ໃນວັນທີ 27 ກຸມພາ 2026, ຢູ່ທີ່ພາກສະໜາມ ບໍ່ຄຳ-ທອງ ເຊໂປນ, ບໍລິສັດ ລ້ານຊ້າງ ມິເນໂຣນສ໌ ຈຳກັດ (LXML) ໄດ້ຈັດພິທີມອບໃບປະກາດໃຫ້ແກ່ນັກວິຊາການເກັບກູ້ລະເບີດບໍ່ທັນແຕກ (UXO) ຂັ້ນ 1 ຈຳນວນ 20 ທ່ານ ທີ່ສຳເລັດການຝຶກອົບຮົມ. ພິທີດັ່ງກ່າວເຂົ້າຮ່ວມໂດຍການເປັນປະທານຂອງ ທ່ານ ບຸນເພັງ ສີສະຫວັດ, ຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ (ຄຊກລ) ແລະ ທ່ານ ໄມເຄີນ ສະຕ້ອດ, ຮອງຜູ້ຈັດການໃຫຍ່ ຝ່າຍປະຕິບັດງານ LXML, ພ້ອມດ້ວຍບັນດາຫົວໜ້າສາຍງານ, ທີມງານວິຊາການຂອງທາງສອງຝ່າຍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ຫຼັກສູດການຝຶກອົບຮົມດັ່ງກ່າວ ໄດ້ດຳເນີນມາແຕ່ວັນທີ 17 ກຸມພາ 2026 ເປັນເວລາ 10 ວັນ ໂດຍການຮ່ວມມືຢ່າງໃກ້ຊິດລະຫວ່າງ ຄຊກລ ແລະ ທີມງານວິຊາການຂອງ LXML ເພື່ອຍົກລະດັບພະນັກງານທ້ອງຖິ່ນ ຈາກຕຳແໜ່ງພະນັກງານຕັດຫຍ້າ (Cutter) ກ້າວສູ່ການເປັນນັກວິຊາການເກັບກູ້ລະເບີດ (EOD Operator) ທີ່ມີຄວາມຊຳນານງານ. ນີ້ຖືເປັນການສ້າງໂອກາດໃນການຍົກລະດັບສີມືແຮງງານ ແລະ ສ້າງລາຍຮັບທີ່ໝັ້ນຄົງໃຫ້ແກ່ພະນັກງານ ແລະ ຊຸມຊົນອ້ອມຂ້າງໂຄງການ. ການພັດທະນານີ້ບໍ່ພຽງແຕ່ສ້າງວຽກເຮັດງານທຳຫຼາຍຮ້ອຍຕຳແໜ່ງເທົ່ານັ້ນ ແຕ່ຍັງເປັນການຍົກລະດັບຊີວິດການເປັນຢູ່ຂອງຫຼາຍຄອບຄົວ ທົ່ວເມືອງວິລະບູລີ ໃຫ້ດີຂຶ້ນຢ່າງເປັນຮູບປະທຳ.

