ບໍລິສັດ  ລ້ານຊ້າງ ມີເນໂຣນສ໌ ລິມິເຕັດ (ລຊມລ) ດຳເນີນການຂຸດຄົ້ນບໍ່ຄຳ-ທອງ ຕັ້ງຢູ່ ເມືອງວິລະບູລີ, ແຂວງສະຫວັນນະເຂດ, ສປປ ລາວ. ນັບຕັ້ງແຕ່ເລີ່ມການດຳເນີນງານໃນປີ 2003, ບໍ່ຄຳ-ທອງເຊໂປນ ສາມາດຜະລິດແຜ່ນທອງໄດ້ຫຼາຍກວ່າ 1,1 ລ້ານ ໂຕນ ແລະ ຜະລິດຄຳ ໄດ້ຫຼາຍກວ່າ 53 ໂຕນ. ໃນປີ 2022 ລຊມລ ສາມາດຜະລິດທອງໄດ້ຫຼາຍກວ່າ 6,600 ໂຕນ ຜະລິດຄໍາໄດ້ຫຼາຍກວ່າ 6,7 ໂຕນ. ຄາດໝາຍການຜະລິດທີ່ຕັ້ງໄວ້ສຳລັບປີ 2023 ແມ່ນ ຄຳຫຼາຍກວ່າ 6 ໂຕນ ແລະ ທອງ 7.000 ໂຕນ.

ລຊມລ ໄດ້ວາງເປົ້າໝາຍຂອງຕົນໃນການເຕີບໃຫຍ່ເພື່ອອະນາຄົດ ດ້ວຍການກັບມາຂຸດຄົ້ນ - ປຸງແຕ່ງຄໍາອີກຄັ້ງໜຶ່ງ ໃນປີ 2020 ພ້ອມທັງສຶກສາຄວາມເປັນໄປໄດ້ໃນດ້ານອື່ນໆ ການເພີ່ມການສຳຫຼວດ ແລະ ພ້ອມທັງກະກຽມການຮ່ວມ ແລະ ເຂົ້າຊື້ກິດຈະການເພີ່ມຕື່ມ, ຊຶ່ງຈະເຮັດໃຫ້ອະນາຄົດ ຂອງ ລຊມລ ແລະ ການດຳເນີນງານຂອງ ບໍ່ຄຳ-ທອງ ເຊໂປນ ແມ່ນຈະບໍ່ມີຂີດຈຳກັດ ທັງໃນດ້ານທ່າແຮງ ແລະ ໂອກາດ.

ເພື່ອສະໜັບສະໜູນການດຳເນີນງານ, ພວກເຮົາກຳລັງຊອກຫາຜູ້ສະໝັກງານໃນຕໍາແໜ່ງ ພະນັກງານ ບໍລິການ ດ້ານສິ່ງແວດລ້ອມ ເພື່ອເຂົ້າມາຮ່ວມງານກັບພວກເຮົາ ແລະເປັນສວ່ນໜື່ງໃນການນໍາພາທີມງານໃຫ້ເຕີບໃຫຍ່ຂະຫຍາຍໂຕ ຢ່າງບໍ່ຢຸດຢັ້ງຕາມແຜນງານໃນອະນາຄົດ.

ພະນັກງານ ບໍລິການ ດ້ານສິ່ງແວດລ້ອມ ມີໜ້າທີ່ຮັບປະກັນວ່າການຄວບຄຸມ ແລະ ການຄຸ້ມຄອງຂະບວນການ - ການຮ້ອງຂໍ ອະຍຸຍາດເພື່ອເຂົ້າເຖິງທີ່ດິນ/ ເຂົ້າລົບກວນທີ່ດິນ  (LADR) ແລະ ການບໍລິການສິ່ງແວດລ້ອມຕາມມາດຕະຖານ, ຄຸນນະພາບ ແລະ ບໍລິການສິ່ງແວດລ້ອມທີ່ຖືກຕ້ອງຕາມກົດໝາຍ ເພື່ອຊ່ວຍອົງກອນໃນການບັນລຸຈຸດປະສົງສິ່ງແວດລ້ອມ ແລະ ລະບົບການຄຸ້ມຄອງສິ່ງແວດລ້ອມ.

