ​ໝາຍ​ໄດ້​ເຮັດ​ໃຫ້​ຊີ​ວິດ​ຂອງ​ຊຸມ​ຊົນຫຼາຍ​ສິບ​ຄົນ​ຕົກ​ຢູ່​ໃນ​ຄວາມ​ອັນ​ຕະ​ລາຍ. ພວກ​ເຮົາ​ພາ​ວະ​ນາ​ໃຫ້​ຜູ້​ອື່ນ​ໆຖື​ອຸ​ປະ​ຕິ​ເຫດ​ຄັ້ງ​ນີ້​ເປັນ​ບົດ​ຮຽນ, ຄິດ​ເຖິງ ຄອບ​ຄົວ, ພໍ່​ແມ່, ອ້າຍ​ເອື້ອຍ​ນ້ອງ, ສາ​ມີ-ພັນ​ລະ​ຍາ ແລະ ລູກ​ຂອງ​ຕົນ ກ່ອນ​ທີ່​​ຈະຕັດ​ສິນ​ໃຈ​ເຮັດ​ໃນ​ສິ່ງ​ທີ່​ສ່ຽງ​​ເຊັ່ນ​ນີ້​ໃນ​ອະ​ນາ​ຄົດ.”

ລ​ຊມ​ລ ໄດ້​ລາຍ​ງານ​ອຸ​ປະ​ຕິ​ເຫດ​ດັ່ງ​ກ່າວ​ນີ້ ຕໍ່ ກະ​ຊວງ​ພະ​ລັງ​ງານ ແລະ ບໍ່​ແຮ່, ເມືອງວິ​ລະ​ບູ​ລີ ແລະ ແຂວ​ງ​ສະ​ຫວັນ​ນະ​ເຂດ. ນອກ​ຈາກ​ນັ້ນ ກໍ​ຈະ​ເຮັດ​ວຽກ​ຢ່າງ​ໃກ້​ຊິດ​ກັບ​ຊຸມ​ຊົນທ້ອງ​ຖິ່ນ ແລະ ເຈົ້າ​ໜ້າ​ທີ່​ປ້ອງ​ກັນ​ຄວາມ​ສະ​ຫງົບ ເພື່ອ ປູກ​ຈິດ​ສຳ​ນຶກ ແລະ ຢຸດ​ຕິຜູ້​ຄ້າ​ຂາຍ​ແຮ່​ແບບ​ຜິດ​ກົດ​ໝາຍ ທີ່​ເຮັດ​ໃຫ້​ຊີ​ວິດ​ຂອງ​ປະ​ຊາ​ຊົນ​ທ້ອງ​ຖິ່ນ​ມີ​ຄວາມ​ສ່ຽງ ກໍ​ຄື ເພື່ອ​​ການປ້ອງ​ກັນ​ບໍ່​ໃຫ້​ເກີດ​ອຸ​ປະ​ຕິ​ເຫດ​ເຊັ່ນ​ນີ້​ຂຶ້ນ​ອີກ​ໃນ​ອະ​ນາ​ຄົດ.

ໃນ​ວັນ​ທີ 29 ທັນ​ວ​າ 2021, ບໍ​ລິ​ສັດ ລ້ານ​ຊ້າງ ມີ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ໄດ້​ຮັບ​ລາງວັນ ‘ນັກ​ທຸ​ລະ​ກິດ​ຊັ້ນ​ນຳ​ດີ​ເດັ່ນ’ ໃນ​ໄລ​ຍະ COVID-19 ປະ​ຈຳ​ປີ 2021 ຈັດ​ໂດຍ ສະ​ພາການ​ຄ້າ ແລ​ະ ​ອຸດ​ສະ​ຫະ​ກຳ​ແຫ່ງ​ຊາ​ດ​ລາວ (​ສຄອ​ຊ) ທີ່​ຫໍ​ປະ​ຊຸມ​ແຫ່ງ​ຊາດ, ນະ​ຄອນຫຼວງວຽງ​ຈັນ.

ບໍ​ລິ​ສັດ ລ​ຊມ​ລ ໄດ້​ຮັບ​ການ​ຍ້ອງ​ຍໍ​ຊົມ​ເຊີຍ​ຕໍ່​ກັບ​ການ​ປະ​ກອບ​ສ່ວນ​ຂອງ​ຕົນ ໃນ​ການຮັບ​ມື​ກັບ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ COVID-19 ໃນ​ສ​ປ​ປ ລາວ.

ພະ​ນະ​ທ່ານ ພັນ​ຄຳ ວິ​ພາ​ວັນ ນາ​ຍົກ​ລັດ​ຖະ​ມົນ​ຕີແຫ່ງ​ສ​ປປ ລາວ ໄດ້​ໃຫ້​ກຽດ​ເຂົ້າ​ຮ່ວມ​ເປັນ​ສັກ​ຂີ​ພິ​ຍານ ເພື່ອ​ເປັນ​ນິ​ມິດ​ໝາຍ ແລະ ໃຫ້​ຄວາມສຳ​ຄັນ ຊຶ່ງໃຫ້​ກຽດ​ມອບໂລ້​ລາງວັນ​ໂດຍ ທ່ານ ປອ ຄຳ​ແພງ ໄຊ​ສົມ​ແພງ, ລັດ​ຖະ​ມົນ​ຕີ​ກະ​ຊວງ​ອຸດ​ສະ​ຫະ​ກຳ ແລະ ການ​ຄ້າ.

ທ່ານ​ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ລ​ຊມ​ລ ກ່າວ​ວ່າ: “ຂ້າ​ພະ​ເຈົ້າ​ມີ​ຄວາມ​ຮູ້​ສຶກ​ພາກ​ພູມ​ໃຈ ທີ່​ໄດ້​ຮັບ​ລາງວັນ​ໃນ​ນາມ​ຕາງ​ໜ້າ ລ​ຊມ​ລ”. ທ່ານ​ກ່າວ​ຕື່ມ​ອີກວ່າ: “ພວກ​ເຮົາ​ໄດ້​ເຮັດ​ວຽກ​ຮ່ວມ​ກັນ​ເປັ​ນ​ທີມ​ງານ ໃນ​ໄລ​ຍະຫຼາຍ​ເດືອນ​ຜ່ານ​ມາ​ເພື່ອ ກຳ​ຈັດ​ພະ​ຍາດ COVID-129 ອອກ​ຈາກ​ພາກ​ສະ​ໜາມ​ຂອງ​ພວກ​ເຮົາ. ພາຍ​ໃຕ້​ການ​ຮ່ວມ​ມື​ກັບກະ​ຊວງ​ສາ​ທາ​ລະ​ນະ​ສຸກ, ​ຄະ​ນະ​ສະ​ເພາະ​ກິດ​ COVID-19 ຂັ້​ນສູນ​ກາງ, ແຂວງ​ສະ​ຫວັນ​ນະ​ເຂດ ແລະ ເມືອງວິ​ລະ​ບູ​ລີ, ພວກ​ເຮົາ​ປະ​ຕິ​ບັດ​ມາດ​ຕະ​ການ​ເຄັ່ງ​ຄັດ​ໃນ​ການກວດ​ເຊື້ອ, ຕິດ​ຕາມ​ຜູ້​ສຳ​ຜັດ​ໃກ້​ຊິດ, ຈຳ​ກັດ​ບໍ​ລິ​ເວນ, ແລະ ແຍກ​ປ່ຽວ ເພື່ອ​ປົກ​ປ້ອງ​ພະ​ນັກ​ງານ, ຜູ້​ຮັບ​ເໝົາ ແລະ ຊຸມ​ຊົນ​ທ້ອງ​ຖິ່ນ.”

ນັບ​ຕັ້ງ​ແຕ່​ມີ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ COVID-19, ລ​ຊມ​ລ ໄດ້​ປະ​ກອບ​ສ່ວນ​ປະ​ມານ $500,000 ໃຫ້​ແກ່​ລັດ​ຖະ​ບານ ສ​ປ​ປ ລາວ ໃນ​ການ​ຮັບ​ມື​ກັບ​ເຫດ​ການ​ສຸກ​ເສີນ. ລ​ຊມ​ລ ສະ​ໜັບ​ສະ​ໜູນ ການກວດ​ເຊື້ອ​ໃນ​ເມືອງວິ​ລະ​ບູ​ລີ ແລະ ສະ​ໜອງ​ອຸ​ປະ​ກອນ​ດ້ານ​ສຸ​ຂະ​ອ​ະ​ນາ​ໄມ​ໃຫ້​ແກ່​ພະ​ແນກ​ສາ​ທາ​ລະ​ນະ​ສຸກ ແຂວງ​ສະ​ຫວັນ​ນະ​ເຂດ.

ຂໍ​ສະ​ແດງ​ຄວາມ​ຂອບ​ໃຈ​ມາ​ຍັງ ພະ​ແນກ​ສາ​ທາ​ລະ​ນະ​ສຸກ ແຂວງ​ສະ​ຫວັນ​ນະ​ເຂດ, 99% ຂອງ​ພະ​ນັງານ ລ​ຊມ​ລ ແລະ ຜູ້​ຮັບ​ເໝົາ ຈຳ​ນວນ 5000 ຄົນ ໄດ້​ຮັບ​ການ​ສັກ​ວັກ​ຊີນ​ປ້ອງ​ກັນ​ພະ​ຍາດ COVID-19 ຢ່າງ​ຄົບ​ຖ້ວນ ແລະ ຈຳ​ນວນຫຼ​າຍກໍ່​ໄດ້​ຮັບ​ວັກ​ຊີນ​ເຂັມ​ກະ​ຕຸ້ນເພີ່​ມ​ຕື່ມ. ລ​ຊມ​ລ ສືບ​ຕໍ່ ຮັກ​ສາ​ມາດ​ຕະ​ການ​ປ້ອງ​ກັນ COVID-19 ຢ່າງ​ເຄັ່ງ​ຄັດ.

ນັບ​ຕັ້ງ​ແຕ່ເລີ່ມ​ການ​ດຳ​ເນີນ​ງານ​ໃນ​ປີ 2003, ລ​ຊມ​ລ ປະ​ກອບ​ສ່ວນເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ ສ​ປ​ປ ລາວ ຫຼາຍ​ກວ່າ $1.6 ຕື້ ໂດຍ​ຜ່ານ​ການ​ຈ່າຍ​​ອາກອ​ນ, ພາສີ​ຊັບ​ພະ​ຍາ​ກອນ​ແຮ່​ທາດ ແລະ ເງິນ​ປັນ​ຜົນ, $50 ລ້ານ ໃນ​ການ​ພັດ​ທະ​ນາໂຄງ​ລ່າງ​ພື້ນ​ຖານ ແລະ ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ, $52 ລ້ານ ໃນ​ການ​ເກັບ​ກູ້​ລະ​ເບີດ​ທີ່ບໍ່​ທັນ​ແຕກ, ແລະ ຜົນ​ປະ​ໂຫຍດ​ທາງ​ອ້ອມຫຼາຍ​ຮ້ອຍ​ລ້ານ​ໂດ​ລາ ໂດຍ​ຜ່ານ ການ​ຈ້າງ​ງານ, ຝຶກ​ອົບ​ຮົມ, ພັດ​ທະ​ນາ​ທ້ອງ​ຖິ່ນ ແລະ ສະ​ໜັບ​ສະ​ໜູນ​ແຜນ​ງານ​ຕ່າງໆ.

ສະ​ມາ​ຊິກ​ຊຸມ​ຊົນໃນ​ເມືອງວິ​ລະ​ບູ​ລີ ຫຼາຍກວ່າ 40,000 ຄົນ ໃນ​ເຂດ​ອ້ອມ​ຂ້າງບໍ່​ຄຳ-ທອງ​ເຊ​ໂປນ​ໄດ້​ຮັບ​ຜົນ​ປະ​ໂຫຍດ ກວ່າ $20 ລ້ານ ຈາກກອງ​ທຶນ​ພັດ​ທະ​ນາ​ທ້ອງ​ຖິ່ນ. ລາຍ​ຮັບ​ຂອງ​ຊຸມ​ຊົນ ໂດຍ​ຜ່ານ​ກຸ່ມ​ທຸ​ລະ​ກິດ​ທ້ອງ​ຖິ່ນ ສະ​ສົມ​ກວ່າ $46 ລ້ານ.

ໃນ​ອາ​ທິດ​ຜ່ານ​ມາ, ທ່ານ​ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ LXML ແລະ ທັງ​ເປັນ ຮອງ​ປະ​ທານ​ກິ​ຕິ​ມະ​ສັກ​ສະ​ພາ​ທີ່​ປຶກ​ສາ​ຂອງ ສະ​ພາ​ການ​ຄ້າ ແລະ ອຸດ​ສາ​ຫະ​ກຳ​ແຫ່ງ​ຊາດ​ລາວ ໄດ້​ເຂົ້າ​ຮ່ວມ ກອງ​ປະ​ຊຸມ​ພົບ​ປະ​ລະ​ຫວ່າງ​ລັດ​ຖະ​ບານ ແລະ ພາກ​ທຸ​ລະ​ກິດ ໂດຍ​ການ​ໃຫ້​ກຽດ​ເປັນ​ປະ​ທານ​ຂອງ ພະ​ນະ​ທ່ານ ພັນ​ຄຳ ວິ​ພາ​ວັນ, ນາ​ຍົກ​ລັດ​ຖະ​ມົນ​ຕີ​ແຫ່ງ​ ສ​ປ​ປ ລາວ.

ໂດຍ​ການ​ເຂົ້າ​ຮ່ວມ​ຂອງ ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ, ພາກ​ທຸ​ລະ​ກິດ ແລະ ຜູ້​ຕາງ​ໜ້າ​ພັກ ແລະ ອົງ​ການ​ຂອງ​ລັດ, ຈຸດ​ປະ​ສົງ​ຂອງກອງ​ປະ​ຊຸມ​ດັ່ງ​ກ່າວ​ທີ່​ຈັດ​ຂຶ້ນ​ສອງວັນ​ນັ້ນ ແມ່ນ​ເພື່ອ​ຍົກ​ສູງ​ການ​ຮ່ວມ​ມື​ລະ​ຫວ່າງ​ພາກ​ລັດ ແລະ ເອ​ກະ​ຊົນ​ໃນ​ການ​ຜ່ານ​ຜ່າ​ຄວາມ​ທ້າ​ທາຍທີ່ພວມ​ປະ​ເຊີນ​ຈາກ ວິ​ກິດ​ການ COVID-19 ກໍ​ຄື ການ​ຟື້ນ​ຟູ ​ຂອງ​ປະ​ເທດ.

ທ່ານ ນາ​ຍົກ​ລັດ​ຖະ​ມົນ​ຕີ ພັນ​ຄຳ ວິ​ພາ​ວັນ ໄດ້​ກ່າວ​ວ່າ: “ພາກ​ລັດ ແລະ ພາກ​ທຸ​ລະ​ກິດ ບໍ່​ສາ​ມາດ​ດຳ​ເນີນ​ງານ​ແບບ​ເອ​ກະ​ລາດ​ໃຜ​ລາວ. ພາກ​ລັດ ແລະ ພາກ​ທຸ​ລະ​ກິດ ເປັນ​ຮຸ້ນ​ສ່ວນ​ທີ່​ສຳ​ຄັນ​ຮ່ວມ​ກັນ​ໃນ​ການ​ພັດ​ທະ​ນາ​ປະ​ເທດ​ຊາດ ໃຫ້​ຫລຸດ​​ພົ້ນ​ອອກ​ຈາກ​ຄວາມ​ທຸກ​ຍາກ.”[1]

ຜູ້​ເຂົ້າ​ຮ່ວມ​ໄດ້​ປຶກ​ສາ​ຫາ​ລື ກ່ຽວ​ກັບ ການ​ປັບ​ປຸງ​ການ​ບໍ​ລິ​ການ​ລົງ​ທຶນ​ປະ​ຕູ​ດຽວ​, ການ​ຊຸກ​ຍູ້​ສົ່ງ​ເສີມ​ການ​ຜະ​ລິດ​ກະ​ສິ​ກຳ​ເປັນ​ສິນ​ຄ້າ, ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ອຸດ​ສາ​ຫະ​ກຳ​ປຸງ​ແຕ່ງ​ສຳ​ລັບ​ຕະຫຼາດ​ພາຍ​ໃນ ແລະ ສົ່ງ​ອອກ, ການ​ສົ່ງ​ເສີມ​ຂະ​ແໜງ​ບໍ​ລິ​ການ, ການ​ກຳ​ນົດ​ຂອບ​ເຂດ​ທີ່​ດິນ​ຕາມ​ທາງ​ລົດ​ໄຟ​ລາວ-ຈີນ​ເພື່ອ​ກຳ​ນົດ​ເປັນ​ເຂດ​ຜະ​ລິດ​ກະ​ສິ​ກຳ, ອຸດ​ສາ​ຫະ​ກຳ ແລະ ການ​ບໍ​ລິ​ການ, ການ​ພັດ​ທະ​ນາ​ສີ​ມື​ແຮງ​ງານ ແລະ ກາ​ນ​ສ້າງວຽກ​ເຮັດ​ງານ​ທຳ.

ຈາ​ກ​ທັດ​ສະ​ນະ/ໃນ​ນາມສະ​ພາ​ທີ່​ປຶກ​ສາ​ຂອງ LNCCI ແລະ LXML (ບໍ​ລິ​ສັດ​ບໍ່​ແຮ່​ທີ່​ໃຫຍ່​ທີ່​ສຸດ​ໃນ ສ​ປ​ປ ລາວ), ​ແລະ ຈາກ​ປະ​ສົບ​ການ 30 ປີ ໃນ​ຂະ​ແໜງ​ການ​ບໍ່​ແຮ່ ທ່ານ ສະ​ໝານ ອະ​ເນ​ກາ ໄດ້​ສະ​ເໜີ​ຄຳ​ເຫັນແລກ​ປ່ຽນ​ຕໍ່ກອງ​ປະ​ຊຸມ ເພື່ອດຶງດູດນັກ​ລົງ​ທຶນ​ທີ່​ດີ ແລະ ​ສົ່ງ​ເສີມ​ທຸ​ລະ​ກິດ​ບໍ່​ແຮ່​ທີ່​ມີ​ຄວາມ​ຮັບ​ຜິດ​ຊອບ​ສູງ ພ້ອມ​ທັງໄປ​​ຄວບ​ຄູ່​ກັນ​ກັບການ​ປະ​ເມີນ​​ສະ​ພາບ​ແວດ​ລ້ອມ​​ເສດ​ຖະ​ກິດ​ໃນ​ປັດ​ຈຸ​ບັນ. ທ່ານໄດ້ເນັ້ນໜັກ​ວ່າ ​ທຸ​ລະ​ກິດ​ບໍ່​ແຮ່​ຢູ່​ໃນ ສ​ປ​ປ ລາວ ​ຄວນ​ປະ​ຕິ​ບັດການ​ຄຸ້ມ​ຄອງ​ດ້ວຍ​ກົດ​ໝາຍ​ຢ່າງ​ເຄັ່ງ​ຄັດ ໂດຍ​ບໍ່​ໃຫ້​ມີ​ການ​ລັດ​ຂັ້ນ​ຕອນ​ໃນ​ການ​ອະ​ນຸ​ມັດ ເພາະ​​ຈະ​ເປັນ​ຊ່ອງ​ຫວ່າງ​ໃຫ້​ຜູ່​ລົງ​ທຶນ ທີ່​ບໍ່​ຮູ້​ເທົ້າ​ເຖິງ​ການ ຟ້າວ​ກະ​ໂດດ​ໄປ​ລົງ​ທຶນ​ດ້ວຍ​ຕົ້ນ​ທຶນ​ສູງ​ເກີນກວ່າ​ຄວາມ​ເປັນ​ຈິງ ແລ້ວ ອາດຫລຸບ​ທຶນ ແລ້ວ ​ໜີ​ໄປ​ ເຊິ່ງຈະ​ກະ​​ທົບ​ເປັນ​ຕ່ອງ​ໂສ້ ​​ໃຫ້​ທະ​ນາ​​ຄານ​ມີ​ໜີ້​ເສຽ ແລະ ກາຍ​ເປັນ​ການ​ລົ້ມ​ລະ​ລາຍ​ແບບ​ແຝງ​ລອຍຕໍ່​ເນື່ອງ. ສຸດ​ທ້າຍ, ລັດ​ຖະ​ບານ​ກໍ​ຈະ​ບໍ່​ໄດ້​ລາຍ​ຮັບ ແຖມ​ຍັງ​ຕ້ອງ​ໄດ້​ລົງ​ທຶນ​ໃນ​ການ​ຟື້ນ​ຟູ​ສິ່ງ​ແວດ​ລ້ອມ ແລະ ການ​ປິດ​ບໍ່​ແຮ່ ດ້ວຍ​ລັດ​ຖະ​ບານ​ເອງ. ນອກ​ຈາກ​ນັ້ນ, ນັກ​ລົງ​ທຶນ​ກໍ  ​ຄວນ​ປະ​ຕິ​ບັດ​ຕາມ​ມາດ​ຕະ​ຖານ​ດ້ານ​ສິ່ງ​ແວດ​ລ້ອມ ແລະ ສັງ​ຄົມ ເພື່ອ​ຜົນ​ປະ​ໂຫຍດ​ຂອງ​ສັງ​ຄົມ ກໍ​ຄື​ເພື່ອ ຊຸກ​ຍູ້​ການ​ຟື້ນ​ຟູ​ຂອງ​ເສດ​ຖະ​ກິດ.

ທ່ານ ສະ​ໝານ ອະ​ເນ​ກາ ກ່​າວ​ວ່າ: “ສ​ປ​ປ ລາວ ຕ້ອງ​ການ​ ການ​ລົງ​ທຶນ​ທີ່​ມີ​ຄວາມ​ໂປ່ງ​ໄສ​ ແລະ ຂອບ​ລະ​ບົບ​ນິ​ຕິ​ກຳ​ທີ່​ເຂັ້ມ​ແຂງ ເພື່ອ​ດຶງ​ດູດ ແລະ ຮັກ​ສາ ນັກ​ລົງ​ທຶນ​ທີ່​ມີ​ຄວາມ​ຮັບ​ຜິດ​ຊອບ ແລະ​ ຄຸນ​ນະ​ພາບ ໃນ​ຂະ​ແໜງ​ບໍ່​ແຮ່ ກໍ​ຄື​ຂະ​ແໜງ​ການ​ອື່ນໆ. ອັນ​ນີ້ ຈະ​ຊ່ວຍ​ສ້າງວຽກ​ເຮັດ​ງານ​ທຳ, ລາຍ​ຮັບ ແລະ ຜົນ​ປະ​ໂຫຍດ​ອື່ນໆ​ເພື່ອ​ສະ​ໜັບ​ສະ​ໜູນ ລັດ​ຖະ​ບານ​ລາວ ແລະ ຊຸມ​ຊົນ​ໃນ​ການຟື້ນ​ຟູ​ຈາກ ຜົນ​ກະ​ທົບ​ຂອງ​ການ​ລະ​ບາດພະ​ຍາດ COVID-19  ແລະ ການ ຫລຸ​ດ​ພົ້ນ​ຈາກ​ຄວາມ​ທຸກ​ຍາກ​ຂອງ​ສັງ​ຄົມ ຜ່ານ​ການ​ພັດ​ທະ​ນາ​ທີ່​ຍືນ​ຍົງ.”

ຕັ້ງ​ແຕ່​ເລີ່ມ​ມີ​ການ​ລະ​ບາດ​ຂອງ​ພະ​ຍາດ COVID-19, LXML ໄດ້​ສະ​ໜອງ​ປະ​ມານ US$500.000 ໃຫ້​ແກ່​ລັດ​ຖະ​ບານ​ລາວ​ເພື່ອ​ສະ​ໜັບ​ສະ​ໜູນ​ວຽກ​ງານ​ການ​ຮັບ​ມື​ກັບ​ເຫດ​ສຸກ​ເສີນ​ ຢູ່​ໃນ ສ​ປ​ປ ລາວ. 99% ຂອງ​ພະ​ນັກ​ງານ ແລະ ຜູ້​ຮັບ​ເໝົາ 5000 ຄົນ​ຂອງ​ບໍ​ລິ​ສັດ​ແມ່ນ​ໄດ້​ຮັບ​ວັກ​ຊີນ​ປ້ອງ​ກັນ​ COVID-19 ແລະ ຍັງ​ສືບ​ຕໍ່​ປະ​ຕິ​ບັດ​ຕາມ​ມາກ​ຕະ​ການ​ປ້ອງ​ກັນ​ຢ່າງ​ເຂັ້ມ​ງວດ.

ຕັ້ງ​ແຕ່​ເລີ່ມດຳ​ເນີນ​ການ​ຂຸດ​ຄົ້ນ-ຜະ​ລິດ​ຄຳ-ທອງ​ໃນ​ປີ 2002, LXML ໄດ້​ປະ​ກອບ​ສ່ວນເປັນ​ລາຍ​ຮັບ​ໂດຍ​ກົງ​ໃຫ້​ແກ່ ລັດ​ຖະ​ບານ​ລາວ US$1.6 ຕື້ ຜ່ານ​ການ​ຈ່າຍ​ພາ​ສີ-ອາ​ກອນ, ຄ່າ​ຊັບ​ພະ​ຍາ​ກອນ​ແຮ່​ທາດ ແລະ ເງິນ​ປັນ​ຜົນ. ນອກ​ຈາກ​ນັ້ນ ຍັງ​ໄດ້​ລົງ​ທຶນກວ່າ US$50 ລ້ານ ເຂົ້າ​ໃສ່​ການ​ພັດ​ທະ​ນາ​ພື້ນ​ຖານ​ໂຄງ​ລ່າງ​ ແລະ ການ​ອະ​ນຸ​ລັກມໍ​ລະ​ດົກ​ທາງວັດ​ທະ​ນະ​ທຳ, US$52 ລ້ານ ​ໃນ​ວຽກ​ງານ​ເກັບ​ກູ້​ລະ​ເບີດ​ບໍ່​ທັນ​ແຕກ ແລະ ຜົນ​ປະ​ໂຫຍດ​ທາງ​ອ້ອມ ຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ​ ​ຜ່ານ​ການ​ສ້າງວຽກ​ເຮັດ​ງານ​ທຳ, ການ​ພັດ​ທະ​ນາ​ສີ​ມື​ແຮງ​ງານ, ການ​ພັດ​ທະ​ນາ​ຊຸມ​ຊົນ ແລະ ແຜນ​ງານ​ສະ​ໜັບ​ສະ​ໜູນ​ອື່ນໆ.

ສະ​ມາ​ຊິກ​ຊຸມ​ຊົນ​ຢູ່ເມືອງ​ວິ​ລະ​ບູ​ລີ 40.000 ຄົນ, ເຊິ່ງ​ເປັນ​ທີ່​ຕັ້ງ​ຂອງ​ບໍ່​ຄຳ-ທອງ​ເຊ​ໂປນ, ແມ່ນ​ໄດ້​ຮັບ​ຜົນ​ປະ​ໂຫຍດ​ປະ​ມານ US$20 ລ້ານ ຈາກ​ແຜນ​ງານ​ພັດ​ທະ​ນາ​ຊຸມ​ຊົນ. ລາຍ​ໄດ້​ຂອງ​ຊຸມ​ຊົນ ຜ່ານ ກຸ່ມ​ທຸ​ລະ​ກິດ​ທ້ອງ​ຖິ່ນ ແມ່ນ​ໄດ້​ທະ​ວີ​ຄູນ​ເຖິງ US$46 ລ້ານ.

LXML ​ໝາຍ​ໝັ້ນ​ຢ່າງ​ໜັກ​ແໜ້ນ ​ເປັນ​ຕົ້ນ​ແບບ​ດ້ານ​ການ​ຂຸດ​ຄົ້ນ​ບໍ່​ແຮ່ ແລະ ຮ່ວມ​ມື​ກັບ​ລັດ​ຖະ​ບານ​ລາວ​ເພື່ອ​ຮັບ​ປະ​ກັນ​ຄວາມ​ສຳ​ເລັດ​ຢ່າງ​ຕໍ່​ເນື່ອງ​ຂອງ ໂຄງ​ການ​ຄຳ-ທອງ​ ເຊ​ໂປນ ເພື່ອ​ຜົນ​ປະ​ໂຫຍດ​ຂອງຜູ້​ມີ​ສ່ວນ​ຮ່ວມ​ທຸກ​ພາກ​ສ່ວນ.

[1] Vientiane Times, 20 ທັນ​ວາ 2021, ພາ​ລັກ ແລະ ເອ​ກະ​ຊົນ​ຕ້ອງ​ເຮັດ​ວຽກ​ຮ່ວມ​ກັນ​ເພື່ອ​ຜ່ານ​ຜ່າ​ຄວາມ​ທ້າ​ທາຍ: ນຍ

ບົດຄວາມປະກອບສ່ວນໂດຍ: ປາລີວັດ ອິນທະວົງ, ຫົວໜ້າສາຍງານ – ປະຕິບັດ ແລະ ບໍລິການໂຄງການ

ໃນຂະນະທີ່ເຫດການເສຍຊີວິດຈາກ ອຸປະຕິເຫດທາງທ້ອງຖະໜົນ, ການສູບຢາ, ມະເຮັງ ແລະ ພະຍາດ COVID-19 ສືບຕໍ່ເປັນຂ່າວໃນສື່ຕ່າງໆ, ການເສຍຊີວິດ ແລະ ການບາດເຈັບຈາກ ອຸປະຕິເຫດລະເບີດບໍ່ທັນແຕກ (UXO) ກໍຍັງສືບຕໍ່ກະທົບຕໍ່ຊຸມຊົນ ໃນ ສປປ ລາວ.

ໃນປີ 2021, ສປປ ລາວ ລາຍງານອຸປະຕິເຫດ UXO 31 ຄັ້ງ ໂດຍມີ ການບາດເຈັບ 44 ຄົນ ແລະ ເສຍຊີວິດ 11 ຄົນ.

ວຽກງານເກັບກູ້ລະເບີດບໍ່ທັນແຕກ ໃນ ສປປ ລາວ ກໍໄດ້ມີຄວາມຫຼ້າຊ້າ ຍ້ອນການລະບາດຂອງພະຍາດ COVID-19 ອັນໄດ້ເຮັດໃຫ້ມີຕົວເລກການບາດເຈັບສູງຂຶ້ນສົມທຽບໃສ່ປີກ່ອນ.

ໂດຍລວມ, ສປປ ລາວ ເປັນປະເທດທີ່ມີການຖິ້ມລະເບີດຕໍ່ຫົວຄົນທີ່ໜັກໜ່ວຍທີ່ສຸດໃນໂລກ. ໃນລະຫວ່າງປີ 1964 ຫາ 1973 ແມ່ນມີການຖິ້ມລະເບີດຫຼາຍກວ່າ 2 ລ້ານໂຕນ ເທົ່າກັບປະມານ ບົມບີ້ຫຼາຍກວ່າ 270 ລ້ານໜ່ວຍ ທີ່ໄດ້ຖືກຖິ້ມລົງໃສ່ ສປປ ລາວ. ໃນນັ້ນ ມີປະມານ 30% ແມ່ນຍັງບໍ່ທັນແຕກເທື່ອ ແລະ ມີພຽງ 1% ທີ່ໄດ້ຖືກເກັບກູ້ ຫຼື ທຳລາຍຕັ້ງແຕ່ປີ 1996 ເປັນຕົ້ນມາ.

ບໍ່ຄຳ-ທອງເຊໂປນຕັ້ງຢູ່ເມືອງໜຶ່ງ ທີ່ຖືກຖິ້ມລະເບີດລົງໃສ່ຫຼາຍທີ່ສຸດໃນປະເທດ. ຍ້ອນແນວນັ້ນ, ລຊມລ ຈຶ່ງໄດ້ນຳເອົາວຽກງານເກັບກູ້ລະເບີດທີ່ຍັງບໍ່ທັນແຕກ ເຂົ້າມາເປັນວຽກໜຶ່ງທີ່ສຳຄັນໃນວົງຈອນການຂຸດຄົ້ນ-ປຸງແຕ່ງ-ຜະລິດບໍ່ແຮ່ເພື່ອຮັບປະກັນໃຫ້ພະນັກງານ, ຊຸມຊົນ ແລະ ການດຳເນີນງານຂອງພວກເຮົາປອດໄພຈາກ ອຸປະຕິເຫດ UXO.

ນັບຕັ້ງແຕ່ປີ 1996, LXML ໄດ້ລົງທຶນ 52 ລ້ານໂດລາສະຫະລັດ ເຂົ້າໃນການເກັບກູລະເບີດທີ່ບໍ່ທັນແຕກ ແລະ ທໍາລາຍລະເບີດກວ່າ 60,000 ຫນ່ວຍ ເຊິ່ງ 90 ສ່ວນຮ້ອຍຂອງລະເບີດຈໍານວນນີ້ ແມ່ນພ້ອມທີ່ຈະລະເບີດຖ້າຫາກໄດ້ຮັບການກະທົບ.

ຕະຫຼອດທົດສະວັດຜ່ານມາ, ກົດເຫຼັກຂອງທີມງານເກັບກູ້ລະເບີດແມ່ນ ຫ້າມມີການມ້າງລູກລະເບີດ ຫຼື ເຄື່ອນຍ້າຍລູກລະເບີດໂດຍບໍ່ຈຳເປັນ. ທຸກຄັ້ງທີ່ກວດພົບແມ່ນຈະຕ້ອງມີການທຳລາຍລູກລະເບີດກັບທີ່.

ທ່ານ ປາລິວັດ ອິນທະວົງ, ຫົວໜ້າສາຍງານ ປະຕິບັດ ແລະ ບໍລິການໂຄງການ ໄດ້ກ່າວວ່າ: “ທຸກຄົນພາຍໃນທີມເຂົ້າໃຈດີ ເຖິງຄວາມສ່ຽງສູງທີ່ຕິດພັນກັບວຽກງານຂອງພວກເຮົາ. ອຸປະຕິເຫດກໍເກີດຂຶ້ນໃດ້ທຸກເວລາ ຖ້າພວກເຮົາບໍ່ປະຕິບັດຕາມມາດຕະຖານເຕັກນິກສະເພາະທີ່ຖືກວາງອອກ. ຄວມຜິດພາດໃດໆ ອາດໝາຍເຖິງການສູນເສຍຊີວິດ ແລະ ບໍ່ມີໂອກາດເປັນຄັ້ງທີສອງເພື່ອກັບໄປແກ້ໄຂ. ສະນັ້ນ ພວກເຮົາຕ້ອງເອົາໃຈໃສ່ ຝຶກຝົນຢ່າງດີ ແລະ ມີປະສົບການໃນການດຳເນີນງານທີ່ອັນຕະລາຍນີ້.”

ທີມງານເກັບກູ້ລະເບີດຂອງ LXML ຈະສືບຕໍ່ເຮັດວຽກຢ່າງໃກ້ຊິດກັບ ຊຸມຊົນທ້ອງຖິ່ນ ແລະ ເຈົ້າໜ້າທີ່ພາກລັດເພື່ອ ກວດຄົ້ນ ແລະ ທຳລາຍລະເບີດທີ່ບໍ່ທັນແຕກ ຢູ່ ອ້ອມຂ້າງບໍ່ຄຳ-ທອງເຊໂປນ ເພື່ອໃຫ້ທຸກຄົນປອດໄພຂຶ້ນ.

ທີມງານບັນລຸການເຮັດວຽກເກັບກູ້ລະເບີດທີ່ປັດສະຈາກການບາດເຈັບມາໄດ້ 5 ປີຕິດຕໍ່ກັນ.