ໃນໂອກາດນີ້, ທ່ານ ບຸນເພັງ ສີສະຫວັດ ໄດ້ກ່າວເນັ້ນໜັກເຖິງຄວາມອັນຕະລາຍຂອງລະເບີດບໍ່ທັນແຕກທີ່ຕົກຄ້າງໃນ ສປປ ລາວ ແລະ ຄວາມສຳຄັນຂອງການສ້າງບຸກຄະລາກອນທີ່ມີຄຸນນະພາບເພື່ອເຮັດໃຫ້ພື້ນທີ່ການຜະລິດມີຄວາມປອດໄພ. ພ້ອມກັນນັ້ນ, ທ່ານ ໄມເຄີນ ສະຕ້ອດ ກໍໄດ້ກ່າວສະແດງຄວາມພາກພູມໃຈຕໍ່ຜົນສຳເລັດຂອງນັກສຶກສາທັງ 20 ທ່ານ ໂດຍທ່ານໄດ້ລະບຸວ່າ “ຄວາມປອດໄພໃນບ່ອນເຮັດວຽກແມ່ນບຸລິມະສິດສູງສຸດຂອງ LXML ເຊິ່ງເປັນຫົວໃຈຫຼັກໃນການດຳເນີນທຸລະກິດ ຢູ່ ສປປ ລາວ ມາຕັ້ງແຕ່ປີ 2003. ນັບແຕ່ເລີ່ມດຳເນີນການ, ໂຄງການບໍ່ຄຳ-ທອງ ເຊໂປນ ໄດ້ປະກອບສ່ວນລາຍຮັບເຂົ້າງົບປະມານແຫ່ງຊາດແລ້ວຫຼາຍກວ່າ 1,9 ຕື້ໂດລາສະຫະລັດ ຜ່ານການມອບຄ່າຊັບພະຍາກອນແຮ່ທາດ, ອາກອນ ແລະ ເງິນປັນຜົນ. ນອກເໜືອຈາກການສ້າງຜົນປະໂຫຍດທາງກົງໃຫ້ລັດຖະບານແລ້ວ, ພວກເຮົາຮູ້ສຶກພາກພູມໃຈທີ່ສຸດ ຕໍ່ກັບການສົ່ງມອບຜົນປະໂຫຍດທາງອ້ອມ ເຊັ່ນ: ການສ້າງວຽກເຮັດງານທຳຫຼາຍຮ້ອຍຕຳແໜ່ງ, ໂຄງການຝຶກອົບຮົມຕ່າງໆ, ການສະໜັບສະໜູນທຸລະກິດທ້ອງຖິ່ນ ແລະ ການພັດທະນາເພື່ອຊຸມຊົນ ທີ່ຊ່ວຍຍົກລະດັບຊີວິດການເປັນຢູ່ຂອງຫຼາຍຄອບຄົວ ທົ່ວເມືອງວິລະບູລີ. ຄວາມຄືບໜ້າທັງໝົດນີ້ ຈະບໍ່ສາມາດເປັນໄປໄດ້ເລີຍ ຖ້າປາສະຈາກ ສະພາບແວດລ້ອມການເຮັດວຽກທີ່ປອດໄພ - ໂດຍສະເພາະໃນພື້ນທີ່ ທີ່ມີສິ່ງເສດເຫຼືອຈາກລະເບີດບໍ່ທັນແຕກ (UXO) ເຊິ່ງຮຽກຮ້ອງໃຫ້ມີຄວາມເອົາໃຈໃສ່ ແລະ ຄວາມຊ່ຽວຊານຢ່າງຈິງຈັງ.”

ຜົນສຳເລັດໃນວຽກງານ UXO ຂອງ LXML ແມ່ນມີຄວາມໂດດເດັ່ນໃນລະດັບພາກພື້ນ ໂດຍບໍລິສັດໄດ້ລົງທຶນຫຼາຍກວ່າ 56 ລ້ານໂດລາສະຫະລັດ ເຂົ້າໃນການກຳຈັດ ແລະ ທຳລາຍລະເບີດ. ຈົນເຖິງປັດຈຸບັນ, ສາມາດທຳລາຍລະເບີດບໍ່ທັນແຕກ ໄດ້ຫຼາຍກວ່າ 60,000 ລູກ ແລະ ສ້າງພື້ນທີ່ປອດໄພໄດ້ຫຼາຍກວ່າ 7,000 ເຮັກຕາ. ຍິ່ງໄປກວ່ານັ້ນ, LXML ຍັງໄດ້ພັດທະນາເຕັກໂນໂລຊີໃໝ່ທີ່ທັນສະໄໝ ເພື່ອກວດຫາລະເບີດທີ່ຖືກຝັງເລິກກວ່າ 3 ແມັດ ແລະ ນຳໃຊ້ນະວັດຕະກຳເຕັກນິກການຈຸດລະເບີດທີ່ມີຄວາມປອດໄພສູງ ເຊິ່ງໄດ້ຮັບການຢັ້ງຢືນເປັນແນວທາງປະຕິບັດທີ່ດີທີ່ສຸດໃນລະດັບຊາດ.

