ບໍລິສັດ  ລ້ານຊ້າງ ມີເນໂຣນສ໌ ຈຳກັດ ດຳເນີນການຂຸດຄົ້ນບໍ່ຄຳ-ທອງ ຕັ້ງຢູ່ ເມືອງວິລະບູລີ, ແຂວງສະຫວັນນະເຂດ, ສປປ ລາວ. ພວກ​ເຮົາ​ໃຫ້​ຄຳ​ໝັ້ນ​ສັນ​ຍາ​ໃນ​ການ​ພັດ​ທະ​ນາ​ປະ​ເທດ​ລາວ​ໂດຍ​ຜ່ານ​ການ​ຜະ​ລິດຄຳ​ ແລະ​ ທອງ​, ພ້ອມດຽວກັນນັ້ນກໍ່ພະຍາຍາມເຮັດໃຫ້ທຸລະກິດເປັນເລີດຕະຫຼອດການດຳເນີນທຸລະກິດ. ໃນປີ 2024, ແຜນການຜະລິດຄຳຂອງພວກເຮົາແມ່ນ 6,200 ກິໂລກຣາມ ແລະ ທອງແດງ 5,305 ໂຕນ.

ເພື່ອສະໜັບສະໜູນການດຳເນີນງານ, ພວກເຮົາກຳລັງຊອກຫາຜູ້ສະໝັກງານໃນຕໍາແໜ່ງ ພະນັກງານ ແຜນທີ່ ແລະ ຄຸ້ມຄອງຖານຂໍ້ມູນ  ເພື່ອເຂົ້າມາຮ່ວມງານກັບພວກເຮົາ ແລະເປັນສວ່ນໜື່ງໃນການນໍາພາທີມງານໃຫ້ເຕີມໃຫຍ່ຂະຫຍາຍໂຕ ຢ່າງບໍ່ຢຸດຢັ້ງຕາມແຜນງານໃນອະນາຄົດ.

​​ໜ້າ​ທີ່ຮັບຜິດຊອບຂອງຕຳແໜ່ງນີ້ແມ່ນຈະໄດ້ລາຍງານໂດຍກົງໃຫ້ກັບຜູ້ຊ່ຽວຊານດ້ານແຜນທີ່ ແລະ ຖານຂໍ້ມູນ, ​ ຕຳແໜ່ງນີ້ແມ່ນຮັບຜິດຊອບໃນການສ້າງແຜນທີ່, ແຜນທີ່ໜ້າຕັດພື້ນທີ່ ສຳລັບບົດລາຍງານ ແລະ ນຳສະເໜີວຽກງານທີ່ກ່ຽວຂ້ອງ ຂອງແຕ່ລະພື້ນທີ່ເຮັດວຽກ. ເປັນຜູ້ທີ່ຮັບຜິດຊອບໃນການຄຸ້ມຄອງ, ກວດສອບ, ແລະ ປັບປຸງຖານຂໍ້ມູນ ພ້ອມທັງຮັບປະກັນວ່າຖານຂໍ້ມູນແມ່ນໄດ້ມີຄວາມຖືກຕ້ອງ. ນອກຈາກນັ້ນ ແມ່ນຈະໄດ້ຊ່ວຍວຽກປະຈຳວັນ ແລະ ຮ່ວມກັບທີມງານພາກສະໜາມ; ສຳລັບການຂໍຂໍ້ມູນແຜນທີ່ ທີ່ກ່ຽວກັບພາກສະໜາມ, ພ້ອມທັງຈະໄດ້ປະສານງານກັບທີມງານຄຣໍເສດ (Coreshed) ບັນທືກຂໍ້ມູນຫີນຕົວຢ່າງເຂົ້າໃນຖານຂໍ້ມູນ ແລະ ການຈັດສົ່ງໂຕແບບໄປຫ້ອງທົດລອງ.