LXML works closely with the Government to keep our employees and community safe from COVID-19. To date LXML provided US$483,000 to support the Government’s effort for COVID-19 prevention and response including to support vaccination programs, testing capacity, and treatment facilities.

Thanks to the 8,700 vaccines supported by the Government of Lao PDR, LXML successfully fully vaccinated our employees and contractors within three months from April to July 2021. 99% of our 5000 employees and contractors have a shield of protection against COVID-19.

ໃນ​ຫວ່າງ​ບໍ່​ດົນ​ມາ​ນີ້, ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ບໍ່​ຄຳ-ທອງ​ເຊ​ໂປນ ໄດ້​ສະ​ເຫຼີມ​ສະຫຼອງ​ພະ​ນັກ​ງານ 228 ທ່ານ​ທີ່​ໄດ້​ເຮັດ​ວຽກ​ກັບ​ບໍ​ລິ​ສັດ​ມາ​ໄດ້​​ຍາວ​ນານ​ແຕ່ 5 ເຖິງ 20 ປີ. LXML ຈັດ​ພິ​ທີ​ມອບ​ໃບ​ຍ້ອງ​ຍໍ​ທຸກໆ​ປີ​ກົ​ງ​ກັບ ວັນ​ສະ​ເຫຼີມ​ສະຫຼອງວັນ​ສະ​ຖາ​ປະ​ນາ ສ​ປ​ປ ລາວ ຢູ່ ພາກ​ສະ​ໜາມ​ເຊ​ໂປນ ເພື່ອ ຮັບ​ຮູ້ ແລະ ຍ້ອງ​ຍໍ​ການ​ປະ​ກອບ​ສ່ວນ​ຂອງ​ພະ​ນັກ​ງານ​ຕໍ່​ຜົນ​ສຳ​ເລັດ​ຂອງ ໂຄງ​ການ​ຂຸດ​ຄົ້ນ-ຜະ​ລິດ​ຄຳ-ທອງ​ເຊ​ໂປນ.

ປີ​ນີ້​ຄົບ​ຮອບ 28 ປີ​ຕັ້ງ​ແຕ່​ການ​ຕໍ່​ຕັ້ງ ບໍ​ລິ​ສັດ LXML ບໍ່​ຄຳ-ທອງ​ເຊ​ໂປນ ແລະ ເກືອບ 20 ປີ​ຕັ້ງ​ແຕ່​ເລີ່ມ​ການ​ດຳ​ເນີນ​ງານ ຂຸດ​ຄົ້ນ-ຜະ​ລິດ​ຄຳ-ທອງ​ເຊ​ໂປນ. ມີ​ພະ​ນັກ​ງານ ແລະ ຜູ້​ຮັບ​ເໝົາ 5.000 ຄົນ​ທີ່​ໄດ້​ປະ​ກອບ​ສ່ວນ​ຕໍ່​ການ​ເຕີບ​ໂຕ​ຂອງ ບໍ​ລິ​ສັດ LXML ບໍ່​ຄຳ-ທອງ​ເຊ​ໂປນ, ໄດ້​ຮຽນ​ຮູ້​ຝຶກ​ຝົນ​ສີ​ມື​ທັກ​ສະ​ວິ​ຊາ​ຊີບ ແລະ ສ້າງ​ຊີ​ວິດ​ການ​ເປັນ​ຢູ່​ທີ່​ດີ​ຂຶ້ນ.

94 ສ່ວນ​ຮ້ອຍ​ຂອງ​ພະ​ນັກ​ງານ LXML ແມ່ນ​ຄົນ​ລາວ, 75 ສ່ວນ​ຮ້ອຍ​ແມ່ນ​ຊຸມ​ຊົນ​ທ້ອງ​ຖິ່ນ ແລະ ຫຼາຍກວ່າ 20 ສ່ວນ​ຮ້ອຍ​ແມ່ນ​ແມ່​ຍິງ. ໃນ​ສອງ-ສາມ​ທົດ​ສະ​ຫວັດ​ຜ່ານ​ມາ, LXML ໄດ້​ລົງ​ທຶນຫຼາຍລ້ານ​ໂດ​ລາ​ສະ​ຫະ​ລັດ​ເຂົ້າ​ໃສ່​ການ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ ລວມ​ທັງ ທຶນ​ການ​ສຶກ​ສາ, ການ​ລົງ​ຝຶກ​ງານ​ກັບ​ບໍ​ລິ​ສັດ ແລະ ການ​ຝຶກ​ອົບ​ຮົມ​ຕົວ​ຈິງ​ເວ​ລາ​ເຮັດ​ວຽກ. LXML ສືບ​ຕໍ່​ສະ​ໜັບ​ສະ​ໜູນ​ຄວາມ​ກ້າວ​ໜ້າ​ໃນ​ອາ​ຊີບ​ການ​ງານ ແລະ ຄວາມ​ມຸ່ງ​ໝັ້ນ​ຂອງ​ພະ​ນັກ​ງານ ກໍ​ຄື​ເພື່ອ​ສ້າງ​ວິ​ຊາ​ການ​ມື​ອາ​ຊີບຄົນ​ລາວ ເພື່ອ​ຜົນ​ປະ​ໂຫຍດ​ຂອງ ສ​ປ​ປ ລາວ.

ນັບ​ແຕ່​ເລີ່ມ​ດຳ​ເນີນ​ງານ, LXML ບໍ່​ຄຳ-ທອງ​ເຊ​ໂປນ​ໄດ້​ປະ​ກອບ​ສ່ວນຫຼາຍກວ່າ US$1.5 ຕື້​ເປັນ​ລາຍ​ຮັບ​ໂດຍ​ກົງ​​ໃຫ້​ແກ່ ລັດ​ຖະ​ບານ​ລາວ ຜ່ານ​ການ​ຈ່າຍ​ພາ​ສີ​ອາ​ກອນ ແລະ ຄ່າ​ຊັບ​ພະ​ຍາ​ກອນ​ແຮ່​ທາດ. ນອກ​ນັ້ນ ກໍ​ໄດ້​ປະ​ກອບ​ສ່ວນ​ຜົນ​ປະ​ໂຫຍດ​ທາງ​ອ້ອມ ຜ່ານ​ການ​ພັດ​ທະ​ນາ​ຊຸມ​ຊົນ, ສ້າງວຽກ​ເຮັດ​ງານ​ທຳ ແລະ ການ​ຝຶກ​ອົບ​ຮົມ​-ສ້າງ​ສີ​ມື​ແຮງ​ງານ​ໃຫ້​ແກ່​ຄົນ​ລາວ.

ທ່ານ ພໍ ແຮ​ຣິ​ສ, ຜູ້​ຈັດ​ການ​ໃຫຍ່ LXML ໄດ້​ກ່າວ​ຕໍ່​ຜູ້​ໄດ້​ຮັບ​ໃບ​ຍ້ອງ​ຍໍ-ລາງວັນ​ໃນ​ປີ​ນີ້​ວ່າ: “ທັກ​ສະ ແລະ ປະ​ສົບ​ການ​ທີ່​ພະ​ນັກ​ງານ​ເກັບ​ກ່ຽວ​ໄດ້​ໃນ​ຊຸມ​ປີ​ຜ່ານ​ມາ​ແມ່ນ​ມີ​ຄຸນ​ຄ່າ​ຍິ່ງ. ທັກ​ສະ​ເຫຼົ່າ​ນີ້​ຈະ​ເປັນ ຊັບ​ສິນ-ມໍ​ລະ​ດົກ​ຕິດ​ໂຕ ພະ​ນັກ​ງານ​ທຸກ​ຄົນ​ບໍ່​ວ່າ​ພວກ​ເຂົາ​ຈະ​ໄປ​ເຮັດ​ວຽກ​ຢູ່​ແຫ່ງ​ໃດ​ໃນ ສ​ປ​ປ ລາວ ກໍ​ຕາມ.”

ທ່ານ ພໍ ແຮ​ຣິ​ສ ຍັງ​ໄດ້​ກ່າວ​ຕື່ມ​ວ່າ: “ພະ​ນັກ​ງານ​ເປັນ​ຊັບ​ສິນ​ອັນ​ດັບ​ໜຶ່ງ​ຂອງ​ພວກ​ເຮົາ ແລະ ພວກ​ເຂົາ​ເປັນ​ຜູ້​ດຳ​ເນີນ​ຜົນ​ການ​ຜະ​ລິດ​ຢ່າງ​ປອດ​ໄພ ໂດຍ​ປະ​ຕິ​ບັດ​ຄຸນ​ທາດ​ຂອງ​ບໍ​ລິ​ສັດ​ໃນ​ແຕ່​ລະ​ວັນ. ໃນ​ສອ​ງ​ປີ​ຜ່ານມາ, ພະ​ນັກ​ງານ​ຂອ​ງ​ພວກ​ເຮົາ​ໄດ້​ພົບ​ພໍ້​ຄວາມ​ທ້າ​ທາຍຫຼາຍ​ສົມ​ຄວນ​ຈາກການ​ລະ​ບາດ​ຂອງ​ພະ​ຍາດ COVID-19, ເຮັດ​ໃຫ້​ພວກ​ເຂົາ​ຢູ່​ຫ່າງ​ຈາກ​ຄອບ​ຄົວ ແລະ ຕ້ອງ​ຈຳ​ກັດ​ບໍ​ລິ​ເວນ ກໍ​ຄື ເຮັດ​ວຽກ​ຜຽນ​ທີ່​ຍາວ​ຂຶ້ນ. ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ​ຢ່າງ​ສູງ ແລະ ຂອບ​ໃຈ​ພະ​ນັກ​ງານ ແລະ ຜູ້​ຮັບ​ເໝົາ​ຂອງ​ພວກ​ເຮົາ 5.000 ກວ່າ​ຄົນ ທີ່​ໄດ້​ປະ​ກອບ​ສ່ວນ​ຕໍ່​ຜົນ​ສຳ​ເລັດ​ຂອງ ບໍ​ລິ​ສັດ.”

ໃນ​ປີ​ນີ້, ພິ​ທີ​ມອບ​ໃບ​ຍ້ອງ​ຍໍ​ການ​ເຮັດ​ວຽກ​ມາ​ຍາວ​ນານ ແມ່ນ​ໄດ້ ຈັດ​ໃນ​ຂະ​ໜາດ​ນ້ອຍ​ລົງ ເພື່ອ​ປະ​ຕິ​ບັດ​ສອດ​ຄ່ອງ​ກັບ ມາດ​ຕະ​ການ​ປ້ອງ​ກັນ​ການ​ລະ​ບາດ​ຂອງ​ພະ​ຍາດ COVID-19, ເປັນ​ພິ​ທີ​ມອບ​ໃນ​ວົງ​ແຄບ​ໂດຍ​ຜູ້​ຈັດ​ການ​ແຕ່​ລະ​ພະ​ແນກ ເພື່ອຫຼີກ​ເວັ້ນ ການ​ເຕົ້າ​ໂຮມຄົນ​ຈຳ​ນວນຫຼາຍ.

LXML ໄດ້​ສະ​ໜອງ​ປະ​ມານ US$500,000 ​ໃຫ້​ແກ່ ກະ​ຊວງ​ສາ​ທາ​ລະ​ນະ​ສຸກ​ຂັ້ນ​ສູນ​ກາງ, ແຂວງ ແລະ ເມືອງ ເພື່ອ​ສະ​ໜັບ​ສະ​ໜູນ​ວຽກ​ງານ​ຮັບ​ມື​ການ​ລະ​ຍາດ​ພະ​ຍາດ COVID-19 ຂອງ​ລັດ​ຖະ​ບານ​ລາວ ລວມ​ທັງ ການກວດ​ເຊື້ອ ແລະ ອຸ​ປະ​ກອນ​ການ​ແພດ, ການ​ກໍ່​ສ້າງ​ສະ​ຖານ​ທີ່​ຈຳ​ກັດ​ບໍ​ລິ​ເວນ ແລະ ສຸ​ຂະ​ອະ​ນາ​ໄມ-ສຸ​ຂະ​ພິ​ບານ.

ແຂວງ​ສະ​ຫວັນ​ນະ​ເຂດ​ ໄດ້ອອກ​ໜັງ​ສື​ຮັບ​ຮອງ ບໍ່​ຄຳ​-ທອງ​ເຊ​ໂປນ ຂອງ​ບໍ​ລິ​ສັດ ລ້ານ​ຊ້າງ​ ມີ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ​ເປັນ​​ເຂດ ‘ສີ​ຂຽວ’ ພາຍຫຼັງ​ 30 ວັນ ທີ່ບໍ່​ພົບ​ກໍ​ລະ​ນີ​​ຕິດ​ເຊື້ອ​ COVID-19 ໃໝ່ ໃນຂົງ​ເຂດ​ໂຄງ​ການ.

ນັບ​ຕັ້ງ​ແຕ່​ພົບ​ກໍ​ລະ​ນີຢັ້ງ​ຢືນ​ຕິດ​ເຊື້ອ​ທຳ​ອິດ ໃນ​ວັນ​ທີ 22 ສິງ​ຫາ, ບໍ່​ຄຳ-ທອງ​ ເຊ​ໂປນ ​ມີ​ການ​ລາຍ​ງານກໍ​ລະ​ນີ​ຕິດ​ເຊື້ອສະ​ສົມ​ທັງ​ໝົດ 33 ຄົນ ໃນ​ນັ້ນ​ເປັນ​ຜູ້​ຮັບ​ເໝົາ 25 ຄົນ ແລະ ພະ​ນັກ​ງານບໍ​ລິ​ສັດ ລ​ຊມ​ລ 8 ຄົນ. ທຸກໆ​ກໍ​ລະ​ນີ​ແມ່ນ​ຕິດ​ພັນ​ກັບກໍ​ລະ​ນີ​ຕິດ​ເຊື້ອ​ໃນ​ເບື້ອງ​ຕົ້ນ​ ໃນ​ຜູ້​ຮັບ​ເໝົາ​ຂົນ​ສົ່ງ​ ແລະ ຫຼາຍ​ກໍ​ລະ​ນີກໍ່​ໄດ້​ກວດ​ພົບ​ຢູ່ນອກ​ສະ​ໜາມ ດ້ວຍ​ການ​ດຳ​ເນີນ​ມາດ​ຕະ​ການກວດ​ເຊື້ອ COVID-19 ແລະ ຈຳ​ກັດ​ບໍ​ລິ​ເວນ.

ບຸກ​ຄົນ​ທີ່​ຕິດ​ເຊື້ອ​ແມ່ນ​ໄດ້​ເຂົ້າ​ຮັບ​ການ​ປິ່ນ​​ປົວຢູ່​ສູນ​ປິ່ນ​ປົວ ທີ່​ພາກ​ລັດ​ກຳ​ນົດ ແລະ ທຸກ​ຄົນ​ແມ່ນ​ໄດ້​ປິ່ນ​ປົວ​ຫາຍ​ດີຢ່າງ​ປອດ​ໄພ ໂດຍ​ໄດ້​ສືບ​ຕໍ່ ຈຳ​ກັດ​ບໍ​ລິ​ເວນ 14 ວັນ​ຢູ່​ສູນ​ຈຳ​ກັດ​ບໍ​ລິ​ເວນ​ ​ທີ່​ລັດ​ຖະ​ບານ​ກຳ​ນົດໃຫ້​ ແລະ ຍັງ​ໄດ້​ກັກ​ຕົວ​​ຢູ່​ເຮືອນ​ຂອງ​ຕົນເອງ ຕື່ມ​ອີກ 14 ວັນ. ນັບ​ຕັ້ງ​ແຕ່ ພົບ​ກໍ​ລະ​ນີ​ຕິດ​ເຊື້ອ​ທຳ​ອິດ​​​, ບໍ​ລິ​ສັດ ລ​ຊມ​ລ ກໍ່ໄດ້​ດຳ​ເນີນ​ການກວດ​ເຊື້ອ COVID-19 ຫຼາຍກວ່າ 12.500 ຕົວ​ຢ່າງ ໃຫ້​ແກ່​ພະ​ນັກ​ງານ ແລະ ຜູ້​ຮັບ​ເໝົາ​ຂອງ ລ​ຊມ​ລ ​ທຸກໆ​ຄົນ ແລະ ບໍ່​ພົບ​ກໍ​ລະ​ນີ​ຕິດ​ເຊື້ອ​ເພີ່ມ​ຕື່ມ. ລ​ຊມ​ລ ຍັງ​ສະ​ໜອງ​ການກວດ​ເຊື້ອ​ໃຫ້​ແກ່​ຊຸມ​ຊົນ​ທ້ອງ​ຖິ່ນ​ເຊັ່ນ​ກັນ.

ໃນ​ຂະ​ນະ​ທີ່ ​​​ການລ໋ອກ​ດາວທີ່​ຍືດ​ຍາວ ແລະ ຂໍ້​ຈຳ​ກັດ​ຕ່າງໆທີ່​ໄດ້ສົ່ງຜົນ​ກະ​ທົບ​ຕໍ່​ການ​ດຳ​ລົງ​ຊີ​ວິດ​ຂອງ​ພວກ​ເຮົາ, ເຮັດ​ໃຫ້ພວກ​ເຮົາ​ຫ່າງ​ໄກ​ຈາກ​ຄອບ​ຄົ​ວ ແລະ ຈາກກິດ​ຈະ​ກຳ​ທີ່​ມັກ​ຮັກ​ຕ່າງໆ, ​ກໍ​ລະ​ນີ​ຕິດ​ເຊື້ອ​ໃນ​ຊຸມ​ຊົນ​ ຢູ່ ສ​ປ​ປ ລາວ ກໍຍັງ​ຄົງ​ສືບ​ຕໍ່​ແຜ່​ລະບາດໃນ​ວົງ​ກວ້າງ ແລະ  ບໍ​ລິ​ສັດ ລ​ຊມ​ລ ກໍ​ສືບ​ຕໍ່ ປະ​ຕິ​ບັດ​ຕາ​ມາດ​ຕະ​ການປ້ອງ​ກັນ COVID-19 ຢ່າງ​ສະ​ໝ່ຳ​ສ​ະເໝີ ເພື່ອ​ຮັບ​ປະ​ກັນ​ຄວາມ​ປອດ​ໄພ ຂອງ​ພະ​ນັກ​ງານ, ຜູ້​ຮັບ​ເໝົາ ແລະ ຊຸມ​ຊົນ​ທ້ອງ​ຖິ່ນ.

ບໍ​ລິ​ສັດ ລ​ຊມ​ລ ​ໄດ້ຍົກ​ລະ​ດັ​ບມາດ​ຕະ​ການ​ດ້ານ​ສຸ​ຂະ​ອະ​ນາ​ໄມ​, ​ການຈຳ​ກັດ​ບໍ​ລິ​ເວນ, ​ການຄົ້ນ​ຫາ​ຜູ້​ສຳ​ຜັດ​ໃກ້​ຊິດ ແລະ ​ການກວດ​ຫາເຊື້ອຢ່າງ​ຕັ້ງໜ້າ​ ແລະ ທັນ​ການ ທີ່​ສອດ​ຄ່ອງ​ກັບ​ການ​ປ້ອງ​ກັນ ແລະ ຮັບ​ມື​ການ​ລະ​ບາດທີ່​ລັດ​ຖະ​ບານວາງ​ອອກ ເພື່ອ​ໃຫ້​ສາ​ມາດລະ​ບຸ​ແຫຼ່ງ​ທີ່​ມາ​ຂອງການ​ຕິດ​ເຊື້ອ ແລະ ແຍກ​ປ່ຽວ​ກໍ​ລະ​ນີ​ສ່ຽງ ໃນ​ທັນ​ທີ ເພື່ອຕັດ​ວົງ​ຈອນ​ການ​ຕິດ​ເຊື້ອ. ​ຕອນ​ທີ່​ພົບ​ກໍ​ລະ​ນີ​ຕິດ​ເຊື້ອ​ຢູ່​ພາກ​ສະ​ໜາມ, ບໍ​ລິ​ສັດ ໄດ້ ລ໋ອກ​ດາ​ວ​ພາກ​ສະ​ໜາມທັນ​ທີ ແລະ ເຮັດ​ວຽກ​ຢ່າງ​ໃກ້​ຊິດ​ກັບ​ອຳ​ນາດ​ການ​ປົກ​ຄອງ​ເມືອງ, ແຂວງ ແລະ ຂັ້ນ​ສູນ​ກາງ ເຊັ່ນ​ດຽວ​ກັບ​ຜູ້​ຮັບ​ເໝົາ​ທ້ອງ​ຖິ່ນ ເພື່ອ​ປ້ອງ​ກັນ​ການ​ແຜ່​ລະ​ບາດໃນ​ວົງ​ກວ້າງ.

ຍ້ອນ​ການ​ສະ​ໜັບ​ສະ​ໜູນ​ຂອງ​ພະ​ແນກ​ສາ​ທາ​ລະ​ນະ​ສຸ​ກ​ແຂວງ​ສະ​ຫວັນ​ນະ​ເຂດ, ພະ​ນັກ​ງານ ແລະ ຜູ້​ຮັບ​ເໝົາ​ຂອງ   ລ​ຊມ​ລ 5,000 ຄົນ (99% ຂອງ​ແຮງ​ງານ​ທັງ​ໝົດ) ແມ່ນ​ໄດ້​ຮັບ​ວັກ​ຊີນ​ຕ້ານ COVID-19. ທຸ​ກ​ຄົນ​ທີ່​ຈະ​ເຂົ້າ​ພາກ​ສະ​ໜາມ​ເຊ​ໂປນ, ຫ້ອງ​ການ​ຢູ່​ນະ​ຄອນຫຼວງວຽງ​ຈັນ ແລະ ສະ​ຫວັນ​ນະ​ເຂດ ແມ່ນ​ຕ້ອງ​ມີ​ໃບ​ຢັ້ງ​ຢືນ​ການ​ສັກ​ວັກ​ຊີນ.

ບໍ​ລິ​ສັດ ລ​ຊມ​ລ ມີ​ຄວາມ​ມຸ່ງ​ໝັ້ນ​ເຮັດ​ວຽກ​ຮ່ວມ​ມື​ຢ່າງ​ໃກ້​ຊິດ​ກັບ ລັດ​ຖະ​ບານ ເພື່ອ​ຍົກ​ລະ​ດັບ​ຄວາມ​ອາດ​ສາ​ມາດ​ໃນ​ການ​ປ້ອງ​ກັນ​ການ​ແຜ່​ລະ​ບາດ​ COVID-19 ໂດຍໄດ້​ສະ​ໜອງ​ເຄື່ອງ​ມື​ກວດ​ເຊື້ອ​ COVID-19 ແບບ​ໄວ​ອັງ​ຕີ​ເຈນ ພ້ອມ​ທັງສະ​ໜັບ​ສະ​ໜູນ​ອຸ​ປະ​ກອນ ແລະ ສະ​ໜອງ​ທຶນ​ໂດຍ​ກົງ ​ໃຫ້​ແກ່​ເມືອງ​ວິ​ລະ​ບູ​ລີ ​ໃນ​ການ​ກະ​ກຽມ​ໂຮງ​ໝໍ​ພາກ​ສະ​ໜາມ ພ້ອມ​ທັງ​ໄດ້​ໃຫ້ການ​ສະ​ໜັບ​ສະ​ໜູນ​ໃຫ້​ແກ່​ແຂວງ​ສະ​ຫວັນ​ນະ​ເຂດ​ ໃນ​ການ​ຍົກ​ລະ​ດັບ​ສູນ​ຈຳ​ກັດ​ບໍ​ລິ​ເວນ ແລະ ເຄື່ອງກວດ​ເຊື້ອ​ແບບ PCR ເຂົ້າ​ໃນວຽກ​ງານ​ຂອງ​ແຂວງ ​ເພື່ອ​ປົກ​ປ້ອງ​ປະ​ຊາ​ກອນ ໃຫ້​ສາ​ມາດຫຼີກ​ເວັ້ນ​​ຈາກ​ການ​ລະ​ບາດ​ຂອງພະ​ຍາດ COVID-19. ມາ​ຮອດ​ປັດ​ຈຸ​ບັນ, ​ບໍ​ລິ​ສັດ ລ​ຊມ​ລ ໄດ້​ປະ​ກອບ​ສ່ວນ​ສະ​ໜັບ​ສະ​ໜູນ ໃຫ້​ແກ່ລັດ​ຖະ​ບາ​ນາໃນ​ການ​ປ້ອງ​ກັນ ແລະ ແກ້​ໄຂ​ການ​ລະ​ບາດ​ພະ​ຍາດ COVID-19 ຄິດ​ເປັນ​ຈຳ​ນວນ​ທັງ​ໝົດ US$450.000.

ນັບຕັ້ງ​ແຕ່​ໄດ້​ເລີ່ມ​ດຳ​ເນີນ​ງານ​ ໃນ​ປີ 2003, ບໍ​ລິ​ສັດ ລ​ຊມ​ລ ໄດ້​ປະ​ກອບ​ສ່ວນ US$1.5 ຕື້​ ເພື່ອເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ ບວກ​ກັບ ຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ທີ່​ເປັນ​ຜົນ​ປະ​ໂຫຍດ​ທາງ​ອ້ອມ ​ໂດຍຜ່ານ​ການ​ພັດ​ທະ​ນາ​ຊຸມ​ຊົນ, ການ​ສ້າງວຽກ​ເຮັດ​ງານ​ທຳ, ການ​ຝຶກ​ອົບ​ຮົມ​ ແລະ ​ການພັດ​ທະ​ນາ​ສີ​ມື​ແຮງ​ງານ ກໍ​ຄື ສະ​ໜັບ​ສະ​ໜູນ​ຫົວ​ໜ່ວຍ​ທຸ​ລະ​ກິດ​ທ້ອງ​ຖິ່ນ ​ຢູ່ແຂວງ​ສະ​ຫວັນ​ນະ​ເຂດ ແລະ ສ​ປ​ປ ລາວ.

​ໃນ​ມື້​ນີ້, ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ບໍ່​ຄຳ-ທອງ​ເຊ​ໂປນ ໄດ້​ບໍ​ລິ​ຈາກ​ເຄື່ອງກວດ​ຫາ​ເຊື້ອ COVID-19 ແບບ RT – PCR ແລະ ອຸ​ປະ​ກອນ​ກ່ຽວ​ຂ້ອງ​ຕ່າງໆ​ໃຫ້​ແກ່ ພະ​ແນກ​ສາ​ທາ​ລະ​ນະ​ສຸກ​ແຂວງ​ສະ​ຫວັນ​ນະ​ເຂດ ເພື່ອ​ປັບ​ປຸງ​ຄວາມ​ອາດ​ສາ​ມາດ​ໃນ​ການກວດ​ຫາ​ເຊື້ອ ແລະ ຄົ້ນ​ຫາ​ຜູ້​ຕິດ​ເຊື້ອພາຍ​ໃນ​ແຂວງ.

​ອຸ​ປະ​ກອນທີ່ມອບ​ໃນ​ຄັ້ງ​ນີ້ ເປັນ​ການ​ສານ​ຕໍ່​ການ​ຊ່ວຍ​ເຫຼືອ​ຜ່ານໆ​ມາ​ຂອງ LXML ​ໃຫ້​ແກ່​ແຂວງ​ສະ​ຫວັນ​ນະ​ເຂດ ລວມ​ທັງ ຫ້ອງ​ນ້ຳ-​ຫ້ອງອາບ​ນ້ຳ​ຢູ່​ໂຮງ​ໝໍ​ພາກ​ສະ​ໜາມ, ອຸ​ປະ​ກອນ​ການ​ແພດ ແລະ ການ​ສະ​ໜອງ​ທຶນ​ໂດຍ​ກົງ ລວມ​ມູນ​ຄ່າ​ທັງ​ໝົດຫຼາຍກວ່າ US$112,000 ເຂົ້າ​ໃນ​ການ​ຮັບ​ມື​ກັບ​ການ​ລະ​ບາດ​ພະ​ຍາດ​ COVID-19. LXML ຍັງ​ໄດ້​ບໍ​ລິ​ຈາກ ຊຸດກວດ​ເຊື້ອ​ແບບ​ໄວ​ທີ່​ໄດ້​ຮັບ​ການ​ອະ​ນຸ​ມັດ​ໂດຍ​ອົງ​ການ​ອະ​ນາ​ໄມ​ໂລກ ແລະ ທັງ​ໄດ້​​ປະ​ກອບ​ສ່ວນສ້າງ ໂຮງ​ໝໍ​ພາກ​ສະ​ໜາມ​ຢູ່ ​ເມືອງວິ​ລະ​ບູ​ລີ. ມາ​ຮອດປັດ​ຈຸ​ບັນ, LXML ໄດ້​ບໍ​ລິ​ຈາກ​ປະ​ມານ US$450,000 ເພື່ອ​ຊ່ວຍ​ລັດ​ຖະ​ບານ​ລາວ​ໃນ​ການ​ປ້ອງ​ກັນ ແລະ ຮັບ​ມື​ກັບ​ການ​ລະ​ບາດ​ຂອງ​ພະ​ຍາດ COVID-19.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ LXML ໄດ້​ກ່າວ​ວ່າ: “ທາງ​ບໍ​ລິ​ສັດ​ຮັບ​ຮູ້​ວ່າ ການ​ຄົ້ນ​ຫາ​ຜູ້​ສຳ​ຜັດ​ໃກ້​ຊິດ, ການກວດ​ເຊື້ອ, ການ​ຈຳ​ກັດ​ບໍ​ລິ​ເວນ, ການ​ປິ່​ນ​ປົວ ແລະ ການ​ສັກ​ວັກ​ຊີນ​ຢ່າງ​ທັນ​ການ ແລະ ຕັ້ງ​ໜ້າ​ນັ້ນ ​ແມ່ນ​ມີ​ຄວາມ​ສຳ​ຄັນ​ຕໍ່​ການ​ຄວບ​ຄຸມ​ການ​ລະ​ບາດ​ຂອງ​ພະ​ຍາດ COVID-19. ພວກ​ເຮົາ​ຫວັງ​ວ່າການ​ຊ່​ວຍ​ເຫຼືອ​ຂອງ​ບໍ​ລິ​ສັດ​ຈະ​ຮັບ​ປະ​ກັນ​ໃຫ້ ຊຸມ​ຊົນ​ທ້ອງ​ຖິ່ນ ແລະ ແຂວງ​ສະ​ຫວັນ​ນະເຂດ ປອດ​ໄພ​ຈາກ​ພະ​ຍາດ COVID-19. ພວກ​ເຮົາ​ສືບ​ຕໍ່​ເຮັດ​ວ​ຽກ​ຢ່າງ​ໃກ້​ຊິດ​ກັບ ຜູ້​ມີ​ສ່ວນ​ຮ່ວມ​ທຸກ​ຂັ້ນ​ບໍ່​ວ່າ​ຂັ້ນ​ສູນ​ກາງ, ແຂວງ ແລະ ເມືອງ.”

ເຄື່ອງກວດ​ເຊື້ອ​ແບບ PCR ແມ່ນ​ໄດ້​ມອບ​ໃຫ້​ແກ່ ທ່ານ​ນາງ ຫຼິງ​ທອງ ແສງ​ຕາ​ວັນ, ຮອງ​ເຈົ້າ​ແຂວງ​ສະ​ຫວັນ​ນະ​ເຂດ ແລະ ຫົວ​ໜ້າ​ຄະ​ນະ​ສະ​ເພາະ​ກິດ​ COVID-19 ຂັ້ນ​ແຂວງ ມອບ​ໂດຍ ທ່ານ ທ່ອນ​ແກ້ວ ພຸດ​ທະ​ໄກ​ຍະ​ລາດ, ທີ່​ປຶກ​ສາ​ຂອງ LXML. ມາ​ຮອດ​ປັດ​ຈຸ​ບັນ, ແຂວງ​ສະ​ຫວັນ​ນະ​ເຂດ ມີ​ເຄື່ອງກວດ​ເຊື້ອ​ແບບ PCR 4 ເຄື່ອງ ໂດຍ​ສາ​ມາດກວດ​ເຊື້ອ​ເພີ່ມ​ຂຶ້ນໄດ້ 720 ຕົວ​ຢ່າງ​ຕໍ່​ວັນ.

ຍ້ອນ​ການ​ສະ​ໜັບ​ສະ​ໜູນ​ຂອງ ພະ​ແນກ​ສາ​ທາ​ລ​ະ​ນະ​ສຸກ​ແຂວງ​ສະ​ຫວັນ​ນະ​ເຂດ, ພະ​ນັກ​ງານ ແລະ ຜູ້​ຮັບ​ເໝົາ​ຂອງ LXML ກວ່າ 5.000 ຄົນ (99% ຂອງ​ແຮງ​ງານ) ໄດ້​ຮັບ​ວັກ​ຊີນ​ຕ້ານ COVID-19 ຄົບ​ໂດ​ສ, ແລະ ໃບ​ຢັ້ງ​ຢືນ​ການ​ສັກ​ວັກ​ຊີນ​ກໍ​ເປັນ​ເງື່ອນ​ໄຂ​ຈຳ​ເປັນ​ເພື່ອ​ເຂົ້າ​ພາກ​ສະ​ໜາມ​ເຊ​ໂປນ, ຫ້ອງ​ການ LXML ຢູ່​ນະ​ຄອນຫຼວງວຽງ​ຈັນ ແລະ ສະ​ຫວັນ​ນະ​ເຂດ. LXML ມີ​ຄວາມ​ມຸ່ງ​ໝັ້ນ​ ​ສະ​ໜັບ​ສະ​ໜູນ ລັດ​ຖະ​ບານ​ລາວ  ໃນ​ວຽກ​ງານ​ປ້ອງ​ກັນ ແລະ ຮັບ​ມື​ກັບ​ການ​ລະ​ບາດ​ຂອງ​ພະ​ຍາດ COVID-19.

​ໃນ​ວັນ​ທີ 21 ກັນ​ຍາ ທີ່​ຜ່ານ​ມາ, ເຈົ້າ​ແຂວງ​ສະ​ຫວັນ​ນະ​ເຂດ ທ່ານ ສັນ​ຕິ​ພາບ ພົມ​ວິ​ຫານ ໄດ້​ລົງ​ມາ​ຢ້ຽມ​ຢາມ​ເມືອງວິ​ລະ​ບູ​ລີ ເພື່ອກວດ​ກາ​ມາດ​ຕະ​ການ​ຮັບ​ມື​ກັບ ການ​ລະ​ບາດ​ຂອງ​ພະ​ຍາດ COVID-19. ໃນ​ການ​ຢ້ຽມ​ຢາມ​ຄັ້ງ​ນີ້, ເຈົ້າ​ເມືອງວິ​ລະ​ບູ​ລີ ທ່ານ ຄຳ​ຜຸຍ ສີ​ບຸນ​ເຮືອງ ໄດ້​ສະ​ເໜີ​ເຈດ​ຈຳ​ນົງໃນ​ການ​ລົດ​ລະ​ດັບ​ຄວາມ​ສ່ຽງ​ຕໍ່​ກັບ​ການ​ລະ​ບາດ​ຂອງ​ພະ​ຍາດ COVID – 19 ໃຫ້​ແກ່ໂຄງ​ການ​ຄຳ-ທອງ​ເຊ​ໂປນ ຂອງ​ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ​ໃຫ້​ພົ້ນອອກ​ຈາກ​ເຂດ​ແດງ ມາ​ເປັນ​ເຂດ​ເຫຼືອງ ພາຍຫຼັງ​ທີ່ທາງພາກ​ສະ​ໜາມ​ບໍ່​ຄຳ-ທອງ ເຊ​ໂປນ ​ບໍ່​ມີ​ການ​ກວດ​ພົບການ​ຕິດ​ເຊື້ອ​ໃໝ່ ​ຜ່ານ​ມາ​​ໄດ້ 17 ວັນ​ຕິດ​ຕໍ່​ກັນ. ມາ​ຮອດ​ປັດ​ຈຸ​ບັນ ທຸກໆ​ບ້ານ​ໃນ​ເມືອງວິ​ລະ​ບູ​ລີ ໄດ້​ຖືກ​ປະ​ກາດ​ໃຫ້​ເປັນ​ເຂດ​ປອດ​ເຊື້ອ​ພະ​ຍາດ ເປັນ​ບ້ານ​ຂຽວ COVID-19 ​ໂດຍໄດ້​ມີ​ການ​ຜ່ອນ​ຜັນ​ມາດ​ຕະ​ການ​ຈຳ​ກັດ​ ຈຳ​ນວນ​ໜຶ່ງ.