ການຮ່ວມມືອັນດີເລີດລະຫວ່າງ LXML, ຄຊກລ ແລະ ກະຊວງປ້ອງກັນປະເທດ ໄດ້ກາຍເປັນຕົວແບບຂອງການເປັນຄູ່ຮ່ວມມືລະຫວ່າງ ພາກລັດ ແລະ ພາກເອກະຊົນ. ການສ້າງນັກວິຊາການຊຸດໃໝ່ນີ້ ບໍ່ພຽງແຕ່ເປັນການເພີ່ມກຳລັງແຮງໃນການເກັບກູ້ລະເບີດຢູ່ພາກສະໜາມເທົ່ານັ້ນ ແຕ່ຍັງເປັນການຢືນຢັນເຖິງຄວາມມຸ່ງໝັ້ນຂອງ LXML ໃນການຮັກສາມາດຕະຖານຄວາມປອດໄພລະດັບສາກົນ ເພື່ອການເຕີບໂຕແບບຍືນຍົງ ແລະ ສ້າງຄວາມປອດໄພໃຫ້ແກ່ແຜ່ນດິນລາວຢ່າງແທ້ຈິງ.

On 27 February 2026 at the Sepon Mine, Lane Xang Minerals Limited Company (LXML), in collaboration with the National Regulatory Authority for the UXO/Mine Action Sector in Lao PDR (NRA), awarded certificates to 20 Level 1 Unexploded Ordnance (UXO) clearance technicians who successfully completed their training.

The ceremony was chaired by Mr. Bounpheng Sisavath, Head of the NRA Office, and co-chaired by Mr. Michael Stott, LXML Deputy General Manager – Operations, with participation from technical teams and relevant stakeholders.

The 10-day training program, conducted from 17 February 2026, was jointly delivered by NRA and LXML specialists. The course upgraded local employees from Cutter roles to qualified Explosive Ordnance Disposal (EOD) Operators, strengthening technical capacity while creating skilled employment opportunities for communities surrounding the project. The initiative contributes to sustainable income generation and supports improved livelihoods across Vilabouly District.

In his remarks, Mr. Bounpheng Sisavath highlighted the ongoing risks posed by explosive remnants of war in Lao PDR and stressed the importance of developing a highly competent workforce to ensure safe production areas.

Mr. Michael Stott congratulated the graduates and reaffirmed LXML’s long-standing commitment to safety:

“Safety has been at the core of LXML’s operations in Lao PDR since 2003. The Sepon Mine has contributed more than US$1.9 billion to the national budget through taxes, royalty, and dividends. Beyond these direct contributions, we are proud to generate employment, deliver training programs, support local enterprises, and invest in community development. None of this progress would be possible without maintaining a safe working environment, particularly in areas affected by UXO.”

LXML remains a regional leader in UXO management, having invested over US$56 million in clearance and destruction activities. To date, more than 60,000 UXO items have been safely destroyed, releasing over 7,000 hectares of land for safe use. The company has also introduced advanced detection technologies capable of identifying ordnance buried deeper than three meters, alongside innovative and nationally recognized detonation techniques.

The strong partnership between LXML, the NRA, and the Ministry of National Defense stands as a model of effective public-private cooperation. The certification of this new cohort of technicians further reinforces field clearance capacity and underscores LXML’s commitment to international safety standards, sustainable operations, and the creation of a safer environment for the Lao people.

LXML ມອບເງິນສະໜັບສະໜູນ 100 ລ້ານກີບ ເຂົ້າໃນງານເທສະການ "ສະຫວັນ ສຸກສັນ ຫັນສາ" ປະຈຳປີ 2026| LXML Contributes LAK 100 Million to Support 2026 “Savan Fun Fest”

ໃນຕອນເຊົ້າຂອງວັນທີ 23 ກຸມພາ 2026, ທີ່ຫ້ອງວ່າການປົກຄອງແຂວງສະຫວັນນະເຂດ ບໍລິສັດ ລ້ານຊ້າງ ມິເນໂຣນສ໌ ຈໍາກັດ (LXML) ໄດ້ມອບເງິນອຸປະຖຳ 100,000,000 ກີບ (ໜຶ່ງຮ້ອຍລ້ານກີບ) ເພື່ອສະໜັບສະໜູນການຈັດງານເທສະການ "ສະຫວັນ ສຸກສັນ ຫັນສາ" ປະຈຳປີ 2026 ເຊິ່ງເປັນກິດຈະກຳວັດທະນະທຳທີ່ສຳຄັນຂອງແຂວງ.

