ບໍລິສັດ  ລ້ານຊ້າງ ມີເນໂຣນສ໌ ຈຳກັດ ດຳເນີນການຂຸດຄົ້ນ ບໍ່ຄຳ-ທອງ ເຊໂປນ, ຕັ້ງຢູ່ ເມືອງວິລະບູລີ, ແຂວງສະຫວັນນະເຂດ, ສປປ ລາວ. ພວກ​ເຮົາ​ໃຫ້​ຄຳ​ໝັ້ນ​ສັນ​ຍາ​ໃນ​ການ​ພັດ​ທະ​ນາ​ປະ​ເທດ​ລາວ​ໂດຍ​ຜ່ານ​ການ​ຜະ​ລິດຄຳ​ ແລະ​ ທອງ​, ພ້ອມດຽວກັນນັ້ນກໍພະຍາຍາມເຮັດໃຫ້ທຸລະກິດເປັນເລີດຕະຫຼອດການດຳເນີນທຸລະກິດ. ໃນປີ 2024, ແຜນການຜະລິດຄຳຂອງພວກເຮົາແມ່ນ 6,200 ກິໂລກຣາມ ແລະ ທອງແດງ 5,305 ໂຕນ.

ເພື່ອສະໜັບສະໜູນການດຳເນີນງານ, ພວກເຮົາກຳລັງຊອກຫາຜູ້ສະໝັກງານໃນຕໍາແໜ່ງ ຊ່າງຈອດຢາງ & ຈອດທໍ່ຢາງ ເພື່ອເຂົ້າມາຮ່ວມງານກັບພວກເຮົາ ແລະເປັນສວ່ນໜື່ງໃນການນໍາພາທີມງານໃຫ້ເຕີມໃຫຍ່ຂະຫຍາຍໂຕ ຢ່າງບໍ່ຢຸດຢັ້ງຕາມແຜນງານໃນອະນາຄົດ.

​ພາລະບົດບາດຂອງຊ່າງຈອດ ຢາງ ແລະ ທໍ່ຢາງ ແມ່ນຊ່ວຍໃຫ້ການຈອດຢາງໄດ້ຕາມມາດຕະຖານ ແລະ ການບໍາລຸງຮັກສາ (ການກວດກາ PM ຫຼື ແຜນການປ້ອງກັນ ແລະ ການແຕກຫັກ) ຂອງໂຮງງານໄດ້ຖືກປະຕິບັດຢ່າງປອດໄພ ແລະ ທັນເວລາເພື່ອຮັບປະກັນຄວາມພ້ອມຂອງໂຮງງານ, ເປົ້າໝາຍຂະບວນການ, ງົບປະມານ ແລະ ບັນລຸເປົ້າໝາຍຂອງບໍລິສັດໄດ້ໃນແຕ່ລະວັນ.

ຄວາມຮັບຜິດຊອບຫຼັກປະກອບມີ:

• ປະເມີນຄວາມສ່ຽງໃນໜ້າວຽກ ແລະ ລາຍງານສິ່ງທີເປັນອັນຕະລາຍ.
• ອ່ານແບບ ແລະ ຮູ້ຈັກການວັດແທກ.
• ເຊື່ອມ-ຈອດທໍ່ດຳ, ຈອດແຜ່ນຢາງ ແລະ ໂລຫະ.
• ຕິດຢາງໄດ້ ຫລື ສ້ອມແປງ.
• ນຳໃຊ້ເຄື່ອງເປົ່າຄວາມຮ້ອນ, ເຄື່ອງຜົ່ນຊາຍ, ຫີນເຈຍຢາງ, ກາວຕິດຢາງ, ສະຫວ່ານເຈາະ, ເຄື່ອງມືພື້ນຖານ, ສີຊະນິດຕ່າງໆ

ຄຸນວຸດທິ, ທັກສະ ແລະ ປະສົບການ:

• ມີໃບຢັ້ງຢືນການຝຶກອົບຮົມ ຫຼື ປະສົບການທີ່ກ່ຽວຂ້ອງ.
• ໃບຂັບຂີ່ລົດເບົາຈະພິຈາລະນາເປັນພິເສດ.
• ມີປະສົບການເຮັດວຽກທີ່ກ່ຽວຂ້ອງຢ່າງໜ້ອຍ 1-2 ປີ.
• ສາມາດເຮັດວຽກເປັນທີມໄດ້.

ຂໍ້ສະເໜີດ້ານ​ຄ່າ​ຕອບ​ແທນທີ່ໜ້າສົນໃຈ, ລວມທັງຄ່າ​ຕອບ​ແທນທີ່​ຈູງ​ໃຈ​ອີງໃສ່ຜົນການປະຕິບັດງານ ແລະ ຜົນປະໂຫຍດອື່ນໆທີ່​ຈະ​ສະ​ໜອງ​ ໃຫ້ໃນຕຳແໜ່ງນີ້. ນີ້ເປັນໂອກາດທີ່ດີ ໃນ​ການ ເຂົ້າຮ່ວມໂຄງ​ການ ຂຸດຄົ້ນບໍ່ແຮ່ລະດັບໂລກ ແລະ ປະກອບສ່ວນເຂົ້າໃນການ ພັດທະນາຢ່າງຕໍ່ເນື່ອງຂອງບໍລິສັດບໍ່ແຮ່ທີ່ໃຫຍ່ທີ່ສຸດ ແລະ ດີທີ່ສຸດໃນ ສປປ ລາວ.

ເພື່ອສະໝັກ​ ຕຳແໜ່ງນີ້, ກະລຸນາປະ​ກອບຊີວະປະຫວັດຫຍໍ້, ຈົດໝາຍ​ສະ​ແດງ​ເຈດ​ຈຳ​ນົງ ແລະ ​ສົ່ງເຂົ້າທີ່​ຢູ່​ອີ​ເມວ Recruitment@LXML.LA.  ກະ​ລຸ​ນາລະບຸ ຊື່ຕຳແໜ່ງ ທີ່ທ່ານສະໝັກຢ່າງຈະແຈ້ງ ໃນຫົວຂໍ້ອີເມວ ສະ​ໝັກ​ຕຳ​ແໜ່ງ(​ຊື່ຕຳ​ແໜ່ງ), (​ຊື່ ແລະ ນາມ​ສະ​​ກຸນ ຂອງຜູ້​ສະ​ໝັກ) ກ່ອນ​ມື້ປິດຮັບສະໝັກໃນ​ວັນ​ທີ 19 ກໍລະກົດ 2024.

ມີພຽງແຕ່ຜູ້ສະໝັກທີ່ຖືກຄັດເລືອກເທົ່ານັ້ນ ທີ່ຈະໄດ້ຮັບການແຈ້ງເຕືອນ ເພື່ອ​ເຂົ້າ ສຳພາດ ແລະ ທຸກໆຟອມສະໝັກ​ທີ່​ສົ່ງ​ເຂົ້າ​ມາ ​ແມ່ນຈະບໍ່ໄດ້ ສົ່ງຄືນ.

 ບ້ານໂພນສີນວນ, ຕູ້ ປ.ນ 4486, ນະຄອນຫຼວງວຽງຈັນ, ສປປ ລາວ ໂທ: +856 21 268 200, ບ້ານນາເລົ່າ, ນະຄອນໄກສອນ, ແຂວງສະຫວັນນະເຂດ ໂທ:  +856 41 212 686