ພາຍຫຼັງ​ທີີ່​ມີ​ການ​ຄົ້ນ​ພົບ​ກໍລະ​ນີຕິດ​ເຊື້ອ COVID-19 ​ໃນ​ພະ​ນັກ​ງານ​ຂອງ​ບໍ​ລິ​ສັດ​ຮັບ​ເໝົາ​ຂົນ​ສົ່ງ​ຈຳ​ນວນ​ໜຶ່ງ, ໂຄງ​ການ​ບໍໍ່​ຄຳ-ທອງ​ເຊ​ໂປນ​ກໍ​ໄດ້ ຍົກ​ລະ​ດັ​ບມາດ​ຕະ​ການ​ດ້ານ​ສຸ​ຂະ​ອະ​ນາ​ໄມ, ການ​ຈຳ​ກັດ​ບໍ​ລິ​ເວນ, ການ​ຄົ້ນ​ຫາ​ຜູ້​ສຳ​ຜັດ​ໃກ້​ຊິດ ແລະ ການກວດ​ຫາ​ເຊື້ອ ຢ່າງ​ຕັ້ງ​ໜ້າ ແລະ ທັນ​ການ ກໍ​ຄື​ສອດ​ຄ່ອງ​ກັບ ຄຳ​ສັ່ງ​ການ​ປ້ອງ​ກັນ ແລະ ຮັບ​ມື​ກັບ​ການ​ລະ​ບາດ​ທີ່​ລັດ​ຖະ​ບານ​ລາວ​ໄດ້​ວາງ​ອອກ ເພື່ອ​ໃຫ້​ສາ​ມາດລະ​ບຸ​ແຫຼ່ງ​ທີ່​ມາ​ຂອງ​ການ​ຕິດ​ເຊື້ອ ​ລວມ​ທັງ​​ການແຍກ​ປ່ຽວ​ຕໍ່​ກັບ​​ກໍ​ລະ​ນີ​ສ່ຽງ ເພື່ອຕັດ​ວົງ​ຈອນ​ການ​ຕິດ​ເຊື້ອ. ໃນ​ທັນ​ທີ ທີ່​ໄດ້​ກວດ​ພົບ​ການ​ຕິດ​ເຊື້ອ, ບໍ​ລິ​ສັດ​ກໍ່​ໄດ້​ລ໋ອກ​ດາວພາກ​ສະ​ໜາມ​ເຊ​ໂປນ​ໂດຍ​ຫ້າມ​ຄົນ​ເຂົ້າ-ອອກ ແລະ ໄດ້​ເຮັດ​ວຽກ​ຮ່ວມ​ມື​ຢ່າງ​ໃກ້​ຊິດ​ກັບ ອຳ​ນາດ​ການ​ປົກ​ຄອງ​ເມືອງ, ແຂວງ, ແລະ ຂັ້ນ​ສູນ​ກາງ ກໍ​ຄື ບໍ​ລິ​ສັດ​ຮັບ​ເໝົາ​ທ້ອງ​ຖິ່ນ ​ເພື່ອ​ປ້​ອງ​ກັນ​ບໍ່​ໃຫ້​ມີ​ການ​ລະ​ບາດ​ເພີ່ມ​ຕື່ມ.

ໂດຍ​ລວມ​ແມ່ນ​ໄດ້​ມີ​ການ​ລາຍ​ງານກໍ​ລະ​ນີ​ຕິດ​ເຊື້ອຢູ່​ສະ​ໜ​າມ​ເຊ​ໂປນ 33 ຄົນ ໃນ​ນັ້ນ​ເປັນ​ຜູ້​ຮັບ​ເໝົາ 25 ຄົນ ແລະ ພະ​ນັກ​ງານບໍ​ລິ​ສັດ ລ​ຊມ​ລ 8 ຄົນ. ທຸກໆ​ກໍ​ລະ​ນີ​ແມ່ນ​ຕິດ​ພັນ​ກັບ​ຜູ້​ຮັບ​ເໝົາ​ຂົນ​ສົ່ງ​ 25 ຄົນ ດັ່ງທີ່​ໄດ້​ລາຍ​ງານ​ໃນ​ເບື້ອງ​ຕົ້ນ. ບຸກ​ຄົນ​ທີ່​ຕິດ​ເຊື້ອ​ແມ່ນ​ໄດ້​ເຂົ້າ​ຮັບ​ການ​ປິ່ນ​​ປົວຢູ່​ສູນ​ປິ່ນ​ປົວ ທີ່​ແຂວງ​ສະ​ຫວັນ​ນິະເຂດ ​​ຕາມທີ່​ພາກ​ລັດ​​ໄດ້​ກຳ​ນົດໃຫ້ ແລະ ​ໄດ້ປິ່ນ​ປົວ​ຫາຍ​ດີ​ ຢ່າງ​ປອດ​ໄພ. ພາຍຫຼັງ​ສຳ​ເລັດ​ການ​ປິ່ນ​ປົວ, ທຸກໆ​ກໍ​ລະ​ນີ​ແມ່ນ​ໄດ້​ສືບ​ຕໍ່​ຈຳ​ກັດ​ບໍ​ລິ​ເວນ​ຢູ່​ສູນ ຄົບ​ຕາມ​ກຳ​ນົດ​ເວ​ລາ ​ທີ່​ລັດ​ຖະ​ບານ​ກຳ​ນົດໃຫ້​ ແລະ ຍັງ​ໄດ້​ກັກ​ຕົວ​​ຢູ່​ເຮືອນ​ຂອງ​ຕົນ ຕື່ມ​ອີກ 7 ວັນ.

ນັບ​ຕັ້ງ​ແຕ່ ວັນ​ທີ 22 ສິງ​ຫາ ທີ່​ໄດ້ເລີ່ມ​ມີ​ການ​​ຕິດ​ເຊື້ອ​​​, ບໍ​ລິ​ສັດ ລ​ຊມ​ລ ກໍ່ໄດ້​ດຳ​ເນີນ​ການກວດ​ເຊື້ອ COVID-19 11.000 ຕົວ​ຢ່າງ ໃຫ້​ແກ່​ພະ​ນັກ​ງານ ແລະ ຜູ້​ຮັບ​ເໝົາ​ຂອງ ລ​ຊມ​ລ ​ທຸກໆ​ຄົນ ຊຶ່ງ​ໃນ​ນັ້ນ, ນັບ​ແຕ່​ວັນ​ທີ 05 ກັນ​ຍາ ເປັນ​ຕົ້ນ​ມາ ກໍ່​ບໍ່​ໄດ້​ກວດ​ພົບ​ຜູ້​ຕິດ​ເຊື້ອ​ຕື່ມ ອີກ​ເລີຍ.

ຍ້ອນ​ການ​ສະ​ໜັບ​ສະ​ໜູນ​ຂອງ​ພະ​ແນກ​ສາ​ທາ​ລະ​ນະ​ສຸ​ກ​ແຂວງ​ສະ​ຫວັນ​ນະ​ເຂດ, ພະ​ນັກ​ງານ ແລະ ຜູ້​ຮັບ​ເໝົາ​ຂອງ   ລ​ຊມ​ລ 5,000 ຄົນ (99% ຂອງ​ແຮງ​ງານ​ທັງ​ໝົດ) ແມ່ນ​ໄດ້​ຮັບ​ວັກ​ຊີນ​ຕ້ານ COVID-19. ທຸ​ກ​ຄົນ​ທີ່​ຈະ​ເຂົ້າ​ພາກ​ສະ​ໜາມ​ເຊ​ໂປນ, ຫ້ອງ​ການ​ຢູ່​ນະ​ຄອນຫຼວງວຽງ​ຈັນ ແລະ ສະ​ຫວັນ​ນະ​ເຂດ ແມ່ນ​ຕ້ອງ​ມີ​ໃບ​ຢັ້ງ​ຢືນ​ການ​ສັກ​ວັກ​ຊີນ. ບໍ​ລິ​ສັດ ລ​ຊມ​ລ.​ ແມ່ນ​ໄດ້​ຕັ້ງ​ໜ້າປະ​ຕິ​ບັດ​ຕາມ​ລະ​ບຽບ​ການ​ຈຳ​ກັດ​ບໍ​ລິ​ເວນ ແລະ ກວດ​ຫາ​ເຊື້ອ​ຂອງ​ລັ​ດ​ຖະ​ບານ ກໍ​ຄື​ຄະ​ນະ​ສະ​ເພາະ​ກິດ ​ວາງ​ອອກ ສະ​ເໝີ​ມາ.

ບໍ​ລິ​ສັດ ລ​ຊມ​ລ ມີ​ຄວາມ​ມຸ່ງ​ໝັ້ນ​ເຮັດ​ວຽກ​ຮ່ວມ​ມື​ຢ່າງ​ໃກ້​ຊິດ​ກັບ ລັດ​ຖະ​ບານ ເພື່ອ​ຍົກ​ລະ​ດັບ​ຄວາມ​ອາດ​ສາ​ມາດ​ໃນ​ການ​ປ້ອງ​ກັນ​ການ​ແຜ່​ລະ​ບາດ​ COVID-19 ໂດຍໄດ້​ສະ​ໜອງ​ເຄື່ອງ​ມື​ກວດ​ເຊື້ອ​ COVID-19 ແບບ​ໄວ ພ້ອມ​ທັງສະ​ໜັບ​ສະ​ໜູນ​ອຸ​ປະ​ກອນ, ທຶນ​ຮອນຈຳ​ນວນ​ນຶ່ງ ​ໃຫ້​ແກ່​ເມືອງ​ວິ​ລະ​ບູ​ລີ ​ໃນ​ການ​ກະ​ກຽມ​ໂຮງ​ໝໍ​ພາກ​ສະ​ໜາມ ພ້ອມ​ທັງ​ໄດ້​ໃຫ້ການ​ສະ​ໜັບ​ສະ​ໜູນ​ໃຫ້​ແກ່​ແຂວງ​ສະ​ຫວັນ​ນະ​ເຂດ​ ໃນ​ການ​ຍົກ​ລະ​ດັບ​ສູນ​ຈຳ​ກັດ​ບໍ​ລິ​ເວນ ແລະ ເຄື່ອງກວດ​ເຊື້ອ​ແບບ PCR ເຂົ້າ​ໃນວຽກ​ງານ​ຂອງ​ແຂວງ ​ເພື່ອ​ປົກ​ປ້ອງ​ປະ​ຊາ​ກອນ ໃຫ້​ສາ​ມາດຫຼີກ​ເວັ້ນ​​ຈາກ​ການ​ລະ​ບາດ​ຂອງພະ​ຍາດ COVID-19. ມາ​ຮອດ​ປັດ​ຈຸ​ບັນ, ​ບໍ​ລິ​ສັດ ລ​ຊມ​ລ ໄດ້​ປະ​ກອບ​ສ່ວນ​ສະ​ໜັບ​ສະ​ໜູນ ໃຫ້​ແກ່ລັດ​ຖະ​ບາ​ນາວ​ໃນ​ການ​ປ້ອງ​ກັນ ແລະ ແກ້​ໄຂ​ການ​ລະ​ບາດ​ພະ​ຍາດ COVID-19 ຄິດ​ເປັນ​ຈຳ​ນວນ​ທັງ​ໝົດ 450.000 ໂດ​ລາ ສະ​ຫະ​ລັດ.

ໃນ​ດ້ານ​ເສດ​ຖະ​ກິດສັງ​ຄົມ, ນັບຕັ້ງ​ແຕ່​ໄດ້​ເລີ່ມ​ດຳ​ເນີນ​ງານ​ ໃນ​ປີ 2003, ບໍ​ລິ​ສັດ ລ​ຊມ​ລ ໄດ້​ປະ​ກອບ​ສ່ວນ US$1.5 ຕື້​ ເພື່ອເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ ບວກ​ກັບ ຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ທີ່​ເປັນ​ຜົນ​ປະ​ໂຫຍດ​ທາງ​ອ້ອມ ​ໂດຍຜ່ານ​ການ​ພັດ​ທະ​ນາ​ຊຸມ​ຊົນ, ການ​ສ້າງວຽກ​ເຮັດ​ງານ​ທຳ, ການ​ຝຶກ​ອົບ​ຮົມ​ ແລະ ​ການພັດ​ທະ​ນາ​ສີ​ມື​ແຮງ​ງານ ກໍ​ຄື ສະ​ໜັບ​ສະ​ໜູນ​ຫົວ​ໜ່ວຍ​ທຸ​ລະ​ກິດ​ທ້ອງ​ຖິ່ນ ​ຢູ່ແຂວງ​ສະ​ຫວັນ​ນະ​ເຂດ ແລະ ສ​ປ​ປ ລາວ.

ມື້​ວານນີ້, ເຈົ້າ​ແຂວງ​ສະ​ຫວັນ​ນະ​ເຂດ ທ່ານ ສັນ​ຕິ​ພາບ ພົມ​ວິ​ຫານ ພ້ອມ​ດ້ວຍ​ຄະ​ນະ ຈາກ​ພະ​ແນກ​ສາ​ທາ​ລະ​ນະ​ສຸກ ແຂວງ​ສະ​ຫວັນ​ນະ​ເຂດ ໄດ້ລົງ​ຢ້ຽມ​ຢາມບໍ່​ຄຳ-ທອງ​ເຊ​ໂປນ ແລະ ເມືອງວິ​ລະ​ບູ​ລີ ເພື່ອ​ຊຸກ​ຍູ້ວຽກ​ງານປ້ອງ​ກັ​ນ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ COVID-19. ທ່ານ ສັນ​ຕິ​ພາບ ພົມ​ວິ​ຫານ ໄດ້​ລົງ​ກວດກາ ຄ​ລີ​ນິກ​ພາກ​ສະ​ໜາມເຊ​ໂປນ ເພື່ອ​ຕິດ​ຕາມ​ການກວດ​ຫາ​ເຊື້ອ​ພະ​ຍາດ​ COVID-19, ສູນ​ຈຳ​ກັດ​ບໍ​ລິ​ເວນ ແລະ ສູນ​ແຍກ​ປ່ຽວ, ການ​ຄົ້ນ​ຫາ​ຜູ້​ສຳ​ຜັດ​ໃກ້​ຊິດ ແລະ ມາດ​ຕະ​ກາ​ນປ້ອງ​ກັນ​ອື່ນໆ.

ໃນ​ອາ​ທິດນີ້, ລ​ຊມ​ລ ໄດ້​ລາຍ​ງານ​ກໍ​ລະ​ນີ​ຕິດ​ເຊື້ອ 7 ຄົນ ເຊິ່ງ​ໃນ​ນັ້ນ​ມີ​ພະ​ນັກ​ງານ​ບໍ​ລິ​ສັດ​ຜູ້​ຮັບ​ເໝົາ 5 ກໍ​ລະ​ນີ ແລະ ​ພະ​ນັກ​ງານ​ຂອງ ລ​ຊມ​ລ 2 ກໍ​ລະ​ນີ. ທັງ​ໝົດ​ແມ່ນ ​ໄດ້​ເຂົ້າ​ຮັບ​ການ​ປິ່ນ​ປົວ​ຢູ່ສູນ​ປິ່ນ​ປົວ​ຂອງ​ແຂວງ​ສະ​ຫວັນ​ນະ​ເຂດ ​ແລະ ພວກ​ກ່ຽວ​ແມ່ນ​ມີ​ອາ​ການ​ປົກ​ກະ​ຕິ.

ໃນ​ຂະ​ນະ​ທີ່​ຈຳ​ນວນ​ຜູ້​ຕິດ​ເຊື້ອ COVID-19 ເພີ່ມ​ຂຶ້ນ​ຢູ່ ​ແຂວງ​ສະ​ຫວັນ​ນະ​ເຂດ (ທັງ​ເປັນທີ່​ຕັ້ງຂອງ ບໍ່​ຄຳ-ທອງ​ເຊ​ໂປນ)​ ແລະ ທົ່ວ​ປະ​ເທດ, ລ​ຊມ​ລ ໄດ້​ຈັດ​ຕັ້ງ​ປະ​ຕິ​ບັດ​ມາດ​ຕະ​ການປ້ອງ​ກັນ​ການ​ລະ​ບາດ​ຂອງ​ເຊື້ອ​ພະ​ຍາດ COVID-19 ຢູ່ ພາກ​ສະ​ໜາມ​ເຊ​ໂປນ ຢ່າງ​ເຄັ່ງ​ຄັດ ລວມ​ທັງ ​ການກວດ​ຫາ​ເຊື້ອແບບ​ໄວ ແອນ​​ຕີ​ເຈັນ ສຳ​ລັບ​ພະ​ນັກ​ງານ ແລະ ຜູ້​ຮັບ​ເໝົາທຸກ​ຄົນກ່ອນ​ທີ່​ຈະ​ເດີນ​ທາງ​ເຂົ້າ​ສະ​ໜາມ​ເຊ​ໂປນ. ນອກ​ຈາກນັ້ນ ທາງບໍລິສັດສາມາດສັກວັກຊີນ ໃຫ້​ແກ່ ພະ​ນັກ​ງານ ແລະ ຜູ້​ຮັບ​ເໝົາ ຫຼາຍກວ່າ 99% ໃນຈຳ​ນວນ 5,000 ຄົນ. ທີມ​ງານຂອງ​ບໍ​ລິ​ສັດ​ໄດ້ເລັ່ງ​ຂະ​ບວນ​ການ​ປ້ອງ​ກັນ ແລະ ຄວບ​ຄຸມ​ການ​ລະ​ບາດ​ຄັ້ງ​ນີ້​ຢ່າງວ່ອງ​ໄວ ແລະ ໄດ້ຕັ້ງ​ໜ້າ​ເຮັດ​ວຽກ​ຮ່ວມ​ກັບ​ອຳ​ນາດ​ການ​ປົກ​ຄອງ​ເມືອງ ແລະ ແຂວງເພື່ອ ກວດ​ຄົ້ນ​ຫາ​ຜູ້​​ສຳ​ຜັດ​ໃກ້​ຊິດ, ກວດ​ຫາ​ເຊື້ອ ແລະ ແຍກ​ປ່ຽວ​ກໍ​ລະ​ນີ​ສ່ຽງ ກໍ​ຄື ຄວບ​ຄຸມ​ບໍ່​ໃຫ້​ມີ​ການ​ແຜ່​ເຊື້ອ​ໄປ​ໃນ​ວົງ​ກວ້າງ.

ໃນ​ໄລ​ຍະສອງມື້​​ຜ່ານ​ມາ, ພວກ​ເຮົາ​ໄດ້​ມີ​ການກວດ​ຫາ​ເຊື້ອ​ COVID-19 ແບບ​ໄວແອນ​ຕີເຈັນໃຫ້​ພະ​ນັກ​ງານ ແລະ ຜູ້​ຮັບ​ເໝົາ ກວ່າ 3,300 ຄົນ ເຊິ່ງ​ໃນ​ນັ້ນເກືອບ 2,000 ຄົນ​ທີ່ກວດ​ໃນ​ມື້​ນີ້​ແມ່ນໄດ້​ຮັບ​ຜົນ​ກວດ​ເປັນ​ລົບ (ບໍ່​ຕິດ​ເຊື້ອ).  ພວກ​ເຮົາ​ແນໃສ່ ກວດ​ເຊື້ອ​ແບບ​ໄວ​ແອັນ​ຕີ​ເຈນ ໃຫ້​ແກ່​ແຮງ​ງານ​ຂອງ​ພວກ​ເຮົາ​ໃຫ້​ໄດ້​ຄົບ​ທຸກ​ຄົນ​ພາຍ​ໃນ ວັນ​ອາ​ທິດ (29 ສິງ​ຫາ) ທີ່​ຈະ​ມາ​ເຖິງ​ນີ້. ມາ​ຮອດ​ປັດ​ຈຸ​ບັນ ພວກ​ເຮົາ​ມີ 13 ກໍ​ລະ​ນີ ​ທີ່​ໄດ້​ຮັບ​ຜົນ​ກວດ​ເຊື້ອ​ແບບ​ໄວ​ແອັນ​ຕີ​ເຈນ​ເປັນ​ບວກ ​ແລະ ຍັງ​ຖ້າ​ການ​ຢັ້ງ​ຢືນ​ຈາກ​ຜົນ​ກວດ​ເຊື້ອ​ແບບ PCR. ພວກ​ເຮົາ​ຈະ​ສືບ​ຕໍ່​ກວດ​ຫາ​ເຊື້ອ ແລະ ຄົ້ນ​ຫາ​ຜູ້​ສຳ​ຜັດ​ໃກ້​ຊິດ ເພື່ອ​ຮັບ​ປະ​ກັນ​ຄວາມ​ປອດ​ໄພ​ຂອງແຮງ​ງານ ແລະ ຊຸມ​ຊົນ​ຂອງ​ພວກ​ເຮົາ.

ໃນ​ມື້ນີ້, ລ​ຊມ​ລ ໄດ້​ມອບ ຊຸດກວດ​ຫາ​ເຊື້ອ​ແບບ​​ໄວແອນ​ຕີ​ເຈັນ ໃຫ້​ແກ່ ​ໂຮງ​ໝໍ​ເມືອງວິ​ລະ​ບູ​ລີ ແລະ ​ຈະ​ສືບ​ຕໍ່​​ສະ​ໜັບ​ສະ​ໜູນ​ຊຸມ​ຊົນ ​ໃນ​ການ​ປ້ອງ​ກັນ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ COVID-19.

ບໍ​ລິ​ສັດ​ມີມາດ​ຕະ​ການ​​ປ້ອງ​ກັນ COVID-19 ຢ່າງເຄັ່ງ​ຄັດ ແລະ ຈະ​ສືບ​ຕໍ່ ເຮັດ​ວຽກຢ່າງ​ໃກ້​ຊິດກັບ ຜູ້​ມີ​ສ່ວ​ນ​ຮ່ວມ​ທຸກ​ຂັ້ນ ເພື່ອ​ຮັບ​ປະ​ກັນ​ຄວາມ​ປອດ​ໄພ ຂ​ອງ​ພະ​ນັກ​ງານ, ຜູ້​ຮັບ​ເໝົາ ແລະ ຊຸມ​ຊົນ ອ້ອມ​ຂ້າງບໍ່​ຄຳ-ທອງ​ເຊ​ໂປນ.

​ໃນ​ວັນ​ທີ 24 ສິງ​ຫາ 2021, ພາຍຫຼັງ​ໄດ້​ຮັບ​ຜົນ​ກວດ​ເຊື້ອ​ແບບ​ໄວ​ແອັນ​ຕີ​ເຈນ​ເປັນ​ບວກ, ພະ​ນັກ​ງານ​ຮັບ​ເໝົາຂອງ​ບໍ​ລິ​ສັດ ລ​ຊມ​ລ ໄດ້​ຮັບ​ຜົນ​ກວດ​ເຊື້ອ​ COVID-19 ແບບ PCR ເປັນ​ບວກ. ໃນ​ນັ້ນ, ​ໃນ​ວັນ​ທີ 23 ສິງ​ຫາ, ມີ​ສອງ​ຄົນ​ທີ່​ໄດ້​ຮັບ​ຜົນ​ກວດ​ແອັນ​ຕີ​ເຈນ​ເປັນ​ບວກ ຢູ່​ສະ​ຫວັນ​ນະ​ເຂດ ກ່ອນ​ຈະ​ເດີນ​ທາງ​ເຂົ້າ​ສະ​ໜາມ​ເຊ​ໂປນ. ນັບ​ແຕ່​ວັນ​ທີ 23 ສິງ​ຫາ​ ເປັນ​ຕົ້ນ​ມາ, ລ​ຊມລ ໄດ້​ດຳ​ເນີນ​ການກວດ​ເຊື້ອ​ແບບ​ໄວ​ແອັນ​ຕີ​ເຈນ 311 ຕົວ​ຢ່າງ ເຊິ່ງ​ໄດ້​ຊ່ວຍ​ໃຫ້​ພວກ​ເຮົາ​ລະ​ບຸ​ກໍ​ລະ​ນີ​ຕິດ​ເຊື້ອ​ດັ່ງ​ກ່າວ. ພະ​ນັກ​ງານ​ຮັບ​ເໝົາ​ທັງ 5 ຄົນ​ແມ່ນ ມີ​ອາ​ການ​ປົກ​ກະ​ຕິ ແລະ ໄດ້​ນຳ​ໄປ​ເຂົ້າ​ສູນ​ປິ່ນ​ປົວ​ທີ່​ພາກ​ລັດ​ກຳ​ນົດ ຢູ່ ແຂວງ​ສະ​ຫວັນ​ນະ​ເຂດ ໂດຍ​ສອດ​ຄ່ອງ​ກັບ​ລະ​ບຽ​ບ​ຂັ້ນ​ຕອນ​ຂອງ ຄະ​ນະ​ສະ​ເພາະ​ກິດ.

ລ​ຊມ​ລ ສືບ​ຕໍ່​ການ​ຄົ້ນ​ຫາ​ຜູ້​ສຳ​ຜັດ​ໃກ້​ຊິດ​ຢ່າງ​ຕັ້ງ​ໜ້າ ແລະ ກວ້າງ​ຂວາງ ເພື່ອ​ລະ​ບຸ​ແຫຼ່ງ​ທີ່​ມາ​ຂອງ​ການ​ຕິດ​ເຊື້ອ ແລະ ແຍກ​ປ່ຽ​ວ ພວກ​ກ່ຽວ. ພະນັກງານ ແລະ ຜູ້ຮັບເໝົາຂອງ ລຊມລ ທຸກຄົນ ທີ່ຈະເດີນທາງເຂົ້າພາກສະໜາມເຊໂປນ ແມ່ນຕ້ອງກວດເຊື້ອແບບ PCR ຢູ່​ນະ​ຄອນຫຼວງວຽງ​ຈັນ ຫຼື ກວດ​ເຊື້ອ​ແບບ​ໄວ​ແອັນ​ຕີ​ເຈນ ຢູ່ ສະຫວັນນະເຂດ ຫຼື ປະຕູຮົ້ວເຂົ້າພາກສະໜາມເຊໂປນ ແລະ ໄດ້ຮັບຜົນກວດເປັນລົບເສຍກ່ອນ, ຈຶ່ງ​ຈະ​ໄດ້​ຮັບ​ອະ​ນຸ​ຍາດ​ເຂົ້າ​ພາກ​ສະ​ໜາມ. ມາດ​ຕະ​ການ​ນີ້​ເປັນ​ມາດ​ຕະ​ການ​ເຝົ້າ​ລະ​ວັງ​ເພື່ອ​ຄວບ​ຄຸມ​ກາ​ນ​ລະ​ບາດ​ພະ​ຍາດ COVID-19.

ລຊມລ ສືບຕໍ່ເຮັດວຽກຢ່າງໃກ້ຊິດກັບ ຄະ​ນະ​ສະ​ເພາະ​ກິດ​ຂັ້ນ​ສູນ​ກາງ ແລະ ອຳນາດການປົກຄອງແຂວງສະຫວັນນະເຂດ ແລະ ຈະ​ສືບ​ຕໍ່ ສະ​ໜັບ​ສະ​ໜູນ​ມາດ​ຕະ​ການ​ຈຳ​ກັດ​ບໍ​ລິ​ເວນ ແລະ ການກວດ​ຫາ​ເຊື້ອ ເພື່ອຮັບປະກັນຄວາມປອດໄພຂອງພະນັກງານ, ຜູ້ຮັບເໝົາ ແລະ ຊຸມຊົນ.

ລຊມລ ຍັງໄດ້ຈັດຕັ້ງປະຕິບັດມາດຕະການປ້ອງກັນ ແລະ ຄວບຄຸມເພີ່ມຕື່ມ ລວມທັງ ໂຈະຊົ່ວຄາວການເດີນທາງເຂົ້າ-ອອກ ພາກສະໜາມເຊໂປນ, ການຍົກລະດັບຄວາມເຂັ້ມງວດ ຂອງ ມາດຕະການເວັ້ນໄລຍະຫ່າງ ແລະ ເພີ່ມທະວີການອະນາໄມ ແລະ ຂ້າເຊື້ອພື້ນທີ່ເຮັດວຽກ.

ທາງ​ບໍ​ລິ​ສັດ​ສາ​ມາດ​ສັກ​ວັກ​ຊີນ​ໃຫ້​ພະ​ນັກ​ງານ ແລະ ຜູ້​ຮັບ​ເໝົາ​ຂອງ​ບໍ​ລິ​ສັດ ໄດ້ທຸກ​ຄົນ ເຊິ່ງ​ເປັນ​ມາດ​ຕະ​ການສຳ​ຄັນ​ໃນ​ການ​ຄ​ວບ​ຄຸມ​ການ​ລະ​ບາດ​ຂອງ​ພະ​ຍາດ COVID-19. ບຸກ​ຄົນ​ທີ່​ໄດ້​ຮັບ​ວັກ​ຊີນ​ເທົ່າ​ນັ້ນ ຈະ​ໄດ້​ຮັບ​ອະ​ນຸ​ຍາດ​ເຂົ້າ​ພາກ​ສະ​ໜາມ​ເຊ​ໂປນ ແລະ ຫ້ອງ​ການ​ຢູ່​ສະ​ຫວັນ​ນະ​ເຂດ ແລະ ນະ​ຄອນຫຼວງວຽງ​ຈັນ.

​ໃນ​ວັນ​ທີ 10 ສິງ​ຫາ 2021, ບໍ​ລິ​ສັດ ຊື​ເຟິງ ລ້ານ​ຊ້າງ ມີ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ໄດ້​ລາຍ​ງານ​ກ່ຽວ​ກັບ​ຄວາມ​ຄືບ​ໜ້າ ແລະ ອະ​ນາ​ຄົດ​ຂອງ ບໍ່​ຄໍ​າ-ທອງ​ເຊ​ໂປນ ໃຫ້​ແກ່ ຜູ້​ຕາງ​ໜ້າ 60 ທ່ານ ຈາກ ພາກ​ລັດ​ຖະ​ບານ​ ແລະ ຊຸມ​ຊົນ​. ຜູ້​ຈັດການ​ໃຫຍ່ ລ​ຊມ​ລ ທ່ານ ພໍ ແຮ​ຣິ​ສ ໄດ້​ລາຍ​ງານ​ກ່ຽວ​ກັບ​ແຜນ​ການ​ຍືດ​ອາ​ຍຸ​ບໍ່​ແຮ່​ເຊ​ໂປນ ດ້ວຍ​ການ​ເລັ່ງ​ຂະ​ຫຍາ​ຍ​ວຽກ​ງານ​ສຳຫຼວດ ແລະ ລົງ​ທຶນ​ມະ​ຫາ​ສານ​ໃສ່​ໂຮງ​ງານ ແລະ ອຸ​ປະ​ກອນ​ໃໝ່ໆ.

ໂດຍ​ການ​ເປັນ​ປະ​ທານ​ຮ່ວມຂອງ ຮອງ​ລັດ​ຖະ​ມົນ​ຕີ​ກະ​ຊວງ​ພະ​ລັງ​ງານ ແລະ ບໍ່​ແຮ່ ທ່ານ ທອງ​ພັດ ອິນ​ທະ​ວົງ ແລະ ​ຮອງ​ເຈົ້າ​ແຂວງ​ສະ​ຫວັນ​ນະ​ເຂດ ທ່ານ ວຽງ​ທະ​ວີ​ສອນ ເທບ​ພະ​ຈັນ, ກອງ​ປະ​ຊຸມ​ຄັ້ງ​ນີ້ ມີ​ການ​ເຂົ້າ​ຮ່ວມ​ຈາກ​ຂະ​ແໜງ​ການ​ພາກ​ລັດ​​ທີ່​ກ່ຽວ​ຂ້ອງ ລວມ​ທັງ ກະ​ຊວງ​ພະ​ລັງ​ງານ ແລະ ບໍ່​ແຮ່, ກະ​ຊວງ​ແຜນ​ການ​ ແລະ ການ​ລົງ​ທຶນ, ກະ​ຊວງ​ການ​ເງິນ, ກະ​ຊວງ​ແຮງ​ງານ ແລະ ສະ​ຫວັດ​ດີການ​ສັງ​ຄົມ ພ້ອມ​ຜູ້​ຕາງ​ໜ້າ​ຈາກ​ຊຸມ​ຊົນ ແລະ ອົງ​ການ​ຂັ້ນ​ຮາກ​ຖານ. ບໍ​ລິ​ສັດ ລ​ຊມ​ລ ຈັດ​ກອງ​ປະ​ຊຸມ​ກັບ​ຜູ້​ມີ​ສ່ວນ​ຮ່ວມ​ເປັນ​ປະ​ຈຳ ແຕ່ ກໍ​ໄດ້​ຖືກ​ໂຈະ​ຊົ່ວ​ຄາວ​ຍ້ອນ ມາດ​ຕະ​ການ​ຈຳ​ກັດ​ການ​ລະ​ບາດ​ພະ​ຍາດ COVID-19.

ຜູ້​ເຂົ້າ​ຮ່ວມກອງ​ປະ​ຊຸມ ໄດ້​ປຶກ​ສາ​ຫາ​ລື​ກ່ຽວ​ກັບ ຜົນ​ການ​ປະ​ຕິ​ບັດ​ງານ​ດ້ານ​ຄວາມ​ປອດ​ໄພ ແລະ ສິ່ງ​ແວດ​ລ້ອມ, ສິ່ງ​ທ້າ​ທາຍ​ໃນ​ການ​ປະ​ຕິ​ບັດ​ງານ​ໃນ​ໄລ​ຍະ​ວິ​ກິດ​ການ COVID-19, ຜົນ​ປະ​ໂຫຍດ​ດ້ານ​ເສດ​ຖະ​ກິດ ໃຫ້​ແກ່ ສ​ປ​ປ ລາວ, ໂຄງ​ລ່າງ​ພື້ນ​ຖານ, ປະ​ເດັນ​ກ່ຽວ​ກັບ​ແຮງ​ງານ, ແຜນ​ການ​ປິດ​ບໍ່ ແລະ ການ​ພັດ​ທະ​ນາ​ຊຸມ​ຊົນ.  ​ຍ້ອນ​ການ​ສະໜັບ​ສະ​ໜູນ​ຈາກ ພະ​ແນກ​ສາ​ທາ​ລະ​ນະ​ສຸກ​ແຂວງ​ສະ​ຫວັນ​ນະ​ເຂດ, ລ​ຊມ​ລ ​ຈຶ່ງສາ​ມາດ ສັກ​ວັກ​ຊີນ​ຄົບ​ໂດ​ສ​ໃຫ້​ແກ່​ພະ​ນັກ​ງານຂອງ​ບໍ​ລິ​ສັດ 82% ແລະ 95% ແມ່ນ​ໄດ້​ຮັບ​ທັງ​ໜຶ່ງ​ໂດ​ສ.     ລ​ຊມ​ລ ໄດ້​ວາງ​ມາດ​ຕະ​ການ​ປ້ອງ​ກັນ​ຢ່າງ​ເຂັ້ມ​ງວດ ລວມ​ທັງ ການ​ກັກ​ບໍ​ລິ​ເວນ ແລະ ການກວດ​ຫາ​ເຊື້ອໃຫ້​ແກ່​ພະ​ນັກ​ງານ ເປັນ​ຕົ້ນ, ພ້ອມ​ທັງ ເລັ່ງ​ໃສ່​ສັກ​ວັກ​ຊີນ​ໃຫ້​ແກ່​ພະ​ນັກ​ງານ ແລະ ຜູ້​ຮັບ​ເໝົາ​ທຸ​ກ​ຄົນ ເພື່ອ​ປ້ອງ​ກັນ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ COVID-19 ແລະ ປົກ​ປ້ອງ​ພະ​ນັງ​ການ, ຄອບ​ຄົວ ແລະ ຊຸມ​ຊົນ.