ໃຫ້ກຽດຮັບໂດຍ ທ່ານ ທອງໃສ ໄຊຍະວົງຄຳດີ, ຮອງປະທານຄະນະກຳມະການປົກຄອງແຂວງ, ໂດຍມີຮອງຫົວໜ້າຫ້ອງວ່າການປົກຄອງແຂວງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ຕາງໜ້າບໍລິສັດ LXML  ມອບໂດຍ ທ່ານ ນາງ ລັດສະນີ ສີສານ, ຫົວໜ້າຫ້ອງການ LXML ປະຈຳແຂວງສະຫວັນນະເຂດ.

ການປະກອບສ່ວນດັ່ງກ່າວ ແມ່ນເພື່ອຮ່ວມເປັນສ່ວນໜຶ່ງໃນການຊຸກຍູ້ກິດຈະກຳການທ່ອງທ່ຽວ ແລະ ການສົ່ງເສີມ, ອະນຸລັກຮັກສາວັດທະນະທຳ ຮີດຄອງປະເພນີອັນດີງາມຂອງທ້ອງຖິ່ນໃຫ້ມີຄວາມຍືນຍົງ. ງານເທສະການ "ສະຫວັນ ສຸກສັນ ຫັນສາ" ຖືເປັນງານບຸນປະຈຳປີທີ່ສ້າງຄວາມເບີກບານມ່ວນຊື່ນ ແລະ ດຶງດູດນັກທ່ອງທ່ຽວໃຫ້ເຂົ້າມາຢ້ຽມຢາມແຂວງສະຫວັນນະເຂດນັບມື້ນັບຫຼາຍຂຶ້ນ.

ໃນໂອກາດນີ້, ທ່ານ ທອງໃສ ໄຊຍະວົງຄຳດີ ກໍໄດ້ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ ບໍລິສັດ LXML ທີ່ໄດ້ໃຫ້ຄວາມສຳຄັນ ແລະ ປະກອບສ່ວນຊ່ວຍເຫຼືອສັງຄົມ ພ້ອມທັງຊຸກຍູ້ວຽກງານພັດທະນາເສດຖະກິດ-ສັງຄົມ ຂອງແຂວງສະຫວັນນະເຂດ ຢ່າງສະເໝີຕົ້ນສະເໝີປາຍ.

-----------------------------------------------

On 23 February 2026, at the Savannakhet Provincial Administration Office, Lane Xang Minerals Limited Company (LXML) presented a sponsorship of LAK 100,000,000 (One Hundred Million Kip) to support the organisation of the 2026 “Savan Sooksan Hansa” Festival, one of the province’s most significant cultural events.

The contribution was officially received by Mr. Thongsai Xayavongkhamdy, Vice Chairman of the Provincial Administrative Committee, in the presence of the Deputy Head of the Provincial Administration Office and other relevant officials. Representing LXML, the handover was conducted by Ms. Ladsany Sisane, Superintendent - LXML’s Savannakhet Office.

LXML’s support reflects its commitment to promoting tourism activities while contributing to the sustainable preservation of local cultural customs and traditions. The “Savan Fun Fest” Festival is held annually and serves as a vibrant celebration that fosters community spirit and continues to attract a growing number of visitors to Savannakhet Province.

On behalf of the provincial authorities, Mr. Thongsai Xayavongkhamdy expressed sincere appreciation to LXML for its ongoing social contributions and its consistent support towards the socio-economic development of Savannakhet Province.

--[English below]--

ບໍລິສັດ ລ້ານຊ້າງ ມີເນໂຣນສ໌ ຈໍາກັດ (LXML) ໄດ້ສຳເລັດການຈັດຊຸດຝຶກອົບຮົມ ພາຍໃຕ້ໂຄງການ ພັດທະນາພື້ນຖານການເປັນຜູ້ນໍາສູ່ການປະຕິບັດຕົວຈິງ ຄັ້ງທຳອິດ ໂດຍໄດ້ເຕົ້າໂຮມເອົາບັນດາຜູ້ນຳຮຸ່ນໃໝ່ ຈາກພາກສ່ວນຕ່າງໆໃນທົ່ວພະແນກການດໍາເນີນງານ ເພື່ອສ້າງຄວາມເຂັ້ມແຂງ ແລະ ຄວາມອາດສາມາດໃນການນຳພາຕົວຈິງ ແລະ ການເຮັດວຽກຮ່ວມກັນ.