ຄວາມຮັບຜິດຊອບຫຼັກປະກອບມີ:

• ເຮັດສຳເລັດໜ້າວຽກປະຈຳວັນ ຫຼື ທຸກໆແຜນປະຕິບັດງານ ທີ່ຖືກມອບໝາຍຈາກສາຍລາຍງານ ຫົວໜ້າຄຸມງານ ບໍລິການ ດ້ານສິ່ງແວດລ້ອມ.
• ຄວບຄຸມດູແລ ແລະ ການບໍລິຫານດ້ານສິ່ງແວດລ້ອມໃຫ້ຖືກຕ້ອງກົງເວລາ ຕາມແຜນປະຈຳປີ (ບໍ່ຈຳກັດສະເພາະການດຳເນີນງານ ແຕ່ລວມເຖິງອຸປະກອນບໍລິການດ້ານສິ່ງແວດລ້ອມທີ່ປອດໄພ ແລະ ການຄຸ້ມຄອງຂັ້ນຕອນ LADR).
• ການກະກຽມບົດລາຍງານຄວາມຄືບໜ້າປະຈຳອາທິດ ແລະ ປະຈຳເດືອນ: ຂະບວນການ LADR / ການເຂົ້າເຖິງທີ່ດິນ, ການຟື້ນຟູບໍ່ແຮ່ / ການຈັດການກັບສິ່ງເສດເຫຼືອ, ການດູແລ ຮັກສາສວນກ້າເບ້ຍ, ອຸປະກອນ / ເຄື່ອງມື, ແຜນວຽກຫຼັກ / ແຜນວຽກສຳຮອງ ຂອງໜ່ວຍງານສິ່ງແວດລ້ອມ).
• ສະໜັບສະໜູນ ແລະ ຊ່ວຍເຫຼືອໃນການກະກຽມແຜນດຳເນີນງານປະຈຳປີເຊັ່ນ: LADR, ແຜນຄຸ້ມຄອງສິ່ງເສດເຫຼືອ ແລະ ແຜນການຟື້ນຟູ.
• ຮັບປະກັນວ່າການດຳເນີນງານແມ່ນປະຕິບັດຕາມ ມາດຕະຖານການດຳເນີນງານ / ຄູ່ມືທີ່ມີໃຫ້ ແລະ ມີການຈັດຫາທີ່ພຽງພໍໃຫ້ກັບໜ້າວຽກ ແລະ ທີມງານ.
• ການຮັກສາສະພາບແວດລ້ອມ ການເຮັດວຽກທີ່ມີປະສິດທິຜົນ ໃຫ້ໄດ້ມາດຕະຖານສູງ, ມີຄວາມເຂົ້າໃຈດ້ານວັດທະນະທຳ ແລະ ຊອກຫາໂອກາດໃນການປັບປຸງ.

ຄຸນວຸດທິ, ທັກສະ ແລະ ປະສົບການ:

• ຈົບລະດັບມະຫາວິທະຍາໄລ ຫຼື ມີໃບຢັ້ງຢືນລະດັບວິຊາການ (ແມ່ນຈະພິຈາລະນາພິເສດ).
• ມີຄວາມຮຸ້້ດ້ານGIS, ການບໍລິຫານຖານຂໍ້ມູນ, ໄດ້ຜ່ານການຝຶກອົບຮົມວຽກງານການຟື້ນຟູ ຫຼື ວຽກທີ່ຄ້າຍຄືກັນ.
• ປະສົບການ 3 ປີຂຶ້ນໄປ ທີ່ເຮັດວຽກໃນຂະແໜງອຸດສະຫະກຳບໍ່ແຮ່ ລວມເຖິງ GIS, ການບໍລິຫານສິ່ງເສດເຫຼືອ, ມີປະສົບການໃນການຟື້ນຟູສະໜາມ ຂອງບໍ່ແຮ່.
• ມີທັກສະນຳໃຊ້ຄອມພິວເຕີໄດ້ດີ Microsoft Word/Excel and PowerPoint.
• ມີຄວາມສາມາດໃນການບໍລິຫານພະນັກງານ, ສາມາດປະເມີນຄວາມສ່ຽງດ້ານສະພາບແວດລ້ອມ, ຮູ້ຈັກວາງແຜນໜ້າວຽກ ແລະ ສາມາດ ສື່ສານເປັນລາຍລັກອັກສອນ / ການເວົ້າ ດ້ານພາສາອັງກິດ.
• ມີໃບອະນຸຍາດຂັບຂີ່ລາວທີ່ຖືກຕ້ອງ.

ຂໍ້ສະເໜີດ້ານຄ່າຕອບແທນທີ່ໜ້າສົນໃຈ, ລວມທັງຄ່າຕອບແທນທີ່ຈູງໃຈອີງໃສ່ຜົນການປະຕິບັດງານ ແລະ ຜົນປະໂຫຍດອື່ນໆທີ່ຈະສະໜອງ ໃຫ້ໃນຕຳແໜ່ງນີ້. ນີ້ເປັນໂອກາດທີ່ດີ ໃນການ ເຂົ້າຮ່ວມໂຄງການ ຂຸດຄົ້ນບໍ່ແຮ່ລະດັບໂລກ ແລະ ປະກອບສ່ວນເຂົ້າໃນການ ພັດທະນາຢ່າງຕໍ່ເນື່ອງຂອງບໍລິສັດບໍ່ແຮ່ທີ່ໃຫຍ່ທີ່ສຸດ ແລະ ດີທີ່ສຸດໃນ ສປປ ລາວ.

ເພື່ອສະໝັກ ຕຳແໜ່ງນີ້, ກະລຸນາປະກອບຊີວະປະຫວັດຫຍໍ້, ຈົດໝາຍສະແດງເຈດຈຳນົງ ແລະ ຮູບຖ່າຍປັດຈຸບັນ ແລ້ວສົ່ງເຂົ້າທີ່ຢູ່ອີເມວ Recruitment@LXML.LA.  ກະລຸນາລະບຸ ຊື່ຕຳແໜ່ງ ທີ່ທ່ານສະໝັກຢ່າງຈະແຈ້ງ ໃນຫົວຂໍ້ອີເມວ ສະໝັກຕຳແໜ່ງ(ຊື່ຕຳແໜ່ງ), (ຊື່ ແລະ ນາມສະກຸນ ຂອງຜູ້ສະໝັກ) ກ່ອນມື້ປິດຮັບສະໝັກໃນວັນທີ 28 ກຸມພາ 2023.

ມີພຽງແຕ່ຜູ້ສະໝັກທີ່ຖືກຄັດເລືອກເທົ່ານັ້ນ ທີ່ຈະໄດ້ຮັບການແຈ້ງເຕືອນ ເພື່ອເຂົ້າ ສຳພາດ ແລະ ທຸກໆຟອມສະໝັກທີ່ສົ່ງເຂົ້າມາ ແມ່ນຈະບໍ່ໄດ້ ສົ່ງຄືນ.

ບ້ານໂພນສີນວນ, ຕູ້ ປ.ນ 4486, ນະຄອນຫຼວງວຽງຈັນ, ສປປ ລາວ ໂທ: +856 21 268 200

ບ້ານນາເລົ່າ, ນະຄອນໄກສອນ, ແຂວງສະຫວັນນະເຂດ ໂທ:  +856 41 212 686