ທ່ານ ພໍ ແຮ​ຣິ​ສ, ຜູ້​ຈັດ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ​: “ໂຄງ​ການ​ຂຸດ​ຄົ້ນ-ຜະ​ລິດ​ຄຳ-ທອງ​ເຊ​ໂປນ ໄດ້​ປະເຊີນ​ຄວາມ​ທ້າ​ທາຍຫຼາຍ​ປະ​ການ, ແຕ່​ພວກ​ເຮົາ​ໝັ້ນ​ໃຈ​ວ່າ ຈະ​ສາ​ມາດ​ຜ່ານ​ຜ່າ​ໄດ້ ດ້ວຍ​ການ​ສະ​ໜັບ​ສະ​ໜູນ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ​ຂອງ​ຜູ້​ມີ​ສ່ວນ​ຮ່ວມ.”

ຕັ້ງ​ແຕ່​ເລີ່ມ​ດຳ​ເນີນ​ງານ​ໃນ​ປີ 2003, ບໍ​ລິ​ສັດ ລ​ຊມ​ລ ໄດ້​ປະ​ກອບ​ສ່ວນ US$1.5 ຕື້ ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວ ຜ່ານ​ການ​ຈ່າຍ​ພາ​ສີ​ອາ​ກອນ, ຄ່າ​ຊັບ​ພະ​ຍາ​ກອນ​ແຮ່​ທາດ ແລະ ເງິນ​ປັນ​ຜົນ. ນອກ​ຈາກນັ້ນ ຍັງ​ໄດ້​ປະ​ກອບ​ສ່ວນ​ຜົນ​ປະ​ໂຫຍດ​ທາງ​ອ້ອມຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ຜ່ານ​ກາ​ນ​ຈັດ​ຊື້​ສິນ​ຄ້າ-ການ​ບໍ​ລິ​ການ​ທ້ອງ​ຖິ່ນ, ການ​ພັດ​ທະ​ນາ​ທຸ​ລະ​ກິດ ແລະ ຊຸມ​ຊົນ. ລ​ຊມ​ລ ບໍ່​ຄຳ-ທອງ​ເຊ​ໂປນ ໄດ້​ກັບມາ​ສູ່​ຍຸກ​ແຫ່ງ​ການ​ເຕີບ​ໂຕ​ຄືນ​ໃໝ່ ຍ້ອນ​ການ​ລົງ​ທຶນ​ຂອງ ບໍ​ລິ​ສັດ​ ຊື​ເຟິງ ເພື່ອ​ໃຫ້​ບັນ​ລຸຜົນ​ປະ​ໂຫຍດ​ຈາກ ທ່າ​ແຮງ​​ຂອງປະ​ລິ​ມານ​ແຮ່​ຄຳ​ທຳ​ມະ​ຊາດ ແລະ ແຮ່​ອື່ນໆ​ໃນ ສ​ປ​ປ ລາວ.

​ໃນ​ວັນ​ທີ 4 ສິງ​ຫາ 2021 ປະ​ທານບໍ​ລິ​ສັດ ຊື​ເຟິງ ຈີຫຼົ​ງ​ຂຸດ​ຄົ້ນ​ຄຳ ໄດ້​ຢ້ຽມ​ຄຳ​ນັບທ່ານ ສົມ​ມາດ ພົນ​ເສ​ນາ – ຮອງ​ປະ​ທານ​ສະ​ພາ​ແຫ່ງ​ຊາດ  ແລະ ທ່ານ ທອງ​ພັດ ອິນ​ທະ​ວົງ – ຮອງ​ລັດ​ຖະ​ມົນ​ຕີ​ກະ​ຊວງ​ພະ​ລັງ​ງານ ແລະ ບໍ່​ແຮ່ ເນືຶ່ອງໃນ​ໂອ​ກາດ​ທີ່​ທ່ານ ມາ​ຢ້ຽມ​ຢາມ ສ​ປ​ປ ລາວ ເຊິ່ງ​ເປັນ ຄັ້ງ​ທີ​ສອງ ຕັ້ງ​ແຕ່ ບໍ​ລິ​ສັດ ຊື​ເຟິງ ໄດ້​ກ້າວ​ມາ​ເປັນ​ຜູ່ຖືຮຸ້ນສ່ວນໃຫຍ່ໃນບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ–ທອງ​ເຊ​ໂປນ ນັບແຕ່​ປີ 2018 ເປັນຕົ້ນມາ. ທ່ານ ຫວາງ ໄດ້​ລາຍ​ງານ​ຄວາມ​ຄືບ​ໜ້າ​ຂອງ​ໂຄງ​ການ​ຄຳ–ທອງ​ ເຊ​ໂປນ ພ້ອມ​ທັ້ງ​ຢັ້ງ​ຢືນ​ແຜນ​ການ​ຂະ​ຫຍາຍ​ກິດ​ຈະ​ການດັ່ງກ່າວໃນ ສ​ປ​ປ ລາວ.

​ທ່ານ ຫວາງ ໄດ້​ສະ​ແດງ​ຄວາມ​ຂອບ​ໃຈ​​ຕໍ່ລັດ​ຖະ​ບານ​ລາວ​ ທີ່​ໄດ້ໃຫ້​ການ​ສະ​ໜັບ​ສະ​ໜູນ​ແກ່ ​ລ​ຊມ​ລ ແລະ ບໍ່​ຄຳ-ທອງ ເຊ​ໂປນ ສະ​ເໝີ​ມາ.

ບໍ​ລິ​ສັດ ​ຊື​ເຟິງ ລ້ານຊ້າງ ມີເນໂຣນສ ລິມິເຕັດ ໄດ້​ກັບ​ຄືນ​ມາ​ຜະ​ລິດ​ຄຳ​ ໃນປີ 2020 ແລະ ຍືດ​ອາ​ຍຸ​​​ບໍ່​ຄຳ-ທອງ ​ເຊ​ໂປນ​ ອອກໄປອີກ ເຮັດ​ໃຫ້ສາ​ມາດ​ສືບ​ຕໍ່​ສ້າງ​ຜົນ​ປະ​ໂຫຍດ​ດ້ານ​ເສດ​ຖະ​ກິດ​ໃຫ້​ແກ່ ສ​ປ​ປ ລາວ.

ທ່ານ ຫວາງ ຈ້ຽນ​ຫົວ, ປະ​ທານ ບໍ​ລິ​ສັດ ຊື​ເຟິງ ຈີຫຼົງ​ຂຸດ​ຄົ້ນ​ຄຳ ໄດ້​ກ່າວ​ວ່າ “ຄວາມ​ປອດ​ໄພ ແລະ ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ ເປັນ​ບຸ​ລິ​ມະ​ສິດ​ສຳ​ຄັນ​ທີ່​ສຸດ​ໃນ​ຂະ​ແໜງ​ການ​ບໍ່​ແຮ່.”

ລ​ຊມ​ລ ເປັນວິສາຫະກິດແບບຢ່າງໃນ ສປປ ລາວ ທີ່ໄດ້ຮັບກຽດຕິສັກໃນລະດັບດີເລີດໃນຂັ້ນ (A+) ຈາກກະຊວງພະລັງງານ ແລະ ບໍ່ແຮ່ ໃນດ້ານການປະຕິບັດໄດ້ ດຳເນີນການຂຸດຄົ້ນບໍ່ແຮ່ ຕາມມາດຕະຖານສາກົນ ລວມທັງການປົກປັກຮັກສາສິ່ງແວດລ້ອມ, ການພັດທະນາຊຸມຊົນແບບມີສ່ວນຮ່ວມ ແລະ ການປະຕິບັດມາດຕະຖານ ທາງດ້ານຄວາມປອດໄພ ໃນການເຮັດວຽກຂອງໂຄງການ.

ທ່ານ ຫວາງ ຍັງໄດ້ກ່າວ​ຕື່ມອີກ​ວ່າ​: “ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ ທີ່​ໄດ້​ເຫັນ​ຄວາມ​ຄືບ​ໜ້າ​ຂອງ​ໂຄງ​ການຂຸດຄົ້ນບໍ່​ຄຳ-ທອງ ​ເຊ​ໂປນ ທີ່ສາມາດສືບຕໍ່ດຳເນີນໄປໃນ​ຊ່ວງໄລ​ຍະ​ທີ່​ມີ​ຄວາມ​ທ້າ​ທາຍຈາກ​ການ​ລະ​ບາດ​ຂອງ​ພະ​ຍາດ COVID-19. ບໍ​ລິ​ສັດ ຊື​ເຟິງ ຂໍ​ຢັ້ງ​ຢືນ​ຄວາມ​ໝາຍ​ໝັ້ນ​ໃນ​ການ​ຮ່ວມ​ມື​ຢ່າງ​ໃກ້​ຊິດ ກັບ ລັດ​ຖະ​ບານ​ລາວ ເພື່ອ​ສະ​ໜັບ​ສະ​ໜູນ​ການ​ສ້າງວຽ​ກ​ເຮັດ​ງານ​ທຳ ແລະ ການ​ພັດ​ທະ​ນາ​ເສດ​ຖະ​ກິດ​ໃນ ສ​ປ​ປ ລາວ ກໍ​ຄື ການ​ຜ່າ​ນ​ຜ່າການ​ລະ​ບາດ​ໂຄວິດ​ນີ້ໄປ​ນຳ​ກັນ.” 

ທ່ານ ສົມ​ມາດ ພົນ​ເສ​ນາ, ຮອງ​ປະ​ທານ ສະ​ພາ​ແຫ່ງ​ຊາດ ກໍໄດ້ໄດ້ຍ້ອງ​ຍໍບໍ​ລິ​ສັດ ຊື​ເຟິງ ແລະ ລ​ຊມ​ລ ສຳ​ລັບ​ການ​ສະ​ໜັບ​ສະ​ໜູນ​ໃຫ້ແກ່ພາກລັດ ໃນ​ໄລ​ຍະ​ການ​ລະ​ບາດ​ຂອງ​ພະ​ຍາດ COVID-19. ຕັ້ງ​ແຕ່​ເລີ່ມ​ມີ​ການ​ລະ​ບາດ​ຂອງ​ພະ​ຍາດ​ໂຄວິດ​ໃນ ສ​ປ​ປ ລາວ, ລ​ຊມ​ລ ໄດ້​ປະ​ກອບສ່ວນເປັນທຶນຮອນ​ຫຼາຍກວ່າ​ US$370.000 ໃຫ້​ແກ່ລັດ​ຖະ​ບານ​ລາວ ເພື່ອ​ຈັດ​ຊື້​ວັກ​ຊີນ, ​ສະ​ໜັບ​ສະ​ໜູນ​ວຽກ​ງານ​ວິ​ເຄາະ-ກວດ​ຫາ​ເຊື້ອ, ກັກ​ບໍ​ລິ​ເວນ, ​ແພດ​ໝໍ, ໜ່ວຍ​ກູ້​ໄພ ແລະ ​ ​ວຽກ​ງານຮັບ​ມື​ສຸກ​ເສີນ​ອື່ນໆ.

ປະ​ທານ ບໍ​ລິ​ສັດ ຊື​ເຟິງ ຈີຫຼົງ​ຂຸດ​ຄົ້ນ​ຄຳ ທ່ານ​ ຫວາງ ຈ້ຽນ​ຫົວ ໄດ້ໃຫ້​ກຽດ​ເປັນ​ສັກ​ຂີ​ພິ​ຍານ ການ​ເປີດ​ໂຮງ​ງານ​ອົກ​ຊີ​ແຊນ​ຢ່າງ​ເປັນ​ທາງ​ການ ຢູ່ ໂຄງ​ການ​ຄຳ-ທອງ​ເຊ​ໂປນ​ຂອງ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ພ້ອມ​ທັງ​ສະ​ເຫຼີມ​ສະຫຼອງ​ນິ​ມິດ​ໝາຍ​ສຳ​ຄັນ​ນີ້​ກັບ ທີມ​ງານ​ຂອງ ບໍ​ລິ​ສັດ LXML.

ໂຮງ​ງານ​ອົກ​ຊີ​ແຊນ​ໃໝ່ ເປັນ​ອົງ​ປະ​ກອບ​ໜຶ່ງ​ຂອງ ‘ໂຄງ​ການ​ເຊ​ໂປນ 2.5’ ຂອງ LXML ທີ່​ຖືກ​ອອກ​ແບບ​ມາ​ເພື່ອ​ເພີ່ມ​ກຳ​ລັງ​ການປ້ອນ​ແຮ່​ເຂົ້າ​ໂຮງ​ງານຜະ​ລິດ​ຄຳ​ເຄົ້າ ຈາກ 1,5 ລ້ານ​ໂຕນ​ຕໍ່​ປີ ເປັນ 2,5 ລ້ານ​ໂຕນ ຕໍ່​ປີ. ບໍ​ລິ​ສັດ​ຊື​ເຟິງ ໄດ້​ລົງ​ທຶນຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ເພື່ອ​ຮັບ​ປະ​ກັນ​ອະ​ນາ​ຄົດ​ຂອງ LXML. ການ​ລົງ​ທຶນ​ເຫຼົ່າ​ນີ້​ຈະ​ສະ​ໜັບ​ສະ​ໜູນ ຜົນ​ການ​ຜະ​ລິດ​ຄຳ​ທີ່​ເພີ່ມ​ຂຶ້ນ ແລະ ຍືດ​ອາ​ຍຸ​ຂອງ​ບໍ່​ຄຳ-ທອງ​ເຊ​ໂປນ​ໄປ​ອີກ​10 ປີ ຢ່າງ​ຕ່ຳ.

ທ່ານ ຫວາງ ຈ້ຽນຫົວ, ປະ​ທານ ຊື​ເຟິງ ຈີຫຼົງ​ຂຸດ​ຄົ້ນ​ຄຳ ໄດ້​ກ່າວ​ວ່າ: “ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ ທີ່​ໄດ້​ເຫັນ​ຄວາມ​ຄືບ​ໜ້າ​ຢ່າງ​ກ້າວ​ກະ​ໂດດ​ຂອງ ໂຄງ​ການ​ຄຳ​-ທອງ​ເຊ​ໂປນ ໃນ​ໄລ​ຍະ​ສອງ​ປີ​ຜ່ານ​ມາ​ນີ້. ຂ້າ​ພະ​ເຈົ້າ​ຂໍ​ສະ​ແດງ​ຄວາມ​ຂອບ​ໃຈ​ມາ​ຍັງ ພະ​ນັກ​ງານ ແລະ ຜູ້​ຮັບ​ເໝົາ​ຂອງ​ພວກ​ເຮົາ, ກໍ​ຄື ການ​ຮ່ວມ​ມື​ທີ່​ເຂັ້ມ​ແຂງ​ກັບ ລັດ​ຖະ​ບານ ແລະ ຊຸມ​ຊົນ. ສ​ປ​ປ ລາວ ເປັນ​ບ່ອນ​ທີ່​ເອື້ອ​ອຳ​ນວຍ​ແກ່​ກາ​ນ​ລົງ​ທຶນ ແລະ ການດຳ​ເນີນ​ທຸ​ລະ​ກິດ.”

ໃນ​ວາ​ລະ​ທີ່ ທ່ານ ຫວາງ ມາ​ຢ້ຽມ​ຢາມ​ຄັ້ງ​ນີ້, ທ່ານ ໄດ້​ພົບ​ປະ​ກັບ ພະ​ນັກ​ງານ​ຂອງ​ໂຄງ​ການ​ຄຳ-ທອງ​ເຊ​ໂປນ ແລະ ຜູ້​ມີ​ສ່ວນ​ຮ່ວມ​ຈາກ ກະ​ຊວງ​ພະ​ລັງ​ງານ ແລະ ບໍ່​ແຮ່.

ໃນ​ປີ 2021, LXML ຄາດ​ໝາຍ​ຈະ​ຜະ​ລິດ​ຄຳ​ໃຫ້​ໄດ້ 7,6 ໂຕນ. ໂຮງ​ງານ ແລະ ອຸ​ປະ​ກອນ​ໃໝ່ ກໍ​ຈະ​ເລີ່ມ​ເປີດ​ນຳ​ໃຊ້ ເປັນ​ກ້າວໆ ໃນ​ໄລ​ຍະ 18 ຫາ 24 ເດືອນ​ຕໍ່​ໜ້າ ເພື່ອ​ຊ່ວຍ​ໃຫ້ ບໍ​ລິ​ສັດ​ບັນ​ລຸ​ເປົ້າ​ໝາຍ​ການ​ຜະ​ລິດ​ຢ່າງ​ປອດ​ໄພ.

LXML ໝຸ່ງ​ໝັ້ນ​ຮັກ​ສາ​ມາດ​ຕະ​ຖານ​ສາ​ກົນ, ພ້ອ​ມ​ທັງ​ຮັກ​ສາ​ກຽດ​ຕິ​ສັກ​ຂັ້ນ A+ ໃນການ​ເປັນ​ຜູ້​ນຳ​ທາງ​ດ້ານ​ການ​ຂຸດ​ຄົ້ນ​ບໍ່​ແຮ່​ທີ່​ທັນ​ສະໄໝທີ່​ທາງ​ກະ​ຊວງ​ພະ​ລັງ​ງານ ແລະ ບໍ່​ແຮ່​ໄດ້​ມອບ​ໃຫ້ ພ້ອ​ມ​ທັງ​ລາງວັນ​ທຸ​ລະ​ກິດ​ດີ​ເດັ່ນ​ດ້ານ​ການ ເພື່ອບັນ​ລຸ​ຜົນ​ການ​ຜະ​ລິດ ທີ່​ດີ​ທີ່​ສຸດ ໃນ​ຖາ​ນະ​ຄູ່​ຮ່ວມ​ພັດ​ທະ​ນາ ໃນ ສ​ປ​ປ ລາວ.

ໃນ​ວັນ​ທີ 16 ກໍ​ລະ​ກົດ 2021, ພະ​ນະ​ທ່ານ ຄຳ​ພັນ ພົມ​ມະ​ທັດ, ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ, ເລ​ຂາ​ທິ​ການ​ສູນ​ກາງ​ພັກ, ປະ​ທານ ຄະ​ນະ​ກວດ​ກາ​ສູນ​ກາງ​ພັກ, ປະ​ທານ ອົງ​ການກວດ​ກາ​ແຫ່ງ​ລັດ ແລະ ຫົວ​ໜ້າ​ ອົງ​ການ​ຕ້ານ​ການ​ສໍ້​ລາດ​ບັງຫຼວງຂັ້ນ​ສູນ​ກາງ ພ້ອມ​ດ້ວຍຄະ​ນະ ແລະ ການ​ນຳ​ແຂວງ​ສະ​ຫວັນ​ນະ​ເຂດ ໄດ້​ໃຫ້​ກຽດ​ຢ້ຽມ​ຢາມ ບໍ່​ຄຳ–ທອງ ​ເຊ​ໂປນ ​ເພື່ອ​ຊົມ​​ການ​ຜະ​ລິດຄຳ​ທີ່​ເພີ່ມ​ຂຶ້ນ​ ກໍ​ຄື​ ແຜນ​ການ​ກ່ຽວ​ກັບ​ໂຄງ​ການຄຳ, ພ້ອມ​ທັງຮັບ​ຟັງ​ການ​ລາຍ​ງານ​ກ່ຽວ​ກັບ ຜົນ​ສຳ​ເລັດ​ດ້ານການ​ປະ​ຕິ​ບັດ​​ວຽກ​ງານ​ສິ່ງ​ແວດ​ລ້ອມ, ຄວາມ​ປອດ​ໄພ, ມາດ​ຕະ​ການ​ປ້ອງ​ກັນ​ໂຄວິດ-19, ການ​ພັດ​ທະ​ນາ​ຊຸມ​ຊົນຂອງ​ບໍ​ລິ​ສັດ​ ແລະ ການ​ຮ່ວມ​ມືທີ່​ດີ​ຢ່າງ​ສະ​ເໝີ​ມາ​ ກັບ​ອຳ​ນາດ​ການ​ປົກ​ຄອງ​ທ້ອງ​ຖິ່ນ​.

ບໍ​ລິ​ສັດ ລ້ານ​ຊ້າງ ມີ​ເນ​ໂຣນ​ສ໌ ລິ​ມິ​ເຕັດ (LXML) ເປັນ​ວິ​ສາ​ຫະ​ກິດ​ແບບ​ຢ່າງໃນ ສ​ປ​ປ ລາວ ແລະ ໄດ້ຮັບ​ລາງວັນ​ຍ້ອງ​ຍໍ​ລະ​ດັ​ບ​ດີ​ເລີດ (A+) ​ຢ່າງສະ​ເໝີ​ມາ ເຊິ່ງມອບ​ໂດຍ ກະ​ຊວງ​ພະ​ລັງ​ງານ ແລະ ບໍ່​ແຮ່ ສຳ​ລັບ ການ​ປະ​ຕິ​ບັດ​ໄດ້​ມາດ​ຕະ​ຖານ​ສາ​ກົນ​ດ້ານ​ການ​ຂຸດ​ຄົ້ນ​ບໍ່​ແຮ່.

ທ່ານ ສະ​ໝານ ອະ​ເນ​ກາ, ຜູ້ອຳ​ນວຍ​ການ​ໃຫຍ່ LXML ໄດ້​ກ່າວ​ວ່າ: “LXML ມີ​ຄວາມ​ມຸ່ງ​ໝັ້ນ ​ຕໍ່​ການ​ຮ່ວມ​ມື ແລະ ເຮັດ​ວຽກ​ຮ່ວມກັນຢ່າງ​ຕັ້ງ​ໜ້າ ​ກັບ​ລັດ​ຖະ​ບານ ​ໃນ​ນາມ​ຄູ່​ຮ່ວມ​ພັດ​ທະ​ນາ. LXML ມີ​ຄວາມ​ພາກ​ພູມ​ໃຈ​ສຳ​ລັບ​ການ​ປະ​ກອບ​ສ່ວນ​ ​ຕໍ່ການ​ພັດ​ທະ​ນາ​ເສດ​ຖະ​ກິດ–ສັງ​ຄົມ​ໃນ ສ​ປ​ປ ລາວ.”

ຕັ້ງແຕ່ເລີ່ມດຳເນີນການຂຸດຄົ້ນ-ຜະລິດຄຳ-ທອງໃນປີ 2003, ໂຄງການຄຳ-ທອງ ເຊໂປນ ໄດ້ຜະລິດແທ່ງຄຳຫຼາຍກວ່າ 1,2 ລ້ານ ອອນສ໌ ແລະ ຜະລິດແຜ່ນທອງຫຼາຍກວ່າ 1 ລ້ານໂຕນ; ໄດ້ສ້າງຜົນປະໂຫຍດໂດຍກົງຫຼາຍກວ່າ US$1,5 ຕື້ ໃຫ້ແກ່ ສປປ ລາວ ໂດຍຜ່ານການຈ່າຍພາສີ-ອາກອນ, ພາສີຊັບພະຍາກອນແຮ່ທາດ ແລະ ເງິນປັນຜົນ.

ນອກຈາກນັ້ນ ໂຄງການຄຳ-ທອງເຊໂປນຍັງໄດ້ສ້າງຜົນປະໂຫຍດທາງອ້ອມ ດ້ວຍການສ້າງວຽກເຮັດງານທຳ, ຜ່ານການຝຶກອົບຮົມຕ່າງໆ, ການພັດທະນາຊຸມຊົນ ແລະ ສ້າງລາຍໄດ້ ໃຫ້ແກ່ບັນດາຜູ້ຮັບເໝົາທ້ອງຖິ່ນ (ລວມ​ທັງ ລັດ​ວິ​ສາ​ຫະ​ກິດ​ໄຟ​ຟ້າ​ລາວ, ລັດ​ວິ​ສາ​ຫະ​ກິດ​ນ້ຳ​ມັນ​ເຊື້ອ​ໄຟ​ລາວ, ບໍ​ລິ​ສັດ​ສະ​ຫວັນ​ໂລ​ຈິ​ສ​ຕິກ) ອັນໄດ້ສ້າງຜົນປະໂຫຍດທາງບວກຢ່າງມະຫາສານໃຫ້ແກ່ການພັດທະນາເສດຖະກິດ-ສັງຄົມ. LXML ໄດ້ລົງທຶນຫຼາຍຮ້ອຍລ້ານໂດລາສະຫະລັດ ເຂົ້າໃສ່ການພັດທະນາ ແລະ ການຝຶກອົບຮົມພະນັກງານ ກໍ​ຄື ຊັບ​ພະ​ຍາ​ກອນ​ມະ​ນຸດ. ໃນຊຸມຊົນເມືອງວິລະບູລີ ໄດ້ມີປະຊາຊົນກວ່າ 40.000 ຄົນ ໄດ້ຮັບຜົນປະໂຫຍດຈາກ ໂຄງການພັດທະນາຊຸມຊົນ ຂອງໂຄງການຄຳ-ທອງ ເຊໂປນ ລວມມູນຄ່າ US$13 ລ້ານ (ຜ່ານກອງ​ທຶນ​ປະ​ຈຳ​ປີ ແລະ ໂຄງ​ການ​ປັບ​ປຸງ​ຊີ​ວິດ​ການ​ເປັນ​ຢູ່​ສຳ​ລັບ​ຜູ້​ທີ່​ດ້ອຍ​ໂອ​ກາດ​ທີ່​ສຸດ ຢູ່​ອ້ອມ​ຂ້າງ​ບໍ່​ຄຳ-ທອງ ​ເຊ​ໂປນ) ແລະ ລາຍໄດ້ຂອງກຸ່ມທຸລະກິດທ້ອງຖິ່ນ ກໍໄດ້ທະວີຄູນຂຶ້ນເປັນ US$33 ລ້ານ. ໃນ​ປັດ​ຈຸ​ບັນ,  LXML ​ມີ​ພະ​ນັກ​ງານ​ປະ​ມານ 5.000 ຄົນ ເພື່ອ​ສະ​ໜັບ​ໜູນ​ໄລ​ຍະ​ການ​ພັດ​ທະ​ນາ​ໂຮງ​ງານ​ ແລະ ອຸ​ປະ​ກອນ​ໃໝ່ ເພື່ອ​ເພີ່ມ​ການ​ຜະ​ລິດ​ຄຳ ແລະ ຍືດ​ອາ​ຍຸ​ຂອງ​ບໍ່​ຄຳ-ທອງ ​ເຊ​ໂປນ.

ໃນ​ຖາ​ນະ​ຄູ່​ຮ່ວມ​ພັດ​ທະ​ນາ ແລະ ຜູ້​ຈ່າຍ​ພາ​ສີ​ອາ​ກອນ​ສຳ​ຄັນ​ໃນ ສ​ປ​ປ ລາວ, LXML ມີ​ຄວາມ​ມຸ່ງ​ໝັ້ນເປັນບໍ​ລິ​ສັດ​ຂຸດ​ຄົ້ນ​ບໍ່​ແຮ່​ທີ່ດີ​ເລີດ ແລະ ສ້າງ​ຄວາມ​ອຸ​ດົມ​ຮັ່ງ​ມີ​ໃຫ້​ແກ່ສັງ​ຄົມ.

ໃນ​ອາ​ທິດ​ຜ່ານ​ມາ, ບໍ​ລິ​ສັດ ລ້ານ​ຊ້າງ ມີ​ເນ​ໂຣນ​ສ໌ ລິ​ມິ​ເຕັດ (LXML) ບໍ່​ຄຳ-ທອງ​ເຊ​ໂປນ ໄດ້​ຄົ້ນ​ພົບ​ວັດ​ຖຸ​ບູ​ຮານ​ຈຳ​ນວນ​ໜຶ່ງ​ທີ່​ມີ​ອາ​ຍຸ​ເກົ່າ​ແກ່ 2,000 ປີ​ພາຍ​ໃນຂົງ​ເຂດ​ຂອງ​ບໍ່​ຄຳ-ທອງ​ເຊ​ໂປນ. ວັດ​ຖຸ​ບູ​ຮານ​ທີ່​ຄົ້ນ​ພົບ​ລວມ​ມີ ຂວານ​ເຫຼັກ ແລະ ໄຫ​ຂະ​ໜາດ​ໃຫຍ່​ທີ່​ໃຊ້​ເຂົ້າ​ໃນ​ພິ​ທີ​ກຳ​ການ​ຝັງ​ສົບ​ຄັ້ງ​ທີ 2 ໃນ​ໄລ​ຍະ​ທ້າຍ​ຍຸກ​ທອງ​ຕົ້ນ​ຍຸກ​ເຫຼັກ.

ໃນ​ປີ 2008 ກໍ​ໄດ້​ຄົ້ນ​ພົບ​ໄຫ​ທີ່​ຄ້າຍ​ຄື​ໄຫ​ຂະ​ໜາດ​ໃຫຍ່​ດັ່ງ​ກ່າວ ຢູ່​ເຂດ​ທົ່ງ​ນາ​ເງືອກ ເຊິ່ງ ໄດ້​ຖືກ​ສະ​ເໜີ​ເປັນ ສະ​ຖານ​ທີ່​ມໍ​ລະ​ດົກ​ຂອງ​ແຂວງ​ສະ​ຫວັນ​ນະ​ເຂດ.

ນອກ​ນາກ​ນັ້ນ, ທີມ​ງານ​ບູ​ຮານວິທະຍາ​ຂອງ LXML ຍັງ​ໄດ້​ຄົ້ນ​ພົບ​ໄຫ​ເນື້ອ​ແຂງ​ເຊິ່ງ​ໃນ​ໄຫ​ມີ​ຂວານ​ເຫຼັກ, ປອກ​ແຂນ​ທອງ​ ແລະ ໝາກ​ປັດ​ທີ່​ເຮັດ​ດ້ວຍ​ເປືອກ​ຫອຍ ແລະ ກ້າງ​ປາ ທີ່​ມີ​ອາ​ຍຸ​ປະ​ມານ ໄລ​ຍະສະ​ຕະ​ວັດ​ທີ 12; ພ້ອມ​ເຄື່ອງ​ມື​ທັນ​ສະ​ໄໝ​ທີ່​ສັນ​ນິ​ຖານ​ໃນ​ເບື້ອງ​ຕົ້ນ​ວ່າ ມາ​ຈາກ ສະ​ໄໝ​ລ້ານ​ຊ້າງ​ລະ​ຫວ່າງ ສະ​ຕະ​ວັດ​ທີ 17 ເຖິງ 19.

ໃນ​ໄລ​ຍະ​ຕົ້ນ​ປີ​ນີ້, LXML ​ຍັງໄດ້​ຄົ້ນ​ພົບ​ວັດ​ຖະ​ບູ​ຮານ​ອາ​ຍຸ​ເກົ່າ​ແກ່ 6,000 ປີ​ຈາກ ຍຸກ​ຫີນ​ຂັດ ຢູ່​ໃກ້​ບໍ່​ຄຳ-ທອງ​ເຊ​ໂປນ.

ນັບ​ຕັ້ງ​ແຕ່​ເລີ່ມ​ດຳ​ເນີນ​ງານ​ໂຄງ​ການ​ຄຳ-ທອງ​ເຊ​ໂປນ ​ໃນ​ປີ 2003, LXML ໄດ້​ອຸ​ປະ​ຖຳ​ແຜນ​ງານ​ທີ່​ສຳ​ຄັນ​ໃນ​ການ​ອະ​ນຸ​ລັກ​ມໍ​ລະ​ດົກ​ທາງວັດ​ທະ​ນະ​ທຳ​ໃນ​ເມືອງວິ​ລະ​ບູ​ລີ​ ໂດຍ​ການ​ຮ່ວມ​ມື​ກັບ ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແລະ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ ເພື່ອຮັບ​ປະ​ກັນ​ການ​ອະ​ນຸ​ລັກ​ປະ​ຫວັດ​ສາດ​ລາວ​ສຳ​ລັບ​ຜົນ​ປະ​ໂຫຍດ​ຂອງ​ຄົນ​ຮຸ່ນ​ຕໍ່​ໄປ. ວັດ​ຖະ​ບູ​ຮານ​ຈຳ​ນວນ​ໜຶ່ງ​ແມ່ນ​ໄດ້​ນຳ​ໄປ​ວາງ​ສະ​ແດງ​ຢູ່​ຫໍ​ວັດ​ທະ​ນະ​ທຳ​ເມືອງວິ​ລະ​ບູ​ລີ, ຫໍພິ​ພິດ​ທະ​ພັນ​ແຂວງ​ສະ​ຫວັນ​ນະ​ເຂດ ແລະ ​ຫໍພິ​ພິດ​ທະ​ພັນ​ແຫ່ງ​ຊາດ​ຢູ່​ນະ​ຄອນຫຼວງວຽງ​ຈັນ.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່​ LXML ໄດ້​ກ່າວ​ວ່າ: “ບໍ​ລິ​ສັດ​ຂອງ​ພວກ​ເຮົາ​ຍົກ​ສູງ​ ການ​ເຄົາ​ລົບ​ນັບ​ຖື​ວັດ​ທະ​ນະ​ທຳ ແລະ ຮີດ​ຄອງ​ປະ​ເພ​ນີ​ຂອງ​ຊຸມ​ຊົນ​ເຈົ້າ​ພາບ​ຂອງ​ພວກ​ເຮົາ​. ຕັ້ງ​ແຕ່​ປີ 2008 ເປັນ​ຕົ້ນ​ມາ, LXML ໄດ້​ລົງ​ທຶນຫຼາຍກວ່າ US$1.5 ລ້ານ ​ເພື່ອ​ສະ​ໜັບ​ສະ​ໜູນ ການ​ອະ​ນຸ​ລັກ​ປະ​ຫວັດ​ສາດ​ລາວ ແລະ ມໍ​ລະ​ດົກ​ວັດ​ທະ​ນະ​ທຳ​ສຳ​ລັບ​ຄົນ​ຮຸ່ນ​ຕໍ່​ໄປ.”