ຊຸດຝຶກອົບຮົມດັ່ງກ່າວ ຈັດຂຶ້ນເປັນເວລາ 3 ມື້ ທີ່ ແຂວງສະຫວັນນະເຂດ, ໂດຍມີຜູ້ເຂົ້າຮ່ວມທັງໝົດ 18 ທ່ານ ຈາກ ພະແນກບຳລຸງຮັກສາ ແລະ ພະແນກປະຕິບັດການ, ພາຍໃຕ້ການຊ່ວຍເຫຼືອຈາກທີມງານຄູຝືກພາຍໃນ 4 ທ່ານ ແລະ ທີມງານຝຶກອົບຮົມຂອງ LXML ອີກ 3 ທ່ານ. ໂຄງການນີ້ ໄດ້ຈັດຂຶ້ນໂດຍການຮ່ວມມືກັບ ບໍລິສັດຝຶກອົບຮົມ ແລະ ໃຫ້ຄຳປຶກສາ Katalyst Partners, ໂດຍເນັ້ນໜັກໃສ່ການນຳເອົາທິດສະດີຄວາມເປັນຜູ້ນຳ ມາປ່ຽນເປັນທັກສະການຄຸ້ມຄອງວຽກງານຕົວຈິງ.

ຕະຫຼອດໄລຍະການຝຶກອົບຮົມ, ຜູ້ເຂົ້າຮ່ວມໄດ້ຮຽນຮູ້ຜ່ານກິດຈະກຳທີ່ເນັ້ນການມີສ່ວນຮ່ວມຢ່າງຫ້າວຫັນ ເຊິ່ງປະສົມປະສານລະຫວ່າງ ການສົນທະນາແລກປ່ຽນ, ການຝຶກພາກປະຕິບັດ, ການທົບທວນຕົນເອງ, ການນຳສະເໜີ ແລະ ກິດຈະກຳແກ້ໄຂບັນຫາແບບເປັນທີມ. ໂຄງການດັ່ງກ່າວ ຊຸກຍູ້ໃຫ້ຜູ້ເຂົ້າຮ່ວມ ກ້າທີ່ຈະອອກຈາກ ເຂດທີ່ຄຸ້ນເຄີຍຂອງຕົນເອງ, ແລກປ່ຽນຄວາມຄິດເຫັນ ແລະ ສ້າງເຄືອຂ່າຍທີ່ເຂັ້ມແຂງກັບເພື່ອນຮ່ວມງານພະແນກຕ່າງໆ.

ແຜນງານຊຸດຝຶກອົບຮົມ ໄດ້ກວມເອົາຫົວຂໍ້ຄວາມເປັນຜູ້ນຳທີ່ສຳຄັນ ສຳລັບການຄຸ້ມຄອງວຽກງານຂັ້ນພື້ນຖານ ລວມມີ: ການມອບໝາຍວຽກຢ່າງມີປະສິດທິຜົນ, ການສື່ສານ ແລະ ການສ້າງການມີສ່ວນຮ່ວມຂອງທີມ, ເຕັກນິກການໃຫ້ຄຳຕິຊົມຢ່າງເປັນລະບົບ, ພາວະຜູ້ນຳດ້ານຄວາມປອດໄພ ແລະ ການສ້າງຄວາມເຂັ້ມແຂງດ້ານຄວາມຮັບຜິດຊອບໃນການນຳພາ. ຜູ້ເຂົ້າຮ່ວມແຕ່ລະທ່ານ ຍັງໄດ້ຮັບປຶ້ມຄູ່ມື ເພື່ອໃຊ້ໃນການຮຽນຮູ້ຢ່າງຕໍ່ເນື່ອງ ຫຼັງຈົບການຝຶກອົບຮົມ.