ຄວາມຮັບຜິດຊອບຫຼັກປະກອບມີ:

• ສ້າງແຜນທີ່ທາງທໍລະນີສາດ ແລະ ແຜນທີ່ໜ້າຕັດຮູເຈາະສຳຫຼວດ ໂດຍນຳໃຊ້ໂປຣແກຣມ QGIS, MapInfo Discover, ArcGIS Pro, Micromine, ແລະ Leapfrong ສຳຫຼັບແຕ່ລະພື້ນທີ່ ທີ່ຕ້ອງການ, ບົດລາຍງານປະຈຳເດືອນ ແລະ ບົດລາຍງານທາງທໍລະນີສາດອື່ນໆ ຕາມຄວາມຕ້ອງການ.
• ປັບປຸງຂໍ້​ມູນ ແລະ ລາຍ​ງານຜົນການສຳຫຼວດ ປະຈຳວັນເຊັ່ນ: ຜົນການວິໄຈຫາແຮ່, ຂໍ້​ມູນການບັນທຶກປະເພດຫີນຈາກການເຈາະສຳຫຼວດທາງທໍລະນີສາດ, ຂໍ້ມູນການຊີເຈາະ, ຂໍ້​ມູນການເກັບຕົວຢ່າງດິນ-ຫີນ ແລະ ຜົນວິໄຈຕົວຢ່າງເຂົ້າໄປເກັບມ້ຽນໃນລະບົບຖານຂໍ້ມູນຢ່າງຖືກຕ້ອງ ແລະ ສື່ສານກັບທີມງານທໍລະນີສາດ.
• ສະໜອງຂໍ້ມູນໃຫ້ຕາມຄຳຮ້ອງຂໍຂອງທີມທໍລະນີສາດ, ທີມງານພາກສະໜາມ, ທີ່ປຶກສາ ແລະ ຜູ້ຈັດການ, ສະໜອງຂໍ້ມູນທີ່ກ່ຽວຂ້ອງຕາມຄວາມຕ້ອງການຂອງທີມງານ, ເພື່ອສະໜັບສະໜູນການສຳຫຼວດ ແລະ ອື່ນໆ (ໜ່ວຍງານເກັບກູ້ລະເບີດ, ​ໜ່ວຍ​ງານພົວ​ພັນ​ຊຸມ​ຊົນ).
• ຮັບປະກັນການສົ່ງໂຕແບບໃຫ້ທັນເວລາ ໃຫ້ກັບຫ້ອງທົດລອງ ທັງພາຍໃນ ແລະ ພາຍນອກ ທີ່ໄດ້ຮັບມອບໝາຍ ແລະ ມີການກວດສອບ ຂໍ້ມູນໃຫ້ຖືກຕ້ອງ ແລະ ໄດ້ຕາມມາດຖານ ຂັ້ນຕອນການປະຕິບັດງານ.
• ໃຫ້ຄວາມຊ່ວຍທີມງານທໍລະນີສາດພາກສະໜາມ ໃນການສ້າງການແຜນທີ່ທາງທໍລະນີສາດ ແລະ ບັນທຶກຂໍ້ມູນທີ່ກ່ຽວຂ້ອງ.

ຄຸນວຸດທິ, ທັກສະ ແລະ ປະສົບການ:

• ຈົບປະລິນຍາຕີ ສາຂາທໍລະນີສາດ ຫຼື ມີຄາມຮູ້ທາງແຜ່ນທີ່, ສາຂາທີ່ກ່ຽວຂ້ອງ ລະດັບຊັ້ນສູງຂຶ້ນໄປ.
• ມີທັກສະການໃຊ້ຄອມພິວເຕີ້ ດ້ານ MS office ເປັນຢ່າງດີ, ທັກສະການໃຊ້ Excel ລະດັບຊັ້ນສູງຂຶ້ນໄປ.
• ມີຄວາມຊຳນານໃນການນຳໃຊ້ ຊອບແວທາງທໍລະນີສາດຕ່າງໆ ເຊັ່ນ: QGIS, MapInfo Discover, ArcGIS Pro ເພື່ອສ້າງແຜນທີ່ ແລະ ແຜນທີ່ໜ້າຕັດຂອງຮູເຈາະສຳຫຼວດ.
• ມີປະສົບການດ້ານການໃຊ້ ຊອບແວທໍລະນີສາດແບບ 3D ຍິ່ງເປັນການດີ.
• ມີຄວາມຮູ້ໃນການຄຸ້ມຄອງ ແລະ ການບໍລິຫານຂໍ້ມູນ, ການນຳໃຊ້ຊອບແວ
• ມີທັກສະການຂຽນ ແລະ ການສື່ສານດ້ານພາສາອັງກິດທີ່ດີ.
• ມີປະສົບການໃນການສ້າງແຜນທີ່ ແລະ ຄວາມຮູ້ກ່ຽວກັບຖານຂໍ້ມູນ 5 ປີຂຶ້ນໄປຍິ່ງເປັນການດີ.

ຂໍ້ສະເໜີດ້ານ​ຄ່າ​ຕອບ​ແທນທີ່ໜ້າສົນໃຈ, ລວມທັງຄ່າ​ຕອບ​ແທນທີ່​ຈູງ​ໃຈ​ອີງໃສ່ຜົນການປະຕິບັດງານ ແລະ ຜົນປະໂຫຍດອື່ນໆທີ່​ຈະ​ສະ​ໜອງ​ ໃຫ້ໃນຕຳແໜ່ງນີ້. ນີ້ເປັນໂອກາດທີ່ດີ ໃນ​ການ ເຂົ້າຮ່ວມໂຄງ​ການ ຂຸດຄົ້ນບໍ່ແຮ່ລະດັບໂລກ ແລະ ປະກອບສ່ວນເຂົ້າໃນການ ພັດທະນາຢ່າງຕໍ່ເນື່ອງຂອງບໍລິສັດບໍ່ແຮ່ທີ່ໃຫຍ່ທີ່ສຸດ ແລະ ດີທີ່ສຸດໃນ ສປປ ລາວ.

ເພື່ອສະໝັກ​ ຕຳແໜ່ງນີ້, ກະລຸນາປະ​ກອບຊີວະປະຫວັດຫຍໍ້, ຈົດໝາຍ​ສະ​ແດງ​ເຈດ​ຈຳ​ນົງ ແລະ ​ສົ່ງເຂົ້າທີ່​ຢູ່​ອີ​ເມວ Recruitment@LXML.LA.  ກະ​ລຸ​ນາລະບຸ ຊື່ຕຳແໜ່ງ ທີ່ທ່ານສະໝັກຢ່າງຈະແຈ້ງ ໃນຫົວຂໍ້ອີເມວ ສະ​ໝັກ​ຕຳ​ແໜ່ງ(​ຊື່ຕຳ​ແໜ່ງ), (​ຊື່ ແລະ ນາມ​ສະ​​ກຸນ ຂອງຜູ້​ສະ​ໝັກ) ກ່ອນ​ມື້ປິດຮັບສະໝັກໃນ​ວັນ​ທີ 25 ກັນຍາ 2024.

ມີພຽງແຕ່ຜູ້ສະໝັກທີ່ຖືກຄັດເລືອກເທົ່ານັ້ນ ທີ່ຈະໄດ້ຮັບການແຈ້ງເຕືອນ ເພື່ອ​ເຂົ້າ ສຳພາດ ແລະ ທຸກໆຟອມສະໝັກ​ທີ່​ສົ່ງ​ເຂົ້າ​ມາ ​ແມ່ນຈະບໍ່ໄດ້ ສົ່ງຄືນ.

 ບ້ານໂພນສີນວນ, ຕູ້ ປ.ນ 4486, ນະຄອນຫຼວງວຽງຈັນ, ສປປ ລາວ ໂທ: +856 21 268 200, ບ້ານນາເລົ່າ, ນະຄອນໄກສອນ, ແຂວງສະຫວັນນະເຂດ ໂທ:  +856 41 212 686