ໃນ​ໄລ​ຍ​ຜ່ານ​ມາ ແມ່ນ​ໄດ້​ມີ​ການ​ຄົ້ນ​ພົບ​ວັດ​ຖຸ​ບູ​ຮານ​ສຳ​ຄັນຫຼາຍ​ອັນຢູ່ ບໍ່​ຄຳ-ທອງ​ເຊ​ໂປນ. ພວກ​ເຮົາ​ເຊື່ອ​ວ່າ ການ​ຂຸດ​ຄົ້ນ-ປຸງ​ແຕ່ງ​ແຮ່​ບູຮານ​ໃນ​ຂົງ​ເຂດ​ບໍ່​ຄຳ-ທອງ​ເຊ​ໂປນ​ນີ້ ໄດ້​ສືບ​ຕໍ່​ມາ​ເຖິງ​ປະ​ມານ 1300 ປີ​ກ່ອນ (ປະ​ມານ ຄ​ສ 700) ເຊິ່ງ​ເປັນ​ໄລ​ຍະ​ທີ່ ຜູ້​ຄົນ​ໄດ້​ຂຸດ​ຄົ້ນ​ແຮ່​ທອງ​ທີ່​ອຸ​ດົມ​ສົມ​ບູນ ຢູ່​ເຂດ​ທີ່​ຮູ້​ກັນ​ວ່າ “ເປີ້ນ​ເບົ້າຫຼໍ່” ແລະ “ທົ່ງ​ນາ​ເງືອກ” ແລ້ວ​ນຳ​ໄປ​ປຸງ​ແຕ່ງ ແລະ ແລກ​ປ່ຽນ. ການ​ສັນ​ນິ​ຖານ​ນີ້ ແມ່ນ ມາ​ຈາກ ກາກບອນ​ທີ່​ພົບ​ໃນ​ຝາ​ກະ​ແຕະ​ໄມ້​ໄຜ່ ຈາກ​ຂຸມ​ບໍ່​ແຮ່​ບູ​ຮານ​ໃນ​ຕະ​ກອນ​ຕົມ​ທີ່​ຢູ່​ເລິກ​ໄປ​ຈາກ​ໜ້າ​ດິນ​ (ເລິກ 10 – 40 ແມັດ).

ການ​ຂຸດ​ຄົນ​ບໍ່​ແຮ່ ເປັນ​ປັດ​ໃຈ​ສຳ​ຄັນ​ໃນ​ການ​ພັດ​ທະ​ນາ​ພົນ​ລະ​ເມືອງ ແລະ ສັງ​ຄົມ​ມາ​ແຕ່​ປະ​ຫວັດ​ສາດ. ການ​ຂຸດ​ຄົ້ນ ຍັງ​ຈະ​ດຳ​ເນີນ​ຕໍ່​ໄປ ແລະ ພວກ​ເຮົາ​ຫວັງ​ວ່າ ຈະ​ໄດ້​ເຜີຍ​ແຜ່​ການ​ຄົ້ນ​ພົບ​ອັນ​ໜ້າ​ຕື່ນ​ເຕັ້ນ​ກວ່າ​ເກົ່າ ກ່ຽວ​ກັບ ວັດ​ທະ​ນະ​ທຳ ແລະ ປະ​ຫວັດ​ສາດ​ລາວ.

15 ມິ​ຖຸ​ນາ 2021, ປະ​ທານ ສະ​ພາ​ແຫ່ງ​ຊາດ ພະ​ນະ​ທ່ານ ປອ ໄຊ​ສົມ​ພອນ ພົມ​ວິ​ຫານ ໄດ້​ເຂົ້າ​ຮ່ວມ​ພິ​ທີ​ອັນ​ເຊີນ​ຮູບຫຼໍ່​ເຄິ່ງ​ຄີງ​ປະ​ທານ ໄກ​ສອນ ພົມ​ວິ​​ຫານ ທັງ​ເປັນ​ວິ​ລະ​ບູ​ລຸດ​ຂອງ​ຊາດ ກໍ​ຄື ປວງ​ຊົນ​ລາວ ຂຶ້ນປະ​ດິດ​ສະ​ຖານ ທີ່​ອະ​ນຸ​ສອນ​ສະ​ຖານ​ຂອງທ່ານປະທານ ທີ່ເມືອງ ວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ.

​ປອ ໄຊ​ສົມພອນ ພົມ​ວິ​ຫານ ພ້ອມ​ຂະ​ນະ​ລວມ​ທັງ ເຈົ້າ​ແຂວງໆ​ສະ​ຫວັນ​ນະ​ເຂດ ທ່ານ ສັນ​ຕິ​ພາບ ພົມ​ວິ​ຫານ, ຍັງ​ໄດ້​ລົງ​ຢ້ຽມ​ຢາມ​ໂຄງ​ການ​ຄຳ–ທອງ​ເຊ​ໂປນ ຂອງ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (LXML) ເພື່ອ​ຢ້ຽມ​ຊົມ​ການ​ຜະ​ລິດ ແລະ ຮັບ​ຟັງ​ການ​ລາຍ​ງານ​ກ່ຽວ​ກັບ ຜົນ​ສຳ​ເລັດ​ດ້ານ​ວຽກ​ງານ​ສິ່ງ​ແວດ​ລ້ອມ, ຄວາມ​ປອດ​ໄພ ແລະ ການ​ພັດ​ທະ​ນາ​ຊຸມ​ຊົນ​ຂອງ​ບໍ​ລິ​ສັດ. LXML ເປັນ​ວິ​ສາ​ຫະ​ກິດ​ແບບ​ຢ່າງໃນ   ສ​ປ​ປ ລາວ ແລະ ໄດ້ຮັບ​ລາງວັນ​ຍ້ອງ​ຍໍ​ລະ​ດັ​ບ​ດີ​ເລີດ (A+) ​ຢ່າງສະ​ເໝີ​ມາ ເຊິ່ງມອບ​ໂດຍ ກະ​ຊວງ​ພະ​ລັງ​ງານ ແລະ ບໍ່​ແຮ່ ໃນດ້ານການ​ປະ​ຕິ​ບັດ​ໄດ້ ຕາມ​ມາດ​ຕະ​ຖານ​ສາ​ກົນ​ດ້ານ​ການ​ຂຸດ​ຄົ້ນ​ບໍ່​ແຮ່, ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ, ການ​ພັດ​ທ​ະ​ນາ​ຊຸມ​ຊົນ ແລະ ມາດ​ຕະ​ຖານ​ດ້ານ​ຄວາມ​ປອດ​ໄພໃນການດຳເນີນໂຄງການ. 

​ອະນູສອນສະຖານ–ຮູບຫຼໍ່​ເຄິ່ງ​ຄີງ​ປະ​ທານ ໄກ​ສອນ ພົມ​ວິ​ຫານ ແມ່ນ​ໄດ້ຮັບການກໍ່ສ້າງຈາກກອງ​ທຶນ​ພັດ​ທະ​ນາ​ຊຸມ​ຊົນ​ ທີ່​ສະ​ໜັບ​ສະ​ໜູນໂດຍ ບໍລິສັດ LXML. ນອກ​ຈາກ​ນີ້​ແລ້ວ​ ໃນຜ່ານມາ ບໍລິສັດຍັງ​ໄດ້​ກໍ່​ສ້າງຫໍ​ວັດ​ທະ​ນະ​ທຳ​ເມືອງວິ​ລະ​ບູ​ລີ ເພື່ອ​ຊຸກ​ຍູ້​ການ​ທ່ອງ​ທ່ຽວ​ໃນ​ພາກ​ພື້ນ ນຳອີກດ້ວຍ.

 ທ່ານ ສະ​ໝານ ອະ​ເນ​ກາ, ອຳ​ນວຍ​ການ​ໃຫຍ່ LXML ໄດ້​ກ່າວ​ວ່າ: “ບໍ່ວ່າຍາມໃດກໍຕາມ ບໍລິສັດ LXML ​ແມ່ນຍັງສືບຕໍ່​ສະ​ໜັບ​ສະ​ໜູນ​ການ​ພັດ​ທະ​ນາ​ບຸກຄະລາກອນ ແລະ ຊຸມ​ຊົນ​ເຈົ້າ​ພາບ. ບໍລິສັດມີ​ຄວາມ​ພາກ​ພູມ​ໃຈ​ທີ່​ໄດ້​​ປະ​ກອບ​ສ່ວນ​ສ້າງ​ຮູບຫຼໍ່​ເຄິ່ງ​ຄີງ ກໍ​ຄື ອະ​ນຸ​ສາ​ວະ​ລີ ປະດິດສະຖານໄວ້ໃນໃຈກາງ​ເມືອງວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ ທີ່​ເປັນ​ແຂວງຖິ່ນກຳເນີດ​ຂອງພະນະທ່ານ ໄກສອນ ພົມວິຫານ–ຜູ້​ກໍ່​ຕັ້ງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ແລະ ສ​ປ​ປ ລາວ ເພື່ອເປັນ​ກຽດອັນສູງສົ່ງໃຫ້​ແກ່ພະນະທ່ານ.”

ພິ​ທີທີ່ເປັນ​ນິ​ມິດ​ໝາຍ​ສຳ​ຄັນ​ຄັ້ງ​ນີ້ ແມ່ນ​ໄດ້​ຈັດ​ຂຶ້ນ​ທີ່ອະ​ນຸ​ສອນ​ສະ​ຖານ​ ກໍ​ຄື ຫ້ອງ​ການ​ເມືອງວິ​ລະ​ບູ​ລີ. ພາຍ​ໃຕ້​ການ​ນຳ​ພາ​ຂອງ​ການນຳເມືອງວິ​ລະ​ບູ​ລີ ໂດຍ​ສົມ​ທົບ​ກັບບໍລິສັດ LXML, ການ​ກໍ່​ສ້າງ​ເດີ່ນ​ສວນອ້ອມ​ອະ​ນຸ​ສອນສະຖານປະ​ທານ​ ໄກ​ສອນ ພົມ​ວິ​ຫານ ແມ່ນ​ໄດ້​ເລີ່ມ​ຂຶ້ນໃນເດືອນ ກຸມ​ພາ 2021.

ໃນຜ່ານມາ, ນັບ​ແຕ່​ປີ 2003, ກອງ​ທຶນ​ພັດ​ທະ​ນາ​ຊຸມ​ຊົນ​ຂອງ LXML ໄດ້​ລົງ​ທຶນ US$10 ລ້ານ ສະ​ໜັບ​ສະ​ໜູນ​ເມືອງວິ​ລະ​ບູ​ລີ ເພື່ອ​ປັບ​ປຸງ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ ໂດຍ​ສອດ​ຄ່ອງ​ກັບ ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ແຫ່ງ​ຊາດ​ລາວ.

ໃນ​ຖາ​ນະ​ຄູ່​ຮ່ວມ​ພັດ​ທະ​ນາ​ສຳ​ຄັນ​ໃນ ສ​ປ​ປ ລາວ, LXML ມີ​ຄວາມ​ມຸ່ງ​ໝັ້ນເປັນບໍ​ລິ​ສັດ​ຂຸດ​ຄົ້ນ​ບໍ່​ແຮ່​ດີ​ເລີດ ແລະ ສ້າງ​ຄວາມ​ອຸ​ດົມ​ຮັ່ງ​ມີ​ໃຫ້​ແກ່ສັງ​ຄົມ.

ພະ​ນະ​ທ່ານ ປອ ໄຊ​ສົມ​ພອນ ພົມ​ວິ​ຫານ, ປະ​ທານ​ສະພາ​ແຫ່ງ​ຊາດ (ທີ 2 ຈາກ​ຂວາ) ໄດ້​ຢ້ຽມ​ຊົມຄວາມ​ຄືບ​ໜ້າ​ຂອງ​ການ​ຜະ​ລິດ​ຄຳ ຂ​ອງໂຄງ​ການ​ຄຳ-ທອງ​ເຊ​ໂປນ ພ້ອມ​ທັງ​ຍົກ​ແທ່ງຄຳ​ຮ່ວມ​ກັບ ທ່ານ ຝູ ເຊຍ​ເຊິນ, ປະ​ທານ ບໍ​ລິ​ສັດ LXML (ທີ 2 ຈາກຊ້າຍ) ໂດຍ​ມີ​ທ່ານ​ ສັນ​ຕິ​ພາບ​ ພົມ​ວິ​ຫານ, ເຈົ້າ​ແຂ​ວງ​ສະ​ຫວັນ​ນະ​ເຂດ (ດ້ານ​ຂວາ) ແລະ ທ່ານ ພໍ ແຮ​ຣີ​ສ, ຜູ້​ຈັດ​ການ​ໃຫຍ່ LXML (ດ້ານ​ຊ້າຍ).

ທ່ານ​ ສັນ​ຕິ​ພາບ​ ພົມ​ວິ​ຫານ, ເຈົ້າ​ແຂ​ວງ​ສະ​ຫວັນ​ນະ​ເຂດ (ທີ 5 ຈາກຂວາ), ທ່ານ ຝູ ເຊຍ​ເຊີນ, ປະ​ທານ ບໍ​ລິ​ສັດ LXML (ທີ 4 ຈາກຂວາ), ທ່ານ ພໍ​ ແຮ​ຣີ​ສ ຜູ້​ຈັດ​ການ​ໃຫ​ຍ່ ບໍ່​ຄຳ–ທ​ອງ​ເຊ​ໂປນ (ທີ 6 ຈາກຂວາ) ເຂົ້າຮ່ວມ​ພິ​ທີ​ອັນ​ເຊີນ​ຮູບຫຼໍ່​ເຄິ່ງ​ຄີງ​ປະ​ທານ ໄກ​ສອນ ພົມ​ວິ​​ຫານ ທີ່ເມືອງ ວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ.

ໂດ​ຣນ​ທັນ​ສະ​ໄໝ​ທຳ​ອິດ​ຂອງ​ໂລກ – ຫຼື ພາ​ຫະ​ນະ​ທາງ​ອາ​ກາດ​ທີ່​ບໍ່​ມີ​ຄົນ​ນັ່ງ​ຂັບ – ໄດ້​ຖືກ​ສ້າງ​ຂຶ້ນ​ໃນ​ປີ 1935 ເພື່ອ​ຝຶກ​ອົບ​ຮົມ​ນັກ​ບິນ. ຕັ້ງ​ແຕ່ນັ້ນ​ມາ, ໂດ​ຣນ​ ໄດ້​ຖືກ​ນຳ​ໃຊ້​ໃນຫຼາກຫຼາຍ​ອຸດ​ສາ​ຫະ​ກຳ​ນັບ​ແຕ່ ການ​ທະ​ຫານ, ກະ​ສິ​ກຳ, ການ​ບັນ​ເທີງ ຕະຫຼອດ​ຮອດ ບໍ່​ແຮ່.

ທີ່ LXML, ພວກ​ເຮົາ​ນຳ​ໃຊ້ ໂດ​ຣນ ເພື່ອ​ຊ່ວຍ​ໃຫ້​ພວກ​ເຮົາ​ບັນ​ລຸ​ເປົ້າ​ໝາຍ​ການ​ຂຸດ​ຄົ້ນ​ບໍ່​ແຮ່ ແລະ ທັງຮັກ​ສາຄວາມ​ປອດ​ໄພ​ຂອງ​ພະ​ນັກ​ງານ ກໍ​ຄື ຊຸມ​ຊົນ​. ໂດ​ຣນ ເປັນ​ເຄື່ອງ​ມື​ດີ​ເລີດ​ເພື່ອ​ບັນ​ລຸ​ວຽກ​ງານ ການ​ວາງ​ແຜນ​ການ​ຂຸດ​ຄົ້ນ, ​ດ້ານການ​ດຳ​ເນີນ​ງານ, ດ້ານ​ສິ່ງ​ແວດ​ລ້ອມ ແລະ ວຽກ​ງານ​ຊຸມ​ຊົນ.   ໂດ​ຣນ ຈະ​ໃຫ້​ພາບ​ທີ່ກວ້າງ​ໃກ້​ຈາກ​​ລະ​ດັບ​ສູງ​ທາງ​ອາ​ກາດ ໃຫ້​ພວກ​ເຮົາ​ເຫັນ ຮ່ອງ​ຮອຍ​ທີ່ຖືກ​ລົບ​ກວນ ແລະ ຊ່ວຍ​ໃຫ້​ພວກ​ເຮົາ​ເຂົ້າ​ເຖິງ​ເຂດ​ຫ່າງ​ໃກ​ສອກຫຼີກ.

LXML ມີ​ພະ​ນັກ​ງານ 24 ຄົນ​ຈາກ​ທີມ​ງານ ຂຸດ​ຄົ້ນ​ບໍ່​ແຮ່, ສິ່ງ​ແວດ​ລ້ອມ, ແລະ ພົວ​ພັນ​ກັບ​ຊຸມ​ຊົນ ເຊິ່ງ​ໃນ​ນັ້ນ​ມີ​ແມ່​ຍິງ 3 ຄົນ ທີ່​ສາ​ມາດ​ບິນ​ໂດ​ຣນ​ເພື່ອ​ຮັບ​ໃຊ້​ວຽກ​ງານ​ປະ​ຈຳ​ວັນ​ຂອງ​ພວກ​ເຮົາ.

ການ​ຊີ​ເຈາະ ແລະ ລະ​ເບີດ​ຫີນ ເປັນ​ວຽກ​ງານ​ທີ່​ປະ​ຕິ​ບັດ​ເປັນ​ປະ​ຈຳ​ທີ່​ບໍ່​ຄຳ-ທອງ​ເຊ​ໂປນ ກ່ອນ​ທີ່​ພວກ​ເຮົາ​ຈະ​ສາ​ມາດ​ຂຸດ​ຄົ້ນ​ແຮ່​ໄດ້. ນັກ​ບິນ​ຂອງ​ພວກ​ເຮົາ ບິນ​ໂດ​ຣນ​ທຸກໆ​ມື້​ເພື່ອ​ຮັບ​ປະ​ກັນ​ວ່າ ບຸກ​ຄົນ ແລະ ສັດ​ສາ​ວາ​ສິ່ງຈະ​ບໍ່​ຢູ່ພາຍ​ໃນ​ຂອບ​ເຂດ​ຫວງ​ຫ້າມ (ລັດ​ສະ​ໝີ 500ມ) ກ່ອນ​ທີ່​ຈະ​ລະ​ເບີດ​ຫີນ. ນອກ​ຈາກນັ້ນ, ພວກ​ເຮົາ​ຍັງ​ນຳ​ໃຊ້ ພາບຫຼັງ​ການ​ລະ​ເບີດ​ຫີນ​ເພື່ອ ວິ​ເຄາະ ແລະ ຕິດ​ຕາມ​ຄວາມ​ປອດ​ໄພ ໂດຍ​ສະ​ເພາະ ເວ​ລາ​ລະ​ເບີດ​ຫີນຢູ່​ໃກ້ເຂດ​ຊຸມ​ຊົນ.

ໃນ​ກິດ​ຈະ​ກຳ​ການ​ຂຸດ​ຄົ້ນ​ບໍ່​ແຮ່, ພວກ​ເຮົາ​ນຳ​ໃຊ້ ໂດ​ຣນ​ເພື່ອສຳຫຼວດ​ເນື້ອ​​ທີ່, ວາງ​ແຜນ​ບໍ່​ທີ່​ຈະ​ລະ​ເບີດ, ເກັບ​ກຳ​ຮູບ​ພາບ ຄວາມ​ຄືບ​ໜ້າ​ການ​ຂຸດ​ຄົ້ນ, ປະ​ເມີນ​ການ​ສັນ​ຈອນ​ພາຍ​ໃນ​ເຂດ​ບໍ່​ແຮ່ ແລະ ກວດ​ກາ​ສະ​ພາບ​ການ​ດຳ​ເນີນ​ງານ. ໃນ​ວຽກ​ງານ​ການ​ຄຸ້ມ​ຄອງ​ສິ່ງ​ແວດ​ລ້ອມ, ໂດ​ຣນ ຊ່ວຍ​ພວກ​ເຮົາ​ໃນ​ການ ກວດ​ກາ​ວຽກ​ງານ​ຟື້ນ​ຟູ​ຕ່າງໆ ແລະ ກິດ​ຈະ​ກຳ​ການ​ຄຸ້ມ​ຄອງ​ນ້ຳ. ໃນ​ວຽກ​ງານ​ຊຸມ​ຊົນ, ໂດ​ຣນ ສະ​ໜັບ​ສະ​ໜູນວຽກ​ງານ​ການ​ໄກ່​ເກ່ຍ​ຄຳ​ຮອງ​ທຸກ​ຂອງ​ຊຸມ​ຊົນ ແລະ ວຽກ​ງານ​ເຂົ້າ​ຫາ​ທີ່​ດິນ​ຕ່າງໆ.

ເຮົາ​ມາ​ພົບກັບ ກັບ​ຕັນ​ບິນ​ໂດ​ຣນ ຂອງ LXML ​ທັງ 3 ທ່ານ ພ້ອມ​ທັກ​ສະ​ຂອງ​ພວກ​ເຂົາ.

ຈັນ​ທະ​ວີ ອິນ​ທະ​ສຸກ, ວິ​ສະ​ວະ​ກອນ ດ້ານ​ການ​ຊີ​ເຈາະ ແລະ ລະ​ເບີດ​ຫີນ, ຈາກ ນະ​ຄອນຫຼວງວຽງ​ຈັນ

​ຈັນ​ທະ​ວີ ເປັນ​ແມ່​ຍິງ​ຜູ້​ດຽວ​ໃນສະ​ມາ​ຊິກ 5 ຄົນ​ຂອງ​ທີມ​ງານຊີ​ເຈາະ ແລະ ລະ​ເບີດ​ຫີນ. ລາວ​ໄດ້​ເລີ່ມ​ເຮັດ​ວຽກ​ກັບ ລ​ຊມ​ລ ໃນ​ເດືອນ ເມ​ສາ 2020.

“ຂ້າ​ພ​ະ​ເຈົ້າ​ໄດ້​ຝຶກ​ບິນ​ໂດ​ຣນ ເປັນ​ເວ​ລາ​ໜ 1 ອາ​ທິດ ແລະ ບິນ​ມາ​ໄດ້​ 1 ​ປີ​ພໍ​ດີ. ການ​ບິນ​ໂດ​ຣນ ທີ່​ທ້າ​ທາຍ​ເປັນ​ພິ​ເສດ​ແມ່ນ​ຕອນ​ບິນ​ໃນ​ລະ​ດູ​ຝົນ, ການ​ບິນ​ຢູ່​ເຂດ​ພູ​ສູງ ແລະ ເວ​ລາ​ສັນ​ຍານ​ຕັດ ລະ​ຫວ່າງ​ໂດຣ​ນ ແລະ ເຄື່ອງ​ຄວບ​ຄຸມ​!”

ບຸນ​ຕ້ອນ ສິດ​ທິ​ເດດ, ພ​ະ​ນັກ​ງານ​ໄກ່​ເກ່ຍ ແລະ ມໍ​ລະ​ດົກ​ວັດ​ທະ​ນະ​ທຳ, ຈາກ ເມືອງວິ​ລະ​ບູ​ລີ

ບຸນ​ຕ້ອນ​ ເປັນ​ແມ່​ຍິງ​ຜູ້​ດຽວ​ໃນ​ສະ​ມາ​ຊິກ 4 ຄົນ​ຂອງ ທີມ​ງານພົວ​ພັນ​ກັບ​ຊຸມ​ຊົນ​ທີ່​ສາ​ມາດ​ບິນ​ໂດ​ຣນ.

“ຂ້າ​ພະ​ເຈົ້າ​ໄດ້​ຝຶກ​ບິນ​ໂດ​ຣນ ​ເປັນ​ເວ​ລາ​ 1 ເດືອນ ແລະ ບິນ​ມາ​ໄດ້  6 ເດືອນ​ພໍ​ດີ. ຂ້າ​ພະ​ເຈົ້າ​ບິນ​ໂດ​ຣນ​ເພື່ອ​ໃຫ້​ໄດ້​ພາບ​ຊັດ​ເຈນ ຂອງ​ພື້ນ​ທີ່ໆ​ອາດ​ໄດ້​ຮັບ​ຜົນ​ກະ​ທົບ​ຈາກ​ໂຄງ​ການ​ຂອງ​ພວກ​ເຮົາ ເຊັ່ນ ໜອງ​ປາ ແລະ ດິນ​ນາ​ຂອງ​ຊຸມ​ຊົນ. ຂ້າ​ພະ​ເຈົ້າ​ຄິດ​ວ່າ ສິ່ງ​ທີ່​ສຳ​ຄັນຫຼາຍ​ສຳ​ລັບ​ຜູ້​ທີ່​ບິນ​ໂດ​ຣນ ແມ່ນ​ຕ້ອງມີ​ສະ​ມາ​ທິ​ສູງ ແລະ ມີ​ໄຫວ​ພິບວ່ອງ​ໄວ​ເວ​ລາ ບິນ​ໃນ​ພື້ນ​ທີ່​ຫຍຸ້ງ​ຍາກ​ກັນ​ດານ​ເປັນ​ຕົ້ນ​ຢູ່​ເຂດ​ພູ​ຄ້ອຍ​ຊັນ.”

ບົວ​ຜັນ ພຽນ​ອາ​ສາ, ວິ​ສະ​ວະ​ກອນ – ປັບ​ປຸງການ​ຂຸດ​ຄົ້ນ​ແຮ່, ຈາກ​ນະ​ຄອນຫຼວງວຽງ​ຈັນ

ບົວ​ຜັນ​ ເປັນ​ແມ່​ຍິງ​ຜູ້​ດຽວ​ໃນ​ສະ​ມາ​ຊິກ​ 5 ຄົນ ຂອງ​ທີມ​ງາ​ນ​ຂຸດ​ຄົ້ນ​ບໍ່​ແຮ່ ທີ່​ສາ​ມາດ​ບິນ​ໂດ​ຣນ.

“ຂ້າ​ພະ​ເຈົ້າ​ໄດ້​ຝຶກ​ບິນ​ໂດ​ຣນ ເປັນ​ເວ​ລາ 2 ອາ​ທິດ ແລະ ໄດ້​ເລີ່ມ​ບິນ​ໃນ​ຕົ້ນ​ເດືອນ​ ພຶດ​ສະ​ພາ​ທີ່​ຜ່ານ​ມາ​ນີ້. ຂ້າ​ພະ​ເຈົ້າ​ເຫັນ​ວ່າ ເວ​ລາ​ທີ່​ບິນ​ໂດ​ຣນ​ທີ່​ເໝາະ​ສົມ​ທີ່​ສຸດ​ແມ່ນ​ຫລັງ​ຈາກ 10 ໂມງ​ເຊົ້າ ເມື່ອ​ແສງ​ພໍ​ດີ​ງາມ ແລະ ໃນ​ເວ​ລາ​ທີ່​ບໍ່​ມີ​ລົມ. ພະ​ແນກ​ຂອງ​ພວກ​ເຮົາ​ນຳ​ໃຊ້ ໂດ​ຣນສຳ​ລັບຫຼາຍ​ໜ້າ​ວຽກ ເປັນ​ຕົ້ນເພື່ອ ກວດ​ກາ​ກິດ​ຈະ​ກຳ​ຊີ​ເຈາະ ແລະ ລະ​ເບີດ​ຫີນ, ເກັບ​ພາບ​ຄວາມ​ຄືບ​ໜ້າ​ຂອງວຽກ​ງານ​ຂຸດ​ຄົ້ນ​ແຮ່​ໃນ​ແຕ່​ລະ​ບໍ່ ແລະ ໃນ​ແຕ່​ລະໄລ​ຍະ​ເວ​ລາ​ຂອງ​ກິດ​ຈະ​ກຳ​ການ​ພັດ​ທະ​ນາ. ການ​ບິນ​ໂດ​ຣນ ເຮັດ​ໃຫ້​ເຮົາເຫັນ​ມຸ​ມມອງ​ທີ່​ດີ​ໃນ​ການ​ດຳ​ເນີນ​ງານ​ຂອງ​ພວກ​ເຮົາ ເພື່ອ​ໃຫ້​ໄດ້ມີ​ຂໍ້​ມູນເລິກ​ເຊິ່ງ​​ຂື້ນຕື່ມ. ໂດ​ຣນ ຈະ​ໃຫ້​ພາບ​ທີ່ກວ້າງ​ໃກ​ຈາກຫຼາກຫຼາຍ​ມູນ ທີ່​ສາ​ມາດ​ຊ່ວຍ​ໃຫ້​ພວກ​ເຮົາ​ສາ​ມາດ​​ວາງ​ແຜນ ແລະ ຕັດ​ສິນ​ໃຈ​ໄດ້​ເລິກ​ເຊິ່ງ​ຮອບດ້ານ​ຂຶ້ນ.”

ບໍ​ລິ​ສັດ ລ້ານ​ຊ້າງ ມີເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ ເຊ​ໂປນ ໄດ້​ມອບ​ເງິນ​ຊ່ວຍ​ເຫຼືອ US$15,000 ໃຫ້​ແກ່ ແຂວງ​ສະ​ຫວັນ​ນະ​ເຂດ​ ເພື່ອ​ສະ​ໜັບ​ສະ​ໜູນ​ວຽກ​ງານ​ປ້ອງ​ການ ແລະ ຕ້ານ​ການ​ລະ​ບາດ​ຂອງ​ພະ​ຍາດ COVID-19.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່  ລ​ຊມລ. ກ່າວ​ວ່າ “ແຂວງ​ສະ​ຫວັນ​ນະ​ເຂດ​ໄດ້​ຕັ້ງ​ໜ້າ​ຮັບ​ມື​ກັບ​ການ​ສະ​ກັດ​ກັ້ນ ແລະ ຄວບ​ຄຸມ​ຄື້​ນ​ທີ 2 ຂອງ​ການ​ລະ​ບາດ​ພະ​ຍາດ COVID-19 ສຳ​ເລັດຕັ້ງ​ແຕ່​ຫົວ​ທີ ຈົນ​ມາ​ຮອດ​ປັດ​ຈຸ​ບັນ​ສ່ວນ​ໃຫຍ່​ກໍ​ເປັນ​ກໍ​ລະ​ນີ​ນຳ​ເຂົ້າ-ກໍ​ລະ​ນີ​ແຮງ​ງານ​ເດີນ​ທາງ​ກັບ​ມາ​ປະ​ເທດ​ຢ່າງ​ຖືກ​ກົດ​ໝາຍ”​ ທ່ານ​ກ່າວຕື່ມ​ອີກວ່າ “ທາງ​ບໍ​ລິ​ສັດ​ພູມ​ໃຈ​ທີ່ ​ເງິນ​ຊ່ວຍ​ເຫຼືອ​ຂອງ​ພວກ​​ເຮົາ​ຈະ​ປະ​ກອບ​ສ່ວນ​​ສານ​ຕໍ່​ວຽກ​ງານ ກໍ​ຄື​ ຄວາມ​ພະ​ຍາ​ຍາມ​ຂອງ​ແຂວງ​ໃນ​ການ​ຮັກ​ສາ​ໃຫ້​ຊຸມ​ຊົນ​ປອດ​ໄພ​ຈາກ​ພະ​ຍາດ COVID-19 ແລະ ໃນ​ຕໍ່​ໜ້າ​ຟື້ນ​ຟູ​ເສດ​ຖະ​ກິດ​ທ້ອງ​ຖິ່ນ.”

ໃນ​ເດືອນ​ຜ່ານ​ມາ, ລ​ຊມ​ລ ໄດ້​ມອບ US$100,000 ໃຫ້​ແກ່​ລັດ​ຖະ​ບານ​ລາວ ເພື່ອ​ສະ​ໜັບ​ສະ​ໜູນ​ວຽກ​ງານ​ຮັບ​ມື​ກັບ​ການ​ລະ​ບາດ​ພະ​ຍາດ COVID-19 ໃນ ສ​ປ​ປ ລາວ. ລ​ຊມ​ລ ຍັງ​ໄດ້​ປະ​ກອບ​ສ່ວນ​ເປັນ​ເງິນ​ຈຳ​ນວນ 116.115.000 ກີ​ບ ​ໃຫ້​ແກ່ ພະ​ແນກ​ສາ​ທາ​ລະ​ນະ​ສຸກ ​ແຂວງ​ສະ​ຫວັນ​ນະ​ເຂດ ເພື່ອ​ກໍ່​ສ້າງ​ຫ້ອງ​ນ້ຳ-ຫ້ອງ​ອາບ​ນ້ຳ​ເພື່ອ​ໂຮງ​ໝໍ​ພາກ​ສະ​ໜາມ ແລະ ອີກ 50.000.000 ກີບ ໃຫ້​ແກ່​ເມືອງວິ​ລະ​ບູ​ລີ ສຳ​ລັບ​ວຽກ​ງານ​ຟື້ນ​ຟູ​ຕ່າງໆ.  ອີກ 60,000,000 ກີບ ແມ່ນ​ໄດ້​ມອບ​ໃຫ້​ແກ່ ໜ່ວຍ​ກູ້​ໄພ​ທີ່​ນະ​ຄອນຫຼວງວຽງ​ຈັນ ແລະ ສະ​ຫວັນ​ນະ​ເຂດເພື່ອ​ສະ​ໜັບ​ສະ​ໜູນຄວາມ​ອາດ​ສາ​ມາດ​ໃນ​ການ​ຮັບ​ມື​ເຫດ​ສຸກ​ເສີນ ໃນ​ໄລ​ຍະ​ນີ້.

ມາຮອດປັດຈຸບັນ, ໂດຍການຮ່ວມມືກັບລັດຖະບານລາວ, ລຊມລ ໄດ້ຊ່ວຍເຫຼືອ US$370,000 ສຳລັບວຽກງານປ້ອງກັນ, ສະກັດກັ້ນ ແລະ ຮັບມືກັບພະຍາດ COVID-19 ໃນ ສປປ ລາວ.

ການ​ປະ​ກອບ​ສ່ວນ​ເຫຼົ່າ​ນີ້​ຈະ​ຍົກ​ລະ​ດັບ​ຄວາມ​ອາດ​ສາ​ມາດ​ຂອງ​ລັດ​ຖະ​ບານ​ລາວ ໃນ​ການ​ສັກ​ວັກ​ຊີນ​ໃຫ້​ແກ່​ປະ​ຊາ​ກອນ​ພ​າຍ​ໃນ​ປະ​ເທດ ແລະ ປະ​ຕິ​ບັດ​ມາດ​ຕະ​ການ​ປ້ອງ​ກັນ​ອື່ນໆ ຢ່າງ​ມີ​ປະ​ສິ​ດ​ທິ​ຜົນ.

ນອກຈາກນີ້ກໍຕ້ອງໄດ້ສະແດງຄວາມຂອບໃຈມາຍັງ ກະຊວງສາທາລະນະສຸກ, ໂດຍສະເພາະແມ່ນພະແນກສາທາລະນະສຸກແຂວງສະຫວັນນະເຂດ ທີ່ໄດ້ສະໜອງວັກຊີນໃຫ້ແກ່ ທາງບໍລິສັດ ເຊິ່ງມາຮອດປັດຈຸບັນ ລຊມລ ໄດ້ສັກວັກຊີນໃຫ້ແກ່ 90% ຂອງພະນັກງານໃນບໍລິສັດ ກວມເອົາປະມານ 3,300 ຄົນ ໃນໄລຍະສອງ-ສາມ​ອາ​ທິດຜ່ານມາ.

75% ຂອງ​ພະ​ນັກ​ງານ​ ລ​ຊມ​ລ ແມ່ນ​ຄົນ​ທ້ອງຖິ່ນ​ຈາກ​ເມືອງວິ​ລະ​ບູ​ລີ ແລະ ແຂວງ​ສະ​ຫວັນ​ນະ​ເຂດ.

ລຊມລ ມຸ່ງໝັ້ນເພື່ອສະໜັບສະໜູນ ຄວາມພະຍາຍາມຂອງລັດຖະບານລາວ ໃນການສະກັດກັ້ນພະຍາດ COVID-19 ກໍຄື ສືບຕໍ່ປະຕິບັດມາດຕະການຕ່າງໆຢ່າງເຂັ້ມງວດເພື່ອປົກປ້ອງພະນັກງານ ແລະ ຊຸມຊົນໃຫ້ປອດໄພຈາກ COVID-19.