ເພື່ອສະໜັບສະໜູນການນຳເອົາບົດຮຽນໄປໝູນໃຊ້ໃນບ່ອນເຮັດວຽກ, ຜູ້ເຂົ້າຮ່ວມຈະຕ້ອງຂຽນ ແຜນການປະຕິບັດງານສ່ວນບຸກຄົນ ເພື່ອປ່ຽນທິດສະດີຫຼັກ ໃຫ້ເປັນການປັບປຸງຕົວຈິງພາຍໃນທີມຂອງຕົນ. ນອກຈາກນີ້, ຜູ້ເຂົ້າຮ່ວມຈະຕ້ອງໄດ້ເຮັດໂຄງການໄລຍະຍາວໃນບ່ອນເຮັດວຽກ ໃນອີກຫຼາຍເດືອນຂ້າງໜ້າ, ໂດຍເນັ້ນໃສ່ຂໍ້ລິເລີ່ມຕ່າງໆ ເພື່ອປັບປຸງວຽກງານຄວາມປອດໄພ, ຜົນຜະລິດ, ຕົ້ນທຶນ ແລະ ການສ້າງແຮງຈູງໃຈໃນທີມ. ທີມງານຄູຝືກພາຍໃນ ຈະຄອຍໃຫ້ຄຳແນະນຳ ແລະ ການສະໜັບສະໜູນຕະຫຼອດຂະບວນການນີ້.

ຜົນສຳເລັດຂອງການຈັດຊຸດຝືກອົບຮົມໃນຄັ້ງທຳອິດນີ້ ສະທ້ອນໃຫ້ເຫັນເຖິງ ຄວາມມຸ່ງໝັ້ນຢ່າງຕໍ່ເນື່ອງຂອງ LXML ໃນການສະໜັບສະໜູນ ແລະ ພັດທະນາຜູ້ນຳທີ່ມີຄວາມສາມາດ. ການຝຶກອົບຮົມສ້າງຄຸນນະພາບໃຫ້ກັບຜູ້ເຂົ້າຮ່ວມ ຊຶ່ງເປັນການສະແດງໃຫ້ເຫັນເຖິງ ຄວາມເລິກເຊິ່ງຂອງສັກກະຍະພາບພາວະຜູ້ນຳພາຍໃນອົງກອນ ແລະ ເປັນການຢືນຢັນເຖິງ ການລົງທຶນຢ່າງຕໍ່ເນື່ອງຂອງ LXML ໃສ່ບຸກຄະລາກອນ ເພື່ອເປັນພື້ນຖານໃຫ້ແກ່ການດຳເນີນງານທີ່ຍືນຍົງ.

Lane Xang Minerals Limited Company (LXML) completed its first Leadership Essentials in Action Program (LEAP) Bootcamp, bringing together emerging leaders from across our operations to strengthen practical leadership capability, collaboration and cooperation.

Held over three days in Savannakhet Province, the inaugural bootcamp brought together 18 participants from Maintenance and Operations, supported by four internal mentors and three members of LXML’s Training team. The program was delivered in partnership with training and coaching company Katalyst Partners and focused on translating leadership concepts into practical supervisory skills.

Throughout the bootcamp, participants engaged in highly interactive learning that combined facilitated discussions, practical exercises, self-reflection, presentations, and team-based challenges. The program encouraged participants to step outside their comfort zone, exchange ideas, and build strong peer networks across departments.

The program covered a range of core leadership capabilities critical to frontline supervision, including effective delegation, communication and team engagement, structured feedback techniques, safety leadership, and strengthening leadership accountability. Each participant received a dedicated workbook to support continued learning beyond the bootcamp.

To support the application of learning in the workplace, participants will complete individual Action Plans, translating key concepts into practical improvements within their own teams. Participants will also undertake longer-term workplace projects over the coming months, focusing on initiatives to improve safety, production, cost and team motivation. A team of internal mentors will provide guidance and support throughout this process.

The successful delivery of the first LEAP Bootcamp reflects LXML’s ongoing commitment to supporting and developing capable leaders. The strong calibre of participants highlights the depth of leadership potential within the organisation and reinforces LXML’s continued investment in its people as a foundation for sustainable operations.