​ບໍ​ລິ​ສັດ ລ້ານ​ຊ້າງ ມີເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ ເຊ​ໂປນ ໄດ້​ມອບ​ເງິນ​ຊ່ວຍ​ເຫຼືອ 50,000,000 ​ກີບ​ໃຫ້​ແກ່ ເມືອງວິ​ລະ​ບູ​ລີ​ ເພື່ອ​ສະ​ໜັບ​ສະ​ໜູນ​ວຽກ​ງານ​ປ້ອງ​ການ ແລະ ຕ້ານ​ການ​ລະ​ບາດ​ຂອງ​ພະ​ຍາດ COVID-19.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ: “ນັບ​ຕັ້ງ​ແຕ່​ມີ​ການ​ລະ​ບາດ​ຂອງ​ພະ​ຍາດ COVID-19, ບໍ​ລິ​ສັດ ລ​ຊມ​ລ ແລະ ເມືອງວິ​ລະ​ບູ​ລີ ໄດ້​ເຮັດ​ວຽກ​ຮ່ວມ​ກັນ​ຢ່າງ​ໃກ້​ຊິດ​ເພື່ອ​ຮັບະ​ກັນ​ໃຫ້​ພະ​ນັກ​ງານ ແລະ ຊຸມ​ຊົນ​ທ້ອງ​ຖິ່ນ​ປອດ​ໄພ​ຈາກ​ພະ​ຍາດ COVID-19. ພວກ​ເຮົາ​ພູມ​ໃຈ​ທີ່ ​ເງິນ​ຊ່ວຍ​ເຫຼືອ​ຂອງ​ພວກ​​ເຮົາ​ຈະ​ປະ​ກອບ​ສ່ວນ​ສະ​ໜັບ​ສະ​ໜູນ​ຊຸມ​ຊົນ​ໃນ​ການ​ຮັບ​ມື້​ກັບ ຄື້ນ​ທີ​ສອງ​ຂອງ​ການ​ລະ​ບາດ​ພະ​ຍາດ COVID-19 ທີ​ພວກ​ເຮົາ​ກຳ​ລັງ​ປະ​ເຊີນຢູ່.”

ອຳ​ນາດ​ການ​ປົກ​ຄອງ​ເມືອງວິ​ລະ​ບູ​ລີ ແລະ ແຂວງ​ສະ​ຫວັນ​ນະ​ເຂດ ໄດ້​ປະ​ຕິ​ບັດ​ມາດ​ຕະ​ການ​​ຢ່າງເຂັ້ມ​ງວດ ໃນ​ການ​ປ້ອງ​ກັນ​ການ​ລະ​ບາດ​ພະ​ຍາດ COVID-19. ເມືອງວິ​ລະ​ບູ​ລີ ມີ​ການ​​ຢັ້ງ​ຢືນກໍ​ລະ​ນີ​ຕິດ​ເຊື້ອ COVID-19 ​ຜ່ານ​ມາ​ມີ 1 ຄົນ.

ໃນ​ເດືອນ​ຜ່ານ​ມາ, ລ​ຊມ​ລ ໄດ້​ມອບ US$100,000 ໃຫ້​ແກ່​ລັດ​ຖະ​ບານ​ລາວ ເພື່ອ​ສະ​ໜັບ​ສະ​ໜູນ​ວຽກ​ງານ​ຮັບ​ມື​ກັບ​ການ​ລະ​ບາດ​ພະ​ຍາດ COVID-19 ໃນ ສ​ປ​ປ ລາວ. ລ​ຊມ​ລ ຍັງ​ໄດ້​ປະ​ກອບ​ສ່ວນ​ເປັນ​ເງິນ​ຈຳ​ນວນ 116,115,000 ກີ​ບ ​ໃຫ້​ແກ່ ພະ​ແນກ​ສາ​ທາ​ລະ​ນະ​ສຸກ ​ແຂວງ​ສະ​ຫວັນ​ນະ​ເຂດ ເພື່ອ​ກໍ່​ສ້າງ​ຫ້ອງ​ນ້ຳ-ຫ້ອງ​ອາບ​ນ້ຳ​ເພື່ອ​ໂຮງ​ໝໍ​ພາກ​ສະ​ໜາມ ແລະ ອີກ US$15,000 ໃຫ້​ແກ່​ແຂວງ​ສະ​ຫວັນ​ນະ​ເຂດ ສຳ​ລັບ​ວຽກ​ງານ​ຟື້ນ​ຟູ​ຕ່າງໆ.  ອີກ 60,000,000 ກີບ ແມ່ນ​ໄດ້​ມອບ​ໃຫ້​ແກ່ ໜ່ວຍ​ກູ້​ໄພ​ທີ່​ນະ​ຄອນຫຼວງວຽງ​ຈັນ ແລະ ສະ​ຫວັນ​ນະ​ເຂດເພື່ອ​ສະ​ໜັບ​ສະ​ໜູນຄວາມ​ອາດ​ສາ​ມາດ​ໃນ​ການ​ຮັບ​ມື​ເຫດ​ສຸກ​ເສີນ ໃນ​ໄລ​ຍະ​ນີ້.

ມາຮອດປັດຈຸບັນ, ໂດຍການຮ່ວມມືກັບລັດຖະບານລາວ, ລຊມລ ໄດ້ຊ່ວຍເຫຼືອ US$370,000 ສຳລັບວຽກງານປ້ອງກັນ, ສະກັດກັ້ນ ແລະ ຮັບມືກັບພະຍາດ COVID-19 ໃນ ສປປ ລາວ.

ການ​ປະ​ກອບ​ສ່ວນ​ເຫຼົ່າ​ນີ້​ຈະ​ຍົກ​ລະ​ດັບ​ຄວາມ​ອາດ​ສາ​ມາດ​ຂອງ​ລັດ​ຖະ​ບານ​ລາວ ໃນ​ການ​ສັກ​ວັກ​ຊີນ​ໃຫ້​ແກ່​ປະ​ຊາ​ກອນ​ພ​າຍ​ໃນ​ປະ​ເທດ ແລະ ປະ​ຕິ​ບັດ​ມາດ​ຕະ​ການ​ປ້ອງ​ກັນ​ອື່ນໆ ຢ່າງ​ມີ​ປະ​ສິ​ດ​ທິ​ຜົນ.

ນອກຈາກນີ້ກໍຕ້ອງໄດ້ສະແດງຄວາມຂອບໃຈມາຍັງ ກະຊວງສາທາລະນະສຸກ, ໂດຍສະເພາະແມ່ນພະແນກສາທາລະນະສຸກແຂວງສະຫວັນນະເຂດ ທີ່ໄດ້ສະໜອງວັກຊີນໃຫ້ແກ່ ທາງບໍລິສັດ ເຊິ່ງມາຮອດປັດຈຸບັນ ລຊມລ ໄດ້ສັກວັກຊີນໃຫ້ແກ່ 90% ຂອງພະນັກງານໃນບໍລິສັດ ກວມເອົາປະມານ 3,300 ຄົນ ໃນໄລຍະສອງ-ສາມ​ອາ​ທິດຜ່ານມາ.

ລຊມລ ມຸ່ງໝັ້ນເພື່ອສະໜັບສະໜູນ ຄວາມພະຍາຍາມຂອງລັດຖະບານລາວ ໃນການສະກັດກັ້ນພະຍາດ COVID-19 ກໍຄື ສືບຕໍ່ປະຕິບັດມາດຕະການຕ່າງໆຢ່າງເຂັ້ມງວດເພື່ອປົກປ້ອງພະນັກງານ ແລະ ຊຸມຊົນໃຫ້ປອດໄພຈາກ COVID-19.

ທ່ານ ບຸນເນື່ອງ ຈັນຫອມ, ຮອງເຈົ້າເມືອງໆວິລະບູລີ ໄດ້ຮັບ ເງິນປະກອບສ່ວນ 50,000,000 ກີບຈາ ບໍລິສັດ ລ້ານຊ້າງ ມິເນໂຣນສ໌ ລິມິເຕັດ ຕາງໜ້າໂດຍ ທ່ານ ນາມຊະນະ ໂພທິພັນ, ຫົວໜ້າສາຍງານພົວພັນ-ຂົນຂວາຍກັບຜູ້ມີສ່ວນຮ່ວມ ໃນວັນທີ 02 ມິຖຸນາ 2021.

ໂດຍ: ເຊີ​ເກ ລີ​ເຊີນ, ຜູ້​ຈັດ​ການ​ວຽກ​ງານວິ​ສະ​ວະ​ກຳ ແລະ ສ້ອມ​ແປງ

ໃນວັນທີ 30 ພຶດສະພາ 2021 ທີມງານສ້ອມແປງໂຮງງານໄດ້ຈັດ ວັນເຮັດວຽກຢູ່ບ່ອນສູງຢ່າງປອດໄພ. ທີມງານໄດ້ເຮັດກິດຈະກຳເພື່ອຝຶກວິທີການ ກູ້ໄພໃນກໍລະນີເກີດອຸປະຕິເຫດ ຊັບສະແປນເຊີນທຣໍມາ ຫຼື ກໍລະນີຄົນຫ້ອຍຢູ່ບ່ອນສູງດົນ ຫຼື ຕົກຈາກບ່ອນສູງ ໂດຍເກີດອາການເສັ້ນເລືອດໃຫຍ່ຢູ່ຂາຕາຍ (ເປັນຜິດ). ຊັບສະແປນເຊີນທຣໍມາ ສາມາດເຮັດໃຫ້ເກີດການເສຍຊີວິດໄດ້ ລະຫວ່າງ 10 ຫາ 20 ນາທີ ທີ່ເກີດອຸປະຕິເຫດ. ເປົ້າໝາຍຂອງກິດຈະກຳຄັ້ງນີ້ແມ່ນເພື່ອຮັບປະກັນໃຫ້ພະນັກງານຮຽນຮູ້ແຜນການປ້ອງກັນການຕົກຈາກບ່ອນສູງ.

ການ​ເຮັດ​ວຽກ​ຢູ່​ບ່ອນ​ສູງ ແມ່ນ​ສ່ວນ​ໜຶ່ງ​ໃນ ກົດ​ລະ​ບຽບ​ຮັກ​ສາ​ຊີ​ວິດ​ຂອງ​ບໍ່​ຄຳ-ທອງ​ເຊ​ໂປນ.

“ພວກ​ເຮົາ​ຈະ​ນຳ​ໃຊ້​ອຸ​ປະ​ກອນ​ປ້ອງ​ກັນ​ການ​ຕົກ​ຕະຫຼອດເວ​ລາ ​ທີ່​ເຮັດ​ວຽກຢູ່​ໃນ​ບ່ອນ​ທີ່​ມີ​ຄວາມ​ສ່ຽງ​ຕົກ​ຈາກ​ບ່ອນ​ທີ່​ສູງ 2 ແມັດຂຶ້ນ​ໄປ.”

ທີມ​ງານ​ບໍ​ລິ​ຫານ​ຂອງ​ພວກ​ເຮົາ ລວມ​ມີ ຜູ້​ຈັດ​ການ​ໃຫຍ່, ຮອງ​ຜູ້​ຈັດ​ການ​ໃຫຍ່, ຜູ້​ຈັດ​ການ​ຝ່າຍ​ບຸກ​ຄະ​ລາ​ກອນ ແລະ ໂຮງ​ສ້ອມ​ແປງ​ເຄື່ອນ​ທີ່ ໄດ້​ເຂົ້າ​ຮ່ວມ ແລະ ສະ​ໜັບ​ສະ​ໜູນ​ກິດ​ຈະ​ກຳ​ຄັ້ງ​ນີ້​ຢ່າງ​ຕັ້ງ​ໜ້າ. ຕ້ອງຂໍ​ຂອບ​ໃຈ​ເປັນ​ພິ​ເສດ​ແກ່ ໄມ​ໂກ ຣ໋ອດ​ແວວ ແລະ ທີມ​ງານຫ້າງ​ຮ້ານ ທີ່​ໄດ້​ແບ່ງ​ປັນ​ຄວາມ​ຮູ້ ແລະ ປະ​ສົບ​ການ. ພວກ​ເຮົາ​ຈະ​ສືບ​ຕໍ່​ຮຽນ​ຮູ້ ແລະ ປັບ​ປຸງ​ທັກ​ສະ​ຂອງ​ພວກ​ເຮົາ​ນຳ​ກັນ​ໄປ​ເລື້ອຍໆ.

ບໍ​ລິ​ສັດ ລ້ານ​ຊ້າງ ມີເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ ເຊ​ໂປນ ໄດ້​ປະ​ກອບ​ສ່ວນ​ເປັນ​ເງິນ​ຈຳ​ນວນ 116,115,000 ກີ​ບ (US$12,000) ​ໃຫ້​ແກ່ ພະ​ແນກ​ສາ​ທາ​ລະ​ນະ​ສຸກ ​ແຂວງ​ສະ​ຫວັນ​ນະ​ເຂດ ​ເພື່ອ​ກໍ່​ສ້າງ​ຫ້ອງ​ນ້ຳ-ຫ້ອງ​ອາບ​ນ້ຳ ເພື່ອ​ຮອງ​ຮັບ​ຄົນ​​ມາປິ່ນ​ປົວ COVID-19. ຫ້ອງ​ນ້ຳ​ໃໝ່​ນີ້ ຈະ​ຮັບ​ປະ​ກັນ​​ມາດ​ຕະ​ຖານ​ດ້ານສຸ​ຂະ​ອະ​ນາ​ໄມ​ ​ສຳ​ລັບ​ບຸກ​ຄົນ​ທີ່​ເຂົ້າ​ຮັບ​ການ​ປິ່ນ​ປົວພະ​ຍາດ COVID-19 ຢູ່ ໂຮງ​ໝໍ​ພາກ​ສະ​ໜາມ​ທີ່​ຕັ້ງ​ຢູ່ ໂຮງ​ຮຽນ​ວິ​ທະ​ຍາ​ໄລ ວິ​ທະ​ຍາ​ສາດ ສຸ​ຂະ​ພາບ ສະ​ຫວັນ​ນະ​ເຂດ.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ: “ພວກ​ເຮົາ​ຮັບ​ຮູ້​ວ່າ ສຸ​ຂະ​ອະ​ນາ​ໄມ ເປັນ​ມາດ​ຕະ​ການ​ພື້ນ​ຖານ​ສຳ​ຄັນອັນ​ໜຶ່ງ​ໃນ​ການ​ປ້ອງ​ກັນ COVID-19. ທາງ​ບໍ​ລິ​ສັດ​ຫວັງ​ວ່າ ການ​ຊ່ວຍ​ເຫຼືອ​ຂອງ​ພວກ​ເຮົາ​ຄັ້ງ​ນີ້ ຈະສະ​ໜອງ​ສະ​ຖານ​ທີ່​ອຳ​ນວຍ​ຄວາມ​ສະ​ດວກ​ທີ່​ສະ​ອາດ​ສຳ​ລັບ​ຜູ້​ທີ່​ໄປ​ຮັບ​ການ​ປິ່ນ​ປົວພະ​ຍາດ COVID-19. ລ​ຊມ​ລ ສືບ​ຕໍ່​ຮ່ວມ​ມື​ກັບ ແຂວງ​ສະ​ຫວັນ​ນະ​ເຂດ ແລະ ເມືອງວິ​ລະ​ບູ​ລີ ໃນ​ການ​ຮັບ​ມື​ກັບ ຄື້ນ​ທີ​ສອງ​ຂອງ​ການ​ລະ​ບາດ​ນີ້.”

ພິ​ທີ​ມອບ​ຮັບ​ແມ່ນ​ໄດ້​ຈັດ​ຂຶ້ນ​ທີ່ ພະ​ແນກ​ສາ​ທາ​ລະ​ນະ​ສຸກ​ແຂວງ​ສະ​ຫວັນ​ນະ​ເຂດ. ໃຫ້​ກຽດ​ຮັບ​ການ​ຊ່ວຍ​ເຫຼືອ​ຄັ້ງ​ນີ້ ​ໂດຍ ດ​ຣ ແສງ​ດາວ ສີ​ດາ​ໄລ, ຫົວ​ໜ້າ​ພະ​ແນກ​ສາ​ທາ​ລະ​ນະ​ສຸກ​ແຂວງ ແລະ ມອບ​ໂດຍ ທ່ານ​ນາງ ລັດ​ສະ​ນີ ສີ​ສານ, ຫົວ​ໜ້າ​ສາຍ​ງານ​ພົວ​ພັນ​ກັບ​ລັດ​ຖະ​ບານ​ຂອງ ລ​ຊມ​ລ, ພາຍ​ໃຕ້​ການ​ເປັນ​ສັກ​ຂີ​ພິ​ຍານ​ຂອງ ຫົວ​ໜ້າ​ຂະ​ແໜ​ງ​ຄຸ້ມ​ຄອງ​ບໍ​ລິ​ຫານ​ພິ​ທີ​ການ ແລະ ການ​ເງິນ​ ຫ້ອງວ່າ​ການ​ແຂວງ, ອຳ​ນວຍ​ການ​ໂຮງ​ໝໍ​ແຂວງ​ສະ​ຫວັນ​ນະ​ເຂດ ແລະ ອຳ​ນວຍ​ການ​ວິ​ທະ​ຍາ​ໄລ​ວິ​ທະ​ຍາ​ສາດສຸ​ຂະ​ພາບ​ ສະ​ຫວັນ​ນະ​ເຂດ.

ໂຮງ​ໝໍ​ພາກ​ສະ​ໜາມ ​ແຂວງ​ສະ​ຫວັນ​ນະ​ເຂດ ​ສາ​ມາດ​ຮອງ​ຮັບ​ 160 ຕຽງ. ປັດ​ຈຸ​ບັນ​ແມ່ນ​ພວມ​ປິ່ນ​ປົວ 66 ຄົນ ເຊິ່ງ​ສ່ວນ​ໃຫຍ່​ແມ່ນ​ແຮງ​ງານ​ລາວ​ເດີນ​ທາງ​ກັບ​ມາ​ບ້ານ​​ເກີດເມືອງນອນ. ທີມ​ງານ​ແພດ-ໝໍ​ໄດ້​ປິ່ນ​ປົວ 99 ກໍ​ລະ​ນີ ຕັ້ງ​ແຕ່ ສ​ປ​ປ ລາວ ເລີ່ມ​ມີ​ການ​ລະ​ບາດ​ຂອງ​ພະ​ຍາດ COVID-19.

ໃນ​ເດືອນ​ຜ່ານ​ມາ, ລ​ຊມ​ລ ຍັງ​ໄດ້​ມອບ US$100,000 ໃຫ້​ແກ່​ລັດ​ຖະ​ບານ​ລາວ ເພື່ອ​ສະ​ໜັບ​ສະ​ໜູນ​ວຽກ​ງານ​ຮັບ​ມື​ກັບ​ການ​ລະ​ບາດ​ພະ​ຍາດ COVID-19 ໃນ ສ​ປ​ປ ລາວ. ອີກ 60,000,000 ກີບ ແມ່ນ​ໄດ້​ມອບ​ໃຫ້​ແກ່ ໜ່ວຍ​ກູ້​ໄພ​ທີ່​ນະ​ຄອນຫຼວງວຽງ​ຈັນ ແລະ ສະ​ຫວັນ​ນະ​ເຂດເພື່ອ​ສະ​ໜັບ​ສະ​ໜູນຄວາມ​ອາດ​ສາ​ມາດ​ໃນ​ການ​ຮັບ​ມື​ເຫດ​ສຸກ​ເສີນ ໃນ​ໄລ​ຍະ​ນີ້.

​ມາ​ຮອດ​ປັດ​ຈຸ​ບັນ, ໂດຍ​ການ​ຮ່ວມ​ມື​ກັບ​ລັດ​ຖະ​ບານ​ລາວ, ລ​ຊມ​ລ ໄດ້​ຊ່ວຍ​ເຫຼືອ US$350,000 ສຳ​ລັບ​ວຽກ​ງານ​ປ້ອງ​ກັນ, ສະ​ກັດ​ກັ້ນ ແລະ ຮັບ​ມື​ກັບ​ພະ​ຍາດ COVID-19 ໃນ ສ​ປ​ປ ລາວ.

ນອກ​ຈາກ​ນີ້​ກໍ​ຕ້ອງ​ໄດ້​ສະ​ແດງ​ຄວາມ​ຂອບ​ໃຈ​ມາ​ຍຍັງ ກະ​ຊວງ​ສາ​ທາ​ລະ​ນະ​ສຸກ, ໂດຍ​ສະ​ເພາະ​ແມ່ນ​ພະ​ແນກ​ສາ​ທາ​ລະ​ນະ​ສຸກ​ແຂວງ​ສະ​ຫວັນ​ນະ​ເຂດ ທີ່​ໄດ້​ສະ​ໜອງວັກ​ຊີນ​ໃຫ້​ແກ່ ທາງ​ບໍ​ລິ​ສັດ ເຊິ່ງ​ມາ​ຮອດ​ປັດ​ຈຸ​ບັນ ລ​ຊມ​ລ ໄດ້​ສັກ​ວັກ​ຊີນ​ໃຫ້​ແກ່ 85% ​ຂອງ​ພະ​ນັກ​ງານ​ໃນ​ບໍ​ລິ​ສັດ ກວມ​ເອົາ​ປະ​ມານ 3,150 ຄົນ ໃນ​ໄລ​ຍະ​ສອງ​ອາ​ທິດ​ຜ່ານ​ມາ.

ລ​ຊມ​ລ ມຸ່ງ​ໝັ້ນ​ເພື່ອ​ສະ​ໜັບ​ສະ​ໜູນ ຄວາມ​ພະ​ຍາ​ຍາມ​ຂອງ​ລັດ​ຖະ​ບານລາວ ໃນ​ການ​ສະ​ກັດ​ກັ້ນ​ພະ​ຍາດ COVID-19 ກໍ​ຄື ສືບ​ຕໍ່​ປະ​ຕິ​ບັດ​ມາດ​ຕະ​ການ​ຕ່າງໆ​ຢ່າງ​ເຂັ້ມ​ງວດ​ເພື່ອ​ປົກ​ປ້ອງ​ພະ​ນັກ​ງານ ແລະ ຊຸມ​ຊົນ​ໃຫ້​ປອດ​ໄພ​ຈາກ COVID-19.

ດ​ຣ ແສງ​ດາວ ສີ​ດາ​ໄລ, ຫົວ​ໜ້າ​ພະ​ແນກ​ສາ​ທາ​ລະ​ນະ​ສຸກ​ແຂວງ ຮັບເງິນ 116,115,000 ກີບ ຈາກ ທ່ານ​ນາງ ລັດ​ສະ​ນີ ສີ​ສານ, ຫົວ​ໜ້າ​ສາຍ​ງານ​ພົວ​ພັນ​ກັບ​ລັດ​ຖະ​ບານ​ຂອງ ລ​ຊມ​ລ, ພາຍ​ໃຕ້​ການ​ເປັນ​ສັກ​ຂີ​ພິ​ຍານ​ຂອງ ຫົວ​ໜ້າ​ຂະ​ແໜ​ງ​ຄຸ້ມ​ຄອງ​ບໍ​ລິ​ຫານ​ພິ​ທີ​ການ ແລະ ການ​ເງິນ​ ຫ້ອງວ່າ​ການ​ແຂວງ, ອຳ​ນວຍ​ການ​ໂຮງ​ໝໍ​ແຂວງ​ສະ​ຫວັນ​ນະ​ເຂດ ແລະ ອຳ​ນວຍ​ການ​ວິ​ທະ​ຍາ​ໄລ​ວິ​ທະ​ຍາ​ສາດສຸ​ຂະ​ພາບ​ສະ​ຫວັນ​ນະ​ເຂດ.

​ບໍ​ລິ​ສັດ ລ້ານ​ຊ້າງ ມີເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ ເຊ​ໂປນ ໄດ້ປະ​ກອບ​ສ່ວນ $100,000 ໂດ​ລາ​ສະ​ຫະ​ລັດ ໃຫ້​ແກ່​ ພະ​ນະ​ທ່ານ ພັນ​ຄຳ ວິ​ພາ​ວັນ, ນາ​ຍົກ​ລັດ​ຖະ​ມົນ​ຕີ​ ແຫ່ງ ສ​ປ​ປ ລາວ ເພື່ອ​ສະ​ໜັບ​ສະ​ໜູນ ລັດ​ຖະ​ບານ​ລາວ ໃນ​ການ​ຮັບ​ມື​ການ​ແຜ່​ລະ​ບາດ​ຂອງ ເຊື້ອ​ພະ​ຍາດ COVID-19.

ທ່ານ ພໍ​ ແຮຣີ​ສ, ຜູ້​ຈັດ​ການ​ໃຫຍ່ ບໍ​ລິ​ສັດ ລ​ຊມ​ລ ກ່າວ​ວ່າ: “ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ ໃນ​ການ​ປະ​ກອບ​ສ່ວນ​ຊື້​ວັກ​ຊີນ​ ເພື່ອ​ປ້ອງ​ກັນ​ການ​ແຜ່​ລະ​ບາດຂອງພະ​ຍາດ COVID-19”.

ທ່ານ​ກ່າວ​ຕື່ມ​ອີກວ່າ: “ບໍ​ລິ​ສັດ ລ​ຊມ​ລ ຍຶດ​ໝັ້ນ​ຕໍ່​ມາດ​ຕະ​ການສະ​ກັດ​ກັ້ນ COVID-19 ແລ​ະ ລ໋ອກ​ດາວ​ຂອງ​ລັດ​ຖະ​ບານ​ລາວ ເພື່ອ​ຮັບ​ປະ​ກັນ ຄວາມ​ປອດ​ໄພ​ຂອງ​ພະ​ນັກ​ງານ ແລະ ຊຸມ​ຊົນ”

​ບໍ​ລິ​ສັດ ລ​ຊມ​ລ ມີ​ພະ​ນັກ​ງານຫຼາຍກວ່າ 2,000 ຄົນ ແລະ ຜູ້​ຮັບ​ເໝົາຫຼາຍກ​ວ່າ 1,700 ຄົນ ຊຶ່ງ​ໃນ​ນັ້ນ 95 ສ່ວນ​ຮ້ອຍ ແມ່ນ​ຄົນ​ລາວ ມາ​ຈາກ​ທ້ອງ​ຖິ່ນ​ເມືອງວິ​ລະ​ບູ​ລີ ແລະ ແຂ​ວງ​ສະ​ຫວັນ​ນະ​ເຂດ.

ບໍ​ລິ​ສັດ ລ​ຊມ​ລ ໄດ້​ຈັດ​ຕັ້ງ​ປະ​ຕິ​ບັດ​ມາດ​ຕະ​ການ ຄວບ​ຄຸມ​ຢ່າງ​ເຄັ່ງ​ຄັດ, ລວມ​ທັງ​ກ​ານຈຳ​ກັດ​ບໍ​ລິ​ເວນ ແລະ ການກວດ​ຫາ​ເຊື້ອ​ພະ​ຍາດ ກ່ອນ​ພະ​ນັກ​ງານ​ຈະ​ສາ​ມາດ​ເດີນ​ທາງ​ເຂົ້າ​ພາກ​ສະ​ໜາມ ໂຄງ​ການ​ຄຳ-ທອງ​ ເຊ​ໂປນ ໄດ້.

ບໍ​ລິ​ສັດ ລ​ຊມ​ລ ຊຸກ​ຍູ້​ໃຫ້​ພະ​ນັກ​ງາ​ນ​ທຸກ​ຄົນ ແລະ ຄ​ອບ​ຄົວ​ຂອງ​ເຂົາ​ເຈົ້າ​ເຂົ້າ​ຮັບ​ວັກ​ຊີນ​ປ້ອງ​ກັນ COVID-19.

A mail-order bride, generally known as a mail-order bride, may be a foreign girl who data herself designed for marriage with a person in america. In the early twentieth hundred years, this practice was primarily geared towards females living in reduced developed countries seeking males in industrialized www.yourbrideglobal.com countries. It was not really until the 1950’s that mailbox order wedding brides became popular with educated women of all ages from the Usa. The primary rationale being that this allowed these kinds of women to leave their families, like a better lifestyle, and go after an occupation which may have been usually unavailable.

As was your case with earlier sorts of marriage, a mail-order star of the wedding from the Usa requires a groom who can give financial support. Although this bride usually lives in us states, she may come from another world country where fiscal security is definitely not available. With respect to such ladies and for others just like them, marriage does not come easily. For some men, setting up a relationship agency may seem to be a method to make this kind of possibility possible. This idea has taken hold in both the producing and the created world, offering brides in the United States when using the opportunity to get married to someone out of anywhere in the world. For this reason, this program has become very well liked in locations in which traditional marital life is not really a viable alternative.

Mailbox order brides to be offer a exclusive solution to a predicament which has no other solution readily available. It allows for the partnerships of people who could otherwise do not have had the chance to fulfill their very own potential in either discipline. For instance, all who have come from a third world country and lack the opportunity pertaining to higher education and employment will be able to take advantage of the chances that relationship provides. On the other hand, those who inhabit industrialized countries and shortage the opportunity to move to a less crowded area or to a further country, can use confer with mail-order wedding brides to fulfill all their need for a husband that’s financially secure.

Ship order wedding brides come from all the parts of the former Soviet Union. The most common countries in which these types of brides come in include Ukraine, Russia, Uzbekistan, Kazakhstan and Finland. Every one of these countries have one thing in prevalent: they are financially stable countries where funds is greatly circulated and no large populations of unfounded individuals (in contrast towards the United States, exactly where many of these immigrants come from huge cities and also have a low education level). As well, these countries have a large number of native Russian speakers, in order that there is small chance that the star of the wedding will be unable to communicate with her groom. In short, for any few from the United states of america struggling to create their lives as husband and wife, these marriages make sense.

In terms of legal issues are concerned, it is advisable to consult legal counsel who specializes in immigration law. The mail-order bride-to-be industry makes it easy to prevent many aspects for the immigration procedure. For example , a lot of countries require that the brides to be pay visa service fees in advance, and some do not. Talking to an migration lawyer in cases like this can ensure that you get what you under legal standing deserve: a visa to stay permanently.

The fact is that mail-order brides work. But their main function is not to simply help a possible matrimony. The Russian bride, for instance, may be enthusiastic about establishing a residence of her own in the usa. This would produce a lot of sense in cases where she is truly interested in getting married to a male who shares her hobbies and perhaps possibly her nationality. However , if this is not the case, then your reasons that she has designed for approaching an international marriage agency to start a new life in america may have been motivated more simply by financial worries than simply by genuine interests in relationship. For that reason, it is well worth your time to be good about once approaching this sort of online dating sites – don’t let your greed blind you.

ລ​ຊມ​ລ ໄດ້​ຮັບ​ລາງວັນດີ​ເດັ່ນ ‘ປະ​ເພດ 1’ ປະ​ຕິ​ບັດ​ພັນ​ທະ​ດ້ານອາ​ກອນ ແລະ ປະ​ກອບ​ສ່ວນ​ໃນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ ສ​ປ​ປ ລາວ.

ໃນ​ປີ 2020, ລ​ຊມ​ລ​ ໄດ້​ມອບຫຼາຍກວ່າ US$32 ລ້ານ​ໃຫ້​ແກ່ ລັດ​ຖະ​ບານ​ລາວ ເປັນ ຄ່າ​ຊັບ​ພະ​ຍາ​ກອນ​ແຮ່​ທາດ ແລະ ອາ​ກອນ. ລ​ຊມ​ລ ຜະ​ລິດ​ຄຳ​ໄດ້ 2 ໂຕນກວ່າ ໃນ​ປີ 2020.

ຕັ້ງ​ແຕ່​ເລີ່ມ​ດຳ​ເນີນ​ການ​ຂຸດ​ຄົ້ນ-ຜະ​ລິດ​ຄຳ-ທອງໃນ​ປີ 2003ດ ລ​ຊມ​ລ ໄດ້​ມອບ​ລາຍ​ຮັບ​ໂດຍ​ກົງຫຼາຍກວ່າ US$1,5 ຕື້ ໃຫ້​ແກ່ ລັດ​ຖະ​ບານ​ລາວ ເປັນ​ຄ່າ​ຊັບ​ພະ​ຍາ​ກອນ​ແຮ່​ທາດ, ອາ​ກອນ ແລະ ເງິນ​ປັນ​ຜົນ. ການ​ປະ​ກອບ​ສ່ວນ​ເຫຼົ່າ​ນີ້ ຈະ​ສືບ​ຕໍ່​ສະ​ໜັບ​ສະ​ໜູນ​ແຜນ​ພັດ​ທ​ະ​ນາ​ເສດ​ຖະ​ກິດ-ສັງ​ຄົມ​ແຫ່ງ​ຊາດ​ຂອງ​ລັດ​ຖະ​ບານ.

ທ່ານ ສະໝານ ອະເນກາ, ຜູ້ອຳນວຍການໃຫຍ່ ລຊມລ ໄດ້ກ່າວວ່າ “ລຊມລ ມີຄວາມພາກພູມໃຈເປັນຢ່າງຍິ່ງ ທີ່ໄດ້ປະກອບສ່ວນຕໍ່ການພັດທະນາເສດຖະກິດ-ສັງຄົມໃນ ສປປ ລາວ. ນອກຈາກ ການປະກອບສ່ວນເປັນລາຍຮັບໂດຍກົງຕໍ່ລັດຖະບານແລ້ວ, ລຊມລ ຍັງໄດ້ປະກອບສ່ວນຫຼາຍຮ້ອຍລ້ານໂດລາສະຫະລັດ ໂດຍຜ່ານການສ້າງວຽກເຮັດງານທຳ ແລະ ການຝຶກອົບຮົມ, ການພັດທະນາພື້ນຖານໂຄງລ່າງ, ການພັດທະນາທຸລະກິດທ້ອງຖິ່ນກໍຄືການພັດທະນາຊຸມຊົນ.

ພິ​ທີ​ມອບ​ລາງວັນນີ້ ເປັນ​ຄັ້ງ​ທຳ​ອິດ​ທີ່ ກະ​ຊວງ​ການ​ເງິນ ໄດ້​ສະ​ແດງ​ຄວາມ​ຍ້ອງ​ຍໍ​ຂົມ​ເຊີຍ ຫົວ​ໜ່ວຍ​ທຸ​ລະ​ກິດ​ລາວ ແລະ ຕ່າງ​ປະ​ເທດ ທີ່​ໄດ້​ປະ​ຕິ​ບັດ​ພັນ​ທະ​ອາ​ກອນ​ຕາມ​ລະ​ບຽບ​ກົດ​ໝາຍ. ມີ​ບໍ​ລິ​ສັດຫຼາຍກວ່າ 100 ຫົວ​ໜ່ວຍ​ທີ່​ໄດ້​ຖືກ​ຄັດ​ເລືອກ​ຮັບ​ລັງ​ວັນ ແບ່ງ​ອອກ​ເປັນ​ສອງ​ປະ​ເພດ ອີງ​ຕາມເງື່ອນ​ໄຂ​ໃນ​ການ​ປະ​ຕິ​ບັດ​ພັນ​ທະ​ອາ​ກອນ ຕາມ​ທີ່​ກຳ​ນົດ​ໄວ້.

ມີ 52 ບໍ​ລິ​ສັດ ລວມ​ທັງ ລ​ຊມ​ລ ທີ່​ໄດ້​ຮັບ​ລາງວັນ​ຍ້ອງ​ຍໍ​ປະ​ເພດ​ສູງ​ສຸດ ແລະ ອີກ 88 ບໍ​ລິ​ສັດ ໄດ້​ຮັບ​ລາງວັນ​ປະ​ເພດ II.

ທ່ານ ບຸນ​ໂຈມ ອຸ​ບົນ​ປະ​ເສີດ, ລັດ​ຖະ​ມົນ​ຕີກະ​ຊວງ​ການ​ເງິນ ໄດ້​ກ່າວ​ວ່າ: “ຂ້າ​ພະ​ເຈົ້າ​ຂໍ​ສະ​ແດງ​ຄວາມ​ຊົມ​ເຊີຍ​ບັນ​ດາ​ຫົວ​ໜ່ວຍ​ທຸ​ລະ​ກິດ​ໃນ ສ​ປ​ປ ລາວ ແລະ ຊຸກ​ຍູ້​ໃຫ້​ເຂົາ​ເຈົ້າ​ສືບ​ຕໍ່​ປະ​ຕິ​ບັດ​ຜົນ​ງານ​ນີ້​ໃນ​ປີ​ຕໍ່​ໄປ.”

ມີ ທຸ​ລະ​ກິດ​ຂຶ້ນ​ທະ​ບຽນ 130,000 ຫົວ​ໜ່ວຍ​ໃນ​ທົ່ວ​ປະ​ເທດ.

7 ເມ​ສາ 2021,​ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ ເຊ​ໂປນ ໄດ້​ມອບ​ແຊັກ​ເງິນອາ​ກອນ​ກຳ​ໄລ​ຂອງ​ປີ 2020 ຈຳ​ນວນ US$17.229.742 ໃຫ້​ແກ່ ທ່ານ ທຳ​ມະ​ລົດ ຣາ​ຊາ​ພົນ, ຮອງ​ຫົວ​ໜ້າກົມ​ສ່ວຍ​ສາອາ​ກອນ, ກະ​ຊວງ​ການ​ເງິນ. ໃນ​ປີ 2020, ລ​ຊມ​ລ ໄດ້​ມອບຫຼາຍກວ່າ US$32 ລ້ານ ໃຫ້​ແກ່​ພາກ​ລັດ ເປັນ​ຄ່າ​ຊັບ​ພະ​ຍາ​ກອນ​ແຮ່​ທາດ ແລະ ອາ​ກອນກຳ​ໄລ.  ໃນ ປີ 2020, ບໍ​ລິ​ສັດ ລ​ຊມ​ລ ຜະ​ລິດ​ຄຳ​ໄດ້ກວ່າ 2 ໂຕນ. ຕັ້ງແຕ່ເລີ່ມດຳເນີນການຂຸດຄົ້ນ-ຜະລິດຄຳ-ທອງໃນປີ 2003, ລ​ຊມ​ລ ໄດ້ມອບ​ລາຍ​ຮັບ​ໂດຍກົງຫຼາຍກວ່າ US$1,5 ຕື້ ໃຫ້ແກ່ ສປປ ລາວ ເປັນ​ຄ່າ​ຊັບ​ພະ​ຍາ​ກອນ​ແຮ່​ທາດ, ອາ​ກອນ ແລະ ເງິນ​ປັນ​ຜົນ.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ​ “ລ​ຊມ​ລ ມີ​ຄວາມ​ພາກ​ພູມ​ໃຈ​ເປັນ​ຢ່າງ​ຍິ່ງ ທີ່​ໄດ້​ປະ​ກອບ​ສ່ວນ​ຕໍ່​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ໃນ ສ​ປ​ປ ລາວ. ນອກ​ຈາກ​ ການ​ປະ​ກອບ​ສ່ວນ​ເປັນ​ລາຍ​ຮັບ​ໂດຍ​ກົງ​ຕໍ່​ລັດ​ຖະ​ບານ​ແລ້ວ​, ລຊມ​ລ ຍັງ​ໄດ້​ປະ​ກອບ​ສ່ວນ​ຫຼາຍ​ຮ້ອຍ​ລ້ານ​ໂດ​ລາ​ສະ​ຫະ​ລັດ ໂດຍ​ຜ່ານ​ການ​ສ້າງວຽກ​ເຮັດ​ງານ​ທຳ ແລະ ການ​ຝຶກ​ອົບ​ຮົມ, ການ​ພັດ​ທະ​ນາ​ພື້ນ​ຖານ​ໂຄງ​ລ່າງ, ການ​ພັດ​ທະ​ນາ​ທຸ​ລະ​ກິດ​ທ້ອງ​ຖິ່ນກໍ​ຄືການ​ພັດ​ທະ​ນາ​ຊຸມ​ຊົ​ນ.”

ທ່ານ​ໄດ້​ກ່າວ​ຕື່ມ​ວ່າ “ລ​ຊມ​ລ ມຸ່ງ​ໝັ້ນ ​ປະ​ຕິ​ບັດ​ຕາມ​ມາດ​ຕະ​ຖານສາ​ກົນ​ດ້ານ​ຄວາມ​ປອດ​ໄພ, ມາດ​ຕະ​ຖານ​ດ້າ​ນ​ສິ່ງ​ແວດ​ລ້ອມ ແລະ ການ​ເຄົາ​ລົບ ປະ​ເທດ ກໍ​ຄື ຊຸມ​ຊົນ​ເຈົ້າ​ພາບ. ມາດ​ຕະ​ຖານ​ດ້ານ​ສັງ​ຄົມ ແລະ ສິ່​ງ​ແວດ​ລ້ອມ ຂອງ ລ​ຊມ​ລ ໄດ້​ຖືກ​ຍົກ​ເປັນ​ແບບ​ຢ່າງ​ດີ​ທີ່​ໃຫ້​ແກ່ ໂຄງ​ການ​ອື່ນໆ. ນອກ​ຈາກນັ້ນ ລ​ຊມ​ລ​ ເປັນບໍ​ລິ​ສັດ​ໜຶ່ງ​ດຽວ​ເທົ່າ​ນັ້ນ ໃນ ສ​ປ​ປ ລາວ ທີ່​ໄດ້​ຮັບ​ໃບ​ຍ້ອງ​ຍໍ​ປະ​ເພດ A⁺ ຈາກ​ ກະ​ຊວງ​ພະ​ລັງ​ງານ ແລະ ບໍ່​ແຮ່ ສະ​ເໝີ​ມາ.”

​ໂຄງ​ການ​ຄຳ-ທອງ​ ເຊ​ໂປນ ໄດ້​ສ້າງວຽກ​ເຮັດ​ງານ​ທຳ​ໃຫ້​ຄົນ​ລາວຫຼາຍ​ພັນ​ຄົນ ແລະ ໄດ້ລົງທຶນຫຼາຍຮ້ອຍລ້ານໂດລາສະຫະລັດ ເຂົ້າໃສ່ການພັດທະນາ ແລະ ການຝຶກອົບຮົມ. ໃນຊຸມຊົນເມືອງວິລະບູລີ ໄດ້ມີປະຊາຊົນກວ່າ 40.000 ຄົນ ໄດ້ຮັບຜົນປະໂຫຍດຈາກ ໂຄງການພັດທະນາຊຸມຊົນ ຂອງໂຄງການຄຳ-ທອງເຊໂປນ ລວມມູນຄ່າ US$13 ລ້ານ ແລະ ລາຍໄດ້ຂອງກຸ່ມທຸລະກິດທ້ອງຖິ່ນກໍໄດ້ທະວີຄູນຂຶ້ນເປັນ US$33 ລ້ານ.

ຮູບ: ທ່ານ ທຳ​ມະ​ລົດ ຣາ​ຊາ​ພົນ, ຮອງ​ຫົວ​ໜ້າ​ກົມ​ສ່ວຍ​ສາ​ອາ​ກອນ (ຂວາ) ຮັບ​ແຊັກ​ເງິນ​ອາ​ກອນ​ກຳ​ໄລ​ປີ 2020 ຈາກ ຜູ້​ອຳ​ນວຍ​ການ​ໃຫຍ່ ລ​ຊມ​ລ ທ່ານ ສະ​ໝານ ອະ​ເນ​ກາ (ຊ້າຍ).

ບົດ​ບັນ​ນາ​ທິ​ການ​ປະ​ກອບ​ສ່ວນ​ໂດຍ ທ່ານ ປາ​ລີ​ວັດ ອິນ​ທະ​ວົງ, ຫົວ​ໜ້າ​ສາຍ​ງານ – ປະ​ຕິ​ບັດ ແລະ ບໍ​ລິ​ການ​ໂຄງ​ການ, LXML ເນື່ອງ​ໃນ​ໂອ​ກາດ ວັນ​ສາ​ກົນ​ແຫ່ງ​ການ​ປູກ​ຈິດ​ສຳ​ນຶກ​ກ່ຽວ​ກັບ​ລະ​ເບີດ​ຝັງ​ດິນ ແລະ ການ​ຊ່ວຍ​ເຫຼືອ​ເພື່ອ​ແກ້​ໄຂ​ບັນ​ຫາ​ລະ​ເບີດ​ຝັງ​ດິນ

ໃນຂະນະທີ່ເຫດການເສຍຊີວິດຈາກ ອຸປະຕິເຫດທາງທ້ອງຖະໜົນ, ການສູບຢາ, ມະເຮັງ ແລະ ພະຍາດ COVID-19 ສືບຕໍ່ເປັນຂ່າວໃນສື່ຕ່າງໆ, ການເສຍຊີວິດ ແລະ ການບາດເຈັບຈາກ ອຸປະຕິເຫດລະເບີດບໍ່ທັນແຕກ (UXO) ກໍຍັງສືບຕໍ່ກະທົບຕໍ່ຊຸມຊົນຢ່າງ​ຮ້າຍ​ແຮງ ​ຢູ່ໃນ ສປປ ລາວ.

ໃນປີ 2021, ສປປ ລາວ ລາຍງານອຸປະຕິເຫດ UXO 31 ຄັ້ງ ໂດຍມີ ການບາດເຈັບ 44 ຄົນ ແລະ ເສຍຊີວິດ 11 ຄົນ.

ວຽກງານເກັບກູ້ລະເບີດບໍ່ທັນແຕກ ໃນ ສປປ ລາວ ໄດ້ມີຄວາມຫຼ້າຊ້າ ຍ້ອນການລະບາດຂອງພະຍາດ COVID-19 ອັນໄດ້ສົ່ງ​ຜົນໃຫ້ມີຕົວເລກການບາດເຈັບສູງຂຶ້ນ ເມື່ອສົມທຽບໃສ່ປີກ່ອນ.

ໂດຍລວມ, ສປປ ລາວ ເປັນປະເທດທີ່​ໄດ້​ຮັບການຖິ້ມລະເບີດຕໍ່ຫົວຄົນ ທີ່ໜັກໜ່ວງທີ່ສຸດໃນໂລກ. ໃນລະຫວ່າງປີ 1964 ຫາ 1973 ແມ່ນມີການຖິ້ມລະເບີດຫຼາຍກວ່າ 2 ລ້ານໂຕນ​ ເຊິ່​ງ​ເທົ່າກັບຈຳ​ນວນ​ລູກບົມບີ້ຫຼາຍກວ່າ 270 ລ້ານໜ່ວຍ ທີ່ໄດ້ຖືກຖິ້ມລົງໃສ່​ເທິງແຜ່ນ​ດິນ​ຂອງ ສປປ ລາວ. ໃນນັ້ນ ​ແມ່ນ​ຍັງມີ​ລູກ​ລະ​ເບີດ​ບໍ່​ທັນ​ແຕກປະມານ 30%  ແລະ ມີພຽງ 1% ທີ່ໄດ້ຖືກເກັບກູ້ ຫຼື ​ຖືກທຳລາຍແຕ່ປີ 1996 ເປັນຕົ້ນມາ. ຍ້ອນ​ແນວ​ນັ້ນ ສ​ປ​ປ ລາວ ຈຶ່ງ​ໄດ້​ມີເປົ້າ​ໝາຍ​ການ​ພັດ​ທະ​ນາ​ແບບ​ຍືນ​ຍົງ​ທີ່ 18 (SDG 18) ສະ​ເພາະ​ຂອງ​ປະ​ເທດ ​ເຊິ່ງແນ​ໃສ່​ການ​ເຮັດ​ໃຫ້​ປະ​ຊາ​ຊົນ​ລາວ ມີ “ຊີ​ວິດ​ທີ່​ປອດ​ໄພ​ຈາກ​ລະ​ເບີດ​ບໍ່​ທັນ​ແຕກ”.

ບໍ່ຄຳ-ທອງເຊໂປນ ຕັ້ງຢູ່ເມືອງວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ ເຊິ່ງ​ເປັນ​ເມືອງໜຶ່ງ ທີ່ໄດ້ຖືກຖິ້ມລະເບີດ ລົງໃສ່ຫຼາຍທີ່ສຸດໃນປະເທດ. ຍ້ອນແນວນັ້ນ, ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ຈຶ່ງໄດ້ນຳເອົາ ວຽກງານເກັບກູ້ລະເບີດທີ່ຍັງບໍ່ທັນແຕກ ເຂົ້າມາເປັນວຽກໜຶ່ງທີ່ສຳຄັນໃນວົງຈອນການຂຸດຄົ້ນ-ປຸງແຕ່ງ-ຜະລິດບໍ່ແຮ່ ເພື່ອຮັບປະກັນໃຫ້ພະນັກງານ, ຊຸມຊົນ ແລະ ການດຳເນີນງານຂອງພວກເຮົາປອດໄພຈາກ ອຸປະຕິເຫດຈາກ ​ UXO ທີ່ຍັງຫຼົງ​ເຫຼືອຢູ່. LXML ມີ​ທີມ​ງານ UXO ທີ່​ມີ​ຄຸນ​ວຸດ​ທິໃນ​ລະ​ດັບ​ສາ​ກົນ ເປັນ​ຜູ້​ດຳ​ເນີນ​ງານກວດ​ກູ້​ລະ​ເບີດ​ບໍ່​ທັນ​ແຕກ​ເຫຼົ່າ​ນີ້  ເຊິ່ງນັບ​ແຕ່ຂະ​ບວນ​ການ​ສຳຫຼວດ, ກ່ອນ​ການ​ກໍ່​ສ້າງ ແລະ ຂຸດ​ຄົ້ນ​ບໍ່​ແຮ່ ຕະຫຼອດ​ເຖິງ ການ​ສະ​ໜັບ​ສະ​ໜູນ​ໂຄງ​ການ​ພັດ​ທະ​ນາ​ຊຸ​ມ​ຊົນ​ຂອງ​ບໍ​ລິ​ສັດ. ນອກ​ຈາກ​ນັ້ນ​ແລ້ວ ​ທາງ​ບໍ​ລິ​ສັດ ກໍ​ຍັງ​ໄດ້​ມີການ​ປູກ​ຈິດ​ສຳ​ນຶກ ໂດຍ​​ໄດ້ມີ​ການ​ເຜີຍ​ແຜ່​ຂໍ້ມູນ​ຄວາມ​ຄວາມ​ຮູ້​ກ່ຽວ​ກັບ ຄວາມ​ອັນ​ຕະ​ລາຍ​ຂອງ UXO ຕໍ່​ຊຸມ​ຊົນ​ເຈົ້າ​ພາບ ແລະ ຊຸມ​ຊົນ​ທ້ອງ​ຖິ່ນ​ຂອງ​ພວກ​ເຮົາ ນຳ​ອີກ​ດ້ວຍ.

ຕະຫຼອດທົດສະວັດຜ່ານມາ, ກົດເຫຼັກຂອງທີມງານເກັບກູ້ລະເບີດແມ່ນ ຫ້າມມ້າງລູກລະເບີດ ຫຼື ເຄື່ອນຍ້າຍລູກລະເບີດໂດຍບໍ່​ມີ​ຄວາມຈຳເປັນ. ທຸກຄັ້ງທີ່ກວດພົບ​ວັດ​ຖຸ​ລະ​ເບີດທີ່​ຍັງ​ບໍ່​ທັນ​ແຕກແມ່ນຈະຕ້ອງມີການທຳລາຍລູກລະເບີດກັບທີ່. ທຸກຄົນພາຍໃນທີມ​ງານ​ແມ່ນເຂົ້າໃຈດີ ເຖິງຄວາມສ່ຽງສູງທີ່ຕິດພັນກັບວຽກງານຂອງພວກເຮົາ. ອຸປະຕິເຫດກໍເກີດຂຶ້ນໃດ້ທຸກເວລາ ຖ້າພວກເຮົາບໍ່ປະຕິບັດຕາມມາດຕະຖານເຕັກນິກສະເພາະທີ່ຖືກວາງອອກ. ຄວາມຜິດພາດໃດໆ ອາດໝາຍເຖິງການສູນເສຍຊີວິດ ແລະ ບໍ່ມີໂອກາດເປັນຄັ້ງທີສອງເພື່ອ​ໃຫ້ກັບຄືນ​ມາແກ້ໄຂ​ໄດ້​ອີກ. ສະນັ້ນ ພວກເຮົາຕ້ອງເອົາໃຈໃສ່ຝຶກຝົນຢ່າງດີ ແລະ ມີປະສົບການໃນການດຳເນີນງານທີ່ອັນຕະລາຍນີ້. ທີມງານ​ UXO ຂອງ LXML ໄດ້ບັນລຸການເຮັດວຽກເກັບກູ້ລະເບີດ ທີ່ປັດສະຈາກການບາດເຈັບມາໄດ້ 5 ປີ ຕິດຕໍ່ກັນ.

ນັບຕັ້ງແຕ່ປີ 1996, LXML ໄດ້ລົງທຶນ​ສູງເຖິງ US$52 ລ້ານ ເຂົ້າໃນການເກັບກູລະເບີດທີ່ບໍ່ທັນແຕກ ແລະ ທໍາລາຍລະເບີດກວ່າ 60.000 ຫນ່ວຍ ເຊິ່ງ 90% ຂອງລະເບີດຈໍານວນນີ້ ແມ່ນພ້ອມທີ່ຈະລະເບີດ ຖ້າຫາກໄດ້ຮັບການກະທົບ. ໃນ​ປີ 2021 ທີມ​ງານ​ພວກ​ເຮົາ​ໄດ້​ທຳ​ລາຍ​ລູກ​ລະ​ເບີດຝັງ​ດິນ 1.368 ໜ່ວຍ ແລະ ໄດ້​ກວດ​ກູ້ລະ​ເບີດ​ບໍ່​ທັນ​ແຕກ​ໃນ​ເນື້ອ​ທີ່​ຫຼາຍກວ່າ 7 ລ້ານ ຕາ​ແມັດ. ໃນ​ຫວ່າງ​ບໍ່​ດົນ​ມາ​ນີ້, LXML ໄດ້​ລົງ​ນາມ​ບົດ​ບັນ​ທຶກ​ຄວາມ​ເຂົ້າ​ໃຈ​ກັບ ກະ​ຊວງ​ປ້ອງ​ກັນ​ຊາດ. ການ​ຮ່ວມ​ມື​ ທີ່​ມີ​ມາ​ຍາວ​ນານ​ນີ້ ໄດ້ສະ​ໜັບ​ສະ​ໜູນ​ໃຫ້​ແກ່​ວຽກ​ງານ​ເກັກ​ກູ້ UXO​ ຢູ່​ອ້ອມ​ຂ້າງ​ບໍ່​ຄຳ-ທອງ​ເຊ​ໂປນ ແລະ ຍົກ​ລະ​ດັບ​ຄວາມ​ອາດ​ສາ​ມາດ​ດ້ານ​ວິ​ຊາ​ການ ເພື່ອ​ຜົນ​ປະ​ໂຫຍດ​ຂອງ​ຄົນ​ຮຸ່ນຫຼັງ. ບໍ​ລິ​ສັດ ຈະ​ສືບ​ຕໍ່​ຮ່ວມ​ມື​ກັບ ກະ​ຊວງ​ປ້ອງ​ກັນ​ຊາດ ໃນ​ການທົດ​ສອບ​ວິ​ທີ​ການ ແລະ ເຕັກ​ໂນ​ໂລ​ຊີ​ໃໝ່ໆ​ໃນ​ການ​ເກັບ​ກູ້​ UXO.

​ບໍ​ລິ​ສັດ LXML ຈະສືບຕໍ່ເຮັດວຽກຢ່າງໃກ້ຊິດກັບຊຸມຊົນທ້ອງຖິ່ນ ແລະ ເຈົ້າໜ້າທີ່ພາກລັດເພື່ອ ກວດຄົ້ນ ແລະ ທຳລາຍລະເບີດທີ່ບໍ່ທັນແຕກ ຢູ່ ອ້ອມຂ້າງບໍ່ຄຳ-ທອງເຊໂປນ ເພື່ອໃຫ້ທຸກຄົນປອດໄພຂຶ້ນ.

ທ່ານ ພູ​ດົງ ສຸ​ຂະ​ວົງ, ຫົວ​ໜ້າ​ກົ​ມ​ຄຸ້ມ​ຄອງ​ຊັບ​ສິນແຫ່ງລັດ, ກະ​ຊວງ​ການ​ເງິນ ໄດ້ຮັບ ​ຄ່າຊັບ​ພະ​ຍ​າ​ກອນ​ແຮ່​ທາດ​ ຈາກ ການ​ຜະ​ລິດ-ຈຳ​ໜ່າຍ​ໂລ​ຫະ​ຄຳ ແລະ ທອງຂອງ​ໄຕຼ​ມາດ​ທີ 4 ປີ 2020 ຈຳ​ນວນ US$3.438.220,28 ມອບ​ໂດຍ ທ່ານ ພໍ ແຮ​ຣິ​ສ, ຜູ້​ຈັດ​ການ​ໃຫຍ່ ບໍ​ລິ​ສັດ ລ້ານ​ຊ້າງ​ ມີ​ເນ​ໂຣນ​ສ໌​ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ (ລ​ຊມ​ລ) ໂດຍ​ການ​ເປັນ​ສັກ​ຂີ​ພິ​ຍານ​ຂອງ ຮອງ​ຫົວ​ໜ້າ​ພະ​ແນກ​ຂອງ​ກະ​ຊວງ​ການ​ເງິນ ທ່ານ​ນາງ ໄພ​ວອນ ທຸມ​ພາ​ວັນ, ຮອງ​ຫົວ​ໜ້າ​ພະ​ແນກ ທ່ານ ດວງ​ດີ ພັນ​ດາ​ນຸ​ວົງ, ວິ​ຊາ​ການ​ພະ​ແນກ ທ່ານ ອາ​ນຸ​ສອນ ໂຄດ​ປະ​ທິບ, ຜູ້​ອຳ​ນວຍ​ການ​ໃຫຍ່ ລ​ຊມ​ລ ທ່ານ ສະ​ໝານ ອະ​ເນ​ກາ ແລະ ຫົວ​ໜ້າ​ພົວ​ພັນ​ພາຍນອກ ທ່ານ​ນາງ ດາວ​ມະ​ນີ ຈັນ​ພະ​ແກ້ວ.

ຍອດ​ລາຍ​ຈ່າຍ​ຄ່າ​ພາ​ສີ​ຊັບ​ພະ​ຍາ​ກອນ​ແຮ່​ທາດ ໃຫ້​ແກ່​ລັດ​ຖະ​ບານ ​ທັງໝົດຂອງສົກປີ 2020 ແມ່ນເທົ່າກັບ  US$14,5 ລ້ານ ນອກ​ ຈາກ​ ພັນ​ທະ​ອື່ນໆ​ທີ່​ໄດ້​ມອບ​ເຂົ້າ​ເປັນ​ລາຍ​ຮັບ​ຂອງ​ລັດ​ຖະ​ບານ​ເປັນ​ຕົ້ນ ອາ​ກອນ​ກຳ​ໄລ, ອາ​ກອນ​ນ້ຳ​ມັນເຊື້ອ​ໄຟ ແລະ ອາ​ກອນ​ລາ​ຍ​ໄດ້.

ນັບຕັ້ງແຕ່​ເລີ່ມ​ມີການ​ຂຸດ​ຄົ້ນ-ປຸງ​ແຕ່ງ-​ຜະ​ລິດ​ຄຳ-ທອງ ມາ​ແຕ່​​ປີ 2003 ເປັນ​ຕົ້ນ​ມາ, ​ທາງບໍ​ລິ​ສັດ ລ້ານ​ຊ້າງ​ ມີ​ເນ​ໂຣນ​ສ໌​ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ໄດ້​ປະ​ກອບ​ສ່ວນພັນ​ທະ​ຂອງ​ຕົນ​ທີ່​ເປັນ​ ລາຍ​ຮັບ​ໂດຍ​ກົງໃຫ້ແກ່​ລັດ​ຖະ​ບານ​ ແຫ່ງ ສ​ປ​ປ ລາວ ​ເປັນ​ເງິນ​ທັງໝົດ ຫຼາຍກວ່າ US$1,5 ຕື້ ລວມ​ທັງ ຄ່າ​​ຊັບ​ພະ​ຍາ​ກອນ​ແຮ່​ທາດ​ທັງ​ໝົດຫຼາຍກ່​ວາ ​US$172 ລ້ານ.

ທີ່​ບໍ່​ຄຳ-ທອງ​ເຊ​ໂປນ, ວຽກ​ງານ​ເກັບ​ກູ້​ລະ​ເບີດ​ທີ່​ບໍ່​ທັນ​ແຕກ (UXO) ເປັນ​ວຽກ​ງານ​ໜຶ່ງ​ທີ່​ສຳ​ຄັນ​ໃນ​ວົງ​ຈອນ​ການ​ຂຸດ​ຄົ້ນ-ປຸງ​ແຕ່ງ-ຜະ​ລິດ​ບໍ່​ແຮ່. ສ​ປ​ປ ລາວ ເປັນ​ປະ​ເທດ​ທີ່​ຖືກ​ຖິ້ມ​ລະ​ເບີດ​ຕໍ່ຕົວຄົນທີ່​ໜັກ​ໜ່ວງ​ທີ່​ສຸດ​ໃນ​ໂລກ ແລະ ບໍ່​ຄຳ-ທອງ​ເຊ​ໂປນ​ກໍ​ຕັ້ງ​ຢູ່​ບ່ອນ​ທີ່​ຖືກ​ຖິ້ມ​ລະ​ເບີດ​ລົງ​ໃສ່ຫຼາຍ​ທີ່​ສຸດ​ໃນ​ປະ​ເທດ.

ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ ໄດ້​ລົງ​ນາມ​ບົດ​ບັນ​ທຶກ​ຄວາມ​ເຂົ້າ​ໃຈ (MoU) ກັບ ກະ​ຊວງ​ປ້ອງ​ກັນ​ປະ​ເທດ. ການ​ຮ່ວມ​ມື​ທີ່​ຍາວ​ນານ​ນີ້ ແມ່ນ​ສະ​ໜັບ​ສະ​ໜູນ​ການ​ເກັບ​ກູ້​ລະ​ເບີດ​ທີ່​ບໍ່​ທັນ​ແຕກ​ຕົກ​ຄ້າງ​ຢູ່​ເຂດ ບໍ່-ຄຳ​ທອງ​ເຊ​ໂປນ ແລະ ຍົກ​ລະ​ດັບ​ຄວາມ​ອາດ​ສາ​ມາດ​ດ້ານ​ວິ​ຊາ​ການກວດ​ກູ້​ຂອງ​ກະ​ຊວງ​ປ້ອງ​ກັນ​ປະ​ເທດ ສຳ​ລັບ ຜົນ​ປະ​ໂຫຍດ​ຂອງ​ລູກຫຼານ​ຄົນ​ຮຸ່ນ​ໃໝ່​ໃນ​ອາ​ນາ​ຄົດ​ຂອງ ສ​ປ​ປ ລາວ.

​ໃຫ້​ກຽດ​ລົງ​ນາມ​ໃນ​ບົດ​ບັນ​ທຶກ​ຄວາມ​ເຂົ້າ​ໃຈ​ຄັ້ງ​ນີ້​ມີ: ​ທ່ານ ພັ.ອ ວຽງ​ໄຊ ໄຊ​ສະ​ໝອນ, ຫົວ​ໜ້າ​ກົມ​ຊ່າງ​ແສງ ກົມໃຫຍ່​ເສ​ນາ​ທິ​ການ​ກະ​ຊວງ​ປ້ອງ​ກັນ​ປະ​ເທດ ແລະ ທ່ານ ຊົງ​ລິນ ຊາງ, ຜູ້​ຈັດ​ການ​ພະ​ແນກ​ບໍ​ລິ​ການ​ເຕັກ​ນິກ​ບໍ່​ແຮ່ ຂອງ ບໍ​ລິ​ສັດ ລ​ຊມ​ລ ໂດຍ​ການ​ເປັນ​ສັກ​ຂີ​ພິ​ຍານ​ຂອງ ທ່ານ ພັ.ທ ປາດ​ຖະ​ໜາ ບຸດ​ຕິ​ຈັກ, ຮອງ​ຫົວ​ໜ້າ​ຫ້ອງ​ການ​ກົມ​ໃຫຍ່​ເສ​ນາ​ທິ​ການ ກະ​ຊວງ​ປ້ອງ​ກັນ​ປະ​ເທດ ແລະ ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່ ລ​ຊມ​ລ ໃນ​ວັນ​ທີ 26 ກຸມ​ພາ 2021.

ທ່ານ ພັ.ອ ວຽງ​ໄຊ ໄຊ​ສະ​ໝອນ, ຫົວ​ໜ້າ​ກົມ​ຊ່າງ​ແສງ​ກົມ​ໃຫຍ່​ເສ​ນາ​ທິ​ການ ກະ​ຊວງ​ປ້ອງ​ກັນ​ປະ​ເທດ ກ່າວ​ວ່າ: “ການ​ຮ່ວມ​ມື​ນີ້ ສະ​ໜັບ​ສະ​ໜູນ​ໃຫ້​ວຽກ​ງານ​ເກັບ​ກູ້​ລະ​ເບີດ​ບໍ່​ທັນ​ແຕກ​ດຳ​ເດີນ​ໄປ​ຢ່າງ​ປອດ​ໄພ ຖືກ​ຕ້ອງ​ຕາມ​ມາດ​ຕະ​ຖານ​ແຫ່ງ​ຊາດ​ຂອງ​ຄະ​ນະ​ກຳ​ມາ​ການ​ແຫ່ງ​ຊາດ. ພວກ​ເຮົາ​ຈະ​ສານ​ຕໍ່​ກາ​ນ​ຮ່ວມ​ມືກັບ ລ​ຊມ​ລ ທີ່​ມີ​ມາເປັນທົດ​ສະ​ຫວັດ ເພື່ອ ບັນ​ລຸ​ພາກ​ປະ​ຕິ​ບັດ​ທີ່​ດີ​ທີ່​ສຸດ​ໃນ​ການ​ເກັບ​ກູ ແລະ ການ​ທຳ​ລາຍລະ​ເບີດ​ທີ່​ບໍ່​ທັນ​ແຕກ​ທີ່​ຕົກ​ຄ້າງ.”

​ຕັ້ງ​ແຕ່​ກາ​ນ​ຮ່ວມ​ມື​ໄດ້​ເລີ່ມ​ຕົ້ນ​ຂຶ້ນໄດ້​ທົດ​ສະ​ຫວັດ​ຜ່ານ​ມາ, ລ​ຊມ​ລ, ກະ​ຊວງ​ປ້ອງ​ກັນ​ປະ​ເທດ, ຄະ​ນະ​ກຳ​ມະ​ການ​ຄຸ້ມ​ຄອງ​ແຫ່ງ​ຊາດ ແລະ UXO Lao ໄດ້​ເຮັດ​ວຽກ​ງານ​ຮ່ວມ​ກັນ​ເພື່ອ​ປັບ​ປຸງ​ມາດ​ຕະ​ຖານ​ການ​ເກັບ​ກູ້​ລະ​ເບີດ​ທີ່​ບໍ່​ທັນ​ແຕກ.

ໃນ​ປີ 2015, ລ​ຊມ​ລ ແລະ ຄະ​ນະ​ກຳ​ມະ​ການ​ຄຸ້ມ​ຄອງ​ແຫ່ງ​ຊາດ ໄດ້​ຮ່ວມ​ກັນ​ສ້າງຫຼັກ​ສູດ​ຝຶກ​ອົບ​ຮົມ​ກ່ຽວ​ກັບ ການ​ທຳ​ລາຍ​ລະ​ເບີດ​ທີ່​ບໍ່​ທັນ​ແຕກ​ເພື່ອ​ສ້າງ​ຄວາມ​ອາດ​ສາ​ມາດ​ໃຫ້​ແກ່​ນັກ​ວິ​ຊາ​ການ​ລາວ ໃຫ້​ໄດ້​ຮັບ​ຄຸນ​ວຸ​ທິ ​ສູງ​ທີ່​ສຸດ​ເປັນ​ທີ່ຍອມ​ຮັບ​ໃນ​ລະ​ດັບ​ສາ​ກົນ. ນັບ​ຕັ້ງ​ແຕ່​ປີ 1996, ລ​ຊມ​ລ ໄດ້​ລົງ​ທຶນຫຼາຍກວ່າ US$51 ລ້ານ, ໄດ້​ເກັບ​ກູ້​ລະ​ເບີດ​ທີ່​ຍັງ​ບໍ່​ທັນ​ແຕກກວມ​ໃນ​ເນື້ອ​ທີ 5,700 ເຮັກ​ຕາ ແລະ ໄດ້​ທຳ​ລາຍ​ລະ​ເບີດ​ທີ່​ບໍ່​ທັນ​ແຕກ​ໄດ້ 58,500 ລູກ.

​ລ​ຊມ​ລ ແລະ ຄະ​ນະ​ກຳ​ມະ​ການ​ຄຸ້ມ​ຄອງ​ແຫ່ງ​ຊາດ ສືບ​ຕໍ່​ລົງ​ທຶນ​ໃສ່ ເຕັກ​ໂນ​ໂລ​ຊີ​ທັນ​ສະ​ໃໝ​ເພື່ອ​ປັບ​ປຸງ​ປະ​ສິດ​ທິ​ຜົນ​ການ​ລະ​ບຸ ແລະ ກວດ​ຄົ້ນ UXO. ຕົວ​ຢ່າງ, ລະ​ບົບ​ການກວດ​ຫາ​ລູກ​ລະ​ເບີດ​ທີ່​ບໍ່​ທັນ​ແຕກ​ໃນ​ລະ​ດັບ​ເລິກ “Ultra-TEM II” ສາ​ມາດ​ຈັບ​ສັນ​ຍານ​ລູກ​ລະ​ເບີດ​ບໍ່​ທັນ​ແຕກ​ໃນ​ລະ​ດັບ​ເລິກ​ເຖິງ 3.5 ແມັດ. ລ​ຊມ​ລ ໄດ້​ສືບ​ຕໍ່​ປັບ​ປຸງວິ​ທີ​ການກວດ​ຄົ້ນ​ລະ​ເບີດ​ແບບ Fixed Loop Electromagnetic (FLEM)  ແລະ ໃນ​ບໍ່​ດົນ​ມາ​ນີ້ ໄດ້​ລົງ​ທຶນ​ໃສ່ ອຸ​ປະ​ກອນກວດ​ຄົ້ນ​ແບບ​ໃຊ້​ມື​ຈັບ ດ້ວຍ​ການ​ຊື້​ອຸ​ປະ​ກອນກວດ​ຄົ້ນ​ Vallon VMX-10.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວ​ຍ​ການ​ໃຫຍ່​ຂອງ ລ​ຊມ​ລ ກ່າວ​ວ່າ: “ພວກ​ເຮົາ​ສືບ​ຕໍ່​ຫລຸດ​ຜ່ອນ​ອຸ​ປະ​ສັກ​ທີ່​ມີ​ຜົນ​ກະ​ທົບ​ທ່ວງ​ດຶງ ການ​ພັດ​ທະ​ນາ​ຂອງ ສ​ປ​ປ ລາວ. ພວກ​ເຮົາ​ສູ້​ຊົນ​ເຮັດ​ໃຫ້​ຊຸມ​ຊົນ​ປອດ​ໄພ​ດ້ວຍ​ການ​ຍົກ​ລະ​ດັບ​ຄວາມ​​ອາດສາ​ມາດ, ດ້ວຍ​ການ​ລົງ​ທຶນ​ໃນ​ອຸ​ປະ​ກອນ​ ແລະ ເຜີຍ​ແຜ່​ຄວາມ​ຮູ້​ກ່ຽວ​ກັບ​ລະ​ເບີດ​ທີ່​ບໍ່​ທັນ​ແຕກ​ໃຫ້​ແກ່ ຄູ່​ຮ່ວມ​ງານ ແລະ ຊຸມ​ຊົນ​ຂອງ​ພວກ​ເຮົາ. ລ​ຊມ​ລ ມີ​ຄວາມ​ຮູ້​ບຸນ​ຄຸນ​ຢ່າງ​ຍິ່ງ ສຳ​ລັບ​ການ​ຮ່ວມ​ຢ່າງ​ຕໍ່​ເນື່ອງ​ກັບ ກະ​ຊວງ​ປ້ອງ​ກັນ​ປະ​ເທດ, ຄະ​ນະ​ກຳ​ມະ​ການ​ຄຸ້ມ​ຄອງ​ແຫ່ງ​ຊາດ ແລະ UXO Lao ໃນກິດ​ຈະ​ກຳ​ທີ່ ອັນ​ຕະ​ລາຍ​ນີ້.”

ໃຫ້ກຽດລົງນາມໃນບົດບັນທຶກຄວາມເຂົ້າໃຈມີ: ພັ.ອ ວຽງໄຊ ໄຊສະໝອນ, ຫົວໜ້າກົມຊ່າງແສງ ກົມໃຫຍ່ເສນາທິການ ກະຊວງປ້ອງກັນປະເທດ (ຊ້າຍ) ແລະ ທ່ານ ຊົງລິນ ຊາງ, ຜູ້ຈັດການພະແນກບໍລິການເຕັກນິກບໍ່ແຮ່ ຂອງ ລຊມລ (ຂວາ) ໃນວັນທີ 26 ກຸມພາ 2021 ທີ່ນະຄອນຫຼວງວຽງຈັນ. ໃຫ້ກຽດລົງນາມເປັນສັກຂີພິຍານ ມີ: ທ່ານ ພັ.ທ ປາດຖະໜາ ບຸດຕິຈັກ, ຮອງຫົວໜ້າຫ້ອງການກົມໃຫຍ່ເສນາທິການ ກະຊວງປ້ອງກັນປະເທດ (ທີ 1 ຈາກຊ້າຍ) ແລະ ທ່ານ ສະໝານ ອະເນກາ, ຜູ້ອຳນວຍການໃຫຍ່ ຂອງ ລຊມລ (ທີ 1 ຈາກຂວາ). 

​ໃນ​ມື້​ນີ້ ບໍ​ລິ​ສັດ ລ້ານ​ຊ້າງ ມີ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ ໄດ້ຮັບ​ໃບ​ຍ້ອງ​ຍໍ​ປະ​ເພດ A⁺ ຈາກ ກະ​ຊວງ​ພະ​ລັງ​ງານ ແລະ ບໍ່​ແຮ່. ບໍ​ລິ​ສັດ ລ​ຊມ​ລ ສາ​ມາດ​ຮັກ​ສາ​​ຜົນ​ງານ​ປະ​ເພດ​ສູງ​ທີ່​ສຸດ​ນີ້​ມາ​ແຕ່​ປີ 2016 ເມື່ອ​ລັດ​ຖະ​ບານ​ລາວ ໄດ້ ເລີ່ມ​ປະ​ຕິ​ບັດ​ກົນ​ໄກ​ນີ້​ເພື່ອ​ຮັບ​ຮູ້​ຜົນ​ງານ ແລະ ມາດ​ຕະ​ຖານ​ຂອງ​ບັນ​ດາ​ບໍ​ລິ​ສັດ. ລ​ຊມ​ລ ເປັນບໍ​ລິ​ສັດ​ໜຶ່ງ​ດຽວ​ເທົ່າ​ນັ້ນ ໃນ ສ​ປ​ປ ລາວ ທີ່​ໄດ້​ຮັບ ລຳ​ດັບ​ຊັ້ນ​ອັນ​ຊົງ​ກຽດ​ນີ້.

ກະ​ຊວງ​ພະ​ລັງ​ງານ ແລະ ບໍ່​ແຮ່ ຈັດປະ​ເພດ​ບັນ​ດາ​ບໍ​ລິ​ສັດ ອີງ​ຕາມ ເປົ້າ​ໝາຍ ແລະ ຫຼັກ​ການ​ການ​ພັດ​ທະ​ນາ. ບໍ​ລິ​ສັດ ລ​ຊມ​ລ ຍາດ​ແຍ່ງ​ຊັ້ນ​ນີ້​ມາ​ໄດ້​ຍ້ອນ ໄດ້​ປະ​ກອບ​ສ່ວນ​ຕໍ່​ການ​ພັດ​ທະ​ນາ​ເສດ​ຖະ​ກິດ​ແຫ່ງ​ຊາດ ໂດຍ​ການ​ເປັນ​ຄູ່​ຮ່ວມ​ພັດ​ທະ​ນາ​ທ້ອງ​ຖິ່ນ ແລະ ຊຸມ​ຊົນ ແລະ ໄດ້​ຮັກ​ສາ​ມາດ​ຕະ​ຖານ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​ຢ່າງ​ເຂັ້ມ​ແຂງ.

ບໍ​ລິ​ສັດ ລ​ຊມ​ລ ຖືກ​ຮັບ​ຮູ້ ສຳ​ລັບ​ການ​ປັບ​ປຸງ​ຊີ​ວິດການ​ເປັນ​ຢູ່​ທີ່​ດີ​ຂຶ້ນ​ຂອງ​ຊຸມ​ຊົນ; ການ​ນຳ​ໃຊ້​ເຕັກ​ນິກ-ເຕັກ​ໂນ​ໂລ​ຊີ​ທີ່​ທັນ​ສະ​ໄໝ; ການ​ສະ​ໜັບ​ສະ​ໜູນ​ຜະ​ລິດ​ຕະ​ພັນ ແລະ ການ​ບໍ​ລິ​ການ​ທ້ອງ​ຖິ່ນ; ເປັນ​ທຸ​ລະ​ກິດ​ທີ່​ມີ​ການ​ຂະ​ຫຍາຍ ແລະ ເຕີບ​ຕົວ​ຢ່າງ​ຕໍ່​ເນື່ອງ; ແລະ ໄດ້​ສະ​ໜັບ​ສະ​ໜູນ​ການ​ຂະ​ຫຍາຍ​ຕົວ​ຂອງ​ຂະ​ແໜງ​ການ​ອື່ນໆ.

ບໍ​ລິ​ສັດ ລ​ຊມ​ລ ປະ​ຕິ​ບັດ​ຄົບ​ຖ້ວນ​ຕາມ 7 ຫຼັກ​ການ​ທີ່​ກຳ​ນົດ​ຄື: (i) ປະ​ຕິ​ບັດ​ລະ​ບຽບ​ກົດ​ໝາຍ; (ii) ​ປະ​ຕິ​ບັດພັນ​ທະ​ຄົບ​ຖ້ວນ, ທັນ​ເວ​ລາ ແລະ ກວດ​ກາ​ໄດ້; (iii) ນັບ​ຖື​ປະ​ເທດ ແລະ ຊຸມ​ຊົນ​ເຈົ້າ​ພາບ; (iv) ສົ່ງ​ເສີມ​ແຮງ​ງານ​ພາຍ​ໃນ ແລະ ພັດ​ທະ​ນາ​ທັກ​ສະ​ຢ່າງ​ຕັ້ງ​ໜ້າ; (v) ຮັກ​ສາ​ຄວາມ​ປອດ​ໄພ-ສຸ​ຂະ​ພາບ​ຕາມ​ຫຼັກ​ການ​ທີ່​ດີ​ຂອງ​ສາ​ກົນ; (vi) ດຳ​ເນີນ​ທຸ​ລະ​ກິດ​ມີ​ປະ​ສິດ​ທິ​ຜົນ, ໂປ່ງ​ໃສ, ບໍ່​ມີ​ຜົນ​ກະ​ທົບຮ້າຍ​ແຮງ​ຕໍ່​ສັງ​ຄົມ ແລະ ສິ່ງ​ແວດ​ລ້ອມ; (vii) ມີ​ແຜນ​ຄຸ້ມ​ຄອງ​ສິ່ງ​ແວດ​ລ້ອມ ແລະ ແຜນ​ປິດ​ບໍ່.

ທ່ານ ສະ​ໝານ ອະ​ເນ​ກາ, ອຳ​ນວຍ​ການ​ໃຫຍ່ ລ​ຊມ​ລ ກ່າວ​ວ່າ: “ທີ່ ລ​ຊມ​ລ ພວກ​ເຮົາ​ໝາຍ​ໝັ້ນ​ໃນ​ການ​ປະ​ຕິ​ບັດ​ຕາມ​ມາດ​ຕະ​ຖານປະ​ເທດ ແລະ ສາ​ກົນ. ການ​ຍ້ອງ​ຍໍທີ່​ໄດ້​ຮັບ​ມາ​ຢ່າງ​ຕໍ່​ເນື່ອງ​ນີ້ ຈະ​ເປັນ​ສິ່ງ​ຕັກ​ເຕືອນ​ພວກ​ເຮົາ​ໃຫ້​ເປັນ ນັກ​ລົງ​ທຶນ​ທີ່​ມີ​ຄວາມ​ຮັບ​ຜິດ​ຊອບ ແລະ ເປັນ​ອົງ​ກອນ​ທີ່​ດີ​ເພື່ອ ​ເປັນແບບ​ຢ່າງບໍ​ລິ​ສັດ​ຂຸດ​ຄົ້ນ​ບໍ່​ແຮ່​ທີ່​ດີ​ເລີດ ແລະ ສ້າງຄວາມ​ຮັ່ງ​ມີ​ໃຫ້​ແກ່​ສັງ​ຄົມ.”

ຕັ້ງ​ແຕ່​ເລີ່ມ​ດຳ​ເນີນ​ການ​ຂຸດ​ຄົ້ນ-ຜະ​ລິດ​ຄຳ-ທອງ​ໃນ​ປີ 2002, ໂຄງ​ການ​ຄຳ-ທອງ​ເຊ​ໂປນ ໄດ້​ຜະ​ລິດ​ແທ່ງ​ຄຳຫຼາຍກວ່າ 1,2 ລ້ານ ອອນ​ສ໌ ແລະ ຜະ​ລິດ​​ແຜ່ນທອງຫຼາຍກວ່າ 1 ລ້ານ​ໂຕນ; ໄດ້​ສ້າງ​ຜົນ​ປະ​ໂຫຍດ​ໂດຍ​ກົງຫຼາຍກວ່າ US$1,5 ຕື້ ໃຫ້​ແກ່ ສ​ປ​ປ ລາວ ໂດຍ​ຜ່ານ​ການ​ຈ່າຍ​ພາ​ສີ–ອາ​ກອນ, ພາ​ສີ​ຊັບ​ພະ​ຍາ​ກອນ​ແຮ່​ທາດ ແລະ ເງິນ​ປັນ​ຜົນ.

ນອກ​ຈາກນັ້ນ ໂຄງ​ການ​ຄຳ-ທອງ​ເຊ​ໂປນ​ຍັງ​ໄດ້​ສ້າງ​ຜົນ​ປະ​ໂຫຍດ​ທາງ​ອ້ອມ ດ້ວຍ​ກາ​ນ​ສ້າງວຽກ​ເຮັດ​ງານ​ທຳ, ຜ່ານການ​ຝຶກ​ອົບ​ຮົມ​ຕ່າງໆ, ການ​ພັດ​ທະ​ນາ​ຊຸມ​ຊົນ ແລະ ລາຍ​ໄດ້​ໃຫ້​ແກ່​ຜູ້​ຮັບ​ເໝົາ​ທ້ອງ​ຖິ່ນ ອັນ​ໄດ້​ສ້າງ​ຜົນ​ປະ​ໂຫຍດ​ທາງບວກ​ຢ່າງ​ມະ​ຫາ​ສານ​ໃຫ້​ແກ່​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​. ໃນປີ 2003 ກໍຄື ໄລຍະທີ່ໄດ້ມີການນຳໃຊ້ກຳລັງແຮງງານສູງສຸດ, ໂຄງການຄຳ-ທອງເຊໂປນ ໄດ້ສ້າງວຽກເຮັດງານທຳໄດ້ຫຼາຍກວ່າ 5.000 ຄົນ ແລະ ໄດ້ລົງທຶນຫຼາຍຮ້ອຍລ້ານໂດລາສະຫະລັດ ເຂົ້າໃສ່ການພັດທະນາ ແລະ ການຝຶກອົບຮົມພະນັກງານ. ໃນຊຸມຊົນເມືອງວິລະບູລີ ໄດ້ມີປະຊາຊົນກວ່າ 40.000 ຄົນ ໄດ້ຮັບຜົນປະໂຫຍດຈາກ ໂຄງ​ການ​ພັດ​ທະ​ນາ​ຊຸມ​ຊົນ ຂອງໂຄງການຄຳ-ທອງເຊໂປນ ລວມມູນຄ່າ US$13 ລ້ານ ແລະ ລາຍໄດ້ຂອງກຸ່ມທຸລະກິດທ້ອງຖິ່ນກໍໄດ້ທະວີຄູນຂຶ້ນເປັນ US$33 ລ້ານ.

ບໍ​ລິ​ສັດ ລ​ຊມ​ລ ໄດ້​ໂຈະ ການ​ຜະ​ລິດ​ຄຳ​ໃນ​ເດືອນ ທັນ​ວາ 2013 ຍ້ອນ ສິນ​ແຮ່​ຄຳ​ທີ່​ຫລຸດ​ລົງ ແລະ ລາ​ຄາ​ຕົກ​ຕ່ຳ​ລົງ. ການ​ກັບ​ຄືນ​ມາ​ຜະ​ລິດ​ຄຳ ຈະຮັບປະກັນ ໃຫ້ຜົນປະໂຫຍດເຫຼົ່ານີ້ ສືບຕໍ່ເສີມຂະຫຍາຍຂຶ້ນໄປ​ເລື້ອຍໆ. ໂຄງ​​ການຄຳ–ທອງ​ເຊ​ໂປນ ໄດ້​ຜະ​ລິດ​ຄຳຫຼາຍກວ່າ 2 ໂຕນ ໃນ​ປີ 2020.

ທ່ານ ຈັນສອນ ແສນບຸດຕະລາດ, ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ (ຊ້າຍ) ມອບໃບຍ້ອງຍໍປະເພດ A+ ໃຫ້ແກ່ ທ່ານ ຈັນທອນ ເນົາວະລາດ, ຮອງອຳນວຍການໃຫຍ່, ລຊມລ ໃນວັນທີ 26 ກຸມພາ 2021 ທີ່ ກອງປະຊຸມຂະແໜງການທໍລະນີສາດ ແລະ ບໍ່ແຮ່ປະຈຳປີ 2020 ຈັດໂດຍ ກະຊວງພະລັງງານ ແລະ ບໍ່ແຮ່ ທີ່ ວັງວຽງ, ແຂວງວຽງຈັນ, ສປປ ລາວ

ໃນ​ອາ​ທິດ​ຜ່ານ​ມາ, ບໍ​ລິ​ສັດ​ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ ໄດ້​ເປັນ​ເຈົ້າ​ພາບ​ເຈົ້າ​ສັດ​ທາ​ສ້າງ ແລະ ຈັດ​ງານ​ພຸດ​ທະ​ພິ​ເສກ​ສົມ​ໂພດ ​ພ​ຣະ​ພຸດ​ທະ​ຮູບ​ພ​ຣະ​ໃຫຍ່​ອົງ​ຕື້ ອຸດ​ຕະ​ມະ​ໂຊກ ຢູ່ ເມືອງວິ​ລະ​ບູ​ລີ, ແຂວງ​ສະ​ຫວັນ​ນະ​ເຂດ ເຊິ່ງ​ເປັນ​ທີ່​ຕັ້ງ​ຂອງ ບໍ່​ຄຳ-ທອງ​ເຊ​ໂປນ.

ກອງ​ທຶນ​ພັດ​ທະ​ນາ​ຊຸມ​ຊົນ​ຂອງ ລ​ຊມ​ລ ໄດ້​ສະ​ໜັບ​ສະ​ໜູນ​ການ​ສ້າງ ພ​ຣະ​ພຸດ​ທະ​ຮູບ​ພ​ຣະ​ໃຫຍ່​ອົງ​ຕື້ (ຂະ​ໜາດ​ໜ້າ​ຕັກ 3ມ ສູງ 4,20ມ ຫຼອມ​ດ້ວຍ​ທອງ​ສຳ​ລິດ ແລະ ຮູບຫຼໍ່​ພ​ຣະ​ຄູ​ຂີ້​ຫອມ (ພ​ຣະ​ບໍ​ລິ​ວານ) ຈຳ​ນວນ 5 ອົງ ຫຼອມ​ດ້ວຍ​ທອງ​ເຫຼືອງ ລວມ​ມູນ​ຄ່າ​ທັງ​ໝົດ 1.125.000.000 ກີບ (US$103,000).

ພ​ຣະ​ພຸດ​ທະ​ຮູບ​ແມ່ນ​ໄດ້​ເດີນ​ທາງ​ມາ​ເຖິງ ແຂວງ​ສະ​ຫວັນ​ນະ​ເຂດ ຢ່າງ​ປອດ​ໄພ ໃນ​ອາ​ທິດ​ຜ່ານ​ມາ ເພື່ອ​ມາ​ຈັດ​ງານທາງ​ພຸດ​ທະ​ພິ​ເສກ​ສົມ​ໂພດ ຕາມ​ຮີດ​ຄອງ​ປະ​ເພ​ນີ​ທາງພຸດທະ​ສາດ​ສະ​ໜາ​ຂອງ​ລາວ​.

ນອກ​ຈາກ​ນັ້ນ ກໍ​ຍັງ​ມີ​ເຈົ້າ​ສັດ​ທາ​ສ່ວນ​ບຸກ​ຄົນຮ່ວມ​ເປັນ​ເຈົ້າ​ພາບ​ປະ​ກອບ​ສ່ວນ​ເປັນ​ມູນ​ຄ່າ​ລວມ 270.000.000 ກີບ (US$25.000) ໃນ​ການຫຼອມ ຮູບຫຼໍ່​ພ​ຣະ​ຄູ​ຂີ້​ຫອມ​ອີກ 6 ອົງ ລວມ​ທັງ: ຜູ້​ອຳ​ນວຍ​ການ​ໃຫຍ່ ລ​ຊມ​ລ ທ່ານ ສະ​ໝານ ອະ​ເນ​ກາ, ປະ​ທານບໍ​ລິ​ສັດ​ຄູນ​ໄຊ​ພັດ​ທະ​ນາ ທ່ານ ເຄນ​ຄຳ ສີ​ລາ​ຊາ, ​ອະ​ດີດ​ປະ​ທານ ສະ​ພາ​ການ​ຄ້າ ແລະ ອຸດ​ສາ​ຫະ​ກຳແຫ່ງ​ຊາດ (ສ​ຄອ​ຊ) ທ່ານ ສີ​ສະ​ຫວາດ ທິ​ລາ​ວົງ, ສ​ຄອ​ຊ ຕາງ​ໜ້າ​ໂດຍ ຮອງ​ປະ​ທານ ສ​ຄອ​ຊ ທ່ານ ດາວວອນ ພະ​ຈັນ​ທະ​ວົງ, ຄະນະບໍລິຫານພ້ອມດ້ວຍພະນັກງານຂອງ ສ​ຄອ​ຊ, ປະ​ທານ ບໍ​ລິ​ສັດ ວີ​ດີ​ຊີ ທ່ານ ບຸນ​ລອງ ໄຊ​ໂກ​ສີ ແລະ ​ປະ​ທານ ບໍ​ລິ​ສັດ ເວດ​ທະ​ສິນ​ກໍ່​ສ້າງ​ຄົບ​ວົງ​ຈອນ​ຈຳ​ກັດ​ຜູ້​ດຽວ ທ່ານ ເວດ​ທະ​ສິນ ສອນ​ເພັດ.

ເມືອງ ວິ​ລະ​ບູ​ລີ ໄດ້​ຈັດ​ງານ​ທາງພຸດທະ​ສາດ​ສະ​ໜາ​ເປັນ​ເວ​ລາ 5 ວັນ ນັບ​ແຕ່​ວັນ​ທີ 1 ຫາ 5 ກຸມ​ພາ 2022 ລວມ​ທັງ ພິ​ທີ​ສົມ​ໂພດ​ພ​ຣະ​ພຸດ​ທະ​ຮູບ​ ແລະ ຕັກ​ບາດ​ຖວາຍ​ສັງ​ຄະ​ທານ​ແດ່​ພະ​ສົງ​ສຳ​ມະ​ເນນ 109 ອົງ. ມີຫຼາຍ​ພັນ​ຄົນ​ຈາກ​ຊຸມ​ຊົນ​ທ້ອງ​ຖິ່ນ ແລະ ເມືອງ​ອື່ນໆ​ເຂົ້າ​ຮ່ວມ​ງານ​ດັ່ງ​ກ່າວ.

ເຈົ້າ​ໜ້າ​ທີ່​ພາກ​ລັດທີ່​ເຂົ້າ​ຮ່ວມ​ ພິ​ທີ​ໃນ​ວັນ​ທີ 3 ກຸມ​ພາ 2022 ລວມ​ມີ ທ່ານ​ນາງ ສວນ​ສະ​ຫວັນ ວິ​ຍາ​ເກດ, ລັດ​ຖະ​ມົນ​ຕີ​ກະ​ຊວງ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ; ທ່ານ ສັນ​ຕິ​ພາບ ພົມ​ວິ​ຫານ, ເຈົ້າ​ແຂ​ວງໆ​ສະ​ຫວັນ​ນະ​ເຂດ; ທ່ານ​ນາງ ຫຼິງ​ທອງ ແສງ​ຕາ​ວັນ, ຮອງ​ເຈົ້າ​ແຂວງໆ​ສະ​ຫວັນ​ນະ​ເຂດ; ທ່ານ ຄຳ​ຜຸຍ ສີ​ບຸນ​ເຮືອນ, ເຈົ້າ​ເມືອງໆ​ວິ​ລະ​ບູ​ລີ; ທ່ານ ບົວ​ສອນ ມະ​ຫາ​ວົງ, ອາ​ດີດ​ເຈົ້າ​ເມືອງໆ​ວິ​ລະ​ບູ​ລີ, ຫົວ​ໜ້າ​ຂະ​ແໜງ​ການ​ຂັ້ນແຂວງ ແລະ ເມືອງ; ຫົວ​ໜ້າ​ແນວ​ໂຮມ​ທ້ອງ​ຖິ່ນ ແລະ ພາກ​ສ່ວນ​ອື່ນໆ.

ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫຍ່​ຂອງ ລ​ຊມ​ລ ໄດ້​ກ່າວ​ວ່າ: “ພວກ​ເຮົາ​ມີ​ຄວາມ​ພາກ​ພູມ​ໃຈ​ເປັນ​ຢ່າງ​ຍິ່ງ​ທີ່​ໄດ້​ປະ​ກອບ​ສ່ວນ​ໃສ່​ການຫຼອມ ແລະ ສົມ​ໂພດ​ພ​ຣະ​ພຸດ​ທະ​ຮູບ​ພະ​ໃຫຍ່​ອົງ​ຕື້. ການ​ປະ​ກອບ​ສ່ວນ​ນີ້ ສະ​ແດງ​ເຖິງ​​ຄວາມ​ເຄົາ​ລົບນັບ​ຖື​ທີ່​ມີ​ມາ​ຢ່າງ​ຍາວ​ນານ​ຂອງ ລ​ຊມ​ລ ຕໍ່ ຮີດ​ຄອງ​ປະ​ເພ​ນີ ແລະ ວັດ​ທະ​ນະ​ທຳ​ລາວ ກໍ​ຄື ຄວາມໝາຍ​ໝັ້ນ​ຂອງ​ບໍ​ລິ​ສັດ​ໃນ​ການ​ສົ່ງ​ເສີມ ການ​ພັ​ດ​ທະ​ນາ​ຊຸມ​ຊົນ​ທ້ອງ​ຖິ່ນ.”

​ໃນ​ສອງ-ສາມ​ທົດ​ສະ​ຫວັດ​ຜ່ານ​ມາ, ລ​ຊມ​ລ ໄດ້​ບໍ​ລິ​ຈາກ​ໂລ​ຫະ​ທອງ ແລະ ທຶນ​ຢ່າງ​ເປັນ​ປະ​ຈຳ ເຂົ້າ​ໃນການ​ສ້າງ​ຮູບຫຼໍ່ເປັນ​ອະ​ນຸ​ສອນ​ທີ່​ສຳ​ຄັນ​ໃນ ສ​ປ​ປ ລາວ ເປັນ​ຕົ້ນ ຮູ​ບຫຼໍ່​ພ​ຣະ​ພູດ​ທະ​ຮູບ​ທີ່​ສຳ​ຄັນ​ຢູ່​ແຂວງ ສະ​ຫວັນ​ນະ​ເຂດ, ຫົວ​ພັນ, ບໍ​ລິ​ຄຳ​ໄຊ, ໄຊ​ຍະ​ບູ​ລີ, ອັດ​ຕະ​ປື ແລະ ບັນ​ດາ​ບ້ານ​ຢູ່​ອ້ອມ​ຂ້າງ​ບໍ່​ຄຳ-ທອງ​ເຊ​ໂປນ ກໍ​ຄື ການ​ສ້າງ ຍອດ​ຊໍ່​ຟ້າ​ຂອງ​ຫໍຫຼັກ​ເມືອງ ນ​ະ​ຄອນຫຼວງວຽງ​ຈັນ, ເຄື່ອງ​ໝາຍ​ກາ​ຊາດ​ຂອງ​ສະ​ພາ​ແຫ່ງ​ຊາດ ແລະ ສຳ​ນັກ​ງານ​ປະ​ທານ​ປະ​ເທດ.

ມີຫຼາຍ​ຄົນ​ທີ່​ອາດ​ແປກ​ໃຈ ເມື່ອ​ຮູ້​ວ່າ ລ​ຊມ​ລ ໄດ້ ບໍ​ລິ​ຈາກ​ທອງ ຈາກ​ບໍ່​ຄຳ​-ທອງ​ເຊ​ໂປນ ເຂົ້າ​ໃນ​ການ​ສ້າງ​ຮູບຫຼໍ່​ຈຳ​ລອງ​ອົງ​ສົມ​ເດັດ​ພ​ຣະ​ເຈົ້າ​ອາ​ນຸ​ວົງ​ ຢູ່ ນະ​ຄອນຫຼວງວຽງ​ຈັນ ທີ່​ພວກ​ເຮົາ​ເຫັນ​ໃນ​ທຸກ​ມື້​ເວ​ລາ​ກາຍ​ໄປ​ກາຍ​ມາ​ຢູ່​ແຄມ​ຂອງ.

ໃນ​ວັນ​ທີ 4 ກຸມ​ພາ 2022 ກົງ​ກັບ​ ມື້​ຂຶ້ນ 3 ຄ່ຳ ເດືອນ 3 ລາວ, ຄະ​ນະ​ຜູ້​ບໍ​ລິ​ຫານ​ພ້ອມ​ດ້ວຍພະ​ນັກ​ງານ​ຂອງ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ (ລ​ຊມ​ລ) ບໍ່​ຄຳ-ທອງ​ເຊ​ໂປນ ໄດ້​ຈັດ​ພິ​ທີ​ຕາມ​ຮີດ​ຄອງ​ປະ​ເພ​ນີ ເພື່ອ​ສະ​ເຫຼີມ​ສະຫຼອງ​ການ​ເປີດ ອຸ​ມົງ​ທາງ​ເຂົ້າ ເພື່ອ​ເຈາະ​ສຳຫຼວດ​ບໍ່​ແຮ່​ໃຕ້​ດິນ ຢູ່ ພາກ​ສະ​ໜາມ​ບໍ່​ຄຳ-ທອງ ເຊ​ໂປນ. ໂຄ​ງ​ການ​ດັ່ງ​ກ່າວ​ນີ້​ ແນ​ໃສ່​ສ້າງບໍ່​ແຮ່​ໃຕ້​ດິນ​ທີ່​ທັນ​ສະ​ໄໝ​ແຫ່ງ​ທຳ​ອິດ​ຢູ່​ໃນ ສ​ປ​ປ ລາວ.

ທ່ານ ພໍ ແຮ​ຣິ​ສ໌, ຜູ້​ຈັດ​ການ​ໃຫຍ່ ລ​ຊມ​ລ ໄດ້​ກ່າວ​ວ່າ: “ໂຄງ​ການ​ຄຳ-ທອງ​ເຊ​ໂປນ ມີ​ປະ​ຫວັດ​ສາດ​ການ​ຂຸດ​ຄົ້ນ​ບໍ່​ແຮ່ ມາ​ຫຼາຍ​ພັນ​ປີ. ການ​ພັດ​ທະ​ນາ​ໃໝ່​ນີ້ ຈະ​ຍືດ​ອາ​ຍຸ​ຂອງ​ບໍ່​ຄຳ-ທອງ ເຊ​ໂປນ ດ້ວຍ ອຸ​ປະ​ກອນ​ທີ່​ທັນ​ສະ​ໄໝ ແລະ ເຕັກ​ນິກ​ການ​ຂຸດ​ຄົ້ນ​ບໍ່​ແຮ່​ທີ່​ນຳ​ໜ້າ​ໃນ​ໂລກ.”

​ລ​ຊມ​ລ ຈະ​ນຳ​ເອົາຊ່ຽວ​ຊານ ກໍ​ຄື​ ຄວາມ​ຊຳ​ນິ​ຊຳ​ນານ ແລະ ອຸ​ປະ​ກອນ​ທີ່​ມີ​ຄຸນ​ຄ່າ ມາ​ນຳ​ໃຊ້​ເຂົ້າ​ໃນ​ໂຄງ​ການ​ຢູ່ ສ​ປ​ປ ລາວ ແລະ ໝັ້ນ​ໃຈ​ວ່າ ໂຄງ​ການ​ດັ່ງ​ກ່າວ​ຈະ​ປະ​ສົບ​ຜົນ​ສຳ​ເລັດ. ວຽກ​ງານ​ສຳຫຼວດ ຢູ່ ບໍ່​ໃຕ້​ດິນ ແມ່ນ​ຈະ​ເລີ່ມ​ໃນ​ເໝືອງ​ເກົ່າ ຢູ່ ບໍ່​ຄຳ-ທອງ ເຊ​ໂປນ. ລ​ຊມ​ລ ພວມ​ປຶກ​ສາ​ຫາ​ລື​ກັບ ຂະ​ແໜງ​ການ​ພາກ​ລັດ​ທີ່​ກ່ຽວ​ຂ້ອງ ກ່ຽວ​ກັບ ລາຍ​ລະ​ອຽດ ແລະ ຜົນ​ກະ​ທົບ​ຕ່າງໆທີ່​ອາດ​ເກີດ​ຂຶ້ນ​.

ທ່ານ ພໍ ແຮ​ຣິ​ສ໌ ໄດ້​ກ່າວ​ຕື່ມ​ວ່າ: “ຂ້າ​ພະ​ເຈົ້າ​ມີ​ຄວາມ​ພາກ​ພູມ​ໃຈ​​ເປັນຢ່າງ​ຍິ່ງ ທີ່ ລ​ຊມ​ລ ໄດ້​ປະ​ກອບ​ສ່ວນ​ຕໍ່​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ໃນ​ ສ​ປ​ປ ລາວ. ບໍ​ລິ​ສັດ​ແມ່ ຊື​ເຟິງ ຂຸດ​ຄົ້ນ​ຄຳ ໄດ້​ລົງ​ທຶນ​ມະ​ຫາ​ສານເຂົ້າ​ໃນ​ໂຮງງ​ານ ແລະ ອຸ​ປະ​ກອນ ເພື່ອໃຫ້​ສາ​ມາດ​ກັບ​ຄືນ​ມາ​ຜະ​ລິດ ແລະ ຂະ​ຫຍາຍ​ການ​ຜະ​ລິດ​ຄຳ ຢູ່ ໂຄງ​ການ​ຄຳ-ທອງ​ເຊ​ໂປນ. ຂ້າ​ພະ​ເຈົ້າ​ແນ່​ໃຈ​ວ່າ ໂຄງ​ການ​ບໍ່​ແຮ່​ໃຕ້​ດິນ​ນີ້ ຈະ​ເປັນ​ຕົວ​ຢ່າງ​ທີ່​ດີ​ສຳ​ລັບ ຜູ້​ປະ​ກອບ​ການ​ຂຸດ​ຄົ້ນ​ບໍ່​ແຮ່​ອື່ນໆ​ໃນ ປະ​ເທດ ແລະ ຈະ​ເປັນ​ໂອ​ກາດ​ໃຫ້ ພັດ​ທະ​ນາ​ຊັບ​ພະ​ຍາ​ກອນ​ແຮ່​ທາດ​ຢູ່​ພາກ​ສະ​ໜາມ​ອື່ນໆ​ຢ່າງ​ຍືນ​ຍົງ​ດ້ວຍ​ການ​ນຳ​ໃຊ້​ເຕັກ​ນີກ​ທີ່​ຄ້າຍ​ຄື​ກັນ​ນີ້.”

ລ​ຊມ​ລ ໄດ້ ດຳ​ເນີນ​ການ​ຂຸດ​ຄົ້ນ​ບໍ່​ແຮ່​ຄຳ-ທອງ​ເຊ​ໂປນ ແບບ​ບໍ່​ເປີດ​ຕັ້ງ​ແຕ່​ປີ 2003 ເປັນ​ຕົ້ນ​ມາ. ໃນ​ສອງ​ທົດ​ສະ​ຫວັດ​ຜ່ານ​ມາ, ລ​ຊມ​ລ ໄດ້​ປະ​ກອບ​ສ່ວນຫຼາຍກວ່າ US$1,6 ຕື້ ເປັນ​ລາຍ​ຮັບ​ໂດຍ​ກົງ​ໃຫ້​ແກ່​ລັດ​ຖະ​ບານ​ລາວ ຜ່ານ​ການ​ຈ່າຍ​ພາ​ສີ​ອາ​ກອນ ແລະ ຄ່າ​ຊັບ​ພະ​ຍາ​ກອນ​ແຮ່​ທາດ, ຫຼາຍ​ຮ້ອຍ​ລ້ານ​ໂດ​ລາ​ເປັນ​ຜົນ​ປະ​ໂຫຍດ​ທາງ​ອ້ອມ ຜ່ານ​ການ​ພັດ​ທະ​ນາ​ຊຸມ​ຊົນ, ການ​ສ້າງວຽກ​ເຮັດ​ງານ​ທຳ ແລະ ການ​ຝຶກ​ອົບ​ຮົມ​ສ້າງ​ສີ​ມື​ແຮງ​ງານ. ລ​ຊມ​ລ ໝາຍ​ໝັ້ນສ້າງເປັນ​ບໍ​ລິ​ສັດ​ບໍ່​ແຮ່​ຕົວ​ແບບ​ທີ່​ດີ​ເລີດ​ ແລະ ເປັນ​ຄູ່​ຮ່ວມ​ພັດ​ທະ​ນາ ຢູ່​ໃນ ສ​ປ​ປ ລາວ.